ຫົວ​ຂໍ້ : ຍົກລະດັບວຽກຄຸ້ມຄອງວັດທະນະທຳ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 28/01/2020 09:19:53 ຈຳ​ນວນ​ຜູ້​ເຂົ້າ​ຢ້ຽມ​ຊົມ 922 ຄັ້ງ

ສະ​ຖາ​ບັນ​ສື່​ມວນ​ຊົນ, ວັດ​ທະ​ນະ​ທໍາ ແລະ ທ່ອງ​ທ່ຽວ (ສສວທ) ກະຊວງ ຖະແຫຼງຂ່າວ ວັດທະນະທຳ ແລະ ທ່ອງ​ທຽ່ວ  (ຖວທ) ໄດ້​ເປີດ​ຊຸດ​ອົບຮົມ ພາຍ​ໃຕ້​ຫົວຂໍ້ “ວຽກ​ງານ​ຄຸ້ມ​ຄອງ​ວັດ​ທະ​ນະ​ທໍາ” ໃຫ້​ແກ່​ພະນັກງານ​ວິຊາການ​ທີ່​ເຮັດ​ວຽກຄຸ້ມ​ຄອງ​ວັດ​ທະ​ນະ​ທໍາ ອ້ອມ​ຂ້າງ​ສູນ​ກາງ ແລະ ບັນດາ​ແຂວງ​ທົ່ວ​ປະເທດ ຂຶ້ນ​ໃນ​ວັນ​ທີ 27 ມັງກອນ​ນີ້ ທີ່​ສະ​ຖາ​ບັນ​ດັ່ງກ່າວ ພາຍ​ໃຕ້​ການ​ເປັນ​ປະທານ​ຂອງທ່ານ ວິໄລ​ທອງ ສີ​ຊາ​ນົນ ຫົວໜ້າ​ສະ​ຖາ​ບັນ​ສື່​ມວນ​ຊົນ, ວັດ​ທະ​ນະ​ທໍາ ແລະ ທ່ອງ​ທ່ຽວ ຊຶ່ງ​ມີ​ບັນດານັກ ​ສໍາ​ມະ​ນາ​ກອນ 36 ທ່ານ ເຂົ້າ​ ຮ່ວມ.
ທ່ານ ຄໍາ​ຫຼ້າ ຍອຍ​ສາຍ​ຄໍາ ຮອງ​ຫົວໜ້າ ສສວທ ໄດ້​ກ່າວ​ວ່າ: ​ຊຸດ​ຝຶກ​ອົບຮົມ​ຄັ້ງນີ້ ນັກ​ສໍາ​ມະ​ນາ​ກອນຈະ​ໄດ້​ອົບຮົມ​ຍົກ​ລະດັບ​ປະກອບ​ມີ 9 ຫົວຂໍ້​ຄື: 1. ເຊື່ອມ​ສໍາ​ພັນວັດ​ທະ​ນະ​ທໍາ​ລາວ​-​ຈີນ, 2. ຄຸ້ມ​ຄອງ ແລະ ພັດທະນາ​ຮູບເງົາ​ລາວ, 3. ການ​ຄຸ້ມ​ຄອງ ງານ​ບຸນ​ປະເພນີ​ລາວ, 4. ຄຸ້ມ​ຄອງ ແລະ ພັດທະນາ ວິຈິດ​ສິນ​ລາວ, 5.ຄຸ້ມ​ຄອງ ມໍລະດົກ​ສະຖານ, 6. ຄຸ້ມ​ຄອງ​ວຽກ​ງານ​ພິມ​ຈໍາ​ໜ່າຍ, 7. ຄຸ້ມ​ຄອງ ແລະ ສົ່ງເສີມ​ສິລະ​ປະ ການສະແດງ, 8. ວັດ​ທະ​ນະ​ທໍາ ເພື່ອ​ການທ່ອງທ່ຽວ ແລະ 9. ການ​ສ້າງ​ຄົນ ຄອບຄົວ ແລະ ບ້ານ​ວັດ​ທະ​ນະ​ທໍາ. ຈຸດປະສົງ​ແນໃສ່​ເພື່ອ​ຍົກ​ສູງ​ຂີດ​ຄວາມ​ສາມາດ​ການເຄື່ອນໄຫວ ວັດ ທະ​ນະ​ທໍາ ໃຫ້​ໄດ້​ດີ​ຍິ່ງ​ຂຶ້ນ​ໃຫ້​ສົມ​ຄູ່​ກັບ​ໜ້າທີ່​ພາລະ​ບົດບາດ​ໃນ​ການ​ປົກ​ປັກ​ຮັກສາ, ເສີມ ຂະຫຍາຍ ແລະ ​ພັດທະນາໃນ​ ຂົງເຂດ​ການເຄື່ອນໄຫວ​ວຽກ​ ງານ​ວັດ​ທະ​ນະ​ທໍາ, ຕອບ​ສະ ໜອງ​ບຸກ​ຄະລາ​ກອນ​ໃນ​ການ​ພັດທະນາ​ປະເທດ​ຊາດ​ໃຫ້​ຈະ ເລີນ​ກ້າວ​ໜ້າ. ສໍາ​ລັບ​ການ​ພັດ ທະນາ​ວຽກ​ງານ​ວັດ​ທະ​ນະ​ທຳ​ກໍ​ມີ​ຄວາມ​ຈໍາ​ເປັນຕ້ອງ​ມີບຸກຄະ  ລາ​ກອນ​ທີ່​ມີ​ຄວາມ​ຮູ້​ຄວາມ​ສາ ມາດ ​ແລະ​ ປະສົບ​ການສູງ​ ທີ່​ແນ່​ນອນ. ຊຸດ​ຝຶກ​ອົບຮົມ​ແມ່ນຈະ​ດໍາ​ເນີນ​ເປັນ​ເວລາ 5 ວັນ (27-31 ມັງກອນ 2020) ຈຶ່ງ​ຈະ​ສໍາ​ເລັດ.
(ຂ່າວ: ຍຸ​ພິນ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110