ຫົວ​ຂໍ້ : ແຫຼ່ງໄຫຫີນ ແຂວງຊຽງຂວາງ-ທ່ົງໄຫຫີນ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 28/01/2020 09:25:43 ຈຳ​ນວນ​ຜູ້​ເຂົ້າ​ຢ້ຽມ​ຊົມ 1347 ຄັ້ງ

1. ຄວາມ​ໝາຍ​ຄວາມ​ສໍາ​ຄັນ
ໄຫ​ຫີນ​ທີ່​ມີ​ລັກສະນະ​ເປັນ​ຮູບ​ທໍ່​ຫຼາຍ​ກວ່າ 2.100 ໜ່ວຍ ເຄີຍ​ນໍາໃຊ້ເຂົ້າໃນພິທີຊາ ປະນະກິດ​ສົບ​ໃນ​ຍຸກ​ເຫຼັກ ຊຶ່ງ​ໄດ້​ຖືກ​ເອີ້ນ​ວ່າ​ ‘‘ທົ່ງ​ໄຫ​ຫີນ’’ ໃນ​ຈໍາ​ນວນ 15 ອົງ​ປະກອບ​ຂອງ​ແຫຼ່ງ​ມໍລະດົກ​ນີ້  ປະກອບ​ມີ​ໄຫ​ຫີນ​ທີ່​ຖືກ​ຄວັດ​ເຈາະຈໍາ​ນວນ 1.325 ໜ່ວຍ, ແຜ່ນ​ຫີນ​ຈໍາ​ນວນ​ໜຶ່ງ (ອາດ​ຈະ​ເປັນ​ຝາ​ປິດ​ໄຫ​ຫີນ), ສະຖານທີ່​ຊາ​ປະ​ນະ​ກິດ​ສົບ​ຄັ້ງ​ທີສອງ,   ກ້ອນຫີນໝາຍ​ຂຸມ​ສົບ, ແຫຼ່ງ​ຕັດ​ຫີນ, ແຫຼ່ງ​ຜະ ລິດ, ສິ່ງ​ຂອງ​ເຄື່ອງໃຊ້ໃນຂຸມ​ສົບ ແລະ ອົງ​ປະກອບ​ອື່ນໆ. ທີ່​ ຕັ້ງ​ຂອງ​ແຫຼ່ງໄຫ​ຫີນ​ແມ່ນຕັ້ງຢູ່​ ຕາມ​ເປີ້ນພູ ແລະ ສັນພູອ້ອມ ຮອບໃຈກາງຂອງພູພຽງ,  ບັນດາ​ໄຫ​ຫີນ​ແມ່ນ​ມີ​ຂະໜາດ​ໃຫຍ່, ຖືກ​ຄວັດເຈາະ​ເປັນຢ່າງດີ, ຕ້ອງ​ໄດ້​ນໍາ​ໃຊ້ຄວາມຊໍານານສູງ ​ໃນ​ການ​ຜະລິດ ແລະ ການເຄື່ອນ​ ຍ້າຍ​ຈາກແຫຼ່ງຕັດຫີນ​ໄປ​ແຫຼ່ງຊາ ​ປະ​ນະກິດ​ສົບ,  ບັນດາ​ໄຫ​ຫີນ ແລະ  ອົງ​ປະກອບ​ອື່ນໆ​ນັ້ນ​ແມ່ນ​ຫຼັກ​ຖານ​ອັນ​ໂດດເດັ່ນຂອງການ​ ສ້າງ ແລະ ນໍາ​ໃຊ້ທີ່ສະແດງ ໃຫ້ເຫັນ​ເຖິງ​ຄວາມ​​ຈະເລີນຮຸ່ງ ເຮືອງ​ຂອງ​ຍຸກ​ເຫຼັກ​ທີ່​ຍັງ​ຖືກ​ຮັບ​ຮູ້ໜ້ອຍ​ຫຼາຍ. ແຫຼ່ງ​ໄຫ​ຫີນ​ເຫຼົ່າ​ນີ້​ມີ​ອາຍຸ​ລະຫວ່າງ 500 ປີ ກ່ອນ ​ຄສ ເຖິງ 500 ປີ ຫຼັງ​ຄສ (ອາດ​ຈະ​ຮອດ 800 ປີ ຫຼັງ​ ຄສ). ບັນດາ​ໄຫ​ຫີນ ແລະ ອົງ​ ປະກອບ​ທາງບູຮານວິທະຍາ ອື່ນໆແມ່ນຫຼັກ​ຖານທີ່ສະແດງ​ໃຫ້​ເຫັນ​ເຖິງ​ການ​ປະຕິບັດ​ສືບ​ທອດ​ກັນ​ມາ​ຂອງ​ວັດ​ທະ​ນະທໍາ ​ບູຮານ,  ລວມເຖິງຄວາມກ່ຽວ ພັນຂອງ​ຊົນຊັ້ນ​ທາງ​ສັງ​ຄົມ.   ທົ່ງ​ໄຫ​ຫີນ​ຍັງຕັ້ງຢູ່ຈຸດຕັດ​ກັນ​ຂອງ​ເສັ້ນທາງປະຫວັດສາດ​ຂອງ​ສອງ​ລະບົບວັດ​ທະ​ນະ​ທໍາ​ທີ່​ໃຫຍ່​ ໃນ​ຍຸກເຫຼັກໃນອາຊີຕາ ເວັນ​ອອກ​ສ່ຽງໃຕ້-ລະບົບແມ່​ນ້ໍາ​ມູນ-ແມ່​ຂອງ ແລະ ລະບົບ ແມ່​ນ້ໍາ​ແດງ/ອ່າວ​ຕົງແກງ, ເນື່ອງ ຈາກ​ວ່າຂົງເຂດນີ້​ເປັນບ່ອນທີ່​ມີ​ສິ່ງ​ອໍາ​ນວຍ​ຄວາມສະດວກໃຫ້​ ມີ​ການ​ເຄື່ອນ​ຍ້າຍ​ໃນ​ພາກ​ ພື້ນ, ເຮັດ​ໃຫ້ເກີດ​ມີ​ການ​ຄ້າຂາຍ ແລະ ການ​ແລກປ່ຽນວັດທະນະ ​ທໍາ ພ້ອມ​ນັ້ນ, ບັນດາ​ແຫຼ່ງໄຫ ຫີນຍັງ​ຖືກ​ຖື​ວ່າ​ເປັນ​ສ່ວນ​ໜຶ່ງທີ່ ພົວພັນ​ເຖິງ​ການ​ຄົມມະນາຄົມ​ທາງ​ບົກ.
ໃນ​ຈໍາ​ນວນ 15 ອົງ​ປະກອບ ​ຂອງ​ບັນດາ​ແຫຼ່ງ​ໄຫ​ຫີນ​ແຂວງ​ຊຽງ​ຂວາງ-ທົ່ງ​ໄຫ​ຫີນແມ່ນ​ປະ ກອບ​ມີ 5 ແຫຼ່ງ​ໄຫຫີນ​ໃຫຍ່ຄື: ແຫຼ່ງ​ໄຫ​ຫີນ 1, 2  ແລະ 3 (ຊຶ່ງ ​ເປັນ​ບັນດາ​ແຫຼ່ງ​ທີ່​ດຶງດູດນັກ​ ທ່ອງ​ທ່ຽວ​ຈໍາ​ນວນ​ຫຼາຍ​ໃນ​ປັດ ຈຸບັນ)  ລວມ​ທັງແຫຼ່ງ​ໄຫ​ຫີນ 42 ແລະ 52. ແຫຼ່ງ​ໄຫ​ຫີນ 23, 25 ແລະ 28 ແມ່ນ​ແຫຼ່ງ​ໄຫ​ຫີນນ້ອຍ ທີ່​ຖືກ​ເລືອກ​ດ້ວຍເຫດຜົນ​ທີ່ມີ ຄວາມ​ສໍາ​ຄັນ​ທາງ​ດ້ານ​ຫຼັກ​ຖານ​ບູຮານ​ຄະດີກ່ຽວ​ກັບ​ການ​ປະຕິ ບັດ​ການ​ຊາ​ປະ​ນະກິດ​ສົບ. ສ່ວນ​ອີກ 3 ແຫຼ່ງ​ແມ່ນ​ຖືກເລືອກ​ດ້ວຍ​ເຫດຜົນ​ທີ່​ເປັນ​ຕົວ​ແທນ​ໃຫ້​ແກ່​ແຫຼ່ງ​ຕັດ​ຫີນ ແລະ ແຫຼ່ງ​ຜະລິດ​ໄຫ​ຫີນ (ແຫຼ່ງ​ໄຫ​ຫີນ 8, 21 ແລະ 12 ຕາມລໍາ​ດັບ).

 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110