ຫົວ​ຂໍ້ : ວິທະຍາໄລຄູ ສາລະວັນ ຮັບນາມມະຍົດເປັນວິທະຍາໄລປອດສ່ິງເສບຕິດ ປະຈຳປີ 2019

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 28/01/2020 09:28:26 ຈຳ​ນວນ​ຜູ້​ເຂົ້າ​ຢ້ຽມ​ຊົມ 879 ຄັ້ງ

 

ພິທີ​ປະກາດ​ວິທະຍາໄລ​ຄູ​ສາລະ​ວັນ ເປັນ​ວິທະຍາໄລ​ປອດ​ສິ່ງ​ເສບ​ຕິດ ປະຈຳ​ສົກຮຽນ 2018-2019 ໄດ້​ຈັດ​ຂຶ້ນເມື່ອບໍ່​ດົນ​ຜ່ານມາ  ຢູ່​​ວິທະ​ຍາ​ໄລ​ຄູ​ສາ ລະ​ວັນ ແຂວງສາລະວັນ ໃຫ້​ກຽດ​ເຂົ້າ​ຮ່ວມ​ເປັນປະທານໂດຍ ທ່ານ ຄໍາ​ອອນ ສີ​ປະເສີດ ຮອງ​ຫົວໜ້າ​ພະ​ແນ​ກ​ສຶກສາ​ທິ​ການ ແລະ ກິລາ​ແຂວງ, ທ່ານ ນາງ ພູ​ວຽງ ອິນ​ທະ​ສອນ ຄະນະ​ພັກ​ຮາກ​ຖານ  ຮອງ​ຜູ້ອຳນວຍການ​ວິທະຍາໄລ​ຄູ​ສາລະ​ວັນ, ມີ​ຫ້ອງ ການ​ສຶກສາ​ເມືອງ,  ພະ​ແນ​ກ​ຄວບ​ຄຸມ ແລະ ສະກັດ​ກັ້ນ​ສິ່ງ​ເສບ​ຕິດ  ພ້ອມ​ດ້ວຍ​ຄູ​-ອາຈານ ແລະ​ ນັກ​ສຶກສາ​ເຂົ້າ​ຮ່ວມ.
ທ່ານ  ນາງ  ມະ​ໄລ​ທອງ  ພິມ​ມະ​ສານ   ຮັກສາ​ການ​ຫົວໜ້າ​ຫ້ອງການ​ກິດຈະການ​ນັກ​ສຶກ ສາໄດ້​ລາຍ​ງານ​ການຈັດຕັ້ງ​ປະ ຕິບັດ​ການ​ສ້າງ​ສະ​ຖາ​ບັນ​ການ​ສຶກສາ​ປອດ​ສິ່ງ​ເສບ​ຕິດ​ພາຍ​ໃນ​ວິທະຍາໄລ​ຄູ​ສາລະ​ວັນ ປະຈຳ​ສົກຮຽນ 2018-2019 ຕະຫຼອດ​ໄລຍະ​ຜ່ານ​ມາ:   ວິທະຍາໄລ​ຄູ​ສາລະ​ວັນໄດ້​ຖື​ເອົາ​ວຽກ​ງານ​ການ​ຕ້ານ  ແລະ  ສະກັດ​ກັ້ນ​ສິ່ງ​ເສບ​ຕິດ​ເປັນ​ວຽກ​ງານ​ໜຶ່ງ​ທີ່​ສຳ ຄັນ ເພື່ອ​ສ້າງ​ໃຫ້​ວິທະຍາໄລ​ຄູ​ສາລະ​ວັນ​ເປັນ​ສະ​ຖາ​ບັນ​ການ​ສຶກສາ​ປອດ​ສິ່ງ​ເສບ​ຕິດ ໂດຍຕິດ ​ພັນ​ກັບ 3 ຂໍ້​ແຂ່ງຂັນຂອງ​ກະ ຊວງ​ສຶກສາທິການ ແລະ ກິລາ​ວາງ​ອອກ ແລະ 5 ຫຼັກມູນຂອງ​ ການ​ສຶກສາ   ພ້ອມ​ນັ້ນໄດ້​ຮ່ວມ​ກັບ​ພະ​ແນ​ກ​ຄວບ​ຄຸມ   ແລະ ສະ ກັດ​ກັ້ນ​ສິ່ງເສບຕິດຈັດກອງປະ ຊຸມ​ເຜີຍແຜ່​ຜັນຂະຫຍາຍ​ແນວ ທາງ, ມະຕິ, ຄໍາ​ສັ່ງ​ຂອງ​ຂັ້ນເທິງ ວ່າ​ດ້ວຍການ​ເພີ່ມທະວີ ແລະ ສະກັດກັ້ນຕ້ານຢາເສບຕິດ ແລະ ແກ້​ໄຂ​ປະກົດການຫຍໍ້ທໍ້​ໃນ​ສັງຄົມໃຫ້​ແກ່​ພະນັກງານ, ຄູ-​ອາຈານ ແລະ ນັກສຶກສາ ຊຶ່ງ​ ມີ​ຜູ້​ເຂົ້າ​ຮ່ວມ​ທັງ​ໝົດ 267 ຄົນ, ຍິງ 158 ຄົນ, ພະນັກງານ, ຄູ​- ອາຈານ 12 ຄົນ, ຍິງ 8 ຄົນ. ຈາກ​ນັ້ນ, ທາງ​ຄະນະຮັບຜິດຊອບ ແລະ ວິຊາ​ການ​ຈາກ​ພະ​ແນ​ກ​ຄວບ​ຄຸມ​ສິ່ງ​ເສບ​ຕິດ ໄດ້​ດຳເນີນ​ກວດ​ປັດ​ສະ​ວະ​ນັກ​ສຶກສາ​ທີ່​ເປັນ​ກຸ່ມ​ເປົ້າ​ໝາຍຈຳນວນ 75 ຄົນ, ຍິງ 5 ຄົນ ແມ່ນ​ບໍ່​ພົບ​ປັດ​ສະ​ວະສີ​ມ້ວງ.
ຈາກ​ນັ້ນ, ໃນ​ພິທີ​ກໍໄດ້​ມອບ​ໃບຢັ້ງຢືນ​ໃຫ້​ວິທະຍາໄລ​ຄູສາ ລະ​ວັນ​ປອດ​ຢາ​ເສບ​ຕິດຂອງກົມ​ ພະລະ ແລະ ສິລະ​ປະ​ສຶກສາ ແລະ ເປີດ​ປ້າຍ​ລັ່ນຄ້ອງປະກາດ ​ວິທະຍາໄລ​ຄູ​ສາລະ​ວັນເປັນ​ວິ ທະຍາໄລ​ປອດ​ສິ່ງ​ເສບ​ຕິດ​ຢ່າງ​ເປັນ​ທາງ​ການ.  (ພາບ​-​ຂ່າວ:  ທິດ​ລາ​ນີ ໂຄດໂຍ​ທາ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110