ຫົວ​ຂໍ້ : ຜູ້ປະສົບໄພພິບັດຢູ່ເມືອງສະໜາມໄຊ 147 ຄົນ ໄດ້ສຳເລັດ ການອົບຮົມສີມືແຮງງານ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 28/01/2020 09:29:44 ຈຳ​ນວນ​ຜູ້​ເຂົ້າ​ຢ້ຽມ​ຊົມ 821 ຄັ້ງ

ແຂວງ​ອັດ​ຕະ​ປືໄດ້​ສໍາ​ເລັດ​ການ​ຈັດ​ຊຸດ​ອົບຮົມ ແລະ ທົດ​ສອບ​ວຽກ​ພັດທະນາ​ສີມືແຮງງານ ​ໃຫ້​ຜູ້​ປະສົບໄພພິບັດ​ຢູ່​ເມືອງສະ ໜາມ​ໄຊ ພາຍຫຼັງທີ່​ໄດ້​ດໍາ​ເນີນ​ມາ​ເປັນ​ເວລາ 5 ເດືອນ ແລະ ໄດ້​ສຳເລັດ​ຫວ່າງ​ແລ້ວນີ້  ທີ່ຮ້ານ ​ກາເຟ​ອາ​ນີ​ທາວ​ເວີ້ ເມືອງ​ສາມັກ ຄີ​ໄຊ ແຂວງ​ອັດ​ຕະ​ປື  ໂດຍ​ການ​ເຂົ້າ​ຮ່ວມ​ຂອງ​ທ່ານ   ພູ​ທອງ ພົມມະຈັນ  ຮອງ​ຫົວໜ້າ​ພະ​ແນ​ກ​ ແຮ​ງງານ  ແລະ  ສະ​ຫວັດ​ດີ​ການ​-​ສັງຄົມ  ແຂວງ​ອັດ​ຕະ​ປື, ທ່ານ ຮົງ​ ໂກ​ເບ  ຫົວໜ້າ​ແຜນ​ງານ​ສ້າງ​ຄວາມ​ເຂັ້ມແຂງ ​  ເພື່ອ​ຮັບມື​ກັບ​ສະພາບ​ດິນ​ຟ້າ​ອາກາດແບບ ​ປະສົມ​ປະສານ​ ແຂວງ​ອັດຕະປື ຕາງໜ້າ​ອົງການ​ກອຍ​ກາ  ປະ ຈຳ ສປປ ລາວ ພ້ອມ​ດ້ວຍພາກ ສ່ວນ​ທີ່​ກ່ຽວຂ້ອງ​ເຂົ້າ​ຮ່ວມ ໂດຍ ​ໄດ້​ຮັບ​ທຶນ​ສະໜັບສະໜູນຂອງ ​ອົງການ​ຮ່ວມ​ມື​ສາກົນສາທາ ລະນະ​ລັດ​ ເກົາຫຼີ ປະຈຳ​ລາວ.
 ຕະຫຼອດ​ໄລຍະ​ຂອງ​ການ​ຈັດ​ຊຸດ​ອົບຮົມສໍາ​ມະ​ນາ​ກອນ​ທັງ 147 ຄົນ,  ຍິງ 62 ຄົນ, ທີ່​ມາ​ຈາກ​ສູນ​ພັກຊົ່ວຄາວ​ຜູ້​ປະສົບ​ໄພ​ທັງ 5 ສູນ ໄດ້​ຮຽນ​ຮູ້​ບົດຮຽນ​ໃນ 7 ສາຂາ​ວິຊາ​ຄື: ສາຂາ​ປຸງ​ແຕ່ງອາຫານ, ສາຂາ​ຕິດຕັ້ງໄຟ ຟ້າ​ ໃນ​ອາຄານ, ສາຂາ​ຕັດຫຍິບ ​ເສື້ອ​ຜ້າ,  ສາຂາ​ຊ່າງ​ໄມ້​ເຟີນີເຈີ,  ສາຂາ​ສ້ອມແປງ​ລົດ​ຈັກ​-​ລົດໄຖ​ ນາ,  ວິທີ​ປູກ​ເຫັດ ແລະ ວິທີ​ລ້ຽງ​ ປາ.  ຜ່ານ​ການ​ອົບຮົມ ແລະ ທົບ​ ສອບຄວາມ​ສາມາດປະເມີນ ຜົນໄດ້​ ໃນ​ລະດັບ​ດີ​ທັງ​ໝົດ. ທ່ານ ພູ​ທອງ ພົມມະຈັນ ​ໄດ້​ກ່າວ​ມີ​ຄໍາ​ເຫັນ​ວ່າ:  ການຈັດຊຸດ​ ອົບຮົມ ແລະ ທົດ​ສອບວຽກ​ພັດ ທະນາສີມືແຮງ​ງານ​ໃຫ້ຜູ້​ປະສົບ​ໄພພິບັດ​ຢູ່​ເມືອງ​ສະໜາມໄຊ ຄັ້ງ​ນີ້ກໍເພື່ອ​ເຮັດ​ໃຫ້​ຊາວ​ໜຸ່ມ ​ໄວ​ໜຸ່ມທີ່​ປະສົບ​ໄພພິບັດ​ຢູ່​ເມືອງ​ສະໜາມ​ໄຊ  ມີ​ວຽກ​ເຮັດ​ງານ​ທຳ, ສ້າງ​ຄວາມ​ເຂັ້ມແຂງ​ໃຫ້​ຕົນ​ເອງ ກໍຄື​ຄອບຄົວ​ໃຫ້ພົ້ນ​ ອອກ​ຈາກ​ຄວາມທຸກ​ຍາກ​ເທື່ອ​ລະ​ກ້າວ. ໃນ​ໂອກາດ​ດຽວ​ກັນ​ກໍໄດ້​ມອບ​ໃບຢັ້ງຢືນ​ໃຫ້​ແກ່​ນັກ​ສຳ​ມະ​ນາ​ກອນ ຈຳນວນ 147 ຄົນ. (ຂ່າວ-ພາບ: ວັດທະນາ ຫຼວງ​ອາ​ໄພ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110