ຫົວ​ຂໍ້ : ປະທານສະພາ ຕ້ອນຮັບຫົວໜ້າອົງການກວດສອບ ລັດເວຍ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 29/01/2020 09:07:46 ຈຳ​ນວນ​ຜູ້​ເຂົ້າ​ຢ້ຽມ​ຊົມ 646 ຄັ້ງ

  ທ່ານ ນາງ​ປານີ ຢາ​ທໍ່​ຕູ້ ປະທານ​ສະພາ​ແຫ່ງ​ຊາດ ໄດ້​ຕ້ອນຮັບ ທ່ານ ນາງ ເອວ​ລີ​ຕາ ກຣູ​ມີນາ ປະ​ທານ​ສໍາ​ນັກ​ງານ​ກວດ​ສອບ ແຫ່ງ​ສາທາລະນະ​ລັດ ລັດ​ເວຍ ພ້ອມ​ດ້ວຍ​ຄະນະ ເຂົ້າ​ຢ້ຽມ​ຂໍ່າ​ນັບ​ໃນ​ວັນ​ທີ 28 ມັງກອນ​ນີ້ ທີ່​ສະພາ​ແຫ່ງ​ຊາດ. ໃນ​ໂອກາດ​ທີ່​ໄດ້​ເດີນທາງ​ມາ​ຢ້ຽມຢາມ ແລະ ເຮັດ​ວຽກ​ຢູ່ ສປປ ລາວ ລະຫວ່າງ​ວັນ​ທີ   26-31 ມັງກອນ 2020.
  ໃນ​ໂອກາດ​ດັ່ງກ່າວ, ທ່ານ ນາງ ປານີ ຢາ​ທໍ່​ຕູ້, ໄດ້​ສະແດງ​ຄວາມ​ຍິນດີ​ຕ້ອນຮັບ ແລະ ຊົມເຊີຍ​ຕໍ່​ທ່ານ ນາງ ເອວ​ລີ​ຕາ ກຣູ​ມີນາ ພ້ອມ​ຄະນະ ທີ່​ໄດ້​ເດີນທາງ​ມາ​ຢ້ຽມ​ຢາມ​ສປປ ລາວ ແລະ ເຮັດ​ວຽກ​ຮ່ວມ​ກັບ​ອົງການ​ກວດ​ສອບ​ແຫ່ງ​ລັດ ແຫ່ງ ສປປ ລາວ​ໃນ​ຄັ້ງ​ນີ້  ຊຶ່ງ​ເປັນ​ການ​ປະກອບສ່ວນ​ອັນ​ສໍາ​ຄັນ​ເຂົ້າ​ໃນ​ການ​ເສີມ​ສ້າງ​ສາຍ​ພົວພັນ ມິດຕະພາບ ແລະ ການ​ຮ່ວມ​ມື ລະຫວ່າງ​ອົງການ​ກວດ​ສອບ​ແຫ່ງ​ລັດ ສປປ ລາວ ແລະ ອົງການ​ກວດ​ສອບ ສ. ລັດ​ເວຍ ໃຫ້​ໄດ້​ຮັບ​ການ​ພັດທະນາ​ຂຶ້ນ​ເລື້ອຍໆ ໂດຍ​ສະເພາະ​ການ​ຮ່ວມ​ມື​ໃນ​ຂົງເຂດ​ວຽກ​ງານ​ກວດ​ສອບ​ໃຫ້​ນັບ​ມື້​ນັບ​ເຂັ້ມແຂງ ມີ​ປະສິດ​ທິ​ຜົນ ຢ່າງ​ໜັກ​ແໜ້ນ​ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍ​ດ.   
  ພ້ອມ​ກັນ​ນັ້ນ, ທ່ານ ນາງ​ປານີ ຢາ​ທໍ່​ຕູ້, ຍັງ​ໄດ້​ສະແດງ​ຄວາມ​ຊົມເຊີຍ ແລະ ຕີ​ລາຄາ​ສູງ​ຕໍ່​ຜົນ​ການ​ພົບ​ປະ ລະຫວ່າງ ທ່ານ ນາງ ເອວ​ລີ​ຕາ ກຣູ​ມີນາ ແລະ ທ່ານ ນາງ​ວຽງ​ທອງ ສີ​ພັນ​ດອນ ປະທານ​ອົງການ​ກວດ​ ສອບ​ແຫ່ງ​ລັດ ສປປ ລາວ ແລະ ສະເໜີ​ໃຫ້​ທັງ​ສອງ​ຝ່າຍ​ສືບຕໍ່​ຈັດ​ຕັ້ງ​ຜັນ​ຂະຫຍາຍ​ເນື້ອ​ໃນ​ບົດ​ບັນທຶກ​ຄວາມ​ເຂົ້າໃຈ ແລະ ແຜນການ​ຮ່ວມ​ມື​ສອງ​ຝ່າຍ ທີ່​ໄດ້​ລົງ​ນາມ​ກັນ​ໃຫ້​ໄດ້​ຮັບ ໝາກຜົນ​ຍິ່ງໆ​ຂຶ້ນ  ຊຶ່ງ​ການ​ ພົບ​ ປະກັນສອງ​ຝ່າຍ​ໄດ້​ປຶກສາ ​ຫາລື ແລະ ແລກປ່ຽນ​ບົດຮຽນ ​ຊຶ່ງ​ກັນ ​ແລະ​ ກັນ ໃນ​ການ​ພັດ ທະນາ​ວຽກ​ງານ​ກວດ​ສອບໃຫ້​ມີ​ຄວາມ​ເຂັ້ມ​ແຂງ.
ຫົວໜ້າ​ອົງການ​ກວດສອບ ສ.ລັດ​ເວຍ ໄດ້​ສະແດງ​ຄວາມ​ຂອບ​ອົກ​ຂອບໃຈມາ​ຍັງ​ປະ ທານ​ ສະພາ​ແຫ່ງ​ຊາດ ທີ່​ໄດ້​ໃຫ້ການ​ຕ້ອນຮັບ​ອັນ​ອົບ​ອຸ່ນ​ໃນ​ຄັ້ງ​ນີ້.
(ຂ່າວ​-​ພາບ: ແສງ​ຈັນ)
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110