ຫົວ​ຂໍ້ : ຕວັກກີ ຈະໃຊ້ທຸກກຳລັງຄົ້ນຫາຜູ້ຍັງມີຊີວິດໃນເຫດແຜ່ນດິນໄຫວ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 29/01/2020 09:11:36 ຈຳ​ນວນ​ຜູ້​ເຂົ້າ​ຢ້ຽມ​ຊົມ 242 ຄັ້ງ

  ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ຈຳນວນ​ຜູ້​ເສຍ​ຊີວິດ​ໃນ​ເຫດ​ແຜ່ນດິນ​ໄຫວ ທີ່​ມີ​ຄວາມ​ແຮງ 6,8 ຣິກ​ເຕີ ຢູ່ ແຂວງ​ອີ​ລາ​ຊີ  ທາງ​ພາກ​ຕາເວັນ​ອອກ ຂອງ​ປະເທດ​ຕວັກ​ກີ ໃນ​ວັນ​ທີ 24 ມັງກອນ​ຜ່ານ​ມາ, ໄດ້​ເພີ່ມ​ຂຶ້ນ​ເຖິງ 22 ຄົນ ແລະ ມີ​ຜູ້​ໄດ້​ຮັບ​ບາດເຈັບ  1.000 ກ່​ວາ​ຄົນ.
  ຂ່າວ​ລະບຸ​ວ່າ: ກະຊວງ​ພາຍ​ໃນ​ຂອງ​ຕວັກ​ກີ ຄາດ​ຄະເນ​ວ່າ: ຍັງ​ມີ​ຄົນ​ທີ່​ຕິດ​ຄ້າງ​ຢູ່​ໃນ​ຊາກ​ຫັກ​ພັງ ແລະ ມີ​ຜູ້​ໄດ້​ຮັບ​ການ​ກູ້​ຊີບ 42 ຄົນ​ແລ້ວ. ໜ່ວຍ​ງານ​ກູ້​ຊີບ ພວມ​ປະຕິບັດ​ໜ້າທີ່​ທັງ​ເວັນ ແລະ​ຄືນ ເພື່ອ​ຊອກ​ຄົ້ນ​ຫາ​ຜູ້​ທີ່​ຕິດ​ຄ້າງ​ຢູ່​ໃນ​ຊາກ​ຫັກ​ພັງ ໃນ​ສະພາບ​ອາກາດ​ໜາວ​ລົບ 8 ອົງສາ C.
  ທ່ານ ຣິ​ເຊບ ໄທ​ຢິບ ເອີ​ໂດ​ການ ປະ​ທານາ​ທິ​ບໍດີ ຕວັກ​ກີ ໄດ້​ຍົກເລີກ​ບັນດາ​ແຜນການ​ຢູ່ ນະຄອນຫຼວງ​ອິ​ສ​ຕັນ​ບູນ ແລະ ໄປ​ຍັງ​ແຂວງ​ອີ​ລາ​ຊີ ເພື່ອ​ຕິດຕາມ​ກວດກາ ກິດຈະກຳ ການ​ກູ້​ຊີບ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110