ຫົວ​ຂໍ້ : ຣັດເຊຍ ຮຽກຮ້ອງໃຫ້ຈັດກອງປະຊຸມສຸດຍອດ 5 ປະເທດ ສະພາຄວາມໝັ້ນຄົງ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 29/01/2020 09:16:12 ຈຳ​ນວນ​ຜູ້​ເຂົ້າ​ຢ້ຽມ​ຊົມ 304 ຄັ້ງ

  ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ທ່ານ ວະ​ລາ​ດີ​ເມຍ ປູ​ຕິນ ປະທານາທິບໍດີ​ຣັດ​ເຊຍ ໄດ້​ຮຽກຮ້ອງ​ຈັດ​ກອງ​ປະຊຸມ​ສຸດ​ຍອດ 5 ປະເທດ​ກຳ ມະການ​ປະຈຳ​ສະພາ​ຄວາມ​ໝັ້ນຄົງ​ສະຫະ​ປະຊາຊາດ ເພື່ອ​ປຶກສາ​ຫາລື​ກ່ຽວ​ກັບ​ບັນດາ​ມາດ​ຕະການ​ປົກ​ປ້ອງ​ພື້ນຖານ​ສັນຕິພາບ​ຕໍ່ໜ້າ​ສະພາບ​ຂາດ​ສະຖຽນ​ລະ​ພາບ​ໃນ​ໂລກ.
  ຂ່າວ​ລະບຸ​ວ່າ: ວັນ​ທີ 23 ມັງກອນ​ຜ່ານ​ມາ, ໃນ​ພິທີ​ລະນຶກ 75 ປີ ແຫ່ງ​ວັນ​ປົດ​ປ່ອຍ​ຄ້າຍ​ເຕົ້າໂຮມ​ຊາວ​ຢິວ Auschwitz ຢູ່​ນະ​ຄອນ​​ເຢຣູ​ຊາ​ແລມ, ທ່ານ ປູ​ຕິນ ເນັ້ນ​ໜັກ​ວ່າ: ຍາມ​ໃດ​ໂລກ ກໍ່​ຕ້ອງ​ຈື່​ຈຳ​ວ່າ: ການ​ຂາດ​ຄວາມ​ສາມັກຄີ​ຕໍ່ໜ້າ​ບັນດາ​ໄພ​ນາບ​ຂູ່ ອາດ​ຈະ​ພາ​ໄປ​ເຖິງ​ຜົນ​ກະທົບ​ທີ່​ຮ້າຍ​ແຮງ. ການຈັດຕັ້ງ​ກອງ​ປະຊຸມ​ສຸດ​ຍອດ​ດັ່ງກ່າວ ຈະ​ແກ້​ໄຂ​ບັນດາ​ສິ່ງ​ທ້າ​ທາຍ ແລະ ໄພ​ນາບ​ຂູ່.
  ຂ່າວ​ລະບຸ​ວ່າ: ທ່ານ ນາງ​ຮວ້າ ຊູນ ຢີງ ໂຄສົກ​ກະຊວງ​ການ​ຕ່າງປະເທດ​ຈີນກ່າວ​ວ່າ ການ​ຈັດ​ກອງ​ປະຊຸມ​ສຸດ​ຍອດ ລະຫວ່າງ 5 ປະເທດ​ຖາວອນ​ສະພາ​ຄວາມ​ໝັ້ນຄົງ​ອົງການ​ສະຫະ​ປະຊາຊາດ ແມ່ນ​ໃຈກາງ​ຂອງ​ກົນ​ໄກ​ຄວາມ​ປອດ​ໄພ​ລວມ​ໝູ່​ສາກົນ, 5 ປະເທດ​ດັ່ງກ່າວ ມີໜ້າ​ທີ່​ພິເສດ​ຕໍ່​ການ​ປົກ​ປັກ​ຮັກສາ​ສັນຕິພາບ ແລະ ຄວາມ​ໝັ້ນຄົງ​ສາ​ກົນ. ຈີນ​ສະໜັບສະໜູນ​ຕໍ່​ຂໍ້​ລິ​ເລີ່ມ​ຂອງ​ຣັດ​ເຊຍ ກ່ຽວ​ກັບ​ການ​ຈັດ​ກອງ​ປະຊຸມ​ສຸດ​ຍອດ 5 ປະເທດ​ຖາວອນ​ຂອງ​ສະພາ​ຄວາມ​ໝັ້ນຄົງ​ອົງການ​ສະຫະ​ປະ​ຊາດ, ຍິນດີ​ຮ່ວມ​ກັນ​ກັບ ຣັດ​ເຊຍ ແລະ ປະເທດ​ຮັກສາ​ການ​ແລກປ່ຽນ ແລະ ການ​ປະສານ​ງານ​ກ່ຽວ​ກັບ​ເລື່ອງ​ນີ້.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110