ຫົວ​ຂໍ້ : ລັດຖະມົນຕີກະຊວງການຕ່າງປະເທດ ສຳເລັດການຢ້ຽມຢາມ ອາເມຣິກາ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 30/01/2020 08:57:04 ຈຳ​ນວນ​ຜູ້​ເຂົ້າ​ຢ້ຽມ​ຊົມ 641 ຄັ້ງ

  ໂດຍ​ຕອບ​ສະໜອງ​ຕາມ​ການ​ເຊື້ອ​ເຊີນ​ຂອງ​ທ່ານ ໄມ​ເຄີນ ຣີດ​ຈາດ ພອມ​ພຽວ ລັດ ຖະມົນຕີ​ກະຊວງ​ການ​ຕ່າງປະ ເທດ ສະຫະລັດອາ​ເມ​ຣິກາ, ທ່ານ ສະເຫຼີມ​ໄຊ ກົມ​ມະ​ສິດ ລັດຖະມົນຕີ​ກະຊວງ​ການ​ຕ່າງ ປະເທດ ແຫ່ງ ສປປ ລາວ ພ້ອມ​ດ້ວຍ​ຄະນະ ໄດ້​ເດີນທາງ​ໄປ​ຢ້ຽມຢາມສະຫະລັດອາ​ເມ​ຣິ​ກາ ຢ່າງ​ເປັນ​ທາງ​ການ​ໃນ​ລະຫວ່າງວັນ​ທີ 27-29 ມັງກອນ 2020 ເພື່ອ​ສົ່ງເສີມ​ການ​ພົວພັນ ແລະ ຮ່ວມມື​ສອງ​ຝ່າຍ ລະຫວ່າງ ສປປ ລາວ ແລະ ສະຫະລັດອາເມຣິກາໃຫ້​ຂະຫຍາຍຕົວ​ຍິ່ງໆ​ຂຶ້ນ  ແລະ ເພື່ອ​ຜັນ​ຂະຫຍາຍ​ການ​ເປັນ​ຄູ່​ຮ່ວມ​ມື​ແບບ​ກວມ​ລວມ ໂດຍ​ສະເພາະ​ເນື່ອງ​ໃນ​ໂອກາດ​ຄົບ ຮອບ 65 ປີ ແຫ່ງການ​ສ້າງຕັ້ງ​ສາຍ​ພົວພັນ​ການ​ທູດ ລະຫວ່າງ ສປປ ລາວ ແລະ ສະຫະລັດອາ​ເມ​ຣິ​ກາ ໃນ​ປີ 2020 ລວມ​ທັງ​ການ​ກະກຽມ​ກອງ​ປະຊຸມ​ສຸດ​ຍອດ​ສະໄໝ​ພິເສດ ອາ​ຊຽນ​-ອາ​ເມ​ຣິ​ກາ ໃນ​ຖານະ ສປປ ລາວ ເປັນ​ປະເທດ​ປະສານ​ງານອາ​ຊຽນ-​ສະຫະລັດອາ​ເມ​ຣິ​ກາ.
  ໃນ​ວັນ​ທີ 28 ມັງກອນ 2020, ທ່ານ ສະເຫຼີມ​ໄຊ ກົມ​ມະ​ສິດ ໄດ້​ພົບ​ປະ​ສອງ​ຝ່າຍ​ກັບທ່ານ ໄມ ພອມ​ພຽວ ລັດຖະ ມົນຕີ​ຕ່າງປະເທດ ສະຫະລັດ ອາເມຣິກາ.  ສອງ​ຝ່າຍໄດ້​ຕີ​ລາ ຄາ​ສູງ​ຕໍ່​ການ​ຮ່ວມ​ມື​ທີ່​ມີ​ໝາກ ຜົນ​ໃນ​ດ້ານ​ຕ່າງໆ ບົນ​ພື້ນຖານ​ແຫ່ງ​ການ​ເປັນ​ຄູ່​ຮ່ວມ​ມື​ແບບ​ກວມ​ລວມ ແລະ ໄດ້ປຶກສາ​ຫາ ລືທິດ​ທາງ​ການ​ຮ່ວມມື​ໃນ​ອະ​ນາຄົດ. ໃນ​ໂອກາດດຽວ​ກັນ​ນີ້, ທ່ານ ລັດຖະມົນຕີ​ຕ່າງ ປະເທດ ສປປ ລາວ ໄດ້​ຢືນຢັນ​ຄວາມ ມຸ້ງ​ໝັ້ນ​ຂອງ​ລັດຖະບານ ສປປ ລາວ ທີ່​ຈະ​ສືບຕໍ່​ໃຫ້ການ​ຮ່ວມ​ມື​ໃນ​ການ​ເສີມ​ຂະຫຍາຍ​ການ​ພົວພັນ ແລະ ຮ່ວມ​ມື​ສອງ​ຝ່າຍ​ໃຫ້​ເຂັ້ມແຂງ​ມີ​ປະສິດ​ທິ​ຜົນ​ຍິ່ງ​ຂຶ້ນ​ໃນ​ຕໍ່​ໜ້າ. 
  ທ່ານ​ລັດຖະມົນຕີ​ຕ່າງປະ ເທດ​ອາ​ເມ​ຣິ​ກາ ໄດ້​ຕີ​ລາຄາ​ສູງ ແລະ ຊົມເຊີຍ​ການ​ປະຕິບັດ​ບົດບາດ​ຂອງ ສປປ ລາວ ໃນ​ຖານະ​ເປັນ​ປະເທດ​ປະສານ​ງານອາ​ຊຽນ-​ອາ​ເມ​ຣິກາທີ່​ໄດ້​ປະກອບສ່ວນ​ກະກຽມ​ໃຫ້​ແກ່​ກອງ​ປະຊຸມ​ສຸດ​ຍອດ​ສະໄໝ​ພິ ເສດ ອາ​ຊຽນ​-ອາ​ເມ​ຣິ​ກາ ຊຶ່ງ​ຈະ​ຈັດ​ຂຶ້ນ​ໃນ​ເດືອນ​ມີນາ 2020 ທີ່ລັດ​ເວ​ກັດ ສະຫະລັດອາ​ເມ​ຣິ​ກາ. 
  ໃນ​ໂອກາດ​ການ​ຢ້ຽມຢາມ​ຄັ້ງ​ນີ້, ທ່ານ​ລັດຖະມົນຕີ​ຕ່າງ ປະເທດ ສປປ ລາວ ຍັງ​ໄດ້​ພົບ​ປະ​ກັບ​ຫຼາຍ​ພາກສ່ວນຂອງສະ ຫະລັດອາ​ເມ​ຣິ​ກາ ເຊັ່ນ: ສະມາ ຊິກ​ລັດ​ຖະ​ສະພາ; ຮອງ​ທີ່​ປຶກ ສາ​ດ້ານ​ຄວາມ​ໝັ້ນຄົງຂອງປະ ທານາທິບໍດີ;  ຜູ້​ຊ່ວຍ​ລັດຖະ ມົນຕີ​ຕ່າງປະເທດ​ຮັບຜິດຊອບ​ວຽກ​ງານ​ສົ່ງເສີມ​ການ​ເຕີບ​ໂຕ​ດ້ານ​ເສດຖະກິດ,  ພະລັງງານ ແລະ  ສິ່ງແວດລ້ອມ;  ຜູ້​ບໍລິຫານ​ອົງການ  USAID;  ຜູ້​ຊ່ວຍ​ຫ້ອງ ການ​ການ​ຄ້າ​ສະຫະລັດອາ​ເມ​ຣິ​ກາ ປະ​ຈໍາ​ຫ້ອງການປະທາ ນາທິບໍດີ (USTR) ກໍ​ຄືອົງ ການ​ຈັດ​ຕັ້ງ​ບໍ່​ສັງກັດ​ລັດ​ຖະບານ ​ຈໍາ​ນວນ​ໜຶ່ງ ຊຶ່ງ​ໃນ​ນັ້ນ​ກໍໄດ້ມີ​ ການ​ແລກ​ປ່ຽນ​ຄໍາ​ຄິດ​ຄໍາ​ເຫັນ​ກ່ຽວ​ກັບ​ການ​ຮ່ວມ​ມື ແລະ ຊ່ວຍ ເຫຼືອ​ຂອງ​ອາ​ເມ​ຣິ​ກາ​ແກ່ ສປປ ລາວ ໃນ​ຂະແໜງການ​ຕ່າງໆ ເປັນຕົ້ນ​ການ​ເກັບ​ກູ້​ລະເບີດທີ່​ ບໍ່​ທັນ​ແຕກ, ການ​ຄ້າ, ການ​ລົງ ທຶນ, ສາທາລະນະ​ສຸກ, ການ​ສຶກ ສາ ແລະ ອື່ນໆ.
  ການ​ພົບ​ປະ​ຕ່າງໆ​ດັ່ງກ່າວ ໄດ້​ດໍາ​ເນີນ​ໄປ​ດ້ວຍ​ບັນຍາກາດ​ອັນ​ສ້າງສັນ, ກົງ​ໄປ​ກົງ​ມາ ແລະ ດ້ວຍ​ຄວາມ​ເຂົ້າ​ອົກ​ເຂົ້າໃຈ​ຊຶ່ງ​ກັນ ແລະ ກັນ ແຕ່​ຕົ້ນ​ຕະຫຼອດ​ປາຍ ແລະ ສາມາດ​ເວົ້າ​ໄດ້​ວ່າ ການ​ຢ້ຽມຢາມສະຫະລັດອາ​ເມ​ຣິ​ກາ​ຢ່າງ​ເປັນ​ທາງ​ການ​ຄັ້ງ​ປະຖົມ​ມະລືກ​ນີ້ ໄດ້​ປະສົບ​ຜົນ​ສໍາ​ເລັດ​ຕາມ​ລະດັບ​ຄາດໝາຍ ອັນ​ເປັນ​ພື້ນຖານ​ອັນ​ສໍາ​ຄັນ​ໃນ​ການ​ສົ່ງເສີມ​ການ​ພົວພັນ​ຮ່ວມ​ມື​ລະຫວ່າງ​ສອງ​ປະເທດ​ໃນຕໍ່ໜ້າໃຫ້​ກວ້າງຂວາງ ແລະ ມີ​ປະສິດ​ທິ​ຜົນ​ຢ່າງ​ບໍ່​ຢຸດຢັ້ງ ເພື່ອ​ຜົນ​ປະໂຫຍດ​ຂອງປະຊາຊົນ​ສອງ​ຊາດກໍຄື​ເພື່ອ​ສັນຕິພາບ, ສະຖຽນ​ລະ​ພາບ ແລະ ການ​ຮ່ວມ​ມື​ ເພື່ອ​ການ​ພັດທະນາ​ແບບ​ຍືນ​ຍົງ​ໃນ​ພາກ​ພື້ນ ແລະ ສາ​ກົນ.
(ຂ່າວ: ກະຊວງ​ການ​ຕ່າງ ປະເທດ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110