ຫົວ​ຂໍ້ : ທູດລາວ ຍື່ນສານຕາຕັ້ງຕໍ່ເລຂາທິການໃຫຍ່ ສປຊ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 30/01/2020 08:58:57 ຈຳ​ນວນ​ຜູ້​ເຂົ້າ​ຢ້ຽມ​ຊົມ 745 ຄັ້ງ

  ທ່ານ ອານຸພາບ ວົງ​ໜໍ່​ແກ້ວ  ໄດ້​ຍື່ນ​ສານ​ຕາ​ຕັ້ງ ຕໍ່ທ່ານ  ອັນ​ໂຕ​ນີ​ໂອ ກູ​ເຕີ​ເຣັ​ສ (Antonio Guterres) ເລຂາທິການໃຫຍ່ ອົງການສະຫະ​ປະຊາຊາດ (ສປຊ) ໃນ​ວັນ​ທີ 28 ມັງກອນ​ຜ່ານ​ມາ​ນີ້  ທີ່​ສຳນັກງານ​ໃຫຍ່ ອົງການ ສປຊ ນະຄອນ​ນິວ​ຢອກ ສະຫະລັດ​ອາເມຣິກາ ເພື່ອ​ດຳລົງ​ຕຳແໜ່ງ​ເປັນ​ເອກ​ອັກ​ຄະ​ລັດ​ຖະ​ທູດວິສາມັນ​ຜູ້​ມີ​ອຳນາດ​ເຕັມ ແຫ່ງ ສປປ ລາວ, ທັງ​ເປັນ​ຜູ້ຕາງໜ້າ​ຖາວອນ ແຫ່ງ ສປປ ລາວ ຄົນ​ໃໝ່ ປະຈຳ​ອົງການ ສປຊ. 
  ໃນ​ໂອກາດ​ດັ່ງກ່າວ, ທ່ານ ເລຂາທິການ​ໃຫຍ່ ໄດ້​ສະແດງ​ຄວາມ​ຍິນດີ​ຕ້ອນຮັບ ແລະ ຊົມເຊີຍຕໍ່​ທ່ານ ທູດ ທີ່​ໄດ້​ຖືກ​ແຕ່ງຕັ້ງ​ມາ​ດຳລົງ​ແໜ່ງ ເປັນ​ຜູ້ຕາງໜ້າ​ຖາວອນ ແຫ່ງ ສປປ ລາວ ປະຈຳ​ອົງການ ສປຊ ພ້ອມ​ທັງ​ຊົມເຊີຍ ລັດ ຖະບານ ແຫ່ງ ສປປ ລາວ ທີ່​ໄດ້​ມີ​ຄວາມ​ຄືບ​​ໜ້າ​ໃຫ້ການພັດ ທະນາ​ປະເທດ, ສາມາດ​ຜ່ານ​ຜ່າ​ຄວາມ​ຫຍຸ້ງຍາກ​ໃນ​ອະດີດ ແລະ ມີ​ຄວາມ​ໝາຍ​ໝັ້ນ​ໃນ​ ການ​ຫຼຸດ​ພົ້ນ​ອອກ​ຈາກ​ສະຖາ ນະ​ພາບ​ປະເທດ​ທີ່​ດ້ອຍ​ພັດທະ ນາ ພ້ອມ​ກັນ​ນັ້ນ, ທ່ານ ເລຂາ ທິການ​ໃຫຍ່ ຍັງ​ໃຫ້​ຄຳ​ໝັ້ນສັນ ຍາ​ວ່າອົງການ ສປຊ ຈະ​ສືບຕໍ່ ໃຫ້ການ​ສະໜັບສະໜູນ​ຊ່ວຍ ເຫຼືອ ສປປ ລາວ ໃນ​ການຈັດ ຕັ້ງ​ປະຕິບັດ​ເປົ້າ​ໝາຍ​ການ​ພັດ ທະນາ​ແບບ​ຍືນ​ຍົງ ແລະ ຍັງ​ໄດ້​ກ່າວ​ເຖິງ​ທ່າແຮງ​ທາງ​ດ້ານ​ທຳ​ມະ​ຊາດ ແລະ ວັດທະນະ​ທຳ​ອັນ​ດີງາມ ທີ່​ຄັ້ງ​​ໜຶ່ງ​ໃນ​ທ້າຍ​ປີຜ່ານມາ ທ່ານ​ເລຂາທິການ​ໃຫຍ່​ໄດ້​ມີ​ໂອກາດ​ສຳ​​ຜັດ ແລະ ມີ​ຄວາມ​ປະທັບ​ໃຈ​ຈາກ​ການ​ເດີນ ທາງ​ທ່ອງ​ທ່ຽວ​ແຕ່​ຊາຍ​ແດນ​ສາມຫຼ່ຽມ​ຄຳ ຈົນ​ຮອດ​ສີ່​ພັນ​ດອນ.
  ທ່ານ ອານຸພາບ ວົງ​ໜໍ່​ແກ້ວ ກໍ​ໄດ້​ສະແດງ​ຄວາຂອບ ໃຈຕໍ່​ການ​ຕ້ອນຮັບ​ອັນ​ອົບ​ອຸ່ນ ພ້ອມ​ທັງ​ໄດ້​ນໍາ​ເອົາ​ຄວາມ​ຢື້​ຢາມ​ຖາມ​ຂ່າວ​ອັນ​ອົບ​ອຸ່ນ ຈາກ​ການ​ນຳ​ຂອງ ສປປ ລາວ ມາ​ຍັງ​ທ່ານ ເລຂາທິການ​ໃຫຍ່. ພ້ອມ​ດຽວ​ກັນ​ນັ້ນ, ທ່ານ​ທູດ ກໍ​ໄດ້​ຢ້ຳ​ຄືນ​ຄວາມ​ໝາຍ​ໝັ້ນ ຂອງ​ລັດຖະບານ ໃນ​ການຈັດຕັ້ງ​ປະຕິບັດ​ບັນດາ​ເປົ້າ​ໝາຍ​ດ້ານ​ການ​ພັດທະນາ​ຂອງ​ສາກົນ ໂດຍ​ສະເພາະ​ເປົ້າ​ໝາຍ​ການ​ພັດທະນາ​ແບບ​ຍືນ​ຍົງ ລວມ​ທັງ​ເປົ້າ​​ໝາຍ​ທີ 18: ຊີວິດ​ທີ່​ປອດ​ໄພ​ຈາກ​ລະເບີດ​ບໍ່​ທັນ​ແຕກ ກໍ​ຄືື​ສືບຕໍ່​ຄວາມ​ພະຍາຍາມ​ເພື່ອ​ຫຼຸດ​ພົ້ນ​ອອກ​ຈາກ​ສະຖານະ​ພາບ​ປະເທດ​ດ້ອຍ​ພັດທະນາ​ໃນ​ຊຸມ​ປີ​ຕໍ່​​ໜ້າ. ໃນ​ໂອກາດ​ດຽວ​ກັນ​ນີ້, ທ່ານ ຍັງ​ໄດ້​ສະແດງ​ຄວາມ​ຂອບໃຈ ຕໍ່​ອົງການ ສປຊ ທີ່​ໄດ້​ໃຫ້ການ​ສະໜັບສະໜູນ​ຊ່ວຍເຫຼືອ ສປປ ລາວ ຕະຫລອດ​ໄລຍະ​ຜ່ານ​ມາ ຊຶ່ງ​ເປັນ​ການ​ປະກອບສ່ວນ​ອັນ​ສໍາ​ຄັນ ເຂົ້າ​ໃນ​ການ​ພັດທະນາ​ເສດ​ຖະ​ກິດ​-​ສັງຄົມ​ຂອງ ສປປ ລາວ.  
  ປີ 2020 ເປັນ​ປີ​ທີ່​ມີ ຄວາມໝາຍ​ສຳຄັນ ໃນ​ການສະ ເຫຼີມສະຫຼອງ​ວັນ​ສ້າງຕັ້ງ​ອົງ ການ​ສະຫະ​ປະຊາຊາດ ຄົບ ຮອບ 75 ປີ (24 ຕຸລາ 1945) ແລະ ການ​ເຂົ້າ​ເປັນ​ສະມາຊິກ​ອົງການ​ສະຫະ​ປະຊາຊາດ​ຂອງ​ປະເທດ​ລາວ ຄົບຮອບ 65 ປີ (14 ທັນວາ 1955). 
(ຂ່າວ: ກະຊວງ​ການ​ຕ່າງ ປະເທດ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110