ໜັງສືພິມ ປະຊາຊົນ

ນາຍົກຫວຽດນາມ ເນັ້ນສຸຂະພາບ ແລະ ຊີ¬ວິດປະຊາຊົນເປັນສຳຄັນ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 30/01/2020 09:06:45 ຈຳນວນຢ້ຽມຊົມ 451 ຄັ້ງ

ວິທະຍຸກະຈາຍສຽງຫວຽດນາມລາຍງານວ່າ: ທ່ານ ຫງວຽນຊວັນຟຸກ ນາຍົກລັດ ຖະມົນຕີ ຫວຽດນາມ ເນັ້ນໜັກ ວ່າ: ບັນດາກະຊວງ, ຂະແໜງ ການ ແລະ ທ້ອງຖິ່ນ ຕ້ອງຍົກສູງໜ້າທີ່ຄວາມຮັບຜິດຊອບ, ຖືໜ້າທີ່ຮັກສາສຸຂະພາບ ແລະ ຊີວິດຂອງປະຊາຊົນແມ່ນໜ້າທີ່ສໍາຄັນທີີ່ສຸດ, ບໍ່ປະໃຫ້ໂຣກລະບາດ ດັ່ງກ່າວລະບາດຢ່າງສັບສົນຢູ່ຫວຽດນາມ.
ຂ່າວລະບຸວ່າ: ໃນສະພາບການອັນສັບສົນຂອງໂຣກລະ ບາດອັກເສບປອດ ຍ້ອນເຊື້ອໄວຣັດສາຍພັນ ໂຄໂຣນາ ກໍ່ຂຶ້ນຢູ່ຈີນ ແລະ ໃນໂລກ ຊຶ່ງພວມມີຄວາມສ່ຽງສົ່ງຜົນກະທົບໂດຍກົງເຖິງຫວຽດນາມ, ວັນທີ 27 ມັງກອນຜ່ານມາ, ທ່ານ ຫງວຽນຊວັນຟຸກ ໄດ້ເປັນປະທານກອງປະຊຸມວິສາມັນຂອງລັດຖະບານ ກ່ຽວກັບການປ້ອງກັນ, ຕ້ານໂຣກລະບາດດັ່ງກ່າວ. ພ້ອມທັງເນັ້ນໜັກວ່າ: ບັນດາກະຊວງ, ຂະແໜງການ ແລະ ທ້ອງຖິ່ນຕ່າງໆ ຕ້ອງຍົກສູງໜ້າທີ່ຄວາມຮັບຜິດຊອບ, ຖືໜ້າທີ່ຮັກສາສຸຂະພາບ ແລະ ຊີວິດຂອງ ປະຊາຊົນ ແມ່ນໜ້າທີ່ສໍາຄັນທີີ່ສຸດ, ບໍ່ປະໃຫ້ໂຣກລະບາດດັ່ງກ່າວ ລະບາດຢ່າງສັບສົນຢູ່ ຫວຽດນາມ.
ໃນວາລະດໍາເນີນກອງປະຊຸມ, ກະຊວງສາທາລະນະສຸກຫວຽດນາມ, ໄດ້ລາຍງານວ່າ: ປັດຈຸບັນ, ຢູ່ຫວຽດນາມມີ 38 ກໍລະນີ ກໍາລັງໄດ້ຮັບການຕິດຕາມເປັນພິເສດ, ໃນນັ້ນ ມີ 2 ກໍລະນີ ແມ່ນຄົນຈີນ ຊຶ່ງຜົນກວດກາໃນເບື້ອງຕົ້ນໃຫ້ຮູ້ວ່າ: ຕິດພະຍາດອັກເສບປອດ ຍ້ອນເຊື້ອໄວຣັດໂຄໂຣນາສາຍພັນໃໝ່.
ປັດຈຸບັນ, ກະຊວງສາທາ ລະນະສຸກ, ບັນດາສູນສາທາ ລະນະສຸກຕ່າງໆ, ຮາກຖານສາທາລະນະສຸກຕະຫຼອດຮອດ ທ້ອງຖິ່ນໃນຂອບເຂດທົ່ວປະ ເທດຫວຽດນາມ ກໍໄດ້ກຽມ ພ້ອມເພື່ອຮັບມືກັບໂຣກລະ ບາດດັ່ງກ່າວ.