ຫົວ​ຂໍ້ : ລມຕ ກະຊວງສາທາລະນະສຸກ ມອບເຄື່ອງອຸປະກອນ ການແພດໃຫ້ສາທາເມືອງວຽງທອງ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 30/01/2020 09:20:12 ຈຳ​ນວນ​ຜູ້​ເຂົ້າ​ຢ້ຽມ​ຊົມ 281 ຄັ້ງ

ທ່ານ ບຸນ​ກອງ ສີ​ຫາ​ວົງ ລັດຖະມົນຕີ (ລມຕ) ກະຊວງ ສະ​ທາ​ລະນະ​ສຸກ ໄດ້​ລົງ​​ພົບ​ປະ​ຢ້ຽມຢາມ ແລະ ມອບ​ເຄື່ອງ​ ອຸປະກອນ​ການ​ແພດ​ໃຫ້​ຫ້ອງ ການ​ສາ​ທາ​ລະ​ສຸກ​ເມືອງ​ວຽງ​ທອງ ແຂວງ​ບໍ​ລິ​ຄຳ​ໄຊ ເມື່ອ​ວັນ​ທີ 28 ມັງກອນ​ຜ່ານ​ມາ, ທີ່​ເມືອງ​ດັ່ງກ່າວ ໂດຍ​ເປັນ​ກຽດ​ເຂົ້າ​ຮ່ວມ​ຂອງ ທ່ານ ກອງ​ແກ້ວ ໄຊ​ສົງຄາມ ເຈົ້າແຂວງບໍ​ລິ​ຄໍາ​ໄຊ, ມີ​ພາກສ່ວນ​ທີ່​ກ່ຽວຂ້ອງ​ເຂົ້າ​ຮ່ວມ. 
ພິທີ ທ່ານ ບຸນ​ລັບ ວົງເສ ນາ ຫົວໜ້າ​ຫ້ອງການ​ສາທາ ລະນະ​ສຸກ​ເມືອງ​ວຽງ​ທອງ ໄດ້ ລາຍ​ງານ​ສະພາບ​ລວມ​ຂອງ​ຫ້ອງການ​ສາທາລະນະ​ສຸກ. ທົ່ວເມືອງມີພະນັກງານທັງໝົດ 86 ທ່ານ, ສະເລ່ຍ​ພະນັກງານ ​ສາທາລະນະ​ສຸກ​ທັງໝົດຕໍ່ປະ ຊາກອນ 2,46 ຕໍ່ 1000 ປະຊາ ກອນ, ທຽບໃສ່​ພະນັກງານ​ແພດ ​ເຮັດວຽກ​ບໍລິການ​ປະມານ 1,8 ຕໍ່ 1000 ປະຊາ​ກອນ ຈາກ​ນັ້ນ ທ່ານ​ລັັດ​ຖະ​ມົນຕີ ກໍໄດ້​ຖາມ​ເຖິງ​ສະພາບ​ການ​ຂອງ​ການ ເຄື່ອນໄຫວ​ວຽກ​ງານ​ສາ​ທາ, ສະພາບ​ຄວາມ​ຫຍຸ້ງຍາກ​ດ້ານ​ອຸປະກອນ​ຕ່າງໆ​ຂອງ​ໂຮງໝໍ ພ້ອມ​ມອບ​ເຄື່ອງ​ອຸປະກອນ​ການ​ແພດ​ໃຫ້​ຫ້ອງການ​ສາທາ ລະນະ​ສຸກ​ເມືອງ. ເຄື່ອງ​ທີ​່ນໍາ​ມາ​ມອບ​ໃນ​ຄັ້ງ​ນີ້ ປະກອບ​ມີຕຽງ​ນອນ​ເກີດ​ລູກ, ຊຸດ​ອຸປະກອນ​ເກີດ​ລູກ, ເຕົາ​ອົບ​ເດັກ, ໂຕະອຸ່ນ ​ເດັກ, ເຄື່ອງ​ຟັງ​ຫົວໃຈ​ເດັກ​ຢູ່​ທ້ອງ, ໝໍ້​ອົບ​ອະ​ເຊື້ອ, ຕຽງ​ນອນ​ຄົນ​ເຈັບ, ເຄື່ອງ​ຕິດຕາມ​ການ​ປັ້ນ​ທ້ອງ​ແມ່​ມານ ແລະ ຊຸດ​ອຸປະ ກອນ​ຊ່ວຍ​ເກີດ​ລູກ, ຄິດ​ເປັນ​ມູນ​ຄ່າ​ທັງ​ໝົດ 684 ລ້ານ​ກວ່າ​ກີບ.
 (ຂ່າວ:  ກ້ອງ ປາ​ເຢັງ​ລີ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110