ຫົວ​ຂໍ້ : ດ່ານພາສີສາກົນບໍ່ເຕ່ນ ເປີດການນຳໃຊ້ລະບົບ ບ 53 ແລະ ເຜີຍແຜ່ລະບຽບການ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 30/01/2020 09:23:19 ຈຳ​ນວນ​ຜູ້​ເຂົ້າ​ຢ້ຽມ​ຊົມ 2386 ຄັ້ງ

   ດ່ານ​ພາສີ​ສາກົນ​ບໍ່​ເຕ່ນ ແຂວງ​ຫຼວງ​ນໍ້າ​ທາ ໄດ້​ເປີດ​ນຳ​ໃຊ້​ລະບົບ ບ 53 ແລະ ເຜີຍແຜ່​ລະບຽບ​ການ​ນຳ​ໃຊ້ ບ 53 ໃຫ້​ຂະແໜງການ​ກ່ຽວຂ້ອງຂຶ້ນ​ໃນ​ວັນ​ທີ 27 ມັງກອນ​ຜ່ານ​ມາ  ທີ່​ຫ້ອງ​ປະຊຸມ​ດ່ານ​ພາສີສາກົນ​ ບໍ່​ເຕ່ນ ແຂວງຫຼວງ​ນໍ້າ​ທາໂດຍ ​ການ​ເປັນ​ປະທານ​ຂອງ​ທ່ານ ບຸນ​ເກີດ ສຸວັນນະ​ເສັນ ຫົວໜ້າ​ກອງ​ຄຸ້ມ​ຄອງ​ພາສີ 1, ມີ​ທ່ານ ພົມ​ມະ​ສຸກ  ວິໄລ​ກຸນ  ກຳມະ ການ​ພັກ​ແຂວງ  ຫົວໜ້າ​ຫ້ອງ​ວ່າການ​ແຂວງຕະຫຼອດ​ຮອດ​ພະນັກງານ​ ວິຊາ​ການ​ເຂົ້າ​ຮ່ວມ.
   ທ່ານ  ວິລະ​ກອນ ເກດ​ຕະ​ວົງ   ຮອງ​ຫົວໜ້າ​ພະ​ແນ​ກ​ແຜນການ  ແລະ  ຂໍ້​ມູນຂ່າວສານ ​ກົມ​ພາສີ ໄດ້​ເຜີຍແຜ່​ລະບຽບ​ການ​ຄຸ້ມ​ຄອງ ແລະ ນຳ​ໃຊ້​ລະ ບົບ ບ 53 ເປັນຕົ້ນ​ແມ່ນຄຳ​ ແນະນຳ​ ວ່າ​ດ້ວຍ​ການ​ນຳ​ໃຊ້ລະ ບົບ​ຄຸ້ມ​ຄອງພາຫະນະ​ທ່ອງ​ທ່ຽວ ​ຢ້ຽມຢາມ ແລະ ພາ​​ຫະ​ນະ​ຂົນ ສົ່ງ​ສິນຄ້າ​ດ້ວຍ​ລະບົບ​ເອ​ເລັກ​ໂຕ​ຣ​ນິກ ບ 53 ທີ່​ຜ່ານດ່ານພາ ສີ​ສາກົນ​ທາງບົກ​ດ້ວຍ​ການນຳ ​ໃຊ້​ລະບົບ​ເອ​ເລັກ​ໂຕ​ຣ​ນິກ​ໃຫ້​ມີ​ຄວາມ​ສະດວກ​ວ່ອງໄວ,  ສອດ​ຄອງ, ຖືກຕ້ອງ​ຕາມ​ກົດໝາຍ ແລະ ລະບຽບ​ການ, ຂັ້ນ​ຕອນ ​ການ​ດຳເນີນ​ການ​ແຈ້ງ​ເອກະ ສານ​ຂາ​ເຂົ້າ​-​ຂາ​ອອກການ​ນຳ​ໃຊ້​ສະ​ຕິກ​ເກີ້  ບ  53,  ການ​ກຳ ນົດ​ອາຍຸ​ການ​ນຳ​ໃຊ້ ບ 53  ແລະ ການ​ຕໍ່​ອາ​ຍຸ. 
   ການຈັດຕັ້ງ​ປະຕິບັດການ​ ນຳ​ໃຊ້​ລະບົບ ບ 53 ທາງກະ ຊວງ​ການ​ເງິນ​ໄດ້​ເຫັນ​ດີຮັບຮອງ ​ເອົາ​ການ​ພັດທະນາ ແລະ ຮູບ​ແບບ​ຂອງ​ລະບົບ​ຄຸ້ມ​ຄອງ​ພາ ຫະນະ​ເຂົ້າ​-​ອອກ​ຢ້ຽມຢາມຊົ່ວ ຄາວ​ຂອງ​ບໍລິສັດ​ຄຳ​ປະເສີດ​ຄອມ​ພິວເຕີ ຈຳກັດ​ຜູ້​ດຽວ ໃນການ​ ທົດ​ລອງ​ນໍາ​ໃຊ້​ຢູ່ 3 ດ່ານພາສີ​ສາກົນ​ຄື:  ດ່ານ​ພາສີ​ສາກົນ​ຂົວ​ມິດຕະພາບ 1, ດ່ານ​ພາສີ​ສາ ກົນ​ບໍ່​ເຕ່ນ ແລະ ດ່ານ​ພາສີ​ຂົວ​ມິດຕະພາບ 4, ລະບົບ​ດັ່ງກ່າວ​ໂດຍ​ມີ​ການ​ສໍາ​ລະ​ດ້ວຍ​ເອ​ເລັກ​ໂຕ​ຣ​ນິ​ກນໍາ​ໃຊ້​ສະ​ຕິກ​ເກີ   ແລະ ຈ່າຍ​ຜ່ານ​ລະບົບ​ທະນາຄານ   ຊຶ່ງ​ສາມາດ​ຮັບປະກັນ​ໃນ​ການ​ຄຸ້ມ​ຄອງ​ຕິດຕາມ​ພາຫະນະ​ເຂົ້າ​-​ອອກ​ຜ່ານ​ດ່ານ​ພາສີ​ສາກົນ ໃຫ້​ມີ​ຄວາມ​ເປັນ​ເອກະ​ພາບ ໃນ​ຂອບ​ເຂດ​ທົ່ວ​ປະ​ເທດ.
 (ຂ່າວ​-​ພາບ: ກິ່ນ​ນາ​ລົມ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110