ຫົວ​ຂໍ້ : ຈັດກິດຈະກຳບໍລິຈາກເລືອດສ້າງຂະບວນການຕ້ອນຮັບ ວັນສ້າງຕັ້ງ ສະຫະພັນກຳມະບານລາວ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 30/01/2020 09:24:35 ຈຳ​ນວນ​ຜູ້​ເຂົ້າ​ຢ້ຽມ​ຊົມ 281 ຄັ້ງ

   ເນື່ອງ​ໃນ​ໂອກາດ​ວັນ​ສ້າງ ຕັ້ງ​ສູນ​ກາງ​ສະຫະພັນ​ກຳມະ ບານ​ລາວ ຄົບຮອບ 64 ປີ (ວັນ​ທີ 1 ກຸມພາ 1956- 1 ກຸມພາ 2020 ) ທີ່​ຈະ​ມາ​ເຖິງ​ນີ້ ໃນ​ວັນທີ 29 ມັງກອນ​ນີ້ ສູນ​ກາງ​ສະຫະ ພັນ​ກຳມະບານ​ລາວ (ສກລ) ໄດ້​ຈັດ​ກິດຈະກຳ​ຮັບ​ບໍລິຈາກ​ເລືອດ​ຊ່ວຍເຫຼືອ​ສັງຄົມ  ຊຶ່ງ​ມີ​ທ່ານ ພົມມາ ເທບ​ພະ​ວົງ ຄະນະ​ ພັກ ຄະນະ​ບໍລິຫານງານ ຫົວໜ້າ​ຫ້ອງການ  ສກລ,  ທ່ານ  ແພງທອງ  ບານ​ຈັນທະ​ວົງ ຮອງຫົວໜ້າ​ສູນ​ເລືອດ​ແຫ່ງຊາດ  ພ້ອມ​ດ້ວຍ​ພະ ນັກງານ​ເຂົ້າ​ຮ່ວມ.
   ທ່ານ ພູ​ວົງ ຝາກ​ເຜືອ​ງໃຈ ຫົວໜ້າ​ກົມ​ຂະບວນ​ການ​ແຂ່ງ ຂັນ​ຍ້ອງຍໍ ທັງ​ເປັນ​ຫົວໜ້າ​ຮັບ ຜິດຊອບ​ບໍລິຈາກ​ເລືອດ​ກ່າວ​ວ່າ: ການຈັດຕັ້ງ​ບໍລິຈາກ​ເລືອດ​ເພື່ອ​ຊ່ວຍເຫຼືອ​ສັງຄົມ​ໃນ​ຄັ້ງນີ້ ເພື່ອ​ເປັນ​ການ​ສ້າງ​ຂະບວນ​ການ​ ຂາໍ່ນັບ​ຮັບ​ຕ້ອນ​ວັນ​ສ້າງຕັ້ງ​ສູນ​ກາງ​ສະຫະພັນ​ກຳມະບານ​ລາວ ຄົບຮອບ 64 ປີ, ຄື​ດັ່ງ​ທີ່​ເຮົາ​ຮູ້​ນຳ​ກັນ​ແລ້ວ​ວ່າ​ເລືອດ​ບໍ່​ມີບໍລິສັດ​ໃດ, ໂຮງງານ​ໃດ​ຜະລິດ​ໄດ້ມີ​ແຕ່​ເອົາ​ນຳ​ຄົນ  ​ເພື່ອ​ສົ່ງຕໍ່​ໃຫ້​ຄົນ​ເທົ່າ​ນັ້ນ, ເພາະສະນັ້ນ​ພວກ​ເຮົາ​ມາ​ເຕົ້າໂຮມ​ກັນ​ໃນ​ມື້ນີ້ ແມ່ນ​ມີ​ຄວາມ​ໝາຍ​ສຳຄັນ​ທີ່​ສຸດ ​ເພື່ອ​ບໍລິຈາກ​ເລືອດ​ໄປ​ຊ່ວຍເຫຼືອ​ຄົນ​ອື່ນ​ທີ່​ຍັງ​ລໍຄອຍ​ການ​ຊ່ວຍເຫຼືອ​ຈາກ​ພວກ​ທ່ານ,  ການ​ບໍລິຈາກ​ເລືອດ​ໃນ​ຄັ້ງ​ນີ້​ມີ​ທັງ​ໝົດ  44 ພາກສ່ວນມີຄົນ​ເຂົ້າ​ຮ່ວມ  700-800 ຄົນ. 
   ທ່ານ ແພງ​ທອງ ບານ​ຈັນ ທະ​ວົງ   ກ່າວ​ວ່າ:   ອີງໃສ່​ພາບ​ລວມ​ແມ່ນ​ປະສົບ​ຜົນສຳເລັດ ເຮົາ​ຕັ້ງ​ຄາດໝາຍ​ໄວ້​ໃນ​ທົ່ວ​ປະ ເທດ​ແມ່ນ 55.000 ຖົງ ແຕ່​ເຮົາ​ບັນລຸ​ໄດ້ 55.400 ຖົງ ສຳລັບ​ຂັ້ນ​ສູນ​ກາງ​ເຮົາ​ຕັ້ງ​ເປົ້າ​ໝາຍໄວ້ 23.000 ຖົງ  ປະຕິບັດ​ໄດ້ລື່ນ​ ຄາດໝາຍ,  ຄວາມ​ພຽງພໍ​ຢ່າງ​ໜ້ອຍ​ຕ້ອງ​ໄດ້​ເລືອດ  1%  ຂອງ​ປະຊາກອນ​ໃນ​ປະເທດ, ສະນັ້ນ​ໃນ​ການ​ຮັບ​ບໍລິຈາກ​ເລືອດ​ນີ້​ແມ່ນ​ຄວາມຈຳເປັນ​ພາ​ວະວິ​ ໄສ​ທີ່​ພວກ​ເຮົາ​ຈະ​ຕ້ອງ​ໄດ້ເອົາ ໃຈໃສ່​ຮ່ວມ​ກັນ​ໃນ​ການ​ປຸກລະ ດົມ​ໃຫ້​ທຸກ​ພາກສ່ວນ​ເຂົ້າ​ມາ​ມີ​ສ່ວນ​ຮ່ວມ, ໃນ​ມື້ໜຶ່ງສູນເລືອດ​ແຫ່ງ​ຊາດ​-​ສູນ​ເລືອດ​ແຂວງ​ ທົ່ວ​ປະເທດ​ຢ່າງ​ໜ້ອຍ​ເຮົາຕ້ອງມີ​ເລືອດ​ຢູ່ 400-500 ຖົງ​ ເພື່ອ​ບໍລິການ​ແກ່​ຄົນ​ເຈັບ ຖ້າ​ເຮົາບໍ່​ ມີ​ເລືອດຖື​ວ່າ​ເຮົາມີ​ບັນຫາກ່ຽວ​ ກັບການ​ສະໜອງ​ເລືອດ, ສະ ນັ້ນ ​ໃນ​ໄລຍະ 1 ປີຜ່ານມາພວກ ​ເຮົາ​ສາມາດ​ບັນລຸ​ໄດ້​ຕາມ​ຄາດ ໝາຍ ສຳລັບ​ປີ 2020 ນີ້​ເປັນ​ປີ​ແຫ່ງ​ການຈັດຕັ້ງ​ປະຕິບັດ​ແຜນ​ງານ​ເລືອດ ຄັ້ງ​ທີ 2 ເປັນປີມ້ວນ ທ້າຍ​ເຮົາ​ຈະ​ຕັ້ງ​ຈຳນວນຜູ້ບໍລິ ຈາກ​ເລືອດ​ໄວ້ປະມານ  60.000  ຖົງ,  ອັນທ້າທາຍສຳຄັນ​ແມ່ນ​ເຮົາ​ຕ້ອງ​ມີ​ເລືອດ​ສະໜອງໃຫ້​ ແກ່​ຄົນ​ເຈັບເປັນ​ສິ່ງ​ໜຶ່ງ​ທີ່​ຕ້ອງ​ໄດ້​ເອົາໃຈໃສ່ຂໍ​ຮຽກຮ້ອງ​ໃຫ້ທົ່ວ​ ສັງຄົມ​ກໍຄື​ການຈັດຕັ້ງທຸກ​ພາກ ສ່ວນ​ໃຫ້​ເອົາໃຈໃສ່​  ເພາະວ່າ​ເປັນ​ສິ່ງ​ໜຶ່ງ​ທີ່​ເຮົາ​ຈະ​ຊ່ວຍ​ຄົນ​ໄດ້ການບໍລິຈາກ​ເລືອດ​ເຮົາ​ສາ ມາດ​ບໍລິຈາກ​ໄດ້​ທຸກໆ  3-4 ເດືອນ ຫຼື​ ຢ່າງ​ໜ້ອຍ 1-2 ຄັ້ງ​ຕໍ່​ປີ.
(ຂ່າວ​-​ພາບ: ພູ​ວັນ)
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110