ຫົວ​ຂໍ້ : ກຳມະບານ ອັດຕະປື ສຳເລັດກອງປະຊຸມຄົບຄະນະບໍລິຫານງານ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 30/01/2020 09:25:44 ຈຳ​ນວນ​ຜູ້​ເຂົ້າ​ຢ້ຽມ​ຊົມ 456 ຄັ້ງ

   ສະຫະພັນ​ກຳມະບານ​ແຂວງ​ອັດ​ຕະ​ປື ໄດ້​ຈັດ​ກອງປະ ຊຸມ​ຄົບ​ຄະນະ​ບໍລິຫານງານ ສະຫະພັນ​ກຳມະບານ​ແຂວງ, ຄັ້ງ​ທີ 6 ສະໄໝ​ທີ V ປະຈຳປີ 2019 ຂຶ້ນ​ໃນ​ວັນ​ທີ 28 ມັງ ກອນຜ່ານ​ມາ  ທີ່​ຫ້ອງ​ປະຊຸມ​ພະ​ແນ​ກ​ຊັບພະຍາກອນ​ທຳ​ມະ​ຊາດ ແລະ ສິ່ງແວດລ້ອມແຂວງ, ພາຍ​ໃຕ້​ການ​ເປັນ​ປະທານ​ຂອງ​ສະຫາຍ ນາງ ບັນ​ທະໄລ ແກ້ວ​ມະນີ​ວົງ   ກຳມະການ​ພັກ​ແຂວງ ປະທານ​ສະຫະພັນກຳມະບານ​ແຂວງ, ເປັນ​ກຽດ​ເຂົ້າ​ຮ່ວມ​ມີ​ສະ ຫາຍ ນາງ  ມີນາ​ພອນ ໄຊ​ສົມພູ  ຮອງ​ເລຂາພັກ​ແຂວງ  ຫົວ​ໝ້າ​ຄະນະ​ຈັດ​ຕັ້ງ​ແຂວງ  ຜູ້​ຊີ້​ນຳ​ວຽກ​ງານ​ອົງການ​ຈັດ​ຕັ້ງ​ມະຫາຊົນ​ຂັ້ນ​ແຂວງ, ມີ​ໝ່ວຍ​ອ້ອມ​ຂ້າງ​ແຂວງ​ເຂົ້າ​ຮ່ວມສະຫາຍ  ພູ​ສຽງ  ເຫຼື່ອມ​ມະ​ໄລ​ສີ  ຮອງ​ປະທານ​ສະຫະ ພັນ​ກຳມະບານ​ແຂວງ ໄດ້​ຂຶ້ນ ​ຜ່ານ​ບົດ​ສະຫຼຸບຕີ​ລາຄາ​ການ ຈັດຕັ້ງ​ປະຕິບັດ, ມະຕິ​ກອງ​ປະ ຊຸມ​ຄົບ​ຄະນະ​ບໍລິຫານງານສະ ຫະພັນ​ກຳມະບານ​ແຂວງ  ຄັ້ງທີ 6 ສະໄໝ​ທີ V ໃນ​ໄລຍະ 1 ປີ ຜ່ານມາ ແລະ ວາງ​ທິດທາງ ແຜນການ​ປີ 2020.

  ສະຫະພັນ​ ກຳມະບານແຂວງໄດ້ຈັດຕັ້ງ​ ເຄື່ອນ​ໄຫວ​ວຽກ​ງານກຳມະ ບານ​ຕາມ 7 ແຜນ​ງານ 36 ໂຄງ ການ ໂດຍ​ໄດ້​ເອົາໃຈໃສ່​ໂຄສະ ນາ​ສຶກສາ​ອົບຮົມ​ການເມືອງ​ແນວ​ຄິດ,  ໃຫ້​ແກ່​ສະມາຊິກ​ກຳມະບານ, ກຳ​ມະ​ກອນ​-​ຊາວ​ຜູ້​ອອກແຮງ​ງານ​ບັນດາເຜົ່າ​ຢ່າງ​ກ້​ວາງ​ຂວາງ, ໃຫ້​ມີ​ແນວຄິດ​ ການເມືອງ​ໜັກ​ແໜ້ນ, ເຄົາລົບ​ລະບຽບ​ກົດໝາຍ, ເປັນ​ເຈົ້າ​ການ​ປະກອບສ່ວນ​ເຂົ້າ​ໃນ​ການ​ປະຕິບັດ​ສອງ​​ໜ້າ​ທີ່​ຍຸດທະສາດ​ຂອງ​ພັກ, ວຽກ​ງານ​ປົກ​ປ້ອງສິດ ແລະ ຜົນ​ປະໂຫຍດ​ອັນ​ຊອບ​ທຳ​ຂອງ​ກຳ​ມະ​ກອນ​-​ຊາວ​ຜູ້​ອອກແຮງ​ງານ​ພາຍ​ໃນ​ແຂວງ, ໄດ້ຮັບ​ການ​ປັບປຸງ​ດີ​ຂຶ້ນ​ກວ່າ ​ເກົ່າ.   ຂະຫຍາຍ​ໜ່ວຍງານໃຫ້ ຄຳປຶກສາ​ທາງດ້ານ​ກົດໝາຍ  ແລະ  ປົກປ້ອງແຮງງານຂັ້ນບ້ານ​ ສຳເລັດ 99 ບ້ານ​ເປົ້າໝາຍ,  ມີຄະນະ​ຮັບຜິດຊອບ​ໃຫ້​ຄຳ ປຶກສາ​ທັງ​ໝົດ 469 ສະຫາຍ, ຍິງ79 ສະຫາຍ, ຂະຫຍາຍ​ສະ ມາຊິກ​ກຳມະບານ​ໃໝ່​ໄດ້ 243 ສະຫາຍ, ຍິງ 108 ສະຫາຍ, ສະມາຊິກ​ກຳມະບານ​ເຂົ້າ ກອງ​ທຶນ​ຊ່ວຍເຫຼືອ​ຊຶ່ງ​ກັນ ແລະ ກັນ​ທັງ​ໝົດ​ມີ 5.178 ຄົນ. ຈາກຜົນ ງານ​ດັ່ງກ່າວ   ຈຶ່ງ​ຍາດ​ໄດ້​​ການ​ຍ້ອງຍໍ​ຄື: ກົມ​ກອງ​ດີເດັ່ນ​ປະຈຳ​ປີ 2019 ຈຳນວນ 35 ຮາກ​ຖານ.

   ໃນ​ນີ້, ປະເພດ II ມີ 20 ຮາກ​ຖານ,  ບຸກຄົນດີເດັ່ນ​ ປະ ເພດ I ມີ 3.779 ສະຫາຍ, ຍິງ, 1.607 ສະຫາຍ,  ຊົມເຊີຍ 887 ສະຫາຍ, ຍິງ 430 ສະຫາຍ, ຄົ້ນ​ຄວ້າ​ກົມ​ກອງ  ແລະ  ບຸກຄົນ​ດີ ເດັ່ນ​ຂະບວນ​ການ​ແຂ່ງຂັນ  5 ເປັນເຈົ້າ 3 ປີ​ຕໍ່​ເນື່ອງ​ມີ​ທັງ​ໝົດ 23 ຮາກ​ຖານ, 5 ເມືອງ, ປະເພດ​ບຸກຄົນ​ມີ 1.861 ສະຫາຍ, ຍິງ 405 ສະຫາຍ, ຊົມເຊີຍ 336 ສະຫາຍ, ຍິງ 102 ສະ​ຫາຍ.   
(ຂ່າວ​-​ພາບ: ເພັດ​ທະ​ນົງ​ສອນ ໄຊ​ຍະ​ແສງ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110