Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ວາ​ລະ​ແຫ່ງ​ຊາດ ​ວ່າ​ດ້ວຍ​ການແກ້ໄຂບັນຫາຢາເສບຕິດ ກຳ​ນົດ 6 ວຽກ​ຈຸດ​ສຸມ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 06/08/2021 18:37:45 ຈຳ​ນວນ​​ຢ້ຽມ​ຊົມ 1902 ຄັ້ງ

      ວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດຈະຕ້ອງຢຶດໝັ້ນຫຼັການນໍາພາຂອງພັກ ແລະ 3 ຫຼັກການຕົ້ນຕໍຄື: ຄວາມເດັດຂາດ, ຄວາມໂປ່ງໃສ ແລະ ຄວາມເປັນມືອາຊີບ ໂດຍສຸມໃສ່ 6 ວຽກງານຈຸດສຸມ.

ກອງປະຊຸມສະໄໝວິສາມັນ ເທື່ອທີ 1 ຂອງສະພາແຫ່ງຊາດ ຊຸດທີ IX ໃນວັນທີ 6 ສິງຫາ 2021 ພາຍໃຕ້ການເປັນປະທານຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ, ທ່ານ ພົນໂທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ ໄດ້ຂຶ້ນສະເໜີຮ່າງວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ (2021-2023) ໃຫ້ສະມາຊິກສະພາແຫ່ງຊາດພິຈາລະນາ.

ທ່ານ ພົນໂທ ວິໄລ ຫຼ້າຄຳຟອງ ກ່າວວ່າ: ສປປ ລາວ ມີທີ່ຕັ້ງພູມມິສາດໃນອະນຸພາກພື້ນລຸ່ມແມ່ນໍ້າຂອງ ມີຊາຍແດນຕິດຈອດກັບຫຼາຍປະເທດ ປະເທດເຮົາກໍໄດ້ເປີດກວ້າງກັບພາກພື້ນ ແລະ ສາກົນຕາມທິດເຊື່ອມໂຍງ, ເຊື່ອມຈອດກັບບັນດາປະເທດ ຊຶ່ງເປັນເງື່ອນໄຂໃຫ້ປະເທດເຮົາກາຍເປັນທາງຜ່ານໃນການລັກລອບ, ຄ້າຂາຍ, ຂົນສົ່ງ ຢາເສບຕິດ ແລະ ສານເຄມີທີ່ເປັນສ່ວນປະສົມໃນການຜະລິດຢາເສບຕິດ. ບັນຫາຢາເສບຕິດ ໄດ້ແຜ່ລະບາດຮ້າຍແຮງນັບແຕ່ຕົວເມືອງໃຫຍ່ຈົນຮອດເຂດຊົນນະບົດຫ່າງໄກສອກຫຼີກ, ເຂົ້າເຖິງທຸກເພດ-ໄວ, ທຸກຊັ້ນຄົນໃນທົ່ວສັງຄົມ ນັບແຕ່ນັກຮຽນ-ນັກສຶກສາ, ພໍ່ຄ້າຊາວຂາຍ, ກໍາມະກອນ, ຜູ້ວ່າງງານ, ຕະຫຼອດຮອດພະນັກງານ, ລັດຖະກອນຈໍານວນໜຶ່ງ ຕາມຂໍ້ມູນເບື້ອງຕົ້ນໃນປັດຈຸບັນຍັງມີຜູ້ຕິດເສບຢາເສບຕິດຢູ່ປະເທດເຮົາສະເລ່ຍປະມານ 0,94% ຂອງພົນລະເມືອງທັງໝົດ. ນອກຈາກນັ້ນ, ຢາເສບຕິດຍັງສົ່ງຜົນກະທົບຕໍ່ສຸຂະພາບ ແລະ ຊີວິດຂອງຊາວໜຸ່ມຮຸ່ນສືບທອດ ບັນຫາດັ່ງກ່າວເປັນສາເຫດພາໃຫ້ ເກີດປະກົດການຫຍໍ້ທໍ້ ແລະ ບັນຫາອາດຊະຍາກໍາປະເພດຕ່າງໆ ເປັນການກົດໜ່ວງຖ່ວງດຶງການພັດທະນາເສດຖະກິດ, ວັດທະນະທໍາ-ສັງຄົມ, ສົ່ງຜົນກະທົບຕໍ່ຄວາມໝັ້ນຄົງທາງດ້ານການເມືອງ ແລະ ຄວາມເປັນລະບຽບຮຽບຮ້ອຍ-ປອດໄພຂອງສັງຄົມ.

ໃນໄລຍະຜ່ານມາພັກ ແລະ ລັດຖະບານ ໄດ້ສຸມໃສ່ຫຼາຍມາດຕະການໃນການແກ້ໄຂບັນຫາຢາເສບຕິດ ແຕ່ບັນຫາດັ່ງກ່າວ, ຍັງຈະສືບຕໍ່ເພີ່ມທະວີຄວາມຮຸນແຮງ ແລະ ແຜ່ລະບາດເປັນວົງ      ກວ້າງ, ດ້ວຍເຫດນັ້ນ, ລັດຖະບານ ຈຶ່ງຖືເອົາການແກ້ໄຂບັນຫາຢາເສບຕິດ ເປັນວຽກງານບຸລິມະສິດ, ຈໍາເປັນ, ຮີບດ່ວນ ຊຶ່ງໄດ້ຍົກໃຫ້ເປັນວາລະແຫ່ງຊາດ ເພື່ອສຸມທຸກກໍາລັງແຮງສັງລວມ ເຂົ້າໃສ່ການແກ້ໄຂບັນຫາສໍາຄັນຂອງຊາດ ໃນກໍານົດເວລາທີ່ແນ່ນອນ ແຕ່ປີ 2021-2023.

      ທ່ານລັດຖະມົນຕີກະຊວງປ້ອງກັນຄວາມສະຫົງບ ໄດ້ສະໜີເຖິງຫຼັກການໃນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ແມ່ນນອກຈາກຈະຕ້ອງຢຶດໝັ້ນຕາມຫຼັກການນໍາພາຂອງພັກແລ້ວ ຍັງຈະຕ້ອງສຸມໃສ່ 3 ຫຼັກການຕົ້ນຕໍ ເພື່ອເປັນທິດທາງໃນການຈັດຕັ້ງຜັນຂະຫຍາຍບັນດາມາດຕະການ ທີ່ໄດ້ກໍານົດໄວ້ໃນວາລະແຫ່ງຊາດ ສະບັບນີ້ໃຫ້ມີຜົນສໍາເລັດ ກໍຄື ຄວາມເດັດຂາດ: ຕ້ອງມີຄວາມຕັດສິນໃຈສູງສຸດ ເບື້ອງພັກ ເບື້ອງລັດ ບົນພື້ນຖານຄວາມເຂົ້າໃຈຕໍ່ກັບຄວາມຮຸນແຮງຂອງບັນຫາ ແລະ ຄວາມຈໍາເປັນຕ້ອງໃຊ້ມາດຕະການເດັດຂາດໃນການແກ້ໄຂບັນຫາ ລົງໂທດໃຫ້ຖືກເປົ້າໝາຍກະທໍາຜິດ, ຖືກຕາມສະຖານຄວາມຜິດໜັກ-ເບົາ; ຄວາມໂປ່ງໃສ: ຫຼັກການນີ້ສໍາຄັນຫຼາຍ, ໃນຂະບວນການແກ້ໄຂຜ່ານບັນດາມາດຕະການທີ່ຮັບຮອງເອົານັ້ນຕ້ອງໂປ່ງໃສ, ປະຊາຊົນສາມາດມີສ່ວນຮ່ວມຈັດຕັ້ງປະຕິບັດ ແລະ ສາມາດຕິດຕາມກວດກາ ຄວາມຄືບໜ້າຕ່າງໆ     ໄດ້, ຄວາມໂປງໃສ (ສະແດງເຖິງຄວາມຊື່ສັດຈິງໃຈຂອງລັດຖະບານ) ຈະເປັນແນວປ້ອງກັນທີ່ດີທີ່ສຸດໃຫ້ແກ່ຜູ້ທີ່ຕັດສິນໃຈປັບປຸງປ່ຽນແປງໃນຄັ້ງນີ້ ທັງເປັນເຄື່ອງມືທີ່ດີທີ່ສຸດໃນການສ້າງຄວາມເຊື່ອໝັ້ນ ແລະ ເຫຼື້ອມໃສສັດທາ ຈາກພາຍໃນ ແລະ ສາກົນ ຕໍ່ລັດຖະບານ ໃນຄວາມຕັ້ງໃຈທີ່ຈະແກ້ໄຂບັນຫາຂອງຕົນເອງ ແລະ ຈະມີແຮງຈູງໃຈໃຫ້ການສະໜັບສະໜູນລັດຖະບານ; ຄວາມເປັນມືອາຊີບ: ການແກ້ໄຂບັນຫາຢາເສບຕິດ ຈໍາເປັນຕ້ອງໃຊ້ຄວາມຮູ້-ຄວາມຊໍານານທາງດ້ານຫຼັກວິຊາການ ແລະ ວິຊາສະເພາະ ລະດັບທີ່ແນ່ນອນ ບໍ່ອາດເຮັດຕາມລໍາພັງໃຈ ຫຼື ຄວາມຮູ້ສຶກ ອັດຕະວິໃສຂອງຜູ້ໃດຜູ້ໜຶ່ງໄດ້; ການແກ້ໄຂບັນຫາຈໍາເປັນຕ້ອງໄດ້ນໍາໃຊ້ຄວາມຊ່ຽວຊານສະເພາະເຂົ້າ ມາຊ່ວຍວິເຄາະ, ສັງເຄາະການວາງແຜນ ແລະ ໃຫ້ຄໍາແນະນໍາແກ່ລັດຖະບານຜູ້ມີອໍານາດຕັດສິນໃຈ. ໝາຍຄວາມວ່າການແກ້ໄຂບັນຫາທັງໝົດນັ້ນຕ້ອງເປັນໄປຕາມຫຼັກທາງວິຊາການ ບົນພື້ນຖານຄວາມເຂົ້າໃຈຢ່າງເລິກເຊິ່ງ ກົກຮາກທີ່ແທ້ຈິງຂອງບັນຫາຕະຫຼອດຮອດວັດທະນະທໍາການປະພຶດ ຂອງກົນໄກການບໍລິຫານທີ່ເກີດຂຶ້ນຢູ່ປະເທດເຮົາ ກໍຄືລັດຖະບານທີ່ຜ່ານມາ ແລະ ປັດຈຸບັນເພື່ອສາມາດວິເຄາະ ໃຫ້ໄດ້ເຖິງແກ່ນແທ້ຂອງບັນຫາ ແລ້ວຫາວິທີແກ້ໄຂທີ່ຍືນຍົງ ເພື່ອຮັບມືກັບປັດຈຸບັນ ແລະ ອານາຄົດ.

      ການແກ້ໄຂບັນຫາຢາເສບຕິດ ໃນຮ່າງວາລະແຫ່ງຊາດສະບັບນີ້ ໄດ້ກຳນົດ 6 ວຽກງານຈຸດສຸມ ຄື: 1). ສ້າງຄວາມຮັບຮູ້ໃນທົ່ວສັງຄົມ ດ້ວຍການສຶກສາອົບຮົມ, ໂຄສະນາເຜີຍແຜ່ລະບຽບກົດ         ໝາຍ ແລະ ຜົນຮ້າຍຂອງຢາເສບຕິດ; 2). ສ້າງ ແລະ ປັບປຸງກົດໝາຍ ແລະ ນິຕິກໍາໃຕ້ກົດໝາຍທີ່ກ່ຽວຂ້ອງກັບບັນຫາຢາເສບຕິດ; 3). ປັບປຸງກົງຈັກການຈັດຕັ້ງ ແລະ ຍົກລະດັບຄວາມສາມາດໃນການເຄື່ອນໄຫວເຮັດໜ້າທີ່ການເມືອງຂອງອົງການສືບສວນ-ສອບສວນ, ອົງການສານປະຊາຊົນ, ອົງການໄອຍາການປະຊາຊົນ, ອົງການປະຕິບັດຄຳຕັດສິນຂອງສານ ແລະ ພາກສ່ວນທີ່ກ່ຽວຂ້ອງຕໍ່ການແກ້ໄຂບັນຫາຢາເສບຕິດ; 4). ຍົກສູງປະສິດທິພາບດ້ານການຄຸ້ມຄອງ, ຊີ້ນໍາໃນການຈັດຕັ້ງປະຕິບັດຮອບດ້ານໃນວຽກງານແກ້ໄຂບັນຫາຢາເສບຕິດ; 5). ປັບປຸງຂີດຄວາມສາມາດການເຄື່ອນໄຫວເຮັດໜ້າທີ່ຂອງລະບົບການເມືອງແຕ່ລະຂັ້ນ ເພື່ອຊີ້ນໍາ-ນຳພາການແກ້ໄຂບັນຫາຢາເສບຕິດທີ່ເກີດຂຶ້ນຢູ່ໃນຂອບເຂດຄວາມຮັບຜິດຊອບຂອງຕົນ; 6). ເພີ່ມທະວີວຽກງານການຮ່ວມມືກັບສາກົນ ເພື່ອແກ້ໄຂບັນຫາຢາເສບຕິດ.

      ທ່ານ ວິໄລ ຫຼ້າຄຳຟອງ ຍັງໄດ້ສະເໜີເຖິງການແບ່ງຄວາມຮັບຜິດຊອບ ເພື່ອໃຫ້ວາລະແຫ່ງຊາດສະບັບນີ້ ມີປະສິດທິພາບ, ປະສິດທິຜົນ ໃຫ້ແກ່ທຸກຂະແໜງການກ່ຽວຂ້ອງທັງສູນກາງ ແລະ ທ້ອງຖິ່ນ ນັບແຕ່ບັນດາກະຊວງ-ອົງການ ແລະ ສະຖາບັນຄອບຄົວ. ນອກນີ້, ທ່ານ ຍັງໄດ້ໃຫ້ຮູ້ເຖິງບັນດາມາດຕະການ ໃນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດສະບັບນີ້.

(ຂ່າວ: ສຸກສະຫວັນ - ພາບ: ບຸນຕອມ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com