ຫົວ​ຂໍ້ : ສິດທິເດດ ຫວັງປ້ອງກັນແຊັມ 3 ຫຼຽນຄຳ ຊຽງຂວາງເກມ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 30/01/2020 09:49:13 ຈຳ​ນວນ​ຜູ້​ເຂົ້າ​ຢ້ຽມ​ຊົມ 882 ຄັ້ງ

ທ້າວ ສິດທິ​ເດດ ສັກ​ບ່ຽງ ນັກ​ກິລາ​ສະ​ໜຸກ​ເກີ​ທີ​ມ​ຊາດ​ລາວ ແລະ ແຂວງ​ສະຫວັນ​ນະ​ເຂດ ແຈ້ງ​ໃຫ້​ຊາບ​ວ່າ:  ປັດຈຸບັນ​ຕົນ​ເອງ ແມ່ນ​ມີ​ຄວາມ​ພ້ອມ​ທີ່​ຈະ​ໄປ​ປ້ອງ​ກັນ​ແຊັມ​ຫຼຽນ​ຄຳ ໃນ​ຊຽງ​ຂວາງ ເກມ 2020. ການ​ແຂ່ງຂັນ​ສະ​ໜຸກ​ເກີ ຊຽງ​ຂວາງ ເກມ 2020 ປີ​ນີ້ ມີ​ການ​ຊີງ​ໄຊ​ທັງ​ໝົດ 3 ລາຍການ ປະກອບ​ມີ ດ່ຽວ​ຊາຍ ທີ​ມ​ຄູ່​ຊາຍ ແລະ ທີ​ມ​ຊາຍ ໃນ​ນັ້ນ ສະເພາະ​ແຂວງ​ສະຫວັນ​ນະ​ເຂດ ແມ່ນ​ສົ່ງ​ນັກ​ກິລາ​ທັງ​ໝົດ ຈຳນວນ 4 ຄົນ ມີ​ຄະນະ​ນຳ 3 ທ່ານ ແລະ ຄູ​​ຝຶກ 1 ທ່ານ ສຳລັບ​ຜົນງານ​ຂອງ ສິດທິ​ເດດ ສັກ​ບ່ຽງ ເຄີຍ​ສ້າງ​ປະຫວັດສາດ​ຍາດ​ໄດ້ 3 ຫຼຽນ​ຄຳ ໃຫ້​ແຂວງ​ສະຫວັນ​ນະ​ເຂດ ໃນ​ງານ​ກິລາ​ແຫ່ງ​ຊາດ ຄັ້ງ​ທີ Vlll ທີ່​ແຂວງ​ຈຳປາ​ສັກ ເປັນ​ເຈົ້າພາບ ເມື່ອ​ປີ 2008 ຈາກ​ປະເພດ​ດ່ຽວ​ຊາຍ ທີ​ມ​ຄູ່​ຊາຍ ແລະ ທີ​ມ​ຊາຍ ນອກ​ນັ້ນ ກໍ​ຍັງ​ສ້າງ​ປະຫວັດສາດ​ຢ່າງ​ຍິ່ງ​ໃຫຍ່​ໃຫ້ ສປປ ລາວ ດ້ວຍ​ການ​ຍາດ​ໄດ້​ຫຼຽນ​ຄຳ ງານ​ກິລາ​ຊີເກມ ຄັ້ງ​ທີ XXlX ທີ່​ປະເທດ​ມາ​ເລ​ເຊຍ ເມື່ອ​ປີ 2017 ແລະ ຫຼ້າ​ສຸດ ກໍ​ສາມາດ​ຍາດ​ໄດ້​ຫຼຽນ​ທອງ ຈາກ​ງານ​ມະ​ຫະ​ກຳ​ກິລາ​ຊີເກມ ຄັ້ງ​ທີ XXX ທີ່​ປະເທດ​ຟີ​ລິບ​ປິນ ເປັນ​ເຈົ້າພາບ ເມື່ອ​ປີ 2019 ຜ່ານ​ມາ. 
(​ຂ່າວ: ວົງຈອນກິລາ)
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110