Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ຮອງ​ນາ​ຍົກ​ ລາຍ​ງານ​ສະ​ພາບ​ການ​ລະ​ບາດຂອງ​ພະ​ຍາດ​ໂຄວິດ-19 ຕໍ່ ​ສ​ສ​ຊ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 09/08/2021 16:19:32 ຈຳ​ນວນ​​ຢ້ຽມ​ຊົມ 3993 ຄັ້ງ

ທ່ານ ກິແກ້ວ ໄຂຄຳພິທູນ ຮອງນາຍົກລັດຖະມົນຕີ ຫົວໜ້າຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ໄດ້ລາຍງານກ່ຽວກັບສະພາບການແຜ່ລະບາດຂອງພະຍາດໂຄວິດ-19 ແລະ ມາດຕະການແກ້ໄຂຜົນກະທົບຈາກການແຜ່ລະບາດຂອງພະຍາດດັ່ງກ່າວ ຕໍ່ກອງປະຊຸມສະໄໝວິສາມັນ ເທື່ອທີ 1 ຂອງສະພາແຫ່ງຊາດ ຊຸດທີ IX ໃນວັນທີ 9 ສິງຫານີ້ ທີ່ຫໍສະພາແຫ່ງຊາດ ໂດຍການເປັນ ປະທານຂອງ ທ່ານ ຈະເລີນ ເຢຍປາວເຮີ ຮອງປະທານສະພາແຫ່ງຊາດ.

      ທ່ານຮອງນາຍົກລັດຖະມົນຕີກ່າວວ່າ: ເຖິງແມ່ນວ່າ ສ​ປ​ປ ລາວ ພວກ​ເຮົາສາມາດຄວບຄຸມ ການລະບາດໃນຊຸມຊົນໄດ້ດີ ຕະຫຼອດໄລຍະເດືອນມິຖຸນາ ຫາ ກາງເດືອນກໍລະກົດ, ແຕ່ເມື່ອແຮງງານລາວໄດ້ຫຼັ່ງໄຫຼກັບຄືນປະເທດ ຈຶ່ງມີກໍລະນີຕິດເຊື້ອນໍາເຂົ້າຈາກປະເທດໃກ້ຄຽງເພີ່ມຂຶ້ນຫຼາຍໃນແຕ່ລະວັນ. ນອກນັ້ນຍ້ອນສະຖານທີ່ຈໍາກັດບໍລິເວນບໍ່ພຽງພໍ, ບໍ່ໄດ້ມາດຕະຖານ ແລະ ແອອັດ ບໍ່ສາມາດປະຕິບັດໄລຍະຫ່າງ ຈຶ່ງພົບກໍລະນີຕິດເຊື້ອ ເມື່ອຈໍາກັດບໍລິເວນຄົບ 14 ວັນແລ້ວ ແລະ ນໍາເຊື້ອໄປຕິດຕໍ່ໃນຊຸມຊົນຢູ່ບາງແຂວງ, ມາຮອດວັນທີ 7 ສິງຫາ 2021 ທົ່ວປະເທດ ມີຜູ້ຕິດເຊື້ອພະຍາດ COVID-19 ສະສົມທັງຫມົດ 8.132 ກໍລະນີ (ໃນນີ້ຕິດເຊື້ອໃນຊຸມຊົນໃນປະເທດມີ 1.813 ກໍລະນີ ແລະ ນໍາເຂົ້າ 6.319 ກໍລະນີ), ປິ່ນປົວ ຫາຍດີທັງໝົດ 4.179 ຄົນ, ກໍາລັງປິ່ນປົວ 3.946 ຄົນ, ເສຍຊີວິດ 7 ຄົນ, ສະເພາະເດືອນກໍລະກົດ 2021 ມີຜູ້ຕິດເຊື້ອທັງໝົດ 4.155 ກໍລະນີ, ໃນນີ້ ຕິດເຊື້ອໃນຊຸມຊົນ 84 ກໍລະນີ ແລະ ນໍາເຂົ້າ 4.071 ກໍລະນີ ຊຶ່ງແຍກເປັນແຂວງມີ ສະຫວັນນະເຂດ 1.958 ກໍລະນີ, ແຂວງຈໍາປາສັກ 1.284 ກໍລະນີ, ສາລະວັນ 421 ກໍລະນີ, ນະຄອນຫຼວງວຽງຈັນ 240 ກໍລະນີ ທີ່ເຫຼືອແມ່ນ ບໍລິຄໍາໄຊ, ຄໍາມ່ວນ, ອຸດົມໄຊ, ຫຼວງນ້ໍາທາ, ໄຊຍະບູລີ ແລະ ບໍ່ແກ້ວ, ສັງລວມໄດ້ວ່າ 97,9% ຂອງການຕິດເຊື້ອໃນເດືອນກໍລະກົດ ມາຈາກການນໍາເຂົ້າ ແລະ ແມ່ນສາຍພັນເດວ​ຕ້າ, ໃນວັນທີ 31 ກໍລະກົດ ກວດພົບ 380 ກໍລະນີ ຊຶ່ງເປັນການຕິດເຊື້ອສູງທີ່ສຸດ ທຽບໃສ່ໄລຍະຜ່ານມາ, ວັນທີ 1-7 ສິງຫາ 2021 ມີຜູ້ຕິດເຊື້ອທັງໝົດ 1.566 ກໍລະນີ ໃນນີ້ ຕິດໃນຊຸມຊົນ 90 ກໍລະນີ ແລະ ນໍາເຂົ້າ 1.476 ກໍລະນີ.

 ທ່ານກ່າວຕື່ມວ່າ: ການຈັດຕັ້ງປະຕິບັດມາດຕະການປ້ອງກັນ, ຄວບຄຸມ, ສະກັດກັ້ນ, ແກ້ໄຂການລະບາດ ແລະ ມາດຕະການແກ້ໄຂຜົນກະທົບຈາກການລະບາດຂອງພະຍາດດັ່ງກ່າວ ໂດຍບັນດາຂະແໜງການ ແລະ ທ້ອງຖິ່ນ ໄດ້ຜັນຂະຫຍາຍຄໍາສັ່ງ 15/ນຍ, ແຈ້ງການຂອງລັດຖະບານ ກໍຄື ຂອງ ຄະນະສະເພາະກິດ ເປັນນິຕິກໍາຂອງຕົນ ສອດຄ່ອງກັບສະພາບການຕົວຈິງ ຂອງຂະເໜງການ ແລະ ທ້ອງຖິ່ນ, ໄດ້ນໍາໃຊ້ມາດຕະການຄວບຄຸມການລະບາດ ໂດຍແບ່ງເປັນເຂດຄວບຄຸມເດັດຂາດ (ເຂດ    ແດງ), ເຂດເຝົ້າລະວັງ (ເຂດເຫຼືອງ) ແລະ ເຂດຄວາມສ່ຽງຕ່ຳ (ເຂດຂຽວ) ຊຶ່ງມີລະບຽບການຄຸ້ມຄອງທີ່ຊັດເຈນ ທັງໄດ້ຮັບຄວາມຮ່ວມມືຈາກອົງການປົກຄອງ ແລະ ປະຊາຊົນຢູ່ແຕ່ລະເຂດເປັນຢ່າງດີ, ໄດ້ເພີ່ມຄວາມເຂັ້ມງວດໃນການຈໍາກັດບໍລິເວນ ໂດຍບໍ່ອະນຸຍາດໃຫ້ຜູ້ສໍາຜັດໃກ້ຊິດ ຈໍາກັດບໍລິເວນຢູ່ເຮືອນ. ໄດ້ເປີດການນໍາໃຊ້ບໍລິການແອັບ "ລາວສູ້ໆ" ຜ່ານໂປຣແກຣມ LaoKYC ເພື່ອບັນທຶກຂໍ້ມູນປະຫວັດການ    ​ເຄື່ອນ​ໄຫວ​ຂອງບຸກຄົນ ຊຶ່ງພາຍໃນ 1 ເດືອນຜ່ານມາ ມີການຕິດຕັ້ງໃສ່ໂທລະສັບ 4 ແສນຄັ້ງແລ້ວ, ສະແກນ QR-Code ຫຼາຍກວ່າ 1 ລ້ານຄັ້ງ, ໄດ້ສືບຕໍ່ໂຄສະນາເຜີຍແຜ່ມາດຕະການຕ່າງໆ ທີ່ລັດຖະບານ ແລະ ຄະນະສະເພາະກິດວາງອອກດ້ວຍຫຼາຍຮູບແບບ; ຕິດຕາມສະພາບພົ້ນເດັ່ນໃນ​ສື່ສັງຄົມອອນລາຍ, ເມື່ອມີການເຜີຍແຜ່ ຫຼື ສົ່ງຕໍ່ຂໍ້ມູນທີ່ບິດເບືອນແມ່ນໄດ້ກວດກາ ແລະ ແກ້ໄຂ; ໄດ້ຖະແຫຼງຂ່າວປະຈໍາວັນກ່ຽວກັບສະພາບການລະບາດ, ໃຫ້ຂໍ້ມູນທາງດ້ານການແພດ ແກ່ປະຊາຊົນ, ພ້ອມທັງ ອະທິບາຍ ຊີ້ແຈງບັນຫາທີ່ສັງຄົມສົນໃຈ ກ່ຽວກັບ COVID-19, ແນະນໍາກ່ຽວກັບຂັ້ນຕອນການເດີນທາງກັບຄືນປະເທດຂອງແຮງງານລາວ, ນະໂຍບາຍ ແລະ ມາດຕະການ ເພື່ອແກ້ໄຂຜົນກະທົບຂອງການລະບາດພະຍາດ COVID-19 ຕໍ່ເສດຖະກິດ ແລະ ອື່ນໆ, ໄດ້ຕິດຕາມກວດກາກິດຈະການທີ່ຫ້າມເປີດ, ເມື່ອພົບເຫັນການລະເມີດແມ່ນໄດ້ຕັກເຕືອນ ຫຼື ປັບໄຫມ ແລະ ມີບົດບັນທຶກຕາມລະບຽບການ, ໄດ້ດໍາເນີນຄະດີ ຕໍ່ຜູ້ທີ່ມີສ່ວນພົວພັນໃນການເຂົ້າເມືອງຜິດກົດໝາຍ ແລະ ການລະບາດໃນຄັ້ງນີ້ ຈໍານວນ 6 ຄົນ ຊຶ່ງສານປະຊາຊົນນະຄອນຫຼວງ ໄດ້ຕັດສິນຄະດີໃນວັນທີ 15 ກໍລະກົດ 2021, ໄດ້ສືບຕໍ່ເຂັ້ມງວດໃນການລາດຕະເວນຕາມຊາຍແດນເພື່ອບໍ່ໃຫ້ມີການລັກລອບຂ້າມແດນ, ພ້ອມທັງຄຸ້ມຄອງການນໍາໃຊ້ເຮືອຫາປາຢູ່ຕາມລໍານ້ໍາເຂດຊາຍແດນລະຫວ່າງປະເທດຢ່າງໃກ້ຊິດ, ໄດ້ປະສານກັບບັນດາກະຊວງກ່ຽວຂ້ອງຂອງຝ່າຍໄທ ເພື່ອຊ່ວຍເຫຼືອ ແລະ ສ້າງເງື່ອນໄຂສະດວກໃຫ້​ແກ່ແຮງງານລາວຢູ່ໄທ, ຊຸກຍູ້ໃຫ້ເຂົາເຈົ້າສືບຕໍ່ເຮັດວຽກ, ຫາກບໍ່ຈໍາເປັນແມ່ນບໍ່ເຄື່ອນຍ້າຍກັບຄືນ ສປປ ລາວ, ພ້ອມນີ້, ໄດ້ປະສານກັບບັນດາແຂວງຂອງໄທ ເພື່ອຂໍໃຫ້ສົ່ງແຮງງານລາວ​ກັບມາຕາມຄວາມສາມາດຮອງຮັບຕົວຈິງຂອງຝ່າຍລາວ.

ສຳ​ລັບການປິ່ນປົວ ສະຖານທີ່ການປິ່ນປົວຫຼັກແມ່ນໂຮງໝໍສູນກາງ, ໂຮງໝໍແຂວງ ແລະ ໂຮງໝໍຊຸມຊົນບາງແຫ່ງ ນອກຈາກນີ້ຍັງມີໂຮງໝໍພາກສະໜາມ ໂດຍພື້ນຖານແມ່ນມີຄວາມພ້ອມທາງດ້ານອຸປະກອນການແພດ ແລະ ຢາປິ່ນປົວ, ຈໍານວນຕຽງຢູ່ໂຮງໝໍສູນກາງ (ມິດຕະພາບ, ເຊດຖາທິຣາດ ແລະ 103 ກອງທັບ) ມີທັງໝົດ 216 ຕຽງ (ໃນນັ້ນມີ ICU 20 ຕຽງ), ຈໍານວນຕຽງຢູ່ໂຮງໝໍພາກສະ                   ໜາມ ສູນກາງ ມີທັງມົດ 740 ຕຽງ. ຈໍານວນຕຽງຢູ່ໂຮງໝໍແຂວງ ມີທັງໝົດ 1.101 ຕຽງ, ຈໍານວນຕຽງຢູ່ໂຮງໝໍແຂວງ ພາກສະໜາມ ມີທັງໝົດ 6.818 ຕຽງ.

 ໃນສະພາບທີ່ແຮງງານ​ເດີນ​ທາງກັບຄືນປະເທດຈໍານວນຫຼາຍ ເຮັດໃຫ້ມີການຕິດເຊື້ອເພີ່ມຂຶ້ນຢ່າງໄວວາ ຢູ່ບັນດາແຂວງ, ອົງການປົກຄອງທ້ອງຖິ່ນ ແລະ ຄະນະສະເພາະກິດຂັ້ນແຂວງ ຈຶ່ງໄດ້ຈັດຫາສະຖານທີ່ ສ້າງເປັນໂຮງໝໍພາກສະໜາມເພື່ອຮອງຮັບຜູ້ຕິດເຊື້ອໃຫ້ພຽງພໍ ແລະ ທັນການໃນແຕ່ລະວັນ.

ສຳ​ລັບບຸກຄະລາກອນທົ່ວປະເທດ ມີຄະນະແພດທີ່ໄດ້ຮັບການຝຶກອົບຮົມ ເພື່ອເປັນໜ່ວຍຫຼັກໃນການປິ່ນປົວ, ມີໜ່ວຍສໍາຮອງ ແລະ ໜ່ວຍສະໜັບສະໜູນ ຊຶ່ງມີທັງໝົດ 2.964 ຄົນ ໃນນັ້ນມີໜ່ວຍຫຼັກ 1.202 ຄົນ, ໜ່ວຍສໍາຮອງ 1.082 ຄົນ ແລະ ໜ່ວຍສະໜັບສະໜູນ 680 ຄົນ.

ໃນ​ຂະ​ນະ​ດຽວ​ກັນ ສ​ປ​ປ ລາວ ​ພວກ​ເຮົາ ກໍ​ໄດ້​ຮັບວັກຊິນຫຼາຍ​ຊະ​ນິດ ໂດຍ​ມາ​ຮອດ ວັນທີ 6 ສິງຫາ 2021 ໄດ້​ຮັບ​ວັກ​ຊິນທັງໝົດ 4.176.490 ໂດສ, ໃນນີ້ຈາກລັດຖະບານ ສປ ຈີນ 1.902.000 ໂດສ (Sinopharm), ຣັດເຊຍ 1.000 ໂດສ (Sputnik), UNDP ປະຈຳລາວ 1.000 ໂດສ (AstraZeneca), COVAX Facility  232.620 ໂດສ (AstraZeneca) 132.000 ໂດສ ແລະ Pfizer 100.620 ໂດສ, ສະຖານທູດອິນເດຍ 50 ໂດສ (Astra Zeneca), ລັດຖະບານສະຫະລັດອາເມຣິກາ ຜ່ານ COVAX Facility 1.008.000 ໂດສ (Johnson & Johnson), ລັດຖະບານອັງກິດຜ່ານ COVAX Facility 415.000 ໂດສ, ລັດຖະບານຍີ່ປຸ່ນຜ່ານ  COVAX Facility 616.820 ໂດສ, ມາຮອດວັນທີ 6 ສິງຫາ 2021 ທົ່ວປະເທດໄດ້ສັກວັກ​ຊິນ​ປ້ອງ​ກັນ​ໂຄວິດ-19 ເຂັມທີ 1 ໄດ້ 1.361.848 ຄົນ (18,56%) ແລະ ເຂັມທີ 2 ໄດ້ 1.212.791 ຄົນ (16,53%).

(ຂ່າວ-ພາບ: ສຳນານ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com