ຫົວ​ຂໍ້ : ສະຖານທີ່ທ່ອງທ່ຽວຂອງໂລກທີ່ໜ້າສົນໃຈ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 31/01/2020 09:22:39 ຈຳ​ນວນ​ຜູ້​ເຂົ້າ​ຢ້ຽມ​ຊົມ 306 ຄັ້ງ

  ຮຽບຮຽງ​ໂດຍ: ວິໄລ​ພອນ

  Booking.com ຜູ້ນຳດ້ານ​ການ​ເດີນທາງ​ອອນ​ລາຍ ຊຶ່ງ​ເຊື່ອມ​ໂຍງ​ຜູ້​ເດີນທາງ​ເຂົ້າ​ກັບ​ທາງ​ເລືອກ​ສະຖານທີ່ພັກຜ່ອນ​ທີ່​ມີ​ເອກະລັກ​ຫຼາກ​ຫຼາຍ​ປະເທດ ຕະຫຼອດ​ຈົນ​ຮອດ​ສິ່ງ​ຕ່າງໆ​ກໍ​ບໍ່​ຄວນ​ພາດ​ໂອກາດ ເມື່ອ​ມີ​ແຜນທີ່​ຈະ​ເດີນທາງ ແລະ ທາງ​ເລືອກ​ທີ່​ດີ​ໃນ​ການ​ສຳຫຼວດ​ເຈາະ​ເລິກ​ການ​ຈອງ​ບ່ອນ​ພັກ ຜ່ອນ​ໃນ​ທົ່ວ​ໂລກ ເພື່ອ​ຊອກ​ຫາ​ຈຸດໝາຍ​ໃໝ່ໆ ທີ່​ຈະ​ມອບ​ປະສົບ​ການ​ແປກ​ໃໝ່ ຊຶ່ງ​ບໍ່​ເຄີຍ​ສຳຜັດ​ມາ​ກ່ອນ​ໃນ​ປີ​ນີ້ ໃຫ້​ແກ່​ນັກ​ເດີນທາງ​ທັງ​ພາຍ​ໃນ ແລະ ຕ່າງ​ປະ​ເທດ.
  ອີງ​ຕາມ​ແຫຼ່ງ​ຂ່າວ​ຈາກ​ຕ່າງປະເທດ, ບັນດາ​ສະຖານທີ່​ທ່ອງ​ທ່ຽວ​ທີ່​ມີ​ຊື່​ສຽງ​ໂດ່​ງ​ດັງໃນ​ທົ່ວ​ໂລກ ເປັນຕົ້ນ​ແມ່ນ ຊັນ​ຕາ (Salta) ຂອງ​ປະເທດ​ອາກ ຊັງ​ຕິນ ຕັ້ງ​ຢູ່​ໃຈກາງ​ພູເຂົາ​ແອນ​ດິ​ສ​ໃນ​ອາ​ກ​ຊັງ​ຕິນ ມີ​ສະ​ຖາ​ປັດ​ຕະ​ຍາ​ກຳ​ອານາ​ນິຄົມ (Colonial) ສີສັນ​ສົດໃສ ແລະ ພື້ນ​ທີ່​ໃກ້ໆ ຊຶ່ງ​ເປັນ​ພາກ​ພື້ນ​ທີ່​ມີ​ສີສົດ​ໃສ ແລະ ເປັນ​ເອກະ​ລັກ. ອີກ​ຢ່າງ​ໜຶ່ງ​ເມືອງ​ແຫ່ງ​ນີ້, ຍັງ​ເປັນ​ຈຸດໝາຍ​ທີ່​ພ້ອມ​ຈະ​ມອບ​ຄວາມ​ສະໜຸກ​ສະ​ໜານ ແລະ ປະສົບ​ການ​ທີ່​ແປກ​ໃໝ່ໃຫ້ກັບ​ ຜູ້​ທີ່​ຈະ​ເດີນທາງ​ມາ​ຢ້ຽມ​ຢາມ. ຕາມ​ການ​ສຳຫຼວດ​ເຫັນ​ວ່າ 19% ທົ່ວ​ໂລກ ທີ່​ຕ້ອງການ​ຈະ​ເດີນທາງ​ໄປ​ຢ້ຽມຢາມ​ສະ ຖານທີ່​ແຫ່ງ​ນີ້​ໃນ​ປີ 2020.
  ທາ​ຄາ​ມັດ​ສຸ (Takamatsu) ຂອງ​ຍີ່ປຸ່ນ ຫຼື ຮູ້ຈັກ​ກັນ​ໃນ​ອີກ​ຊື່​ໜຶ່ງ​ວ່າ; “ອານາຈັກ​ອຸ​ດົ້ງ ແລະ ປະຕູ​ສູ່​ຊິ​ໂກ​ກຸ” ເປັນ​ເມືອງ​ທ່າ​ທີ່​ເໝາະ​ສົມ​ຢ່າງ​ຍິ່ງ​ສໍາ​ລັບ​ຜູ້​ທີ່​ຕ້ອງການ​ເດີນທາງ​ໄປ​ພັກຜ່ອນ ລວມ​ທັງ​ຜູ້​ທີ່​ມັກ​ຊີມ​ອາຫານ​ແປກ​ໃໝ່ ແລະ ສາກ​ຫຼັງ​ທີ່​ເປັນ​ພູມ​ສັນຖານ​ປະເທດ​ທີ່​ສວຍ​ງາມ ໂດຍ​ມີ​ນັກ​ທ່ອງ​​ທ່ຽວຕ້ອງການ​ທີ່​ຈະໄປສຳຫຼວດ​ເມືອງ​ລອງ​ແຫ່ງ​ນີ້  ເປັນ​ອັນ​ດັບ 3 ຂອງ​ໂລກ.
  ຊອກ​ວີ​ໂພ (Seogwipo) ປະເທດ ສ.ເກົາຫຼີ ເປັນ​ເມືອງ​ໃຫຍ່​ອັນ​ດັບ 2 ຂອງ​ເກາະ​ເຊ​ຈູ​ ໃນ​ປະເທດ ສ.ເກົາຫຼີ, ເປັນ​ເມືອງ​ທີ່​ມີ​ບັນຍາກາດ​ຄຶກຄື້ນ​ສະໜຸກສະໜານຕັ້ງຢູ່ແຄມ​ທະເລ ແລະ ອ້ອມ​ຮອບ​ດ້ວຍ​ສິ່ງ​ມະຫັດສະຈັນ​ທາງ​ທຳ​ມະ​ຊາດ​ຂອງ​ແຄມ​ຝັ່ງ​ທີ່​ເປັນ​ຫີນ​ພູເຂົາ​ໄຟ. Seogwipo ເປັນ​ສະຖານທີ່ ທີ່​ເໝາະ​ຢ່າງຍິ່ງ​ສຳລັບ​ຜູ້​ເດີນທາງ​ທີ່​ມັກ​ເຮັດ​ກິດຈະກຳ​ເພາະ​ມີ​ແຫຼ່ງ​ນຳ້​ສີ ຟ້າໃສ ຊຶ່ງ​ຈະ​ເປັນ​ສິ່ງ​ທີ່​ນິຍົມ​ຢ່າງ​ແນ່ນອນ​ໃນ​ກຸ່ມ​ຜູ້​ທີ່​​ຮັກ​ມັກ​ການ​ດຳ​ນຳ້​ເລິກ. ໃນ​ຂະນະ​ທີ່​ຍອດພູ​ຮັນ​ລາ​ຊານ ຊຶ່ງ​ຢູ່​ໃກ້​ຄຽງ​ກັນ​ກໍ​ເປັນ​ທາງ​ເລືອກ​ທີ່​ດີ​ສຳລັບ​ຜູ້​ທີ່​ຕ້ອງການ​ທ່ຽວ​ຊົມ​ ປ່າ​ທໍາ​ມະ​ຊາດ.
  ນິງ​ບິ່ງ (Ninh Binh) ທາງ​ພາກ​ກາງ​ປະເທດ​ຫວຽດນາມ, ມີ​ທັດສະນີ​ຍະ​ພາບ​ທີ່​ງົດ​ງາມ​ສຸດ​ສາຍຕາ ແລະ ໄດ້​ຮັບ​ການ​ຂະໜານ​ນາມ​ວ່າ; “ຮ່າ​ລອງ​ເບ​ເທິງ​ບົກ”, ເນື່ອງ​ຈາກ​ພື້ນ​ທີ່​ອ້ອມ​ຮອບ​ຕົວ​ເມືອງ ເປັນ​ຍອດພູ​ປົກ​ຄຸມ​ໄປ​ດ້ວຍ​ປ່າ​ຂຽວ​ທີ່​ພົ້ນ​ຂຶ້ນ​ມາ​ເໜືອ​ແຜ່ນດິນ​ແທນ​ທີ່​ຈະ​ເປັນ​ແຫຼ່ງ​ນຳ້, ເມືອງ​ນິງ​ບິ່ງ ມີ​ບັນຍາກາດ​ທີ່​ມີ​ຄວາມ​ສະຫງົບ​ກວ່າ​ພື້ນ​ທີ່​ໃກ້ຄຽງ.
  ຈ໊ອດ​ເປີ (Jodhpur) ຫຼື  ໂຢ​ຖາ​ປຸ​ຣະ ປະເທດ​ອິນ​ເດຍ ເປັນ​ເມືອງ​ທີ່​ງົດ​ງາມ​ສຸດ​ສາຍຕາ  ຊຶ່ງ​ເປັນ​ເມືອງ​ທີ່​ຮູ້ຈັກ​ກັນ​ໃນ​ຖານະ​ເມືອງ​ທີ່​ມີ​ສີສັນ​ຫຼາຍ​ທີ່​ ສຸດ ​ແຫ່ງ​ໜຶ່ງ​ຂອງ​ໂລກ, ອາຄານ​ບ້ານ​ເຮືອນ​ສີຟ້າ​ຫຼາຍ​ພັນ​ຫຼັງ​ໄດ້​ປ່ຽນ​ທັດສະນີ​ຍະ​ພາບ​ຂອງ​ຕົວ​ເມືອງ​ໃຫ້​ເບິ່ງ​ຄື​ກັບ​ມະຫາ​ສະ​ໝຸດ. ນອກຈາກ​ທັດສະນີ​ຍະ​ພາບ​ທີ່​ມີ​ສີສັນ​ແລ້ວ, ຈ໊ອດ​ເປີ ຍັງ​ເປັນ​ທີ່​ຕັ້ງ​ຂອງ​ປ້ອມ​ເມ​ຣານ​ການ ພະ​ຣາ​ຊະ​ວັງ​ອຸ​ເມດ​ທາ​ວັນ ແລະ ສວນ​ມັນ​ດໍ ຊຶ່ງ​ເໝາະ​ກັບ​ຜູ້​ທີ່​ຮັກ​ມັກ​ການ​ທ່ອງ​ທ່ຽວ​ວັດທະນະທຳ, ສະ​ຖາ​ປັດ​ຕະ​ຍະ​ກໍາ ແລະ ພິ​ພິ​ທະ​ພັນ.
  ຊາບ​ຈາກ (Zabljak) ປະເທດ​ມອນ​ເຕ​ເນ​ໂກຣ ຊຶ່ງ​ເໝາະ​ແກ່​ຜູ້​ທີ່​ຕ້ອງການ​ເດີນ ທາງ​ໄປ​ຍັງ​ສະຖານທີ່​ ທີ່​ບໍ່​ຄ່ອຍ​ມີ​ຜູ້​ຄົນ​ມາ​ຢ້ຽມຢາມ​ໜາ​ແໜ້ນ​ໃນ​ປີ 2020 ບໍ່​ຄວນ​ພາດ​ຮ່ອມ​ພູ​ໃນ​ເຂດ ຊາບ​ຈາກ ຊຶ່ງ​ເປັນ​ເມືອງ​ນ້ອຍໆ​ຕັ້ງ​ຢູ່​ທາງ​ພາກ​ເໜືອ​ຂອງ​ມອນ​ເຕ​ເນ​ໂກຣ ຊຶ່ງ​ເປັນ​ພູ​ດອຍ, ທ່ານ​ສາມາດ​ເດີນ ທາງ​ໄປ​ທ່ອງ​ທ່ຽວ​ໃນ​ລະດູ​ໜາວ ເພື່ອ​ເຮັດ​ກິດຈະກຳ​ການ​ກະ​ຕຸ້ນ​ອະ​ດຣີ​ນາ​ລິນ​ເທິງ​ພູ​ຫິມະ ຫຼື ໃນ​ເດືອນ​ທີ່​ມີ​ອາກາດ​ອຸ່ນ​ຂຶ້ນ ເພື່ອ​ຫຼິ້ນ​ກິລາ​ທາງນຳ້​ສຸດ​ຕື່ນເຕັ້ນ​ໃນ​ແມ່ນຳ້ ແລະ ທະເລ​ສາບ.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110