ຫົວ​ຂໍ້ : ປີນີ້ເສດຖະກິດອາເມຣິກາຄາດຈະມີການເພີ່ມຂຶ້ນ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 31/01/2020 09:24:28 ຈຳ​ນວນ​ຜູ້​ເຂົ້າ​ຢ້ຽມ​ຊົມ 302 ຄັ້ງ

  ຂ່າວສານ​ຫວຽດນາມ ລາຍ​ງານ​ວ່າ: ຕາມ​ການ​ສໍາ​ຫຼວດຫຼັງ​ສຸດ​ຂອງ​ສະມາຄົມ​ເສດຖະກິດ​ທຸລະ​ກິດ​ແຫ່ງ​ຊາດ​ອາ​ເມ​ຣິ​ກາ (NABE) ປະກາດ​ໃນ​ວັນ​ທີ 27 ມັງກອນ​ຜ່ານ​ມາ ຄາດ​ວ່າ: ຍອດ​ຜະລິດ​ຕະ​ພັນ​ລວມ​ພາຍ​ໃນ​ປະເທດ​ຂອງ​ອາ​ເມ​ຣິ​ກາ (GDP) ຈະ​ເພີ່ມ​ຂຶ້ນ​ປະ ມານ 1,1% - 2% ພາຍ​ໃນ​ປີ​ນີ້.
  ທ່ານ ກອນ​ສະ​ຕັນ ຮັນ​ເຕີ ປະທານ NABE ໃຫ້​ຮູ້​ຕື່ມ​ວ່າ: ເງື່ອນໄຂ​ທຸລະ​ກິດ​ເດືອນ​ມັງກອນ​ນີ້​ຂອງ NABE ມີທ່າ​ອ່ຽງ​ເພີ່ມ​ຂຶ້ນ​ໃນ​ຮອບ 12 ເດືອນ​ຂອງ​ປີ​ນີ້, ເມື່ອ​ທຽບ​ກັບ​ຜົນ​ການ​ສໍາ​ຫຼວດ​ເມື່ອ​ເດືອນ​ຕຸລາ​ປີ​ ຜ່ານ​ມາ. ຕາມ​ການ​ສໍາ​ຫຼວດ​ບຸກ ຄົນ​ໃນ​ວົງ​ການ​ທຸລະ​ກິດ 30%  ຄາດ ​ຄະເນ​ວ່າ: ເສດຖະກິດອາ​ເມ​ຣິ​ກາ ຈະ​ເພີ່ມ​ຂຶ້ນ​ປະມານ 2,1% - 3%, ເມື່ອ​ທຽບ​ກັບ​ການ​ສໍາ​ຫຼວດ​ເມື່ອ​ເດືອນ​ຕຸລາ​ປີ​ຜ່ານ​ມາ. ຜູ້​ຊ່ຽວຊານ​ຂອງ​ມະຫາວິທະຍາໄລ ຮາ​ເວີດ ເຄນ​ເນ​ດີ ໃຫ້​ຮູ້​ວ່າ: ປັັດ​ຈຸ​ບັນ, ວິ​ສາ​ຫະ​ກິດ​ມີ​ຈໍາ​ນວນ​ເພີ່ມ​ຂຶ້ນ ເຮັດ​ໃຫ້​ເກີດ​ສະພາບ​ຂາດ​ແຮງ​ງານ. ໃນ​ນັ້ນ, 50% ຈໍາ​ນວນ​ວິ​ສາ​ຫະ​ກິດ​ຂາດ​ແຮງ​ງານ​ວິຊາ​ການ.
  ອົງການ​ສະຖິຕິ​ແຮງ​ງານ​ອາ​ເມ​ຣິ​ກາ ປະກາດ​ວ່າ: ປີ 2019, ເຖິງ​ວ່າ​ຈໍາ​ນວນ​ຜູ້​ມີ​ວຽກ​ເຮັດ​ງານ​ທໍາ​ຢູ່​ອາ​ເມ​ຣິ​ກາ ເພີ່ມ​ຂຶ້ນ 2,1 ລ້ານ​ຄົນ, ແຕ່​ເມື່ອ​ທຽບ​ກັບ​ໂຕ​ເລກ 2,7 ລ້ານ​ຄົນ, ໃນ​ປີ 2018 ແມ່ນ​ຫຼຸດ​ລົງ, ຈໍາ​ນວນ​ຜູ້​ມີ​ວຽກ​ເຮັດ​ງານ​ທໍາ​ສະເລ່ຍ​ຕໍ່​ເດືອນ​ແມ່ນ 175.000 ຄົນ, ຫຼຸດ​ລົງ​ຫຼາຍ​ເມື່ອ​ທຽບ​ກັບ​ໂຕ​ເລກ 225.000 ຄົນ​ໃນ​ປີ 2018.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110