ຫົວ​ຂໍ້ : EU ໃຫ້ສັດຕະຍາບັນກົດໝາຍເບຣຊິດ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 31/01/2020 09:26:10 ຈຳ​ນວນ​ຜູ້​ເຂົ້າ​ຢ້ຽມ​ຊົມ 309 ຄັ້ງ

  ຂ່າວ​ຕ່າງປະເທດ​ລາຍ​ງານ​ວ່າ: ວັນ​ທີ 30 ມັງກອນນີ້, ລັດ​ຖະ​ສະພາ​ເອີ​ຣົບ ມີ​ມະຕິ ໃນ​ກອງ​ປະຊຸມ​ດ້ວຍ​ສຽງ​ສ່ວນ ຫຼາຍ 621 ຕໍ່ 49 ສຽງໃຫ້ສັດ ຕະຍາບັນ​ຕໍ່​ກົດໝາຍ​ວ່າ​ດ້ວຍ ​ການ​ຖອນ​ຕົວ​ອອກ​ຈາກ​ສະ ຫະພາບ​ເອີ​ຣົບ ຂອງ​ອັງກິດ (Brexit) ໂດຍທ່ານ ຊານ ມິ​ເຊວ ປະທານ​ຄະ​ນະ​ກໍາ​ມະ​ການ​ສະຫະພາບ​ເອີ​ຣົບ ແລະ ທ່ານ ນາງ ອົວ​ຊູ​ລາ ຟອນ ແດ​ເລ​ເຢນ ປະທານ​ຄະນະ​ກຳມາ​ທິ​ການ​ເອີ​ຣົບ (EC) ໄດ້​ລົງ​ນາມ​ເມື່ອ​ວັນ​ທີ 24 ມັງກອນ​ທີ່​ຜ່ານ​ມາ. ຂໍ້​ຕົກລົງ​ດັ່ງກ່າວ ເປັນ​ສະບັບ​ດຽວ​ກັບ​ກົດໝາຍ​ວ່າ​ດ້ວຍ​ການ​ຖອນ​ຕົວ​ອອກ​ຈາກ​ສະຫະພາບ​ເອີ​ຣົບ (EU) ຫຼື ກົດໝາຍ Brexit ຊຶ່ງ​ລັດ​ຖະ​ສະພາ​ອັງກິດ ໄດ້​ໃຫ້​ສັດຕະຍາບັນ ເມື່ອ​ກາງ​ອາທິດ​ທີ່​ຜ່ານ​ມາ.
  ຂ່າວ​ລາຍ​ງານ​ວ່າ: ການ​ໃຫ້​ສັດຕະຍາບັນ​ຂອງ​ສະພາ​ເອີ​ຣົບ ຖື​ວ່າ: ເປັນ​ຂັ້ນ​ຕອນ​ສຸດ​ທ້າຍ​ຢ່າງ​ເປັນ​ທາງ​ການ ສຳລັບ​ຂະບວນ​ການ Brexit ໂດຍ ອັງກິດ ຈະ​ສິ້ນ​ສຸດ​ການ​ເປັນ​ສະມາຊິກ EU ຢ່າງ​ຍາວ​ນານ 47 ປີ, ໃນ​ເວລາ 23:00 ໂມງ ຂອງ​ວັນ​ທີ 31 ມັງກອນ​ນີ້. ຖື​ວ່າ​ເປັນ​ປະເທດ​ທຳອິດ​ທີ່​ລາ​ອອກ​ຈາກ​ການ​ເປັນ​ສະມາຊິກ​ຂອງ EU, ຕາມ​ຜົນ​ການ​ລົງ​ປະ ຊາ​ມະຕິ ເມື່ອ​ວັນ​ທີ 23 ມິຖຸ ນາ 2016. ຈາກ​ນັ້ນ​ຈະ​ເຂົ້າ​ສູ່ ໄລຍະ​ປ່ຽນ​ຜ່ານ​ທີ່​ອັງກິດ ແລະ EU ຕ້ອງ​ເຈລະຈາ​ສະ​ຖາ​ປະ ນາ​ຄວາມ​ສຳພັນ​ໃໝ່ ໃນ​ທຸກໆ​ດ້ານ.
  ຂະນະ​ດຽວ​ກັນ​ນັ້ນ, ທ່ານ ໄນ​ເຈວ ຟາ​ຣາດ ຫົວໜ້າ​ພັກ Brexit ຊຶ່ງ​ກວມ​ອັດຕາ​ບ່ອນ​ນັ່ງ​ຂອງ​ອັງກິດ ໃນ​ສະພາ​ເອີ​ຣົບ ຫຼາຍ​ທີ່​ສຸດ ໄດ້​ຖະແຫຼງການ​ອຳ​ລາ​ກອງ​ປະຊຸມ ແລະ ຢືນຢັນ​ວ່າ: ອັງກິດ ຈະ​ບໍ່​ເດີນ​ຖອຍຫຼັງ​ໃນ​ເລື່ອງ​ນີ້​ອີກ. ອີກ​ຢ່າງ​ໜຶ່ງ, ບັນຫາ​ການ​ເຈລະຈາ​ໃນ​ໄລຍະ​ປ່ຽນ​ຜ່ານ​ທີ່​ທຸກ​ຝ່າຍ​ມີ​ຄວາມ​ກັງວົນ ລວມ​ເຖິງ​ການ​ຄຸ້ມຄອງ ​ສິດ ແລະ ເສລີພາບ​ຂອງ​ພົນ ລະເມືອງ EU ທີ່​ອາໄສ​ຢູ່​ອັງກິດ ໃນ​ລະດັບ​ດຽວ​ກັບ​ທີ່ EU ຕ້ອງ​ປົກ​ປ້ອງ​ພົນລະເມືອງ​ຂອງ​ອັງກິດ ທີ່​ອາໄສ​ຢູ່​ໃນ​ປະເທດ​ສະມາຊິກ EU 27 ປະ​ເທດ. ຄ່າ​ທໍາ​ນຽມ​ສຸດ​ທ້າຍ​ທີ່​ອັງກິດ ຕ້ອງ​ຈ່າຍ​ໃຫ້​ກັບ EU ແລະ ມາດ​ຕະການ​ດ້ານ​ພາສີ​ອາກອນ ລະ ຫວ່າງ ອຽກ​ລັງ​ເໜືອ ຊຶ່ງ​ເປັນ​ສ່ວນ​ໜຶ່ງ​ຂອງ​ອັງກິດ ກັບ ອຽກ​ລັງ ຊຶ່ງ​ຍັງ​ຄົງ​ເປັນ​ສະມາຊິກ  EU ຕັ້ງ​ຢູ່​ບົນ​ເກາະ​ດຽວ​ກັນ.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110