ຫົວ​ຂໍ້ : ສາລະວັນ ປາຖະກະຖາ 2 ວັນປະຫວັດສາດ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 31/01/2020 09:39:59 ຈຳ​ນວນ​ຜູ້​ເຂົ້າ​ຢ້ຽມ​ຊົມ 317 ຄັ້ງ

ແຂວງສາລະ​ວັນ ໄດ້​ຈັດ​ພິທີ​ປາຖະກະຖາ ຫວນ​ຄືນ​ມູນເຊື້ອ​ວັນ​ສ້າງຕັ້ງ​ສະຫະພັນ​ກຳມະບານ​ລາວ ຄົບຮອບ 64 ປີ (1 ມັງກອນ 1956-1 ມັງກອນ 2020) ແລະ ວັນ​ສ້າງຕັ້ງ​ອົງ ການ​ໄອ​ຍະ​ການ​ປະຊາຊົນຄົບ ຮອບ 30 ປີ (9 ມັງກອນ 1990-9 ມັງກອນ 2020) ຂຶ້ນ​ໃນວັນ​ ທີ 27 ມັງກອນ​ຜ່ານມາ  ​ທີ່​ສະໂມສອນ​ໂຮງຮຽນ ມສ ອົງ​ແກ້ວ ແຂວງ​ສາລະ​ວັນ, ເປັນ​ກຽດ​ເຂົ້າ​ຮ່ວມ​ໂດຍ​ທ່ານ ຈັນ​ສະໝອນ ພົມ​ມະ​ແສງ ກຳມະການ​ພັກ​ແຂວງ ຮອງ​ຫົົວ​ໜ້າ​ຄະນະ​ໂຄສະນາ​ອົບຮົມ​ແຂວງ, ທ່ານ ສຸ​ລິດ ສີ​ລິ​ມະໂນ​ທຳ ປະທານ​ກຳມະບານ​ແຂວງ,  ທ່ານ ດາວ ແກ້ວ​ດວງດີ ຮອງຫົວໜ້າ​ອົງການ​ໄອ​ຍະການ​ປະຊາຊົນ​ແຂວງ, ມີ​ຄະນະ​ພັກ. 
ທ່ານ ຈັນ​ສະໝອນ ພົມ​ມະ​ແສງ ໄດ້​ຍົກ​ໃຫ້​ເຫັນ​ເຖິງ​ການ​ກຳເນີດ ແລະ ເຕີບ​ໃຫຍ່​ຂະຫຍາຍຕົວ​ຂອງອົງການຈັດ​ ຕັ້ງ​ກຳມະບານ​ລາວ ກ່ອນປົດ ​ປ່ອຍ, ຫຼັງ​ປົດ​ປ່ອຍ ແລະ ມູນ ເຊື້ອ​ອັນ​ດີງາມ​ໃນ​ໄລຍະ​ຜ່ານ ​ມາ​ຂອງ​ອົງການ​ຈັດ​ຕັ້ງ​ກຳມະ ບານ​ລາວ ໂດຍ​ສະເພາະ​ກໍ​ແມ່ນ​ການ​ປະກອບສ່ວນ​ໃນ ການ​ພັດທະນາ​ສ້າງສາ​ປະ ເທດຊາດ, ຍາມ​ໃດ​ກົມ​ການ ເມືອງ​ສູນ​ກາງ​ພັກ, ຄະນະ​ເລ ຂາທິການ​ສູນ​ກາງ​ພັກ​ ກໍໄດ້​ເອົາໃຈໃສ່​ຢ່າງ​ໃກ້ຊິດຕິດແທດ ແລະ ຕີ​ລາຄາ​ສູງ​ຕໍ່​ການຈັດຕັ້ງ​ເຄື່ອນ​ໄຫວ​ຂອງ​ອົງການ​ຈັດ​ຕັ້ງ​ກຳມະບານ​ລາວ​ໃນ​ນາມ​ທີ່​ເປັນ​ຕົວ​ແທນ​ແຫ່ງ​ການ​ປົກ​ປ້ອງ​ສິດ ແລະ ຜົນ​ປະໂຫຍດ​ອັນ​ຊອບ​ທຳ​ຂອງ​ຊົນ​ຊັ້ນ​ກຳມະກອນ ຊາວ​ຜູ້​ອອກແຮງ​ງານ​ລາວ, ເພື່ອ​ເຮັດ​ສໍາ​ເລັດ​ຄາດໝາຍ​ສູ້​ຊົນ​ຕາມ​ມະຕິ​ກອງ​ປະຊຸມ​ໃຫຍ່​ ຄັ້ງ​ທີ IX ແລະ ຄັ້ງ​ທີ X ຂອງ​ພັກ​ປະ ຊາຊົນ​ປະຕິວັດ​ລາວ, ກ່ຽວ​ກັບ​ການສູ້ຊົນລຶບ​ລ້າງ​ຄວາມທຸກ​ຍາກຂອງ​ ປະຊາຊົນ ໃຫ້​ສໍາ​ເລັດ​ຮອດ​ ປີ 2020, ກໍຄື​ສູ້​ຊົນ​ນໍາ​ພາ​ປະເທດ​ຊາດ​ໃຫ້​ຫຼຸດ​ພົ້ນ​ອອກ​ຈາກ​ຄວາມ​ດ້ອຍ​ພັດ​ທະ​ນາ.
 ຈາກ​ນັ້ນ    ຜູ້​ເຂົ້າ​ຮ່ວມຍັງ​ໄດ້​ຮັບ​ຟັງ​ ວັນ​ສ້າງຕັ້ງ​ຂອງ​ອົງການ​ໄອ​ຍະ​ການ ​ຄົບຮອບ 30 ປີ​ໃນ​ການ​ເຕີບ​ໃຫຍ່​ຂະຫຍາຍຕົວ, ພ້ອມ​ດ້ວຍ​ມູນເຊື້ອ ແລະ ໝາກ ຜົນໆ​ງານ​ຂອງ​ອົງການ​ໄອ​ຍະ​ການ​ປະຊາຊົນ ທີ່​ຍາດ​ມາ​ໄດ້​ໃນ​ໄລຍະ 30 ປີຜ່ານມາ ຊຶ່ງ​ອົງການ​ໄອ​ຍະ​ການ​ປະຊາຊົນ ໄດ້​ເຕີບ​ໃຫຍ່​ຂະຫຍາຍຕົວ​ທາງ​ດ້ານ​ປະລິມານ ແລະ ຄຸນ​ນະ​ພາບ, ຮັບປະກັນ​ໄດ້​ທາງ​ດ້ານ​ຄຸນ​ທາດ​ການເມືອງ, ຄຸນ​ສົມ​ບົດ, ສິນ​ທຳ​ປະຕິວັດ ແລະ ວິຊາ​ສະເພາະ​ຂອງ​ພະນັກງານ​ລັດ​ຖະ​ກອນ. (ພາບ​-​ຂ່າວ: ທິດ​ລາ​ນີ ໂຄດ​ໂຍທາ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110