ຫົວ​ຂໍ້ : ເມືອງໝື່ນ ລະນຶກວັນສ້າງຕັ້ງກອງທັບປະຊາຊົນລາວ ຄົບຮອບ 71 ປີ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 31/01/2020 09:40:50 ຈຳ​ນວນ​ຜູ້​ເຂົ້າ​ຢ້ຽມ​ຊົມ 336 ຄັ້ງ

ເມືອງ​ໝື່ນ ແຂວງ​ວຽງຈັນ ໄດ້​ຈັດ​ພິທີ​ປາຖະກະຖາ​ວັນ​ ສ້າງຕັ້ງ​ກອງທັບ​ປະຊາຊົນ​ລາວ ຄົບຮອບ 71 ປີ ຂຶ້ນ​ໃນ​ວັນ​ ທີ 29 ມັງກອນ​ຜ່ານ​ມາ  ​ທີ່​ສະໂມສອນ​ໃຫຍ່​ຫ້ອງ​ວ່າການ​ປົກຄອງ​ເມືອງ​ດັ່ງ​ກ່າວ ໂດຍໃຫ້​ກຽດ​ເຂົ້າ​ຮ່ວມ ແລະ ປາຖະກະຖາຂອງ​ ທ່ານ ພູ​ວອນ ບຸນ​ວິໄລ ກຳມະ ການ​ພັກ​ເ​ເຂ​ວງ ເລຂາ​ພັກ​ເມືອງ ເຈົ້າເມືອງໆ​ໝື່ນ, ມີ​ພາກສ່ວນ​ກ່ຽວຂ້ອງ​ທົ່ວ​ເມືອງ​ເຂົ້າ​ຮ່ວມ​ຮັບ​ຟັງ.
ທ່ານເຈົ້າເມືອງໆ​ໝື່ນ ໄດ້​ຍົກ​ໃຫ້​ເຫັນ​ປະຫວັດ​ແຫ່ງ​ການ​ກຳເນີດ ແລະ ເຕີບ​ໃຫຍ່​ຂະຫຍາຍຕົວ​ຂອງ​ກອງທັບ​ປະຊາ​​ຊົນ​ລາວ, ມູນເຊື້ອ​ອັນ​ສະຫງ່າ​ອົງອາດ​ຂອງ​ກອງທັບ​ປະຊາຊົນລາວ ແລະ ການ​ຕໍ່ສູ້​ອັນ​ອົງອາດ​ກ້າຫານ​ຂອງ​ປະຊາຊົນ​ລາວບັນດາເຜົ່າ ຕ້ານ​ກັບ​ພວກ​ລ່າ​ເມືອງ​ຂຶ້ນ​ຝຣັ່ງ ແລະ ຈັກກະພັດ​ອາ​ເມຣິກາ ທີ່​ເຂົ້າ​ມາ​ຄອບຄອງ ແລະ ຮຸກ​ຮານ​ປະເທດ​ເຮົາ ຕະຫຼອດ​ໄລ່​ຍະ​ແຫ່ງ​ການ​ຕໍ່ສູ້​ກູ້​ຊາດ​ຍືດ​ເຍື້ອ​ຍາວ​ນານ​ນັ້ນ, ກອງທັບ​ປະຊາຊົນ​ລາວ ແມ່ນ​ກອງທັບ​ຂອງ​ປະຊາຊົນ ມາ​ຈາກ​ປະຊາ ຊົນ ໂດຍ​ປະຊາຊົນ ເພື່ອ​ປະຊາ​ຊົນ. ພາຍ​ໃຕ້​ການ​ນຳພາ ແລະ ຝຶກ​ຝົນ​ຫຼໍ່​ຫຼອມ​ຈາກ​ພັກ. 
ໃນ​ໂອກາດ​ດຽວ​ກັນ​ນີ້ ທ່ານ​ຍັງ​ຮຽກຮ້ອງ​ໃຫ້ກອງທັບ​ ແລະ ປະຊາຊົນ​ລາວບັນດາ ເຜົ່າ​ ທົ່ວ​ເມືອງ​ໝື່ນ ຈົ່ງ​ພ້ອມກັນເສີມ ​ຂະຫຍາຍ​ມູນເຊື້ອເສຍສະຫຼະ ແລະ ອົງອາດ​ກ້າ ຫານຂອງ​ກອງ ທັບ​ປະຊາ ຊົນ​ລາວ ເຂົ້າ​ໃນ​ການ​ປົກ​ປັກຮັກສາ ແລະ ສ້າງສາ​ພັດທະນາ​ປະເທດ​ຊາດ ດ້ວຍ​ການ​ສືບຕໍ່​ເອົາໃຈໃສ່​ສຶກສາ​ອົບ ຮົມ​ມູນເຊື້ອ, ທາດ​ແທ້​ປະຕິວັດ ແລະ ທາດ​ເ​ເທ້​ປະຊາຊົນ​ຂອງ​ກອງທັບ​ປະຊາຊົນ​ລາວ ໃຫ້​ເລິກ​ເຊິ່ງ ແລະ ໜັກ​ແໜ້ນຕັ້ງໜ້າສຶກ ສາ​ອົບຮົມ​ປຸກລະດົມ​ທົ່ວ​ພັກ, ທົ່ວລັດ ແລະ ທົ່ວ​ປ່ວງ​ຊົນເຂົ້າ ​ຮ່ວມ​ວຽກ​ງານ​ກໍ່ສ້າງ​ຮາກຖານ ​ການເມືອງ ແລະ ພັດທະນາຊົນ ນະບົດ​ຮອບດ້ານ​ໃຫ້​ເປັນ​ຂະ ບວນ​ກວ້າງຂວາງ ແລະ ແຂງ ແຮງ​ກວ່າ​ເກົ່າເອົາໃຈໃສ່​ພັດ ທະນາເສດຖະ​ກິດ​-​ສັງຄົມຕິດ ແໜ້ນກັບການ​ສ້າງ​ທ່າສະໜາມ  ປ້ອງ ​ກັນ​ຊາດ​ທົ່ວ​ປວງຊົນປະຕິ ບັດ​ຢ່າງ​ເຂັ້ມ​ງວດ​ສອງ​ໜ້າ​ທີ່ຍຸດ ທະສາດ​ຄື: ປົກ​ປັກ​ຮັກສາ ແລະ ສ້າງສາ​ພັດທະນາ​ປະເທດ​ຊາດ. 
(ຂ່າວ​-​ພາບ: ແຫວນ​ຄຳ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110