ຫົວ​ຂໍ້ : ເມືອງເງິນ ຫວນຄືນມູນເຊື້ອ 2 ວັນປະຫວັດສາດ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 31/01/2020 09:45:16 ຈຳ​ນວນ​ຜູ້​ເຂົ້າ​ຢ້ຽມ​ຊົມ 324 ຄັ້ງ

ວັນ​ທີ 29 ມັງກອນຜ່ານ​ມາ  ທີ່​ສະໂມສອນເມືອງເງິນ ແຂວງ​ໄຊ​ຍະ​ບູ​ລີ ໄດ້​ຈັດພິທີປາ ຖະກະຖາ 2 ວັນ​ປະຫວັດສາດ, ຄະນະ​ປະຈຳ​ພັກ​ເມືອງ, ກຳ ມະການ​ພັກ​ເມືອງ,  ຫົວໜ້າ​ຫ້ອງການ, ດ່ານ​ສາ​ກົນ​ນໍ້າ​ເງິນ, ຄະນະສະຫະພັນ​ກຳມະບານ​ເມືອງ,  ປະທານ​ກຳມະບານ​ຮາກ​ຖານ, ກົມ​ກອງ, ລັດ​ວິ​ສາ​ຫະ​ກິດ, ສະ​ມາຊິກ​ກຳ​ມະ​ບານ​-​ກຳມະກອນ ແລະ ນາຍບ້ານ ເຂົ້າ​ຮ່ວມ.
ພິທີ​ປາຖະກະຖາ 2 ວັນ​ປະຫວັດສາດ​ຄັ້ງ​ນີ້  ທ່ານ  ສອນ​ສຸກ ພວງ​ແກ້ວ ຮອງ​ເລຂາ​ພັກ​ເມືອງ ຮອງ​ເຈົ້າເມືອງ ໄດ້​ໃຫ້​ກຽດ​ຂຶ້ນ​ເລົ່າຄືນ​ມູນເຊື້ອ​ຂອງ​ວັນ​ສ້າງຕັ້ງ​ກຳມະບານ​ລາວ​ຄົບ ຮອບ 64 ປີ (ວັນ​ທີ 1 ກຸມພາ 1956 - ວັນ​ທີ 1 ກຸມພາ 2020)  ແລະ ວັນ​ສ້າງຕັ້ງ​ອົງການ​ໄອຍະ ​ການ​ປະຊາຊົນ ຄົບຮອບ 30 ປີ  (ວັນ​ທີ 9 ມັງກອນ 1990- ວັນ​ທີ 9 ມັງກອນ 2020)  ຊຶ່ງທ່ານ​ໄດ້​ຍົກ​ໃຫ້​ເຫັນ​ການ​ກຳເນີດ ແລະ ເຕີບ​ໃຫຍ່​ຂະຫຍາຍຕົວ​ຂອງ​ອົງການ​ສະຫະພັນ​ກຳມະບານ​ລາວ ໃນ​ແຕ່​ລະ​ໄລຍະ  ໂດຍ​ສະເພາະ​ແມ່ນ​ປະຊາຊົນ​ລາວ​ບັນດາເຜົ່າ​ເມື່ອ​ກ່ອນໄດ້​ຖືກ​ກົດ​ຂີ່​ຂູດ​ຮີດ​ແຮງ​ງານ​ຢ່າງ​ໜັກໜ່ວງ, ພວກ​ເຂົາ​ໄດ້​ບັງຄັບ​ໃຫ້​ກຳມະກອນ​ລາວ​ອອກແຮງ​ງານ 14-16 ຊົ່ວ ໂມງ/ມື້, ອອກແຮງ​ງານ​ຫຼາຍ​ໃຫ້​ຄ່າ​ຕອບ​ແທນ​ໜ້ອຍ,  ຖືກ​ຕັດ​ເງິນເດືອນ,  ຖືກ​ທຸບ​ຕີ​ທໍລະມານ​ຈາກ​ນາຍທຶນ,  ມີ​ຄວາມ​ສ່ຽງອັນ ຕະລາຍ​ຕໍ່​ການ​ອອກແຮງ​ງານ, ບໍ່​ໄດ້​ຮັບ​ການ​ດູແລ​ທາງ​ດ້ານສະ ຫວັດດີ​ການ​ສັງຄົມ,  ບໍ່​ໄດ້​ຮັບ​ການ​ສຶກສາ​ຮາໍ່ຮຽນຕໍ່​ກັບ​ສະ ພາບ​ດັ່ງກ່າວກຳມະກອນ​ລາວ, ຊາວ​ຜູ້​ອອກແຮງ​ງານ  ແລະ  ປະ ຊາຊົນ​ບັນດາເຜົ່າໄດ້​ພ້ອມກັນ ​ລຸກຂຶ້ນ​ຕໍ່ສູ້​ຢ່າງອົງອາດກ້າຫານ ໂດຍ​ເລີ່ມ​ຈາກ​ການ​ຕໍ່ສູ້​ທີ່​ມີ​ລັກ ສະນະ​ເກີດ​ຂຶ້ນ​ເອງກາຍເປັນ ​ຂະບວນ​ການ​ອັນ​ກວ້າງຂວາງ ນຳພາ​ໂດຍ​ບັນ​ພະ​ບູ​ລຸ​ດ​ຜູ້​ຮັກ​ຊາດ ແຕ່​ເໜືອ​ຮອດ​ໃຕ້  ເພື່ອ​ຕໍ່ສູ້​ຕ້ານ​ກັບ​ພວກ​ລ່າ​ເມືອງ​ຂຶ້ນ​ຢ່າງ​ດຸເດືອດ  ແຕ່​ຂະບວນ​ການ​ຕໍ່ສູ້​ໃນ​ໄລຍະ​ນັ້ນ​ບໍ່​ໄດ້​ຮັບ​ໄຊ​ຊະ​ຍ້ອນ​ບໍ່​ມີ​ພັກ​ນຳ​ພາ.
ມາ​ເຖິງ​ວັນ​ທີ 1 ກຸມພາ 1956 ກົມ​ການເມືອງ​ສູນ​ກາງ​ພັກກໍໄດ້​ມີ​ມະຕິ​ຕົກລົງ​ສ້າງຕັ້ງ​ອົງການ​ຈັດ​ຕັ້ງ​ກຳມະບານລາວ​ ຂຶ້ນ​ຢ່າງ​ເປັນ​ທາງ​ການ​ຢູ່​ເຂດ​ທີ່​ໝັ້ນ ແຂວງຫົວພັນ ໂດຍ​ແມ່ນ ທ່ານ ສີ​ສົມ​ພອນ ລໍວັນໄຊ ເປັນ​ຜູ້​ຊີ້​ນຳ. ຈາກນັ້ນອົງການຈັດຕັ້ງ​ ກຳມະບານ,  ກຳມະກອນ​ລາວ​ໄດ້​ກາຍເປັນ​ກຳລັງ​ຫຼວງ​ໄດ້​ປະ ກອບສ່ວນ​ຢ່າງ​ສົມ​ກຽດ​ເຂົ້າ​ໃນ​ການ​ຕໍ່ສູ້​ກູ້​ຊາດ  ​ເພື່ອ​ຍາດ​ເອົາ​ເອກ​ກະ​ລາດ ອິດສະ​​ຫຼະ​ພາບ​ມາສູ່​ປວງ​ຊົນ​ລາວ​ທັງ​ຊາດ, ເຮັດ ​ໃຫ້​ປະຊາຊົນ​ຄົນ​ລາວໄດ້ມີໂອ ກາດ ສ້າງ​ເສດຖະກິດ, ແກ້ໄຂຊີ ວິດ​ການ​ເປັນ​ຢູ່​ດີ​ຂຶ້ນ​ເປັນ​ກ້າວໆ​ ໂດຍ​ຕະຫຼອດ​ມາ  ພ້ອມນັ້ນກໍ ໄດ້​ຍົກ​ໃຫ້​ເຫັນການເຕີບໃຫຍ່ ​ຂະຫຍາຍຕົວ, ການເຄື່ອນໄຫວ ແລະ ຜົນງານ​ທີ່​​ພົ້ນ​ເດັ່ນ​ຂອງ​ອົງການ​ໄອ​ຍະ​ການປະຊາຊົນ​ອີກ​ດ້ວຍ. (ຂ່າວ-ພາບ: ອິນ​ແປງ ແຫວນ​ຄຳ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110