ຫົວ​ຂໍ້ : ສກຂ ຊຽງຂວາງ ສອບເສັງແຂ່ງຂັນນັກຮຽນເກັ່ງ ລະດັບແຂວງ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 31/01/2020 09:46:28 ຈຳ​ນວນ​ຜູ້​ເຂົ້າ​ຢ້ຽມ​ຊົມ 807 ຄັ້ງ

ໂດຍ: ຄານ​ສີສະ​ຫັ​ວນ   

   ພະ​ແນ​ກ​ສຶກສາ​ທິ​ການ ແລະ ກິລາ ແຂວງ (ສກຂ) ຊຽງ​ຂວາງ ໄດ້​ຈັດ​ພິທີ​ສອບເສັງແຂ່ງ ຂັນ​ນັກຮຽນ​ເກັ່ງ​ສາຍ​ສາມັນສຶກ ສາ​ຂັ້ນ​ຮຽນ ປ5, ມ4 ແລະ ມ7 ລະດັບ​ແຂວງ ສົກຮຽນ 2019 -2020 ຂຶ້ນ​ໃນ​ວັນ​ທີ 29 ມັງ ກອນ​ຜ່ານ​ມາ​  ທີ່​ສະໂມສອນ​ບ້ານ​ກ້ວຍ ເມືອງ​ຄໍາ ແຂວງ​ຊຽງ ຂວ​າງ  ໂດຍການ​ ເປັນ​ປະທານ​ຂອງ​ທ່ານ ທອງສີ ພັນທະ​ວົງ   ຮອງ​ຫົວໜ້າ​ພະ​ແນກ ສກຂ,  ເຂົ້າ​ຮ່ວມ​ມີ​ທ່ານ  ພົມມາ ສີ​ພັນ​ທອງ  ຮອງ​ຫົວໜ້າ​ຫ້ອງການ​ສຶກສາ​ທິ​ການ ແລະ ກິລາ ເມືອງ​ຄໍາ, ມີ​ຄະນະ​ຮັບຜິດຊອບ​ການ​ສອບເສັງ  ພ້ອມ​ດ້ວຍ​ນັກ​ສອບ ເສັງ​ເຂົ້າ​ຮ່ວມ.
ໂອກາດ​ນີ້​  ທ່ານ ນາງ ວຽງ​ເພັດ ເທບ​ອຸດົມ ຮອງ​ຫົວໜ້າ​ຂະແໜງ​ສາມັນ​ສຶກສາ​ພະ​ແນກ ສກຂ ໄດ້​ຂຶ້ນ​ກ່າວລາຍ​ງານຈຸດ ປະສົງ​ຂອງ​ການຈັດການສອບ ເສັງນັກຮຽນເກັ່ງ​ລະດັບແຂວງ​ ຄັ້ງ​ນີ້ແມ່ນ​ເພື່ອ​ເປັນ​ການປະ ​ເມີນ​ຜົນ​ການ​ຮຽນ-​ການສອນ ຂອງ​ຄູ​-ອາຈານ ແລະ ນັກຮຽນ ພາຍຫຼັງທີ່ໄດ້ດໍາເນີນການຮຽນ -​ການ​ສອນ​ມາ​ໄດ້ໄລຍະເຄິ່ງ ​ສົກຮຽນ,  ສົ່ງເສີມຄວາມຮູ້ ຄວາມສາມາດ ແລະ ພອນ​ສະ ຫວັນ​ຂອງນັກຮຽນທາງ​ດ້ານ​ຄວາມ​ຮູ້ ຄວາມສາມາດສະຕິ ປັນຍາ ເພື່ອ​ໃຫ້​ບັນລຸ​ຕາມ 5 ຫຼັກ​ມູນ​ຂອງການ​ສຶກສາ​ທີ່​ທາງ​ກະຊວງ​ສຶກສາ​ທິ​ການ ແລະ ກິ ລາວາງ​ອອກ, ຄັດເລືອກເອົານັກ ຮຽນ​ຂັ້ນ ປ5 ເພື່ອ​ເຂົ້າ​ຮຽນ​ຕໍ່​ຊັ້ນ​ຮຽນ ມ1 ຢູ່​ໂຮງຮຽນ​ພອນສະ ຫວັນ​ແຂວງ​ຊຽງ​ຂວາງ ຊຶ່ງ​ຈະ​ເປີດ​ການ​ຮຽນ-ການ​ສອນ​ໃນ​ສົກຮຽນ 2020-2021 ທີ່​ຈະ​ມາ​ເຖິງ​ນີ້  ພ້ອມ​ນັ້ນຍັງ​ເປັນ​ການ​ຄັດ​ເລືອກ​ເອົາ​ນັກຮຽນ​ເກັ່ງ​ຂັ້ນ​ຮຽນ ປ5, ມ4 ແລະ ມ7 ເພື່ອ​ເປັນ​ຕົວ​ແທນ​ໃຫ້​ແຂວງ​ຊຽງ​ຂວາງ ເຂົ້າ​ຮ່ວມ​ແຂ່ງຂັນ​ນັກຮຽນ​ເກັ່ງ​ລະດັບ​ຊາດ​ທົ່ວ​ປະເທດທີ່​ຈະ​ຈັດ​ຂຶ້ນ​ໃນ​ທ້າຍ​ເດືອນມີນາ 2020 ທີ່​ຈະ​ມາ​ເຖິງ​ນີ້​ໃຫ້​ບັນລຸ​ຕາມ​ແຜນ ​ທີ່​ກໍາ​ນົດ​ໄວ້.
ການ​ສອບເສັງ​ຄັ້ງ​ນີ້, ມີ​ນັກ​ສອບເສັງ​ຂັ້​ນປ5 ທັງ​ໝົດ  40 ​ຄົນ  ຍິງ 29 ຄົນ, ສອບເສັງ​ຢູ່ 3 ວິ ຊາ​ຄື:  ວິຊາຄະນິດສາດ, ພາສາ​ລາວ ແລະ ວິຊາໂລກ​ອ້ອມ​ຕົວ, ແຕ່​ລະວິ​ຊາໃຊ້​ເວລາ​ສອບເສັງ 120 ນາທີ; ຂັ້ນ ມ4 ມີ​ນັກ​ສອບ​​ເສັງທັງ​ໝົດ 21 ຄົນ ຍິງ 7 ຄົນ; ຂັ້ນ ມ7 ມີ​ນັກ​ສອບ​​ເສັງທັງ​ໝົດ 24 ຄົນ, ຍິງ 8 ຄົນ ສໍາ​ລັບ​ວິຊາ​ທີ່​ນໍາ​ມາ​ສອບເສັງ​ທັງ​ສອງ​ຂັ້ນ​ຮຽນ ມ4 ແລະ ມ7 ມີ​ທັງ​ໝົດ 4 ວິຊາ​ຄື: ວິຊາ​ຄະນິດສາດ, ພາ ສາລາວ ວັນນະຄະດີ,  ເຄມີສາດ ແລະ ວິຊາຟີ​ຊິກ​ສາດ, ແຕ່​ລະວິ​ ຊາໃຊ້​ເວລາສອບເສັງ  120  ນາ​ ທີເຊັ່ນດຽວກັນ, ການສອບເສັງ ແມ່ນຈະ​ດໍາ​ເນີນ​ເປັນ​ເວລາ 2 ວັນ​ຄື: ວັນ​ທີ 29-30 ມັງກອນ 2020 ຈຶ່ງ​​ສໍາ​ເລັດ, ພາຍຫຼັງສອບ ເສັງພາກລາຍວິຊາສໍາເລັດ ​ແລ້ວ  ​ນັກ​ສອບ​ເສັງຍັງ​​ໄດ້ໄປທັດ ສະນະສຶກສານອກສະຖານທີ່ ​ທີ່​ສໍາ​ຄັນ​ທາງ​ປະຫວັດສາດ​ຂອງ​ເມືອງຄໍາ ແລະ ຖາມ​-ຕອບ ຄວາມຮູ້​ຮອບຕົວ​ຕື່ມອີກ  ເພື່ອ​ເປີດ​ໂອກາດ​ໃຫ້​ນັກຮຽນໄດ້ ຮຽນຮູ້ນອກໂມງຮຽນປະສົມ​ປະ ສານ​ກັນ.
ໂອກາດ​ດັ່ງກ່າວ, ປະທານ​ການ​ສອບເສັງ​ໄດ້​ຮຽກຮ້ອງ​ໃຫ້​ຄະນະ​ຮັບຜິດຊອບ​ການ​ສອບເສັງ​ ຈົ່ງ​ເຮັດ​ໜ້າທີ່​ດ້ວຍ​ຄວາມ​ເອົາໃຈໃສ່ເຕັມ​ພາລະ​ບົດບາດສົມ​ກັບ​ຄວາມ​ໄວ້​ວາງ ໃຈ​ຂອງ​ຂັ້ນ​ເທິງ, ສ່ວນນັກສອບ ເສັງກໍໃຫ້ປະຕິບັດຕາມກົດ​ລະ ບຽບ​ການ​ສອບເສັງ​ເຂັ້ມ​ງວດ, ມີ​ຄວາມ​ອຸ່ນ​ອ່ຽນ​ທຸ່ນ​ທ່ຽງ ແລະ ມີ​ສາ​ມະ​ທິ​ ໃນ​ການ​ເຮັດ​ບົດ, ຂໍ​ໃຫ້​ໄດ້​ມາ​ດ້ວຍ​ຄວາມ​ຮູ້​ຄວາມ​ສາມາດ ແລະ ສະຕິປັນຍາ​ຂອງ​ຕົນ​ເອງ​ຢ່າງ​ຊອບ​ທໍາ ເພື່ອ​ເຮັດ​ແນວໃດ​ໃຫ້​ຜົນ​ການ​ສອບເສັງ​ອອກ​ມາ​ຢ່າງ​ມີ​ປະສິດທິພາບ​ສູງ.

 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110