ຫົວ​ຂໍ້ : ຫຼວງນໍ້າທາ ຫາລືການເກັບກຳຂໍ້ມູນວິຖີຊີວິດບັນດາເຜ່ົາ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 31/01/2020 09:50:43 ຈຳ​ນວນ​ຜູ້​ເຂົ້າ​ຢ້ຽມ​ຊົມ 1908 ຄັ້ງ

   ແຂວງ​ຫຼວງ​ນໍ້າ​ທາໄດ້ຈັດ ​ກອງ​ປະຊຸມ​ປຶກສາ​ຫາລື ແລະ ເກັບ​ກຳ​ຂໍ້​ມູນ​ວິຖີ​ຊີວິດ​ບັນດາ ເຜົ່າ​ຢູ່​ແຂວງ​ຫຼວງ​ນ້ຳ​ທາຂຶ້ນໃນ ​ວັນ​ທີ 29 ມັງກອນຜ່ານ​ມາ ຢູ່່​      ຝາ​ມໄຊ  ​ສວນ​ວັດທະນະທໍາແຂວງ ດັ່ງກ່າວ​ ໂດຍ​ການ​ເປັນ​ປະທານ​ຂອງທ່ານ ບຸນ​ເລີດ ຫຼວງ​ປະເສີດ ປະທານ​ບໍລິສັດ ຫຼວງ​ປະເສີດ​ທ່ອງ​ທ່ຽວ, ມີ​ປະທານ​ແນວ​ລາວ​ສ້າງ​ຊາດ 5 ເມືອງ, ຫົວໜ້າຊົນ ເຜົ່າ 17 ເຜົ່າພາຍໃນ​ແຂວງ​ເຂົ້າ​ ຮ່ວມ.
   ທ່ານ ພາກພູມ ສີ​ລິມະ​ກຸນ ຊ່ຽວຊານ​ຈາກ​ຣາຊະອານາຈັກ​ໄທ ໄດ້​ກ່າວ​ໃຫ້​ຮູ້​ວ່າ: ວິທີ ແລະ ຮູບແບບ​ການ​ດຶງ​ດູດ​ນັກ​ທ່ອງ​ທ່ຽວ ສຶກສາ​ຄວາມ​ເປັນ​ໄປ​ໄດ້​ຂອງ​ປະເທດ​ລາວ​ມີ 3 ປັດໄຈ​ຫຼັກ​ຄື:  ຕ້ອງ​ສ້າງ​ເປັນ​ບ່ອນປູກ​ ຜັກ​ປອດ​ສານພິດ ຫຼື ຜັກ​ອິນ​ຊີ, ບ່ອນ​ຜະລິດ ແລະ ບ່ອນຊອກ​ ຫາ​ຢາພື້ນເມືອງ, ຕ້ອງ​ໄດ້​ເລັ່ງ​ໃສ່​ການທ່ອງທ່ຽວ​ເປັນ​ຫຼັກ, ເວົ້າ ​ລວມ​ເວົ້າສະເພາະ​ພາຍໃນ​ແຂວງ​ຫຼວງ​ນໍ້າ​ທາແມ່ນໄດ້ກໍາ ນົດ​ເອົາ 17 ຊົນເຜົ່າ​ເປັນ​ບ່ອນ​ທ່ອງ​ທ່ຽວຕ້ອງ​ໄດ້​ສຶກສາຂໍ້​ມູນ​ເບື້ອງຕົ້ນມີປະຫວັດຄວາມ​ ເປັນ​ມາ​ຂອງ​ແຕ່​ລະຊົນເຜົ່າ, ຈຸດ​ທີ່​ຕັ້ງ, ອາຊີບ, ວິຖີການດໍາລົງຊີ ວິດ, ຮີດ​ຄອງປະເພນີບັນດາ ເຜົ່າ, ອາຫານ​ຫຼັກ​ປະ​ຈໍາ​ເຜົ່າ, ແບບ​ເຮືອນ​ຂອງ​ແຕ່​ລະ​ເຜົ່າ, ການ​ເຊື່ອ​ຖື,  ເຄື່ອງ​ເອກະລັກ​ຂອງ​ເຜົ່າ, ການ​ເຮັດບຸນ, ກິນ​ທານ, ເຄື່ອງໃຊ້​ສອຍ ແລະ ອື່ນໆ.
   ໂອກາດ​ນີ້,  ຜູ້​ເຂົ້າ​ຮ່ວມໄດ້​ ປະກອບ​ຄຳ​ຄິດ​ຄຳ​ເຫັນ​ເພື່ອ​ເຮັດ​ໃຫ້ການ​ເກັບ​ກຳ​ຂໍ້​ມູນຂອງ ​ແຕ່​ລະ​ຊົນເຜົ່າ​ມີ​ຄວາມ​ສະດວກ ​ຂຶ້ນ, ທາງບໍລິສັດຈະໄດ້ສືບ​ຕໍ່​ລົງ​ເກັບ​ກໍາ​ຂໍ້​ມູນ​ນໍາ​ບັນດາເຜົ່າ ເພື່ອ​ເຮັດ​ໃຫ້​ມີ​ຂໍ້​ມູນ​ທີ່​ເປັນ​ຫຼັກ​ໃຫ້​ແກ່​ເຜົ່າ  ພ້ອມ​ທັງ​ເຜີຍແຜ່​ເຮັດ​ໃຫ້​ນັກ​ທ່ອງ​ທ່ຽວ​ມີ​ຄວາມ​ສົນໃຈ ແລະ ຢາກ​ມາ​ທ່ຽວ​ຊົມ​ແຂວງ​ຫຼວງ​ນໍ້າ​ທາ​ຫຼາຍ​ຂຶ້ນ.
  (ຂ່າວ​-​ພາບ: ອຸ້ມ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110