Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ໂຮງໝໍມະໂຫສົດ ສະຫຼຸບການເຄື່ອນໄຫວວຽກງານປະຈຳປີ

ເຜີຍ​ແຜ່​ໂດຍ​: siththiphone rasphone ເວ​ລາ: 03/02/2020 08:41:30 ຈຳ​ນວນ​​ຢ້ຽມ​ຊົມ 2425 ຄັ້ງ

   ສະຫຼຸບ​ຜົນງານ​ການຈັດ ຕັ້ງ​ປະຕິບັດ​ເຄື່ອນ​ໄຫວ​ວຽກ​ງານ​ປະຈຳ​ປີ 2019 ແລະ ຜ່ານ​ແຜນ​ງານ​ປີ 2020 ຂອງ​ໂຮງໝໍ​ມະໂຫສົດ​ໄດ້​ຈັດ​ຂຶ້ນ​ໃນ​ວັນ​ທີ 31 ມັງກອນ ຜ່ານ​ມາ ທີ່​ໂຮງໝໍ​ດັ່ງກ່າວ ໂດຍ​ການ​ເຂົ້າ​ຮ່ວມ​ຂອງ​ທ່ານ ບຸນ​ແຝງ ພູມ​ມະ​ໄລ​ສິດ ຮອງ​ລັດຖະມົນຕີ​ກະຊວງ​ສາທາລະນະ​ສຸກ, ທ່ານ ປອນ​ເມກ ດາລາ​ລອຍ ປະທານ​ສະພາ​ຄຸ້ມ​ຄອງ​ວິຊາ​ຊີບ​ການ​ປິ່ນປົວ ພ້ອມ​ດ້ວຍ ພະນັກງານ​ແພດໝໍເຂົ້າ​ຮ່ວມ.
   ທ່ານ ພິສິດ ພຸດ​ສະ​ຫວັດ ຜູ້ອຳນວຍການ​ໂຮງໝໍ​ມະໂຫສົດ​ໄດ້​ຂຶ້ນ​ຜ່ານ​ບົດ​ສະຫຼຸບ​ຜົນງານ​ການຈັດຕັ້ງ​ປະຕິບັດ​ເຄື່ອນ​ໄຫວ​ວຽກ​ງານ ​ປະຈຳ​ປີ 2019 ວ່າ: ພະນັກ ງານສ່ວນ​ໃຫຍ່​ແມ່ນ​ມີ​ຄວາມ​ອຸ່ນ​ອ່ຽນ​ທຸ່ນ​ທ່ຽງ​ປະຕິບັດຕາມ ​ລະບຽບ​ມະຕິ​ຄຳ​ສັ່ງ ແລະ  ລະບຽບ​ລັດຖະກອນ​ທີ່ຂັ້ນ​ເທິງ​ວາງ​ອອກ​ຢ່າງ​ເຂັ້ມ​ງວດ, ໄດ້​ຈັດ​ຕັ້ງ​ປະຕິບັດ​ເຊື່ອມ​ຊຶມ​ເອກະສານ​ທີ່​ສຳຄັນ​ຂອງ​ພັກ-ລັດ. ໂຮງໝໍ​ມະໂຫສົດ​ໄດ້​ເຄື່ອນ​ໄຫວ​ວຽກ​ງານ ແລະ ປະຕິບັດ​ຕາມ​ຫຼັກການ​ລວມ​ສູນ​ປະຊາທິປະໄຕ, ຕົກລົງ​ເປັນ​ໝູ່​ຄະນະ, ແບ່ງ​ງານ​ໃຫ້​ບຸກຄົນ​ຮັບຜິດຊອບ ແລະ ປະຕິບັດ​ລະບອບ​ຫົວໜ້າ​ດຽວ, ເສີມ​ຂະຫຍາຍ​ຫົວຄິດ​ປະດິດ​ສ້າງ ຂອງ​ພະນັກງານ ລັດຖະກອນ​ທຸກ​ລະດັບ;  ເຮັດ​ວຽກ​ມີ​ແຜນ ການ, ແຜນ​ງານ ແລະ ໂຄງການ​ລະອຽດ, ແກ້​ໄຂ​ວຽກ​ງານ​ຢ່າງ​ມີ​ຈຸດ​ສຸມ ແລະ ມີ​ຄາດໝາຍ​ໃນ​ແຕ່​ລະ​ໄລຍະ, ປະສານ​ສົມ ທົບ​ຢ່າງ​ແໜ້ນ​ແຟ້ນກັບການ ຈັດຕັ້ງ​ຕ່າງໆ ທັງ​ສູນ​ກາງແລະ ທ້ອງຖິ່ນ ຕາມ​ພາລະ​ບົດບາດ, ໜ້າທີ່ ແລະ ຂອບ​ເຂດສິດທີ່ໄດ້​ ຮັບ​ການ​ມອບ​ໝາຍການ ເຄື່ອນ ໄຫວ​ວຽກ​ງານ​ແມ່ນ​ປະຕິບັດ​ຕາມ​ລະບຽບ​ກົດໝາຍ, ​ເປັນ ຕົ້ນ​ແມ່ນລະບອບ​ບໍລິຫານ, ລະບອບ​ວິຊາການ ແລະ ລະ ບອບ​ການ​ເຮັດວຽກ ສະເພາະ​ຂອງ​ບາງ​ຂະແໜງ ການ ໂດຍ​ມີ​ການປະຊຸມແລ້ວ ​ລາຍ​ງານ​ໃຫ້​ຂັ້ນ​ເທິງ​ ເປັນ ​ປົກກະຕິ ແລະ ໄດ້​ມີ​ການ​ປະສານ​ງານ​ກັບ​ບັນດາ​ພະ ແນກການ​ຕ່າງໆ​ໃນ​ການ​ປັບ ປຸງ​ລະບອບ​ແບບແຜນ​ວິທີ​ເຮັດ​ວຽກ​ຂອງ​ບັນດາ​ທ່ານໝໍ​ແຕ່​ລະວິ​ຊາ​ໃນ​ແຕ່​ລະ​ພະ​ແນ​ກ​ໂດຍຢ​ຶດ​ຖື​ເອົາ​ຄົນ​ເຈັບເປັນ​ໃຈ ກາງ ເຊັ່ນ:  ເນັ້ນ​ວຽກ​ງານ​ການ​ບໍລິການ​ສຸຂະພາບ(ປິ່ນປົວ)ໂດຍ​ປະຕິບັດ​ຕາມ​ນະໂຍບາຍ 5 ດີ 1 ພໍໃຈ. ໂຮງໝໍ​ມະໂຫ ສົດ​ໄດ້​ມີ​ການ​ເຊັນ​ບົດ​ບັນທຶກ​ຄວາມ​ເຂົ້າໃຈ ແລະ ສັນຍາ​ຮ່ວມ​ມື​ກັບ​ໂຮງໝໍ​ຫົວໃຈ -ເສັ້ນເລືອດ​ຟູ​ວ້າຍ ຢຸນນານ ສ.ປ ຈີນ ໃນ​ໂຄງການ​ຮ່ວມ​ມື​ທາງ​ດ້ານ​ວິຊາ​ການ​ປິ່ນປົວ ແລະ ຄົ້ນຄວ້າ ວິທະຍາສາດ ສາທາລະນະ​ສຸກ ແລະ ໄດ້​ດໍາ​ເນີນ​ການ​ຮ່ວມ​ມື ມາ​ເປັນ​ປົກກະຕິ ສິ່ງ​ທີ່​ພົ້ນ​ເດັ່ນ ແມ່ນ​ເຮັດ​ໃຫ້​ສູນ​ການ​ແພດ​ຫົວ​ໃຈ​-​ເສັ້ນເລືອດ ໂຮງໝໍ​ມະໂຫສົດ​ສາ​ມາດ​ດໍາ​ເນີນ​ການ​ບໍລິການ​ແຍ່​ເສັ້ນເລືອດ​ຫົວໃຈ ທັງ​ກໍລະນີ​ສຸກ​ເສີນ ແລະ ຕາມ​ແຜນ ໄດ້​ຢ່າງ​ເປັນ​ປົກກະຕິ,ໄດ້​ມີ​ການ​ປະສານ​ງານ​ກັບ​ບັນດາ​ພະແນກການ​ຕ່າງໆ​ໃນ​ການ​ປັບປຸງ​ລະບອບ​ແບບແຜນ​ວິທີ​ເຮັດ​ວຽກ​ຂອງ​ບັນດາ​ທ່ານ ໝໍ​ແຕ່​ລະວິ​ຊາ​ໃນ​ແຕ່​ລະ​ພະ ​ ແນ​ກ​ໂດຍ​ຢຶດ​ຖື​ເອົາ​ຄົນ​ເຈັບ ເປັນ​ໃຈກາງ .
   ທ່ານກ່າວ​ຕື່ມ​ວ່າ: ຕະ ຫຼອດ​ໄລຍະ​ທີ່​ຜ່ານ​ມາ​ໂຮງ ໝໍແມ່ນ​ມີ​ການ​ພັດທະນາ​ຂີດ​ຄວາມ​ສາມາດ ທາງ​ດ້ານ​ເຕັກນິກ ແລະ ເຕັກ​ໂນ​ໂລ​ຊີ​ດ້ານ​ການ​ແພດ​ໃຫ້​ມີ​ຄວາມ​ທັນ​ສະໄໝ ແລະ ທຽບ​ທັນ​ກັບ​ພູມີພາກ ຊຶ່ງ​ໄດ້​ສ້າງ​ຄວາມ​ໄວ້​ເນື້ອ​ເຊື່ອ​ໃຈ​ໃຫ້​ແກ່​ຄົນເຈັບ​ທີ່​ເຂົ້າ​ມາ​ໃຊ້​ບໍລິການ​ຢ່າງ​ຫຼວງ ຫຼາຍ​ດັ່ງນີ້: ໄດ້​ນໍາ​ໃຊ້​ການຜ່າ ຕັດ​ຜ່ານ​ທໍ່ ເຂົ້າ​ໃນ​ການຜ່າຕັດ​ສຸກ​ເສີນ​ເຖິງ 80%;.  ໄດ້​ມີ​ການ​ພັດທະນາ​ການ​ສະຫຼາຍ​ໜິ້ວ​ຜ່ານ​ກ້ອງ ເຊັ່ນ: ​ໜິ້ວ​ພົກຍ່ຽວ, ​ໜິ້ວ​ທໍ່​ສົ່ງ​ໄຂ່ຫຼັງ ແລະ ໜິ້ວ​ໄຂ່ຫຼັງ;  ສາ​ມາດ​ທໍາ​ການຜ່າຕັດ​ຫົວໃຈ​ຜູ້​ໃຫຍ່​ແບບ​ເປີດ; ຜ່າຕັດ​ໃສ່​ຖ່ານ​ກະ​ຕຸ້ນ​ການ​ເຕັ້ນ​ຜິດ​ປົກກະຕິ​ຂອງ​ຫົວ​ໃຈ, ເຮັດ​ເອ​ໂກ​ຫຼອດ​ເລືອດ​ເພື່ອ​ບົ່ງມະຕິ​ຈຸດ​ຕີບ​ຕັນສາ​ມາດ​ທໍາ​ການ​ສີດ​ສີ​ເສັ້ນເລືອດ​ຫົວໃຈ​ເພື່ອ​ບົ່ງມະຕິ​ຈຸດ​ຕີບ​ຕັນ ແລະ  ທໍາ​ການ​ແຍ່​ຍະ​ເສັ້ນເລືອດ​ຫົວໃຈ ໂດຍ​ໃຊ້​ບານ​ລູນ ແລະ ສະ​ເຕັ້ນ. ດ້ານ​ກຸມມານ​ແພດ ສາມາດ​ຊ່ວຍ​ຟື້ນ​ຟູ​ຊີບ​ເດັກ​ທີ່​ມີ​ນ້ໍາ​ໜັກ​ຕ່ໍາ >_ 800 g;  ສາມາດ​ຊ່ວຍ​ຟື້ນ​ຟູ​ຊີບ​ເດັກ​ທີ່​ມີ​ນ້ໍາ​ໜັກ​ຕ່ໍາ >_ 29 ອາທິດ;  ສາມາດ​ປິ່ນປົວ ແລະ ຊ່ວຍ​ຟື້ນ​ຟູ​ຊີບ​ຄົນ​ເຈັບ​ເດັກ ທີ່​ເປັນໄຂ້​ເລືອດ​ອອກ​ທີ່​ມີ​ອາການ​ສົນ​ຮ້າຍ​ແຮງ; ໄດ້​ມີ​ການ​ກວດ​ຫູ, ຕາ ແລະ ພັດທະນາ​ການ​ຂອງ​ເດັກ ເພື່ອ​ຊອກ​ຫາ​ຄວາມ​ຜິດ​ປົກກະຕິ​ໃນ​ເດັກ;ແຜນ​ງານ​ປີ 2020 ສືບຕໍ່​ຢຶດ​ໝັ້ນ​ການ​ປະຕິບັດ​ນະໂຍບາຍ​ສາທາ ລະນະ​ສຸກ​ທົ່ວ​ປວງ​ຊົນ​ຕາມ​ທິດ ຖື​ເອົາ​ການ​ອະນາໄມ​ກັນ ​ພະຍາດ ແລະ ສົ່ງເສີມ​ສຸຂະ ພາບ​ເປັນຕົ້ນ​ຕໍ, ຖື​ເອົາ​ການ​ປິ່ນປົວ ແລະ ສະໜອງ​ການ​ບໍລິການ​ສຸຂະພາບ​ຢ່າງ​ທົ່ວ​ເຖິງ, ມີ​ຄຸນ​ນະ​ພາບ, ຍຸ​ຕິ​ທໍາ ແລະ ສະເໝີພາບ ເປັນ​ສໍາ​ຄັນ; ປະຕິ​ຮູບ​ສາທາລະນະ​ສຸກ​ຢ່າງຮອບດ້ານ, ສ້າງ​ລະບົບ​ບໍລິການ​ສຸຂະພາບ​ທີ່​ດີ ທີ່​ຖື​ເອົາ​ຄົນ​ເຈັບເປັນ​ໃຈກາງ​ໂດຍ​ການ​ໃຫ້ການ​ບໍລິການ​ທີ່​ມີ​ຄຸນ​ນະ​ພາບ, ມີ​ຈັນ​ຍາ​ທໍາ, ເອົາໃຈໃສ່​ດູແລ​ນັບ​ທັງ​ຮ່າງກາຍ, ຈິດໃຈ ແລະ ສິ່ງແວດລ້ອມ;  ສ້າງ​ລະບົບ​ການ​ປົກ​ປ້ອງ​ສັງຄົມ ດ້ານ​ສຸຂະພາບ​ທີ່​ທົ່ວ​ເຖິງ ເພື່ອ​ເຮັດ​ໃຫ້​ສັງຄົມ​ເຂັ້ມແຂງ ແລະ ຊ່ວຍເຫຼືອ​ຊຶ່ງ​ກັນ ແລະ ກັນ ດ້ວຍ​ຮັກປະກັນ​ສຸຂະພາບ​ທົ່ວ​ປວງ​ຊົນ​ທີ່​ປົກ​ປ້ອງ​ທຸກ​ຄົນ ທັງ​ໃນ​ການ​ກັນ​ພະຍາດ, ສົ່ງເສີມ​ສຸຂະພາບ ແລະ ດ້ານ​ການ​ປິ່ນປົວ;  ເຮັດ​ໃຫ້​ປະຊາຊົນ​ມີ​ສຸຂະພາບ​ດີ​ນັບ​ແຕ່​ຢູ່​ໃນ​ທ້ອງ​ຈົນ​ເຖິງ​ຜູ້​ອາຍຸ​ສູງ ໂດຍ​ເນັ້ນ​ໃສ່​ການ​ສ້າງ​ຮາກ​ຖານ​ທີ່​ເຂັ້ມແຂງ​ຈາກ​ເ​ເບ​ບ​ແຜນ​ການ​ດໍາ​ລົງ​ຊີວິດ ທີ່​ປາສະຈາກ​ປັດ​ໄຈ​ສ່ຽງ​ຕໍ່​ສຸຂະພາບ ແລະ ສ້າງ​ຈິດ​ສໍາ​ນຶກ​ເປັນ​ເຈົ້າ​ການ​ໃນ​ການ​ຮັກສາ​ສຸຂະພາບ​ຂອງ​ຕົນ​ເອງ, ຂອງ​ຄອບຄົວ ແລະ ຊຸມ​ຊົນ ສ້າງ, ປັບປຸງ, ບູລະນະ, ພັດທະນາ ພູມ​ມີທັດ ແລະ ສິ່ງແວດລ້ອມ ຂອງ​ໂຮງໝໍ​ໃຫ້​ມີ​ສະ​ເໜ່ ທາງ​ດ້ານ​ວົງ​ການ​ແພດ​ລາວ; ສ້າງ​ຄວາມ​ເຂັ້ມແຂງ​ດ້ານ​ການ​ບໍລິການ​ສຸຂະພາບ ໃຫ້​ເປັນ​ສູນ​ກາງ​ການ​ແພດ ປິ່ນປົວ​ທົ່ວ​ໄປ; ສ້າງ​ໃຫ້​ເປັນ​ໂຮງໝໍ​ສິດສອນ, ໂຮງໝໍ​ມະຫາວິທະຍາໄລ, ສະ​ຖາ​ບັນ​ວິໄຈ​ຄົ້ນ​ຄ້​ວາ, ເປັນ​ແຫຼ່ງ​ຂໍ້​ມູນ​ຂ່າວສານ​ດ້ານ​ການ​ແພດ ແລະ ຮ່ວມ​ມື​ດ້ານ​ເຕັກ​ໂນ​ໂລ​ຊີ​ດ້ານ​ການ​ແພດ​ກັບ​ຕ່າງປະເທດ;  ສ້າງ​ໃຫ້​ເປັນ​ໂຮງໝໍຮອງ​ຮັບ​ການ​ສົ່ງຕໍ່​ປິ່ນປົວ ແລະ ຊ່ວຍ​ສ້າງ​ຄວາມ​ເຂັ້ມແຂງ ດ້ານ​ເຕັກນິກ, ເຕັກ​ໂນ​ໂລ​ຊີ​ດ້ານ​ການ​ແພດ ໃຫ້​ແກ່​ໂຮງໝໍ​ຂັ້ນ​ລຸ່ມ; ສ້າງ​ຄວາມ​ປະທັບ​ໃຈ ໃຫ້​ປະຊາຊົນ​ບັນດາເຜົ່າ ໂດຍ​ການຈັດຕັ້ງ​ປະຕິບັດ​ນະໂຍບາຍ​ຮັບຮອງ​ຄຸນ​ນະ​ພາບ​ການ​ບໍລິການ 5 ດີ 1 ພໍໃຈ ຂອງ​ກະຊວງ​ສາທາລະນະ​ສຸກ​ວາງ​ອອກ.
(ພາບ,ຂ່າວ:ບຸນ​ອູ້ມ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com