ຫົວ​ຂໍ້ : ຄະນະຜູ້ແທນລາວ ເຂົ້າຮ່ວມກອງປະຊຸມ ສະມັດຊາລັດຖະສະພາຟຣັ່ງໂກໂຟນີ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 03/02/2020 08:51:03 ຈຳ​ນວນ​ຜູ້​ເຂົ້າ​ຢ້ຽມ​ຊົມ 559 ຄັ້ງ

ຄະນະ​ຜູ້​ແທນ​ສະພາ​ແຫ່ງ​ຊາດ​ລາວ ນຳ​ໂດຍ​ທ່ານ ເອກ​ສະຫວ່າງ ວົງ​ວິຈິດ ປະທານ​ກຳ ມາ​ທິ​ການ​ ການ​ຕ່າງປະເທດ ຜູ້​ປະ​ຈໍາ​ການ​ພາກ​ພື້ນ​ອາ​ຊີ​-​ປາ​ຊີ​ຟິກ ຂອງ​ສະມັດຊາ​ລັດ​ຖະ​ສະພາ​ຟຣັ່ງ​ໂກ​ໂຟ​ນີ ປະທານ​ຄະນະ​ສະມັດຊາ​ລັດ​ຖະ​ສະພາ​ຟຣັ່ງ​ໂກ​ໂຟ​ນີ​ຂອງ​ສະພາ​ແຫ່ງ​ຊາດ​ລາວ ພ້ອມ​ດ້ວຍ​ຄະນະ ໄດ້​ເຂົ້າ​ຮ່ວມ​ກອງ​ປະຊຸມ​ຄະນະ​ບໍລິຫານ​ງານ ສະມັດຊາ​ລັດ​ຖະ​ສະພາ​​ຟຣັ່ງ​ໂກ​ໂຟ​ນີ ປະຈຳ​ປີ 2020. ກອງ​ປະຊຸມ​ໄດ້​​ເປີດ​ຂຶ້ນ​ໃນ​ວັນ​ທີ 28 ມັງກອນ ​ຜ່ານ​ມາ ທີ່​ນະຄອນດາ​ກາ ປະເທດ​ເຊ​ເນ​ການ ໂດຍ​ມີ​ປະທານ, ຮອງ​ປະທານ​ຄະນະ​ບໍລິຫານ​ງານ, ສະມາຊິກ​ຄະນະ​ບໍລິຫານ​ງານ, ເລຂາທິການ​ໃຫຍ່​ລັດ​ຖະ​ສະພາ APF, ປະທານ​ຄະນະ​ສະມັດຊາ​ລັດ​ຖະ​ສະພາ​ໃຊ້​ພາສາ​ຝຣັ່ງ​ປະຈຳ​ພາກ​ພື້ນ​ຕ່າງໆ ແລະ ພາກສ່ວນ​ກ່ຽວຂ້ອງ​ເຂົ້າ​ຮ່ວມ. 
    ໃນ​ກອງ​ປະຊຸມ​ຄັ້ງ​ນີ້ ຄະນະ​ບໍລິຫານ​ງານ​ໄດ້​ຄົ້ນຄວ້າ ແລະ ປຶກສາ​ຫາລື​ຫຼາຍ​ບັນຫາ​ທີ່​ສຳຄັນ ເປັນຕົ້ນ​ແມ່ນ​ບົດ​ລາຍ​ງານ​ການເຄື່ອນໄຫວ​ວຽກ​ງານ​ໃນ 1 ປີ​ທີ່​ຜ່ານ​ມາ ແລະ ທິດ​ທາງ​ໃນຕໍ່ໜ້າ​ຂອງ​ສະມັດຊາ​ລັດ​ຖະ​ສະພາ​ຟຣັ່ງ​ໂກ​ໂຟ​ນີ (2019-2020) ໂດຍ ສຸມ​ໃສ່ປຶກ ສາ​ຫາລື​ກະກຽມ​ໃຫ້​ແກ່​ກອງ​ປະ ຊຸມ​ໃຫຍ່​ສະມັດຊາ​ລັດ​ຖະ​ສະ ພາ​ຝຣັ່ງ​ໂກ​ໂຟ​ນີ ຄັ້ງ​ທີ 46 ທີ່​ຣາ​ບາ ປະເທດ​ມາ​ຣົກ ໃນ​ເດືອນ​ກໍລະກົດ 2020 ນີ້. 
ນອກ​ນີ້, ທ່ານ ເອກ​ສະ ຫວ່າງ ວົງ​ວິຈິດ ໄດ້​ຕາງໜ້າໃຫ້​ ບັນດາ​ປະເທດ​ພາກ​ພື້ນອາ​ຊີ-​ປາ​ຊີ​ຟິກ ຂອງ​ສະມາຊິກ​ສະມັດ ຊາ​ລັດ​ຖະ​ສະພາ​ຟຣັ່ງ​ໂກ​ໂຟນີ (APF) ສະເໜີ​ບົດ​ລາຍ​ງານ ​ກ່ຽວ​ກັບ​ການເຄື່ອນໄຫວ​ໃນ​ ໄລ ຍະ​ຜ່ານ​ມາ ແລະ ແຜນການໃນ ຕໍ່ໜ້າ ຂອງ​ພາກ​ພື້ນ​ອາ​ຊີ​-​ປາ​ຊີ​ຟິກ. (ຂ່າວ: ສະພາ​ແຫ່ງ​ຊາດ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110