ຫົວ​ຂໍ້ : ຍທຂ ເຜີຍແຜ່ເອກະສານກ່ຽວກັບ ການຄ້າມະນຸດ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 03/02/2020 08:52:23 ຈຳ​ນວນ​ຜູ້​ເຂົ້າ​ຢ້ຽມ​ຊົມ 332 ຄັ້ງ

ກະຊວງ ໂຍທາ​ທິ​ການ​ແລະ ​ຂົນ​ສ່ົງ (ຍທຂ) ໄດ້​ຈັດ​ກອງ​ປະຊຸມ​ເຜີຍແຜ່​ກ່ຽວ​ກັບ​ການ​ຄ້າ​ມະນຸດ​ຂຶ້ນ​ໃນ​ວັນ​ທີ 31 ມັງກອນ​ນີ້ ໂດຍ​ການ​ເຂົ້າ​ຮ່ວມ​ຂອງ ທ່ານ​ບຸນ​ຈັນ ສິນ​ຣາ​ຊະ​ວົງ ຫົວໜ້າ​ຫ້ອງການ ກະຊວງ ຍທຂ, ທ່ານ ພັນ​ເອກ​ນາງ ລີ​ວົງ​ ລາວ​ລີ ຫົວໜ້າ​ກົມ​ຕຳຫຼວດ​ສະກັດ​ກັ້ນ ແລະ ຕ້ານ​ການ​ຄ້າ​ມະນຸດ ກົມ​ໃຫຍ່​ຕຳຫຼວດ ກະຊວງ​ປ້ອງ​ກັນ​ຄວາມ​ສະຫງົບ  ພ້ອມ​ດ້ວຍ​ພະນັກງານ​ທີ່​ກ່ຽວຂ້ອງ​ເຂົ້າ​ຮ່ວມ.
ໃນ​ໂອກາດ​ນີ້ ທ່ານ ບຸນ​ຈັນ ສິນ​ຣາ​ຊະ​ວົງ ໄດ້​ກ່າວ​ວ່າ: ກອງ​ປະຊຸມ​ຄັ້ງ​ນີ້​ແມ່ນ​ມີ​ຄວາມ​ໝາຍ​ຄວາມ​ສຳຄັນ​ໃນ​ການຕ້ານ​ ແລະ​ ສະກັດ​ກັ້ນ​ການຄ້າມະນຸດໃນ​ປັດຈຸ​ບັນ ສະພາບ​ການ​ຄ້າ​ມະນຸດ​ໄດ້​ເກີດ​ມີ​ປະກົດ​ການ​ຫຍໍ້ທໍ້​ໃນ​ສັງຄົມ ສົ່ງ ​ຜົນ​ກະທົບ​ຕໍ່​ສະພາບ​ການ​ພັດທະນາເສດຖະກິດ-ສັງຄົມ ວັດທະນະທຳໃນ ​ສປປ​ລາວ ດັ່ງນັ້ນ​ວຽກ​ງານ​ຕ້ານ ແລະ ສະ ກັດ​ກັ້ນ​​ແມ່ນໜ້າທີ່​ ແລະ ​ຄວາມ​ຮັບຜິດຊອບ​ຂອງໝົດ​ ທຸກຄົນ​ເພື່ອເຮັດ​ໃຫ້ການເຄື່ອນ​ໄຫວ​ວຽກ​ງານ​ດັ່ງກ່າວ ເປັນລະ ບົບຖືກຕ້ອງ ແລະ​ ມີ​ປະສິດ​ທິຜົນແນໃສ່​ປົກ​ປ້ອງ​ສິດຜົນ ປະໂຫຍດຮີດ​ຄອງ​ປະເພນີອັນ​ ດີງາມການ​ປົກ​ປ້ອງ ​ແລະ​ ຊ່ວຍ ເຫຼືອ​ຜູ້​ຖືກເຄາະ ຮ້າຍ, ການ​ດຳເນີນ​ຄະດີ​ໃສ່ຜູ້​ ກະທຳ​ຜິດ​ເຮັດ​ໃຫ້​ສັງຄົມ​ມີ​ ຄວາມ​ສະ​ຫງົບ.
ກອງ​ປະຊຸມ​ໄດ້​ຮັບ​ຟັງ ການ​ນຳ​ສະເໜີ​ເອກະສານ​ຕ່າງໆ ​ເປັນຕົ້ນ ກົດໝາຍ​ວ່າ ດ້ວຍ​ສິດທິ​ມະນຸດ ເອກະສານ​ສົນ ທິສັນຍາ​ວ່າ​ດ້ວຍ​ສິດທິ​ເດັກ ແລະ ການ​ນຳ​ສະເໜີສະພາບ​ການ​ຄ້າ​ມະນຸດ​ຢູ່ ສປປ​ລາວ .
( ຂ່າວ: ມະ​ລ- ພາບ ພູ​ວັນ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110