Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ການຊ້ອມຮົບຮ່ວມ ລົດຕັງລາວ-ຣັດເຊຍ LAROS 2021 ໄດ້ສຳເລັດຜົນຢ່າງຈົບງາມ

ເຜີຍ​ແຜ່​ໂດຍ​: ທ່ານ ທອງດຳ ມິໂຍລາ ເວ​ລາ: 20/08/2021 10:58:57 ຈຳ​ນວນ​​ຢ້ຽມ​ຊົມ 5068 ຄັ້ງ

   ການຊ້ອມຮົບຮ່ວມລົດຕັງລາວ-ຣັດເຊຍ ຄັ້ງທີ 2 (LAROS -2021)  ທີ່ສະຫະພັນຣັດເຊຍເປັນເຈົ້າພາບໄດ້ສຳເລັດຜົນຢ່າງຈົບງາມ, ພາຍຫຼັງໄດ້ດໍາເນີນການຝຶກຊ້ອມມາເປັນເວລາ 10 ວັນ ຊຶ່ງໄດ້ມິີການຝຶກຊ້ອມປະສານຍິງລູກປືນແທ້ຄັ້ງສຸດທ້າຍ ໃນວັນທີ 18 ສິງຫາ 2021 ພາຍໃຕ້ຫົວຂໍ້ “ການ​ເຄື່ອນ​ໄຫວ​ສູ້​ຮົບ​ຮ່ວມ​ໃນ​ການ​ດຳ​ເນີນ​ການ​ປະຕິບັດ​ການ​ປາບ​ປາມ ຕ່າວ​ໂຈມ​ຕີ ກຸ່ມ​ກໍ່ການ​ຮ້າຍ”  ແລະ ມາໃນຕອນເຊົ້າຂອງວັນທີ 19 ສິງຫາຜ່ານ​ມາ ຈຶ່ງໄດ້ມີພິທີປິດການຊ້ອມຮົບຮ່ວມລົດຕັງລາວ-ຣັດເຊຍ (ລາໂຣສ 2021) ຄັ້ງທີ 2 ຢ່າງເປັນທາງການ ຢູ່ທີ່ສະໜາມຝຶກແອບ 249 ເຊເຣເກສະກີ.

ຝ່າຍລາວນໍາໂດຍ ສະຫາຍ ພົນຈັດຕະວາ ສາຍໃຈ ກົມມະສິດ ຮອງຫົວໜ້າກົມໃຫຍ່ເສນາທິການກອງທັບ ທັງເປັນຫົວໜ້າຄະນະຊີ້ນໍາ. ຝ່າຍຣັດເຊຍນໍາໂດຍ ພົນຕີ ເຊຍວາຣຸກກົບ ເຊຍຣເກ ມີຄາຍອີນໂລວິດ ຮອງຜູ້ບັນຊາການທະຫານເຂດຕາເວັນອອກ ກໍາລັງປະກອບອາວຸດ ແຫ່ງ ສະຫະພັນຣັດເຊຍ ແລະ ມີບັນດາຄະນະນຳ, ນາຍ ແລະ ພົນທະຫານ ທີ່ເປັນຕົວແທນກຳລັງເຫຼົ່າຮົບລົດຕັງ-ຍານເກາະ ກອງທັບປະຊາຊົນລາວ ແລະ ກຳລັງປະກອບອາວຸດຣັດເຊຍເຂົ້າຮ່ວມ.

ສະຫາຍ ພົນຈັດຕະວາ ສາຍ​ໃຈ ກົມມະ​ສິດ ໄດ້ກ່າວໃນພິປິດຄັ້ງນີ້ວ່າ: ການ​ກະກຽມ ​ແລະ ດໍາ​ເນີນ​ການ​ຊ້ອມ​ຮົບ​ຮ່ວມລົດຕັງ ລາວ-ຣັດ​ເຊຍ ຫຼື LAROS-2021 ພາຍ​ໃຕ້ຫົວ​ຂໍ້ “ການ​ເຄື່ອນ​ໄຫວ​ສູ້​ຮົບ​ຮ່ວມ ​ໃນ​​ການ​ປາບ​ປາມກຸ່ມ​ກໍ່ການ​ຮ້າຍ”  ​ໄດ້​ດໍາ​ເນີນ​ມາ​ເປັນ​ເວລາ 10 ວັນ ​ດ້ວຍ​ບັນຍາກາດ​ອັນ​ຟົດຟື້ນ​ເຂັ້ມ​ແຂງ ​ແລະ ປ່ຽມລົ້ນ​ໄປ​ດ້ວຍ​ມິດຕະພາບ ແລະ ຄວາມ​ສາມັກຄີ​ກົມກຽວຂອງ​ກຳລັງ​ເຫຼົ່າຮົບລົດຕັງ-ຍານເກາະລາວ-ຣັດເຊຍ. ການ​ເດີນທາງ​ມາ​ຄັ້ງ​ນີ້, ບໍ່ພຽງ​ແຕ່ໄດ້​​ເຂົ້າ​ຮ່ວມກິດຈະ​ກໍາ​ຊ້ອມ​ຮົບ​ຮ່ວມເທົ່ານັ້ນ, ແຕ່ພວກ​ເຮົາ​ຍັງ​​ໄດ້ໄປ​ທ່ຽວທັດສະນະ​ສຶກສາ ຢູ່​ເມືອງວະ​ລາ​ດີ​ໂວ​ສະ​ຕົກ, ອູ​ຊີຣສີກ ​ແລະ ຢ້ຽມຢາມ ​ໂຮງຮຽນທະຫານ “ທົ່ງ​ມໍ​ລະ​ກົດ”, ຢ້ຽມຢາມ​ຫໍພິພິທະ​ພັນ,  ​ເຮັດ​ກິດຈະ​ກໍາ​ແຂ່ງຂັນ​ກິລາມິດຕະພາບ, ຊົມ​ການສະ​ແດງ​ສິລະປະ​ວັນນະຄະດີ ຊຶ່ງເຮັດ​ໃຫ້​ບັນຍາກາດ​ຂອງ​ການ​ຊ້ອມ​ຮົບຮ່ວມ LAROS 2021 ຄັ້ງນີ້ ​ເຕັມ​ໄປ​ດ້ວຍ​ຄວາມສຳເລັດສູງ ແລະ ມີບັນຍາກາດແຫ່ງໄມຕີຈິດມິດຕະພາບອັນ​ຟົດຟື້ນມ່ວນ​ຊື່ນ.

      ສະ​ຫາຍ ພົນຕີ ເຊຍວະຣຸກກົບ ເຊຍຣເກ ມີຄາຍອີວໂລວິດ ໄດ້ກ່າວວ່າ: ພວກເຮົາໄດ້ສຳເລັດການຊ້ອມຮົບຮ່ວມເຫຼົ່າຮົບລົດຕັງ ຂອງສອງປະເທດພວກເຮົາ. ໃນການສະຫຼຸບຜົນສໍາເລັດຂອງການຊ້ອມຮົບ ຂ້າພະເຈົ້າສັງເກດ ແລະ ສາມາດຕີລາຄາໄດ້ວ່າ: ຄວາມເປັນມືອາຊີບຂອງນາຍ ແລະ ພົນທະຫານ ຂອງພວກເຮົາ ໄດ້ທະວີຄູນຂຶ້ນ ບົນພື້ນຖານ ແຫ່ງມິດຕະພາບ ແລະ ຄວາມເຂົ້າໃຈຊຶ່ງກັນ ແລະ ກັນ ຂອງປະຊາຊົນສອງຊາດພວກເຮົາ ໄດ້ນໍາເອົາຜົນສໍາເລັດອັນງົດງາມມາສູ່ພວກເຮົາ. ຕະຫຼອດໄລຍະການດຳເນີນການຊ້ອມຮົບຮ່ວມລົດຕັງ ລະຫວ່າງ ລາວ-ຣັດເຊຍ (ລາໂຣສ-2021) ນາຍ ແລະ ພົນທະຫານ ຂອງສອງ ພວກເຮົາ ໄດ້ສະແດງໃຫ້ທົ່ວໂລກເຫັນຕື່ມອີກຄັ້ງໜຶ່ງກ່ຽວກັບນໍ້າໃຈອ້າຍນ້ອງຮ່ວມສູ້ຮົບ ລະຫວ່າງປະຊາຊົນສອງຊາດພວກເຮົາ, ສະແດງອອກເຖິງຄວາມຊື່ຊັດຕໍ່ປະເພນີແຫ່ງການຊ່ວຍເຫຼືອຊຶ່ງກັນ ແລະ               ກັນ, ພ້ອມນັ້ນ ອ້າຍນ້ອງທະຫານຂອງພວກເຮົາ ກໍໄດ້ສະແດງອອກເຖິງຄວາມຊຳນິຊຳນານ, ຄວາມເປັນມືອາຊີບ ແລະ ທັກສະການນຳໃຊ້ອາວຸດໃນລະດັບສູງຂອງຕົນ. ຂ້າພະເຈົ້າເຊື່ອໝັ້ນວ່າ: ຄວາມເຂົ້າໃຈທີ່ດີຕໍ່ກັນ, ການກຽມພ້ອມຊ່ວຍເຫຼືອຊຶ່ງກັນ ແລະ ກັນ ຕະຫຼອດເວລານັ້ນ ຍັງຈະສືບຕໍ່ຄົງຢູ່ ແລະ ເປັນບຸລິມະສິດອັນດັບຕົ້ນ ຢູ່ໃນສາຍພົວພັນຮ່ວມມືລະຫວ່າງສອງກອງທັບ ແລະ ສອງປະເທດພວກເຮົາ.

ໃນພິທີຝ່າຍລາວໄດ້ປະດັບຫຼຽນກາມິດຕະພາບຂອງກະຊວງປ້ອງກັນປະເທດແຫ່ງ ສປປ ລາວ ໃຫ້ຄະນະຊີ້ນໍາ ແລະ ພະນັກງານ-ນັກຮົບ ຝ່າຍຣັດເຊຍ ຈໍານວນ 21 ໜ່ວຍ, ໃຫ້ 21 ສະຫາຍ ແລະ ຝ່າຍຣັດເຊຍກໍໄດ້ປະດັບຫຼຽນກາມິດຕະພາບກະຊວງປ້ອງກັນປະເທດ ແຫ່ງ ສະຫະພັນຣັດເຊຍ ໃຫ້ຄະນະຊີ້ນໍາ ແລະ ພະນັກງານ-ນັກຮົບ ກອງທັບປະຊາຊົນລາວ ຈໍານວນ 20 ໜ່ວຍ, ໃຫ້ 20 ສະຫາຍ ແລະ ຮ່ວມກັນເປີດຫົວຂໍ້ການຊ້ອມຮົບທີ່ສະລັກບົນແຜ່ນຫີນເພື່ອເປັນສັນຍາລັກແຫ່ງການຊ້ອມຮົບຮ່ວມລົດຕັງລາວ-ຣັດເຊຍ ຄັ້ງທີ 2 (ລາໂຣສ 2021) ຕື່ມອີກ.

   ຂ່າວ: ຊາຍສົມສັກ ວິໄລສັນ  ພາບ: ສີປະພັນ ແກ້ວມະນີວົງ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com