ຫົວ​ຂໍ້ : ບໍລິຄຳໄຊ ສຸມໃສ່ກໍ່ສ້າງຮາກຖານການເມືອງພັດທະນາ ຊົນນະບົດຮອບດ້ານ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 03/02/2020 08:53:14 ຈຳ​ນວນ​ຜູ້​ເຂົ້າ​ຢ້ຽມ​ຊົມ 346 ຄັ້ງ

ໂດຍ: ອ.ສອນ​ສຸລິນ

   ວຽກ​ງານ​ກໍ່ສ້າງ​ຮາກຖານ​ ການເມືອງພັດທະນາ​ຊົນນະບົດ​ຮອບດ້ານ ຕິດ​ພັນ​ກັບ​ວຽກ​ງານ 3 ສ້າງ ເປັນ​ວຽກ​ງານ​ຍຸດທະສາດ​ຍາວ​ນານແມ່ນ​ການ​ປະຕິວັດ​ທີ່​ເລິກເຊິ່ງ​ເຖິງ​ຖອງ ແລະ ຕ້ອງ​ໄດ້​ເຮັດ​ເປັນ​ປົກກະຕິ​ຕໍ່​ເນື່ອງຖື​ ເອົາ​ວຽກ​ງານ​ນີ້​ເປັນ​ບຸລິ​ມະ​ສິດ  ໃນ​ການ​ຊີ້​ນໍາ-ນໍາ​ພາ  ແລະ  ແມ່ນ​ຄວາມ​ຮັບຜິດຊອບ​ໂດຍ​ກົງ​ຂອງ​ຄະນະ​ພັກ​ທຸກ​ຂັ້ນ. ໃນໄລ ຍະ​ຜ່ານ​ມາ ຄະນະ​ພັກອົງການ​ປົກຄອງ​ທຸກ​ຂັ້ນ​ຂອງ​ແຂວງ​ໄດ້​ມີ​ຄວາມ​ເອົາໃຈໃສ່ຊີ້​ນໍາ-ນໍາ​ພາ  ຫັນ​ລົງ​ກໍ່ສ້າງ​ຮາກ​ຖານ​ການ ເມືອງພັດທະນາ​ຊົນນະບົດຮອບ ດ້ານ  ຕິດ​ພັນ​ກັບ​ວຽກ​ງານ  3 ສ້າງ,  ສ້າງ​ບ້ານ​ໃຫຍ່ໃຫ້​ກາຍ ເປັນ​ສີສັນ​ຕົວ​ເມືອງ​ນ້ອຍ​ໃນຊົນ ນະບົດ,   ປັບປຸງ​ອົງການ​ປົກ ຄອງ​ບ້ານ​ຈາກ  8  ຕໍາ​ແໜ່​ງ​ງານ ມາ​ເປັນ  5  ຕໍາ​ແໜ່​ງ​ງານ,  ນໍາ​ພາ​ປະຊາຊົນ​ບັນດາເຜົ່າ​ແກ້​ໄຂ ​ຄວາມທຸກ​ຍາກຢ່າງ​ເປັນລະບົບ ດ້ວຍ​ຄວາມ​ຮັບຜິດຊອບ​ສູງ ແລະ ເປັນ​ຮູບປະ​ທໍາ​ຫຼາຍຂຶ້ນ ເຮັດ​ໃຫ້​ແຂວງ​ບໍ​ລິ​ຄໍາ​ໄຊມີ​ບາດ ກ້າວ​ໃໝ່​ຕາມ​ທິດ​ກ້າວໜ້າ, ແນວ ທາງ​ນະໂຍບາຍ​ຂອງ​ພັກ,  ລະ ບຽບ​ກົດໝາຍ​ຂອງ​ລັດນິຕິ​ກໍາ​ ຕ່າງໆ​ຂອງ​ສູນ​ກາງ ແລະ ທ້ອງ ຖິ່ນໄດ້​ຮັບ​ການຈັດຕັ້ງ​ຜັນຂະ ຫຍາຍລົງ​ສູ່​ຮາກ​ຖານຢ່າງ ກວ້າງ ຂວາງປະຊາຊົນ​ໄດ້​ຮັບ​ການ​ສຶກ ສາ​ອົບຮົມ​ຢ່າງ​ທົ່ວ​ເຖິງ.
ຜ່ານ​ການເຄື່ອນໄຫວຈັດ​ຕັ້ງ​ປະຕິບັດ​ວຽກ​ງານ​ກໍ່ສ້າງ​ຮາກ ​ຖານ​ການເມືອງ​ພັດທະນາຊົນ ນະບົດ​ຮອບດ້ານ ຕິດ​ພັນ​ກັບ​ ວຽກ​ງານ 3 ສ້າງ ໃນ​ປີ 2019 ເຮັດ​ໃຫ້​ທົ່ວ​ແຂວງ​ມີ​ສະຖຽນ​ລະ​ພາບ​ທາງ​ດ້ານ​ການເມືອງ, ມີ​ຄວາມ​ສະຫງົບ ແລະ ເປັນ​ລະບຽບ​ຮຽບຮ້ອຍ​ທາງ​ດ້ານສັງ ຄົມ, ປະຊາຊົນໄດ້ຮັບການ​ສຶກ ສາ​ອົບຮົມ​ທາງ​ດ້ານ​ການເມືອງ​ແນວ​ຄິດ,  ມີ​ຄວາມ​ເຂົ້າໃຈ​ຕໍ່​ແນວທາງ​ນະໂຍບາຍ​ຂອງພັກ​ ລະບຽບ​ກົດໝາຍ​ຂອງ​ລັດ, ສາ ມາດ​ຕອບ​ຕ້ານ​ກົນອຸບາຍ​ຂອງ​ສັດຕູ,  ເປັນ​ເຈົ້າ​ການ​ປົກ​ປັກ​ຮັກ ສາ  ແລະ  ສ້າງສາ​ພັດທະນາປະ ເທດ​ຊາດເຂົ້າ​ຮ່ວມຂະບວນການ ​ຮັກ​ຊາດ ແລະ ພັດທະນາເຮັດ ​ໃຫ້​ເສດຖະກິດມີການຂະຫຍາຍ ຕົວ​ຢ່າງ​ຕໍ່​ເນື່ອງພື້ນຖານໂຄງ​ລ່າງ​ໄດ້​ຮັບ​ການ​ພັດທະນາ, ວັດ​ ທະ​ນະ​ທໍາ-​ສັງຄົມໄດ້​ຮັບການ ​ປົກ​ປັກ​ຮັກສາ  ແລະ  ເສີມ​ຂະ ຫຍາຍ​ຢ່າງ​ຕັ້ງໜ້າ; ຄະນະພັກ ອົງການ​ປົກຄອງ​ແຕ່​ລະ​ຂັ້ນ​ໄດ້​ຮັບ​ການ​ປັບປຸງບຳລຸງ ແລະ ຍົກ​ ລະດັບ​ຢ່າງ​ເປັນ​ລະ​ບົບ. ຄະ ນະ​ປະ​ຈໍາ​ພັກ​ແຂວງໄດ້​ມອບໃຫ້​ ເລຂາ​ພັກ​ເມືອງ 7 ເມືອງ ແລະ ພະນັກງານ​ຮາກ​ຖານ​ຂັ້ນ​ແຂວງ, ເມືອງ ນໍາ​ເອົານິຕິ​ກໍາ​ຕ່າງໆຂອງ ​ພັກ-​ລັດລົງ​ເຜີຍແຜ່​ໃຫ້​ປະຊາ ຊົນ​ບັນດາເຜົ່າ​ໄດ້ 301 ຄັ້ງ ມີ​ຜູ້​ເຂົ້າ​ຮ່ວມ 255.000 ກວ່າຄົນ, ເສດຖະກິດ​ທົ່ວ​ແຂວງ​ມີ​ການ​ຂະຫຍາຍຕົວ​ປົກກະຕິ  7,49% ລວມ​ຍອດ​ຜະລິດ​ຕະ​ພັນພາຍ​ໃນ (GDP) ບັນລຸ 5.758 ຕື້​ກີບ, ສະເລ່ຍ​ລາຍ​ຮັບ​ຕໍ່​ຫົວ​ຄົນ 18, 6 ລ້ານ​ກີບ​ຕໍ່​ປີ  (2.156  ໂດລາຕໍ່​ ປີ); ພື້ນຖານໂຄງລ່າງໄດ້​ຮັບ​ການ​ພັດທະນາ​ຢ່າງ​ທົ່ວເຖິງມີ​ເສັ້ນທາງ​ເຂົ້າ​ເຖິງ​ ບ້ານສາມາດ​ທຽວ​ໄດ້ຕະຫຼອດ​ປີ​ກວມ  100%, ໄດ້ຊົມໃຊ້ກະແສໄຟຟ້າ​ແລ້ວ ບ້ານ​ກວມ 99,65%, ຄອບຄົວ​ກວມ 95,36%; ການ​ຜະລິດເປັນສິນ ຄ້າມີ​ຂະບວນ​ການ​ກວ້າງຂວາງ ຜົນ​ຜະລິດເຂົ້າ​ໄດ້​ທັງ​ໝົດ 150 ພັນ​ກວ່າ​ໂຕນ, ສະເລ່ຍເຂົ້າກິນ​ບັນລຸ  506  ກິໂລ​ຕໍ່​ຄົນຕໍ່ປີ;  ພືດ​ສະບຽງໄດ້  43 ພັນ​ກວ່າໂຕນ, ພືດ​ສິນຄ້າໄດ້  322  ພັນ​ກວ່າ​ໂຕນ ມູນ​ຄ່າ 537 ຕື້​ກີບ, ການ​ລ້ຽງສັດ​ໄດ້​ຫັນ​ຈາກ​ການ​ລ້ຽງ​ຕາມ​ທໍາ​ມະ​ຊາດ  ໄປ​ສູ່​ການ​ລ້ຽງ​ແບບ​ເຄິ່ງ​ທໍາ​ມະ​ຊາດ  ແລະ ການຈັດຕັ້ງ​ເປັນ​ກຸ່ມ​ລ້ຽງ​ເປັນ​ຟາມ,  ມີ​ການ​ສັກ​ຢາ​ປ້ອງ​ກັນ​ຄວບ​ຄຸມພະ​ຍາດ​ສັດ​ຕາມ​ລະ ດູ​ການ;  ດ້ານ​ວັດ​ທະ​ນະ​ທໍາ ສ້າງ​ຄອບຄົວ​ວັດ​ທະ​ນະ​ທໍາໄດ້ 1.650 ຄອບຄົວ, ບ້ານ​ວັດ​ທະ​ນະ​ທໍາ​ໄດ້ 9 ບ້ານ; ດ້ານ​ການ ສຶກສາ-​ກິລາໄດ້ປະສານ​ສົມ ທົບ​ກັບ​ອົງການ​ປົກຄອງ​ທຸກ​ຂັ້ນ ແລະ ຄູ່​ຮ່ວມ​ພັດທະນາ ເນັ້ນ​ໃສ່​ໜ້າ​ວຽກ​ຂະຫຍາຍຫ້ອງ ​ຮຽນ, ໂຮງຮຽນ, ສະໜອງ​ອຸປະ ກອນ​ຮັບ​ໃຊ້ການ​ຮຽນ-​ການ​ສອນ, ຈັດ​ຝຶກ​ອົບຮົມ ແລະ ຍົກ ລະດັບຄູ ລວມ​ທັງການ​ສ້າງ ຄວາມ​ຮູ້​ໜັງສື​ໃຫ້​ປະຊາຊົນ ແລະ  ເດັກນ້ອຍ​ທີ່​ຮອດ​ອາຍຸ​ກະສຽນ​ເຂົ້າ​ໂຮງຮຽນ ໃນ​ນັ້ນ, ຈັດການ​ຮຽນ-​ການ​ສອນ​ບໍາ​ລຸງ​ໃຫ້​ປະຊາຊົນຊັ້ນ​ປະຖົມ 285 ຄົນ, ຊັ້ນ​ມັດທະຍົມ​ຕອນ​ຕົ້ນ 575 ຄົນ, ຊັ້ນ​ມັດທະຍົມ​ຕອນ​ປາຍ 185 ຄົນ; ດ້ານ​ສາ ທາລະນະ​ສຸກໄດ້​ສໍາ​ເລັດ​ການ​ສຶກສາ​ອົບຮົມ​ສື່ສານ​ຄວາມ​ສ່ຽງ​ ໃນ​ຊຸມ​ຊົນ​ມີ​ສໍາ​ມະນາກອນເຂົ້າ​ ຮ່ວມ 787 ຄົນ, ສ້າງບ້ານນໍ້າ ​ສະອາດ​ປອດໄພໄດ້ 8 ບ້ານ, ປະກາດຢຸດຕິການຖ່າຍຊະ ຊາຍໄດ້ 3 ເມືອງ, 14 ບ້ານ; ມາ​ ເຖິງ​ປັດຈຸບັນທົ່ວແຂວງມີວິດ ຖ່າຍ​ແລ້ວ​ຈໍາ​ນວນ  49.583  ຫຼັງ ຄາ​ເຮືອນ ກວມ​ເອົາ  96,8%   ສໍາ​ ລັບ​ວຽກ​ງານ​ແກ້​ໄຂ​ຄວາມທຸກ ​ຍາກ  ແລະ  ການ​ພັດທະນາແຂວງ ບໍລິຄຳໄຊໄດ້​ເອົາໃຈໃສ່​ເປັນສໍາ ​ຄັນ ໂດຍ​ອີງຕາມ​ມາດຕະຖານ​ພົ້ນ​ທຸກ ແລະ ພັດທະນາເລກ​ທີ 348/ລບ ມາ​ເຖິງ​ປັດຈຸບັນທົ່ວ ​ແຂວງ​ມີ​ທັງ​ໝົດ 7 ເມືອງ, 291 ບ້ານ ແລະ 52.142 ຄອບຄົວ, ໃນ​ນັ້ນພົ້ນ​ທຸກ​ແລ້ວ 5 ເມືອງ, 245 ບ້ານ ແລະ 47.987 ຄອບ ຄົວ;  ສ່ວນ​ມາດຕະຖານການ ​ພັດທະນາ​ບັນລຸ​ໄດ້  214 ບ້ານ ແລະ 44.558 ຄອບຄົວ. ວຽກ​ງານ ປກຊ-ປກສ ໄດ້ສຸມໃສ່ຈັດ​ ຕັ້ງ​ຜັນ​ຂະຫຍາຍ 9 ຫົວຂໍ້​ວິ     ທະຍາສາດ​ຂອງແຂວງ ຕິດພັນ​ກັບ​ການ​ແກ້​ໄຂ 4 ເຖື່ອນຄື: ຄົນ​ເຖື່ອນ, ອາວຸດ​ເຖື່ອນ, ລົດ​ເຖື່ອນ ແລະ ສິນຄ້າ​ເຖື່ອນ, ປັບ​ປຸງ​ກໍາ​ລັງ​ກອງ​ຫຼອນ  ສ້າງ​ບ້ານ​ປ້ອມ​ໝັ້ນ​ສູ້​ຮົບ​ສ້າງ​ກຸ່ມ​ບ້ານ​ສູ້​ຮົບ​ຕິດ​ລຽນ,  ບ້ານ​ປ້ອງ​ກັນ​ຄວາມ​ສະຫງົບ​ດີ  ບ້ານ​ປອດ​ຄະດີ ແລະ ວຽກ​ງານ​ອື່ນໆ​ກໍໄດ້​ສຸມ​ໃສ່​ຈັດ​ຕັ້ງ​ປະຕິບັດ​ຢ່າງ​ເປັນ​ຂະບວນ​ກວ້າງຂວາງ ແລະ ມີ​ໝາກ​ຜົນ​ສໍາ​ເລັດ​ເປັນ​ຢ່າງ​ດີ. ແຕ່​ເຖິງ​ຢ່າງໃດ​ກໍຕາມ  ເມື່ອ​ທຽບໃສ່​ທິດ​ທາງ​ແຜນການກໍຄື​ ຄວາມ​ຮຽກຮ້ອງ​ຕ້ອງການ​ຂອງ​ໜ້າທີ່​ການເມືອງ  ແລະ  ການພັດ ທະນາ​ເຫັນ​ວ່າ ມີ​ຫຼາຍດ້ານ​ທີ່​ຈະ​ຕ້ອງ​ໄດ້​ເອົາໃຈໃສ່​ສືບຕໍ່​ປັບປຸງແກ້​ ໄຂ ແລະ ຈັດ​ຕັ້ງ​ປະຕິບັດໃນ​ຕໍ່​ໜ້າ. ທ່ານ ກອງ​ແກ້ວ ໄຊສົງຄາມ ກໍາ​ມະ​ການ​ສູນ​ກາງ​ພັກ  ເລຂາ​ພັກ​ແຂວງ  ເຈົ້າແຂວງ​ບໍ​ລິ​ຄໍາ​ໄຊ ໄດ້​ມີ​ຄໍາ​ເຫັນ​ຊີ້​ນໍາ​ຕໍ່ກອງປະ ຊຸມ​ສະຫຼຸບ​ວຽກ​ງານ​ກໍ່ສ້າງ​ຮາກ​ຖານ​ການເມືອງພັດທະນາຊົນ ນະບົດ​ຮອບດ້ານ ປະຈຳ​ປີ 2019: ຄະນະ​ພັກ​ແຕ່​ລະ​ຂັ້ນຕ້ອງ​ເປັນ​ເຈົ້າ​ການ​ຫັນ​ພະນັກງານລົງກໍ່ ສ້າງ​ຮາກ​ຖານ​ໃຫ້​ຕໍ່​ເນື່ອງ, ປົກ ກະຕິເຜີຍແຜ່ສຶກສາອົບຮົມໃຫ້​ ສະມາຊິກ​ພັກ-ພະນັກງານ, ປະ ຊາຊົນ​ຢ່າງ​ທົ່ວ​ເຖິງ, ເອົາໃຈໃສ່​ ແກ້​ໄຂ​ປະກົດ​ການ​ຫຍໍ້ທໍ້ໃນສັງ ຄົມ​ໃຫ້​ຫຼຸດ​ລົງ, ພະແນກການ, ກົມ​ກອງ​ຫັນ​ເອົາ​ຜົນ​ສໍາ​ເລັດ​ປີ ຜ່ານມາ ຜັນ​ຂະຫຍາຍ​ສ້າງ​ເປັນ​ແຜນ​ງານໂຄງການ​ລະອຽດຊີ້​ນໍາ​ບັນຊາ​ແທດ​ເຖິງ​ຮາກຖານ ໃຫ້​ໄດ້​ຮັບ​ຜົນ​ດີ,  ຄະນະພັກຊຸກ ຍູ້ການ​ຜະລິດຂອງ​ປະຊາຊົນ ແຕ່ງຕັ້ງ​ວິຊາ​ການ​ນໍາ​ພາ​ເຮັດ​ຕົວ​ຈິງ ຜະລິດ​ເປັນ​ສິນຄ້າ​ຕິດ​ພັນ​ກັບ​ການ​ຕະຫຼາດ, ບັນດາ​ເມືອງ ແລະ ຂະແໜງການຂອງ ​ແຂວງ​ຖື​ເອົາ​ວຽກ​ງານແກ້​ໄຂ​ຄວາມທຸກ​ຍາກ, ສ້າງ​ຄອບຄົວ ບ້ານ​ພັດທະນາເປັນບຸລິມະສິດ, ເປັນ​ເຈົ້າ​ການນໍາ​ພາຢ່າງມີແຜນ ການ​ຈຸດ​ສຸມ, ມີ​ເປົ້າ​ໝາຍຄາດ ໝາຍ​ສູ້​ຊົນ ຕິດຕາມ​ກວດກາ​ຊຸກຍູ້​ຢ່າງ​ໃກ້ຊິດ, ຄົ້ນຄວ້າ​ລະ ອຽດ​ການ​ຈັດ​ສັນ​ເຕົ້າໂຮມ​ບ້ານ ການ​ຈັດສັນ​ດິນ ຜະ​ລິດທໍາມາ​ ຫາ​ກິນ​ໃຫ້​ສອດຄ່ອງ, ສືບຕໍ່ປັບ ປຸງ​ລະບົບການເມືອງຢູ່ຮາກ​ຖານ ບ້ານ​ໃຫ້​ມີ​ຄວາມໜັກແໜ້ນເຂັ້ມ ແຂງ  ຕິດ​ພັນ​ກັບ​ການ​ຍົກລະດັບ​ ຄວາມ​ຮູ້​ ຄວາມ​ສາມາດແບບ ແຜນການນໍາພາ ແລະ ພ້ອມ​ກັນ​ສືບຕໍ່​ຜັນຂະຫຍາຍ​ວຽກ​ງານ 3 ສ້າງໃຫ້​ປະກົດ​ຜົນ​ເປັນ​ຈິງ​ເທື່ອ​ລະ​ກ້າວ,  ຈັດ​ຕັ້ງ​ປະຕິບັດ​ບັນດາ​ມະຕິ,  ຄໍາ​ສັ່ງ​ຂອງ​ພັກ-​ລັດ, ບັນດາ​ຄາດໝາຍ​ວຽກ​ງານ​ຮອບດ້ານ​ໃນ​ປີ 2020 ໃຫ້​ສໍາ​ເລັດ​ຜົນ​ດີ ເຮັດ​ໃຫ້​ແຂວງ​ບໍ​ລິ​ຄໍາ​ໄຊ​ມີ​ບາດກ້າວ​ໃໝ່​ຢ່າງ​ບໍ່​ຢຸດ​ຢັ້ງ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110