ຫົວ​ຂໍ້ : ເມືອງທ່ົງມີໄຊ ປາຖະກະຖາວັນສ້າງຕັ້ງກຳມະບານລາວ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 03/02/2020 08:56:10 ຈຳ​ນວນ​ຜູ້​ເຂົ້າ​ຢ້ຽມ​ຊົມ 407 ຄັ້ງ

   ເມືອງ​ທົ່ງ​ມີ​ໄຊ ແຂວງໄຊ​ ຍະ​ບູ​ລີ ໄດ້​ຈັດ​ພິທີ​ສະເຫຼີມສະ ຫຼອງ​ວັນ​ສ້າງຕັ້ງ​ສະຫະພັນ​ກຳ ມະ​ບານ​ລາວ ​ຄົບຮອບ 64 ປີ (ວັນ​ທີ 1 ກຸມພາ 1956 - ວັນ​ທີ 1 ກຸມພາ 2020) ຂຶ້ນ​ເມື່ອ​ທ້າຍ​ອາ​ທິດ​ແລ້ວນີ້ ​ ທີ່ສະໂມສອນ​ຂອງ​ເມືອງທົ່ງມີ​ໄຊ  ໂດຍ​ໃຫ້​ກຽດເຂົ້າຮ່ວມຂອງທ່ານ  ທອງ​ຈັນ ສຸ​ພົນ​ສັກ ຄະ ນະ​ປະຈຳ​ພັກ​ເມືອງ ຮອງ​ເຈົ້າ ເມືອງໆ​ທົ່ງ​ມີ​ໄຊ, ມີ​ພາກສ່ວນ​ຕ່າງໆ​ພາຍ​ໃນ​ເມືອງ​ເຂົ້າ​ຮ່ວມ.
   ໃນ​ພິທີ​ດັ່ງກ່າວ, ທ່ານ ທອງ​ຈັນ ສຸ​ພົນ​ສັກ ໄດ້​ຂຶ້ນ​ເລົ່າ​ປະຫວັດ​ຄວາມ​ເປັນ​ມາ ແລະ ການ​ກຳເນີດການ​ເຕີບ​ໃຫຍ່ຂະ ຫຍາຍຕົວ​ຂອງ​ອົງການ​ຈັດຕັ້ງ​ ສະຫະພັນ​ກຳມະບານ​ລາວ, ທີ່​ໄດ້​ປະກອບສ່ວນ​ໃນ​ພາລະກິດ​ປະຕິວັດ​ຊາດ, ປະຊາທິປະໄຕ, ປົກ​ປັກ​ຮັກສາ ແລະ ສ້າງສາ​ພັດ ທະນາ​ປະເທດ​ຊາດ ​ໃນ​ໄລຍະ​ຜ່ານ​ມາ ຊຶ່ງ​ທ່ານ​ໄດ້​ຍົກ​ໃຫ້​ເຫັນ​ວ່າ: ວັນ​ທີ 1 ກຸມພາ 1956, ກົມ ​ການເມືອງ​ສູນ​ກາງ​ພັກໄດ້ມີມະ ຕິ​ການ​ສ້າງຕັ້ງ​ອົງການ​ຈັດ​ຕັ້ງ​ກຳມະບານ​ລາວ​ຂຶ້ນ​ຢ່າງ​ເປັນ​ທາງ​ການ​ຢູ​່ເຂດ​ທີ່​ໝັ້ນ​ແຂວງ​ຫົວພັນ ຈຸດປະສົງ​ແມ່ນ​ເພື່ອສືບ  ຕໍ່​ໂຄສະນາ​ຂົນຂວາຍ, ເຕົ້າໂຮມ​ ກຳມະກອນ, ຊາວ​ຜູ້ອອກແຮງ​ ງານ​ລາວ​ບັນດາເຜົ່າ​ໃຫ້​ມີ​ຄວາມ ​ຕື່ນ​ຕົວ​ປະຕິວັດ, ມີນໍ້າໃຈຮັກ​ຊາດ, ມີ​ທັດສະນະ​ຊົນ​ຊັ້ນກຳມະ ກອນ, ມີ​ຄວາມ​ຕື່ນ​ຕົວ​ທາງດ້ານ ​ຊົນ​ຊັ້ນ​ຢ່າງ​ຈະແຈ້ງ, ເສີມ​ຂະ ຫຍາຍ​ປະຊາທິປະໄຕ, ມີ​ລະ ບຽບ​ແບບແຜນ, ເປັນ​ພົນລະ ເມືອງ​ດີ​ຂອງ​ຊາດ, ສົ່ງເສີມ​ການ​ມີ​ວຽກ​ເຮັດ​ງານ​ທຳ  ແລະ ເປັນ​ຕົວ​ແທນ​ໃຫ້​ແກ່​ການ​ປົກ​ປ້ອງ​ສິດຜົນປະໂຫຍດ​ອັນ​ຊອບ​ທຳ​ໃຫ້​ແກ່​ກຳມະກອນ, ຊາວ​ຜູ້ອອກ ແຮງ​ງານ​ລາວ​ບັນດາເຜົ່າ, ກາຍ ເປັນ​ກຳລັງ​ແຮງ​ເຂົ້າ​ຮ່ວມ​ຢ່າງ​ຕັ້ງໜ້າ ແລະ ເປັນ​ເຈົ້າ​ການ​ໃນ​ການ​ຕໍ່ສູ້​ກູ້​ຊາດ, ປົກ​ປັກ​ຮັກສາ ແລະ  ພັດທະນາ​ປະເທດຊາດ ​ຕາມ​ເສັ້ນທາງ​ກ້າວ​ຂຶ້ນ​ສູ່​ສັງຄົມ​ນິຍົມ. 
   ໃນ​ພິທີ  ທ່ານ ເສີດ ຄຳອຸ່ນ ຮອງ​ປະທານ​ສະຫະພັນ​ກຳມະ ບານ​ເມືອງກໍໄດ້​ຂຶ້ນຜ່ານຂໍ້​ຕົກ ລົງ​ຂອງສະຫະພັນ​ກຳມະບານ​ແຂວງ​ໄຊ​ຍະ​ບູ​ລີ ວ່າ​ດ້ວຍ​ການ​ຍ້ອງຍໍການຈັດຕັ້ງກຳມະບານ ແລະ ສະມາຊິກ​ກຳມະບານທີ່​ ມີ​ຜົນງານດີເດັ່ນໃນການເຄື່ອນ ໄຫວ​ວຽກ​ງານ​ກຳມະບານ​ ໃນ​ໄລ ຍະ 5 ປີຜ່ານມາ  ຊຶ່ງ​ປະກອບ​ມີ​ຍ້ອງຍໍ​ປະເພດກົມ​ກອງ​ຈຳນວນ 9 ກົມ​ກອງ, ຍ້ອງຍໍ​ປະເພດ​ບຸກ ຄົນ​ຈຳນວນ 113 ໃບ. 
(ຂ່າວ​-​ພາບ: ເມືອງ​ທົ່ງ​ມີ​ໄຊ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110