ຫົວ​ຂໍ້ : ສະມາຄົມຄິວລົດໂດຍສານ ປາກຊັນ ມອບເງິນໃຫ້ ກອງທຶນໜ່ຶງດວງໃຈ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 03/02/2020 08:56:54 ຈຳ​ນວນ​ຜູ້​ເຂົ້າ​ຢ້ຽມ​ຊົມ 425 ຄັ້ງ

   ຫວ່າງ​ແລ້ວນີ້  ຢູ່​ຫ້ອງ​ປະ ຊຸມ​ຫ້ອງວ່າການ​ແຂວງ​ບໍ​ລິ​ຄຳ​ໄຊ,  ທ່ານ  ບຸນ​ທົງ   ແສງສຸ​ລິ​ວັນ   ຕາງໜ້າ​ໃຫ້​ແກ່​ວິ​ສາຫະກິດ​ ລວມ​ໝູ່ບໍລິການ​ຄິວ​ລົດຂົນສົ່ງ​ໂດຍສານ​ແຂວງ ບໍລິ​ຄໍາ​ໄຊ (ສະມາຄົມ​ຄິວ​ລົດ​ໂດຍສານ ​ປາກ​ຊັນ) ພ້ອມດ້ວຍຄະນະ ໄດ້​ນໍາ​ເອົາ​ເງິນ​ສົດ​ຈໍາ​ນວນ 100.075.000 ກີບ ມາ​ມອບ​ໃຫ້​ກັບ​ກອງ​ທຶນ​ໜຶ່ງ​ດວງ​ໃຈ   ບໍລິຄໍາ​ໄຊ​ຊ່ວຍ​ເຫຼື່ອ​ສັງຄົມ  ຊຶ່ງກ່າວ ​ຮັບ​ໂດຍທ່ານ ນາງ ແອ໋ງ ໄຊ​ສົງ ຄາມ ປະທານ​ກອງ​ທຶນ​ໜຶ່ງ​ດວງ​ໃຈ ໂດຍ​ມີ​ພາກສ່ວນ​ກ່ຽວຂ້ອງ​ເຂົ້າ​ຮ່ວມ​ເປັນ​ສັກຂີ​ພິຍານ.
   ໃນ​ໂອກາດ​ນີ້, ທ່ານປະ ທານ​ກອງ​ທຶນ​ໜຶ່ງ​ດວງ​ໃຈໄດ້ສະ ແດງ​ຄວາມ​ຂອບໃຈ ແລະ ຍ້ອງຍໍ​ ຊົມເຊີຍ ໃນ​ການປະກອບສ່ວນ​ຄັ້ງ​ນີ້ ຊຶ່ງ​ມາ​ຮອດປັດຈຸ​ບັນວິ​ສາ​ຫະ​ກິດ​ລວມໝູ່ບໍລິການ​ຄິວ​ລົດ​ຂົນສົ່ງ​ໂດຍສານໄດ້​ມອບ​ທຶນ​ສົມທົບ​ໃຫ້​ກັບ​ກອງ​ທຶນເປັນ​ເງິນ​ທັງ​ໝົດ 209.000.000 ກີບ ແລະ ຈະ​ນຳ​ເອົາ​ເງິນ​ຈຳນວນ​ດັ່ງກ່າວ ໄປ​ໃຊ້​ໃຫ້​ເກີດ​ປະໂຫຍດ​ສູງສຸດ ​ແກ່​ສັງຄົມ ເປັນຕົ້ນແມ່ນ​ການ​ສ້ອມແປງ​ປຸກ​ສ້າງ​ອາຄານ​ໂຮງ ຮຽນ, ໂຮງໝໍ, ຊ່ວຍ​ເຫຼືອ​ຜູ້​ທຸກ​ຍາກອານາ​ຖາ ແລະ ຜູ້​ທີ່​ດ້ອຍ​ໂອກາດຢູ່​ເຂດ​ຊົນນະບົດຫ່າງ​ໄກສອກ​ຫຼີກໃຫ້​ມີ​ຊີວິດ​ການ​ເປັນ​ ຢູ່​ດີ​ຂຶ້ນ.
(ແຫຼ່ງ​ຂ່າວ: ເວ​ັບ​ໄຊ ແຂວງ​ບໍ​ລິ​ຄຳ​ໄຊ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110