ຫົວ​ຂໍ້ : ສປຊ ເປັນຫ່ວງຕໍ່ສະພາບມະນຸດສະທຳຢູ່ຊີຣີ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 03/02/2020 08:59:23 ຈຳ​ນວນ​ຜູ້​ເຂົ້າ​ຢ້ຽມ​ຊົມ 344 ຄັ້ງ

ວິທະຍຸ​ກະຈາຍສຽງ​ຫວຽດ ນາມ ​ລາຍ​ງານ​ວ່າ: ຫວ່າງແລ້ວ ນີ້, ຢູ່​ນະຄອນ​ ນິວ​ຢອກ ປະເທດ ອາ​ເມ​ຣິ​ກາ, ສະພາ​ຄວາມໝັ້ນ ຄົງ​ສະຫະ​ປະຊາຊາດ (ສປຊ), ໄດ້​ຈັດ​ຕັ້ງ​ກອງ​ປະຊຸມ ຮັບ​ຟັງ​ບົດ​ລາຍ​ງານ ກ່ຽວ​ກັບ​ສະພາບ​ມະນຸດສະທຳ​ຢູ່​ຊີ​ຣີ, ພາຍ​ໃຕ້​ການ​ເປັນ​ປະທານ​ຂອງ​ຫວຽດນາມ,ໃນເດືອນ​ມັງກອນ ປີ 2020,
ຂ່າວ​ລາຍ​ງານ​ວ່າ: ນີ້​ແມ່ນ​ໜຶ່ງ​ໃນ 3 ການເຄື່ອນໄຫວ​ປະຈຳ​ເດືອນ​ຂອງ ສະພາ​ຄວາມ​ໝັ້ນຄົງ​ສະຫະ​ປະຊາຊາດ ທີ່​ກ່ຽວຂ້ອງ​ກັບ​ສະຖານະ​ການ​ຢູ່​ຊີ​ຣີ. ຄຽງ​ຄູ່​ກັບ​ບັນຫາ​ມະ ນຸດສະທຳ, ສະພາ​ຄວາມ​ໝັ້ນ ຄົງສະຫະ​ປະຊາຊາດ ຍັງ​ໄດ້​ຈັດ​ກອງ​ປະຊຸມ​ກ່ຽວ​ກັບ​ຂະບວນ​ວິວັດ​ດ້ານ​ການເມືອງ ແລະ ອາ ວຸດ​ເຄ​ມີ ຢູ່​ຊີ​ຣີ​ຕື່ມ​ອີກ.
ກ່າວ​ຄຳ​ເຫັນ​ທີ່​ກອງ​ປະ ຊຸມ, ທ່ານ  ດັ້ງ​ດິ່ງ​ກຸ໊ຍ ເອກ​ອັກ​ຄະ​ລັດ​ຖະ​ທູດ ຫົວໜ້າ​ຄະນະ​ຜູ້ຕາງໜ້າ ຫວຽດນາມ ປະຈຳ ສປຊ ໄດ້​ຮຽກຮ້ອງ​ໃຫ້​ບັນດາ​ຝ່າຍ​ທີ່​ກ່ຽວຂ້ອງ ຈົ່ງ​ປະຕິບັດ​ຂໍ້​ຕົກລົງ​ຢຸດ​ຍິງ, ເຄົາລົບ ກົດໝາຍ​ສາກົນ, ພິເສດ​ແມ່ນ​ກົດໝາຍ​ວ່າ​ດ້ວຍ​ມະນຸດສະທຳ​ສາກົນ, ປະຕິບັດ​ພັນທະ​ປົກ​ປ້ອງ​ສາມັນ​ຊົນ. ທ່ານ ດັ້ງ​ດິ່ງ​ກຸ໊ຍ ໄດ້​ຊົມເຊີຍ​ບັນດາ​ຄວາມ​ພະຍາຍາມ ກອບ​ກູ້, ຊ່ວຍເຫຼືອ​ມະນຸດສະທຳ​ຢູ່ ຊີ​ຣີ​ຂອງ ສປຊ, ບັນດາ​ອົງການ​ຈັດ​ຕັ້ງ​ສາກົນ ແລະ ບັນດາ​ປະ​ເທດ ພ້ອມ​ທັງ​ເນັ້ນ​ໜັກ​ເຖິງ​ບົດບາດ, ຄວາມ​ຮັບຜິດຊອບ ແຖວ​ໜ້າ​ຂອງ ລັດຖະບານ​ຊີ​ຣີ ໃນ​ການ​ຮັບປະກັນ​ການ​ກອບ​ກູ້, ຊ່ວຍເຫຼືອ​ມະນຸດ​ສະ​ທຳ.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110