ຫົວ​ຂໍ້ : ທູດຈີນ ໃຫ້ສຳພາດການປ້ອງກັນ ແລະ ຄວບຄຸມ ພະຍາດອັກເສບປອດສາຍພັນໃໝ່

ເຜີຍ​ແຜ່​ໂດຍ​: admin ເວ​ລາ: 04/02/2020 11:24:30 ຈຳ​ນວນ​ຜູ້​ເຂົ້າ​ຢ້ຽມ​ຊົມ 620 ຄັ້ງ

   ທ່ານ ຈຽງ ຈາຍຕົງ (Jiang Zaidong)  ເອກອັກຄະລັດຖະທູດ ສປ ຈີນ  ປະຈໍາ ສປປ ລາວ ໄດ້ຕອບສໍາພາດຕໍ່ສື່ມວນຊົນ ລາວ ເມື່ອວັນທີ 3/2/2020 ນີ້ ກ່ຽວກັບການປ້ອງກັນ ແລະ ຄວບ ຄຸມພະຍາດອັກເສບປອດຈາກເຊື້ອຈຸລະໂຣກສາຍພັນໃໝ່ ຊຶ່ງສັງລວມມີ 6 ຄຳຖາມດັ່ງນີ້: 
1. ຄຳຖາມຈາກນັກຂ່າວວິທະຍຸກະຈາຍສຽງແຫ່ງຊາດລາວ:ປະເທດຈີນໄດ້ນໍາໃຊ້ມາດ ຕະ-ການຫຍັງແດ່ ເພື່ອປ້ອງກັນ ແລະຄວບຄຸມພະ-ຍາດອັກເສບປອດຈາກເຊື້ອຈຸລະໂຣກສາຍພັນໃໝ່? ສະ-ພາບການຂອງພະ ຍາດມີທ່າອ່ຽງການຂະຫຍາຍ ຕົວແນວໃດ?
ຕອບ: ພາຍຫຼັງໄດ້ເກີດມີພະຍາດອັກເສບປອດຈາກເຊື້ອຈຸລະໂຣກສາຍພັນໃໝ່ແລ້ວ, ທ່ານເລຂາທິການໃຫຍ່ ສີ ຈິ້ນຜິງ ໄດ້ຈັດກອງປະຊຸມຫຼາຍຄັ້ງ ໄດ້ຮັບຟັງລາຍງານຫຼາຍຄັ້ງ ໄດ້ໃຫ້ທິດຊີ້ນໍາສໍາຄັນ  ພ້ອມທັງໄດ້ເປັນເຈົ້າພາບຈັດກອງປະຊຸມຄະນະປະຈໍາກົມການເມືອງ ຊຶ່ງໄດ້ວາງແຜນຢ່າງຮອບດ້ານລະອຽດໃນການເພີ່ມທະວີວຽກງານປ້ອງກັນຄຸ້ມຄອງ. 
   ສູນກາງພັກກອມມູນິດຈີນໄດ້ສ້າງຕັ້ງຄະນະຊີ້ນໍາວຽກງານຮັບມືກັບພະຍາດດັ່ງກ່າວ, ນໍາພາຈັດວຽກຢ່າງຮອບດ້ານ. ທ່ານ ນາຍົກລັດຖະມົນຕີ ຫຼີ ເຄີ້ສຽງ ໄດ້ຮັບການມອບໝາຍຈາກທ່ານເລຂາທິການໃຫຍ່  ສີ ຈິ້ນຜິງ ໄປນະຄອນອູຮັ້ນສຶກ-ສາຊີ້ນໍາການປ້ອງກັນ ແລະ ຄຸ້ມຄອງພະ ຍາດ  ພ້ອມໄດ້ຈັດກອງປະຊຸມຂອງຄະນະຊີ້ນໍາ ເພື່ອເພີ່ມທະວີການປະສານງານ. ປະເທດຈີນໄດ້ສ້າງຕັ້ງລະບົບການປ້ອງກັນ ແລະ ຄຸ້ມຄອງທີ່ຮອບດ້ານ ແລະ ມີຫຼາຍລະດັບ, ປຸກລະດົມທົ່ວສັງຄົມ ເດັດດ່ຽວສະກັດກັ້ນການແຜ່ລາມຂອງພະຍາດ.
   ພວກຂ້າພະເຈົ້າສຸມທຸກກໍາລັງເຂົ້າໃນການປິ່ນປົວຜູ້ເຈັບ, ພະຍາຍາມຢ່າງສຸດຂີດໃຫ້ຈໍານວນຜູ້ເຈັບໜັກ ແລະ ຜູ້ເສຍຊີວິດຫຼຸດລົງ ພ້ອມທັງໄດ້ສ້າງທີມງານນັກຊ່ຽວຊານທາງດ້ານເຕັກ-ນິກວິທະຍາສາດ ເລັ່ງຄົ້ນຄວ້າວັກແຊງຕ້ານພະຍາດ ຮັບຮອງເອົາຢາປົວພະຍາດທີ່ມີຜົນດີໃຫ້ທັນທີ ແລະ ນໍາໃຊ້ໃນໂຮງໝໍ ໂດຍໄວ. 
ລັດຖະບານຈີນຍັງໄດ້ສ້າງລະບອບປຸກລະດົມເຄື່ອງມືຕ້ານພະຍາດໃນທົ່ວປະເທດ ເພື່ອປະສານງານ ແລະ ຂົນ ຂວາຍທ່ານໝໍ, ພະຍາບານ ເຄື່ອງມືການແພດ ແລະ ເຄື່ອງ ໃຊ້ປະຈໍາວັນຂອງປະຊາຊົນ ສາ ມາດເຂົ້າເຖິງບ່ອນທີ່ຕ້ອງການ ໂດຍໄວໄດ້.
   ຄວາມພະຍາຍາມຂອງຈີນໄດ້ຮັບການຍ້ອງຍໍຊົມເຊີຍຈາກປະຊາຄົມໂລກ.  ທ່ານ ເທເຕີສ  ປະທານອົງການອະ ນາໄມໂລກໄດ້ເວົ້າວ່າ: ປະເທດຈີນໄດ້ຄົ້ນພົບເຊື້ອພະຍາດໄວເຣີສທີ່ໄວສົມຄວນ,  ໄດ້ແບ່ງ-ປັນ ຂໍ້ມູນທັນທີ ແລະ ປອດໃສສົມ ຄວນໄດ້ນໍາໃຊ້ມາດຕະ-ການ ຢ່າງໄວ ແລະ ມີປະ-ສິດທິຜົນ ຫຼາຍສົມຄວນ   ຊຶ່ງໄດ້ສະ-ກັດກັ້ນ ພະຍາດບໍ່ໃຫ້ແຜ່ລາມໄປປະ ເທດອື່ນຢ່າງມີປະສິດ-ທິຜົນ. ລັດຖະບານຈີນ ແຕ່ລະມື້ກໍໄດ້ສຸມຄວາມພະຍາຍາມປ້ອງກັນ ປະຊາຊົນທັງປວງໄດ້ເຮັດວຽກ ເປັນແບບຢ່າງ ໃນການຕ້ານ ພະຍາດ  ທັງນີ້ບໍ່ພຽງແຕ່ເພື່ອປ້ອງກັນຕົນເອງເທົ່ານັ້ນ ຍັງ ເພື່ອຄວາມປອດໄພຂອງສາທາ ລະນະສຸກທົ່ວໂລກອີກດ້ວຍ.
   ພວກຂ້າພະເຈົ້າກໍໄດ້ເຫັນຢ່າງຊັດເຈນວ່າ ສະພາບຂອງພະຍາດຍັງສັບສົນຢູ່,  ຍັງຢູ່ໃນໄລຍະທີ່ເປັນຂໍກຸນ-ແຈດ້ານການປ້ອງກັນ ແລະ ຄວບຄຸມ. ສັງເກດເບິ່ງໃນແງ່ຂົງເຂດການແຜ່ລາມ ປັດຈຸບັນນີ້ 31 ແຂວງ ແລະ ເຂດຮົງກົງມາກາວໄຕ້ຫວັນກໍໄດ້ພົບເຫັນຜູ້ຕິດພະຍາດ. ຄິດໄລ່ຮອດ 24:00 ໂມງ ວັນທີ 2 ກຸມພານີ້, ໃນ 31 ແຂວງຂອງຈີນໄດ້ມີຜູ້ຕິດ-ເຊື້ອພະຍາດ 17.205 ຄົນ, ເສຍຊີວິດ 361 ຄົນ, ປິ່ນ-ປົວຟື້ນສຸຂະ ພາບ  475 ຄົນ ໂດຍລວມແລ້ວ ພະຍາດດັ່ງ ກ່າວແມ່ນປ້ອງກັນໄດ້ຄວບຄຸມໄດ້ປິ່ນປົວໄດ້.   ມີການນໍາພາທີ່ເຂັ້ມແຂງຂອງສູນກາງພັກກອມມູນິດຈີນທີ່ມີສະຫາຍ ສີ ຈິ້ນຜິງ ເປັນແກນນໍາ,  ມີທ່າ-ແຮງທາງດ້ານລະບອບສັງຄົມນິຍົມ, ມີກໍາລັງຍິ່ງໃຫຍ່ທີ່ທົ່ວປວງຊົນຈີນທັງຊາດຮ່ວມຈິດຮ່ວມໃຈກັນ, ມີລະບົບຄຸ້ມຄອງພະຍາດທີ່ຮອບດ້ານ ແລະ ມີປະສິດ-ທິຜົນແຕ່ສູນກາງຮອດທ້ອງຖິ່ນ, ມີພື້ນຖານອັນໜັກແໜ້ນທາງດ້ານເຕັກ-ນິກ ແລະ ເຄື່ອງຂອງທີ່ສະສົມໃນ 70 ປີຜ່ານມາຂອງ ຈີນ, ປະເທດຈີນມີຄວາມຕັດ ສິນໃຈມີຄວາມເຊື່ອໝັ້ນໃຈ ແລະ ມີຄວາມສາມາດຕໍ່ຕ້ານ ພະຍາດຄັ້ງນີ້ໄດ້.
2. ຄຳຖາມຈາກນັກຂ່າວ ໜັງສືພິມປະຊາຊົນ: ສະພາບການຮ່ວມມືສາກົນກ່ຽວກັບການດຳເນີນວຽກງານປ້ອງກັນເຊື້ອພະຍາດ.  ທ່ານທູດມີຄຳເຫັນແນວໃດກ່ຽວ ກັບເລື່ອງທີ່  WHO  ປະກາດວ່າ ການລະ-ບາດເຊື້ອພະຍາດນີ້ເປັນເຫດ-ການສາທາລະນະສຸກກະທັນຫັນທີ່ສາກົນສົນໃຈ?.
ຕອບ:  ໃນຂະບວນການປ້ອງກັນເຊື້ອພະຍາດນີ້   ຝ່າຍຈີນໄດ້ມີທ່າທີເປີດກວ້າງປອດໃສຮັບຜິດຊອບສະເໝີຕົ້ນສະເໝີປາຍດຳເນີນການຮ່ວມມືສາ-ກົນຢ່າງຕັ້ງ-ໜ້າ  ຊຶ່ງໄດ້ແຈ້ງສະ-ພາບການເຊື້ອພະຍາດໃຫ້ອົງການອະ-ນາ-ໄມໂລກ (WHO) ຊາບ ແລະ ແບ່ງຂໍ້ມູນລໍາດັບເຊື້ອ-ສາຍຂອງເຊື້ອພະ-ຍາດໃຫ້ຢ່າງວ່ອງໄວ. ທ່ານ ມາ ເຈົ້າສູ້  ຮອງລັດຖະ ມົນຕີກະຊວງການຕ່າງປະ-ເທດຈີນ ໄດ້ຈັດງານຖະແຫຼງຂ່າວກ່ຽວກັບສະພາບການເຊື້ອພະ ຍາດໃຫ້ບັນດາທູຕານຸທູດປະ ຈຳຈີນຊາບ ແລະ ບັນດາອົງ ການການຕ່າງປະເທດຈີນທີ່ປະຈຳຕ່າງປະເທດໄດ້ປະສານສົມທົບກັບລັດຖະບານຕ່າງປະ ເທດນັ້ນຢ່າງໃກ້ຊິດ ເພື່ອແຈ້ງສະຖານະການການລະບາດເຊື້ອພະຍາດ ແລະ ຄວາມພະ ຍາຍາມການປ້ອງກັນການຄຸ້ມຄອງເຊື້ອພະ-ຍາດຂອງຝ່າຍຈີນຢ່າງທັນເວລາ. 
   ຝ່າຍຈີນໄດ້ປະຕິບັດ ແລະຈະສືບຕໍ່ປະຕິບັດພັນທະສາກົນ ແກ້ໄຂຄວາມຕ້ອງການທີ່ເໝາະສົມ ແລະ ຄວາມຫຍຸ້ງ-ຍາກຕົວຈິງຂອງຄົນຈີນຢູ່ຕ່າງປະເທດຢ່າງທັນເວລາ.
ປະເທດຈີນໄດ້ຮັກສາການປະສານກັນຢ່າງໃກ້-ຊິດ ແລະ ການຮ່ວມມືທີ່ດີກັບ WHO  ສະເໝີ  ຊຶ່ງນັກຊ່ຽວ-ຊານWHO ໄດ້ມາລົງພື້ນທີ່ ແລະ ສຳຫຼວດຕົວຈິງຢູ່ນະຄອນອູຮັ້ນ ແລະ ທ່ານ Tedros ປະທານ WHO ໄດ້ຢືນຢັນຕໍ່ວຽກງານການປ້ອງກັນ ແລະ ຄວບຄຸມເຊື້ອພະຍາດຂອງຝ່າຍຈີນຢ່າງເຕັມ-ທີ  ແລະ ຕີລາຄາສູງຕໍ່ການປະກອບສ່ວນໃຫຍ່ຫຼວງຕໍ່ໂລກ ໃນການຕໍ່ຕ້ານເຊື້ອພະຍາດຂອງຝ່າຍຈີນ. ເພິ່ນໄດ້ເນັ້ນໜັກວ່າ ການປະກາດວ່າການລະບາດເຊື້ອພະຍາດເປັນເຫດການສາທາລະນະສຸກກະທັນຫັນທີ່ສາກົນສົນໃຈ (PHEIC) ນັ້ນ ບໍ່ໄດ້ໝາຍຄວາມວ່າ WHO ບໍ່ເຊື່ອໝັ້ນຝ່າຍຈີນ ພັດສະແດງໃຫ້ເຫັນເຖິງຄວາມໝັ້ນໃຈຕໍ່ໄຊຊະນະໃນການຕໍ່ຕ້ານເຊື້ອພະຍາດຂອງຝ່າຍຈີນ.
ຄວາມພະຍາຍາມຂອງຈີນ ເພື່ອຕໍ່ຕ້ານເຊື້ອພະຍາດໜ້າເຄົາ-ລົບນັບຖື ແລະ ຊົມ ເຊີຍ ແລະ ໄດ້ຕັ້ງມາດຕະຖານໃໝ່ໃຫ້ແກ່ວຽກງານການປ້ອງກັນເຊື້ອພະຍາດຂອງປະເທດອື່ນ. WHO ພ້ອມໃຫ້-ການຮ່ວມ ມືຢ່າງໃກ້-ຊິດກັບ ສປ ຈີນ ໃນ  ການຕ້ານ ແລະ ຄວບຄຸມ-ພະຍາດດັ່ງກ່າວ.
3. ຄຳຖາມຈາກສຳ-ນັກ ຂ່າວ-ສານປະ-ເທດລາວ: ນະຄອນອູຮັ້ນເປັນເມືອງທີ່ສະພາບການເຊື້ອພະຍາດໜັກໜ່ວງທີ່ສູດ  ຂໍແນະນຳສະພາບການນະຄອນອູຮັ້ນ?  ປັດຈຸບັນເປັນຄືແນວ-ໃດ ແລະ ສະ ພາບການຄົນລາວຜູ້ທີ່ຢູ່ນະ ຄອນອູຮັ້ນ ໂດຍສະ-ເພາະນັກ ຮຽນຕ່າງປະເທດຄືແນວໃດ?
ຕອບ: ເພື່ອສາມາດຄຸ້ມຄອງການລະບາດເຊື້ອພະຍາດໂດຍໄວ ຝ່າຍຈີນໄດ້ດຳເນີນມາດຕະການຢ່າງເດັດດ່ຽວ  ຊຶ່ງໄດ້ຢຸດການຈະລາຈອນສາ ທາລະ ນະຂອງທົ່ວເມືອງ ໄດ້ປິດທາງອອກເມືອງ ໄດ້ປະ ຕິບັດມາດຕະການຄຸ້ມຄອງຄົນເຂົ້າອອກຢ່າງເຂັ້ມງວດ ແລະ ອຳນວຍຄວາມຮັບປະ ກັນດ້ານຊີວິດການເປັນຢູ່ຂອງຄົນພື້ນ ເມືອງ ແລະ ຄົນຕ່າງປະເທດທີ່ອາໄສຢູ່ນະຄອນອູຮັ້ນ.
ດ້ານສາທາລະນະສຸກ: 
   ປັດຈຸປັນນີ້ ພະແນກຮັບຄົນມີອາການໄຂ້ຂອງໂຮງໝໍມີຍອດຈຳນວນ 61 ຈຸດ  ໄດ້ເປີດການຮັບຄົນບາດເຈັບ-ເປັນ 24 ຊົ່ວໂມງ. ນອກຈາກນັ້ນ ໄດ້ນໍາໃຊ້ໂຮງໝໍກວມລວມ 24 ແຫ່ງ ແລະ ໂຮງ-ໝໍຮາກຖານ 16 ແຫ່ງ ແລະ ໄດ້ມີພະນັກງານແພດໃນເມືອງທັງໝົດ 6 ໝື່ນກວ່າຄົນໄດ້ເຂົ້າຮ່ວມວຽກງານປ້ອງກັນແລະ ຄຸ້ມຄອງເຊື້ອພະຍາດ. ໃນເວລາດຽວກັນ ກຳລັງຈາກທົ່ວປະເທດຈີນໄດ້ເຕົ້າໂຮມກັນຊ່ວຍນະຄອນອູຮັ້ນ ຮອດວັນທີ 31 ເດືອນ 1 ໄດ້ມີ 42 ທີມງານແພດ ແລະ 4.500 ກວ່າພະ ນັກງານແພດມາຮອດນະຄອນອູຮັ້ນ ເພື່ອຊ່ວຍວຽກ ຄຽງຄູ່ກັນກັບການສຳເລັດກໍ່ສ້າງ  ແລະ ເລີ່ມເປີດນຳໃຊ້ຂອງໂຮງ-ໝໍພູເທວະດາໄຟ ແລະ ໂຮງໝໍພູເທວະດາຟ້າຮ້ອງຊັບພະຍາ ກອນແພດທີ່ລົງເຂົ້າວຽກງານກອບກູ້ ແລະ ປິ່ນປົ່ວຄົນເຈັບຈະຍິ່ງຫຼາຍຂຶ້ນ.
   ດ້ານຕອບສະໜອງຄວາມຮຽກຮ້ອງຕ້ອງການດ້ານຕະ ຫຼາດ: ຝ່າຍຈີນໄດ້ຈັດສັນ ແລະ ເຕົ້າໂຮມກຳລັງທົ່ວປະ-ເທດ ເພື່ອເປີດຊ່ອງທາງສີ-ຂຽວໃຫ້ແກ່ການຂົນສົ່ງອຸປະກອນ. ລັດ ຖະບານນະຄອນອູຮັ້ນໄດ້ເປີດກົນໄກຕອບເຫດ-ການແບບດ່ວນ ເພື່ອຕອບສະ-ໜອງຄວາມຕ້ອງການດ້ານຕະຫຼາດໄດ້ເສີມຂະຫຍາຍວຽກງານດ້ານຕອບສະໜອງຄວາມຕ້ອງການຕະ ຫລາດຢ່າງຕໍ່ເນື່ອງ. ປັດຈຸປັນນີ້ ຫ້າງຮ້ານໃຫຍ່ 1.100 ແຫ່ງໄດ້ເປີດແບບປົກກະຕິຮ້ານຂາຍ ເຄື່ອງບໍລິໂພກ 135 ແຫ່ງ ໄດ້ເປີດກິດຈະກໍາຈໍາໜ່າຍ, ຜັກ, ປ້ຳນໍ້າມັນ 410 ແຫ່ງ ໄດ້ເປີດແບບປົກກະຕິ ນໍ້າມັນ ແລະ ກາສໍາຮອງໄດ້ມີພຽງພໍ ຮ້ານຂາຍຢາ 4.084 ແຫ່ງໄດ້ເປີດແບບປົກກະຕິ ເພື່ອໃຫ້ຄົນເມືອງໄປຊື້ຢາສະດວກສະບາຍ, ສິນຄ້າພື້ນຖານອື່ນທີ່ສໍາຮອງຢູ່ສາງໄດ້ມີຈໍານວນພຽງພໍ.
   ສໍາລັບຄົນລາວຜູ້ທີ່ດໍາລົງຊີວິດຢູ່ນະຄອນອູຮັ້ນ ສະຖານ ທູດລາວ ປະຈໍາຈີນໄດ້ປະ ກາດວ່າ ຄົນລາວໄດ້ຮັບການເບີ່ງແຍງດູແລຂອງຝ່າຍຈີນໄດ້ດີ. ນັກຮຽນລາວທີ່ຮຽນຢູ່ນະຄອນອູຮັ້ນ ມີ 99  ຄົນໄດ້ກັບລາວ ໃນວັນພັກລະດູໜາວ ແລະ ອີກ 49 ຄົນທີ່ເຫຼືອຍັງຢູ່ນະ-ຄອນອູຮັ້ນ. ທາງໂຮງຮຽນໄດ້ຈັດສັນນັກ ຮຽນລາວທີ່ຍັງຢູ່ໂຮງຮຽນພັກຢູ່ບ່ອນດຽວກັນໄດ້ດີ   ສໍາລັບນັກຮຽນທີ່ໄດ້ກັບລາວແລ້ວ ຂໍຕິດຕາມແຈ້ງການກ່ຽວກັບການເປີດສົກຮຽນໃໝ່ຂອງກະຊວງສຶກສາຈີນ ແລະ ທາງໂຮງຮຽນ ແລະ ຮ່າງແຜນສົກຮຽນໃໝ່ຢ່າງເໝາະສົມ.  ພວກຂ້າພະເຈົ້າຍິນດີຈະສືບຕໍ່ອໍານວຍຄວາມຊ່ວຍເຫຼືອ  ແລະ  ຄວາມສະ ດວກທີ່ຈໍາເປັນໃຫ້ແກ່ຄົນລາວຢູ່ຈີນ.
4. ຄຳຖາມຈາກນັກຂ່າວ ໜັງສືພິມພາສາຕ່າງປະເທດ: ລາວ ແລະ ຈີນໄດ້ມີການຮ່ວມມືຫຍັງແດ່ ໃນການປ້ອງກັນ ແລະ ຄວບຄຸມການລະບາດຂອງພະຍາດໂຄໂຣນາ ໄວຣັສ ສາຍພັນໃໝ່ (2019 nCOV)?. 
ຕອບ: ຈີນ ແລະ ລາວແມ່ນປະ-ເທດເພື່ອນບ້ານມູນເຊື້ອ ແລະ ເປັນຄູ່ຮ່ວມຊາຕາກໍາ, ໃນການຕອບໂຕ້ການລະ ບາດຂອງພະ-ຍາດຄັ້ງນີ້,  ສອງຝ່າຍໄດ້ຮັກ-ສາການຕິດຕໍ່ພົວ ພັນ ແລະ ການຮ່ວມມືກັນຢ່າງ ໃກ້ຊິດ,  ສະຖານທູດຈີນໄດ້ ຕິດ-ຕໍ່ພົວ-ພັນຢ່າງໃກ້ຊິດກັບກະຊວງສາທາລະນະສຸກ ແລະ ກະຊວງການຕ່າງປະເທດ ແຫ່ງ ສປປ ລາວ, ແຕ່ງຕັ້ງພະນັກ ງານວິຊາການແລກປ່ຽນຂໍ້ມູນຂ່າວສານປະຈໍາວັນ, ຕິດຕາມສະຖານະການການລະບາດຂອງປະເທດລາວຢູ່ສະເໝີ, ຍັງໃຫ້ຂໍ້ສະເໜີແກ່ຝ່າຍລາວກ່ຽວກັບການປ້ອງກັນການລະ-ບາດ ໂດຍສະເພາະທ່ານ ບຸນຍັງ ວໍລະຈິດ  ເລຂາທິການໃຫຍ່ ປະທານປະ ເທດ ແຫ່ງ ສປປ ລາວ ໄດ້ສົ່ງ ໂທລະເລກສະແດງຄວາມເຫັນໃຈ ເຖິງ ທ່ານ  ສີຈິ້ນຜິງ  ເລຂາທິການໃຫຍ່ ປະທານປະ ເທດ ແຫ່ງ ສປ ຈີນ ແລະ ທ່ານ ທອງລຸນ ສີສຸລິດ ນາຍົກລັດ ຖະມົນຕີ ແຫ່ງ ສປປ ລາວ ໄດ້ສົ່ງໂທລະເລກສະແດງຄວາມເຫັນໃຈ ເຖິງ ທ່ານ ຫຼີ ເຄີ້ສຽງ ນາຍົກລັດຖະມົນຕີ ແຫ່ງ ສປ ຈີນ ໂດຍກ່າວວ່ານັບແຕ່ເກີດການລະບາດ, ທ່ານ  ສີຈິ້ນຜິງ ເລຂາທິການໃຫຍ່ໄດ້ຊີ້ນໍາ ໂດຍກົງ, ປ້ອງກັນ ແລະ ຄວບຄຸມການລະບາດຂອງພະຍາດຢ່າງ ຮອບດ້ານ ແລະ ທັນການບໍ່ພຽງແຕ່ປົກປ້ອງຊີວິດຂອງປະຊາ ຊົນຈີນເທົ່ານັ້ນ, ຫາກຍັງປົກປ້ອງຊີວິດຂອງປະຊາຊົນໃນໂລກອີກດ້ວຍ. ພວກເຮົາເຊື່ອໝັ້ນຢ່າງໜັກແໜ້ນວ່າພາຍໃຕ້ການນຳນໍາພາອັນເຂັ້ມແຂງ ຂອງພັກ ແລະ ລັດຖະບານຈີນ, ປະຊາຊົນຈີນຈະສາມາດຄວບຄຸມການລະບາດໄດ້ຢ່າງມີປະ ສິດຕິຜົນ, ປະຊາຊົນລາວຍິນ-ດີຮ່ວມກັບພີ່ນ້ອງຊາວຈີນ,ສະ ໜັບສະໜູນກັນ, ຜ່ານຜ່າຄວາມຫຍຸ້ງຍາກ. ຊາວຈີນຕ່າງດ້າວໄດ້ຊ່ວຍເຫຼືອເຄື່ອງອຸປະກອນປ້ອງກັນໃຫ້ຝ່າຍຈີນຢ່າງຈິງຈັງ, ຄື ສະພາການຄ້າຊາວຈີນຕ່າງດ້າວ ປະຈໍາ ລາວໄດ້ຈັດສົ່ງ ເຄື່ອງອຸປະກອນການແພດ 3 ຊຸດ, ສູນກຸສົນຈີນໄດ້ຈັດການບໍລິຈາກ. ພວກເຮົາຂໍຂອບໃຈຢ່າງຈິງໃຈ ແລະ ຍິນດີສືບຕໍ່ ຮ່ວມມືກັບຝ່າຍລາວເພື່ອຕອບໂຕ້ ແລະ ປ້ອງກັນຄວບຄຸມການລະບາດຂອງພະຍາດດັ່ງກ່າວ ປະກອບສ່ວນເຂົ້າໃນການປົກປ້ອງຄວາມປອດໄພຂອງຊີວິດປະຊາຊົນສອງຊາດ ຊຸກຍູູ້ການສ້າງສາພັດທະນາຄູ່ຮ່ວມຊາຕາກໍາ ຈີນລາວ ຢ່າງບໍ່ຢຸດຢັ້ງ.
5. ຄຳຖາມຈາກນັກຂ່າວໂທ-ລະ-ພາບແຫ່ງຊາດລາວ: ປັດຈຸບັນ, ຈີນໄດ້ລົງທຶນໂຄງການໃຫຍ່ຈຳນວນຫຼາຍໃນປະເທດລາວ,  ເມື່ອວັນພັກຂອງບຸນກຸດຈີນແລ້ວໆ, ຄາດວ່າຈະມີພະນັກງານຈີນຢ່າງຫຼວງ ຫຼາຍກັບຄືນສູ່ປະເທດລາວ ຊຶ່ງເຮັດໃຫ້ມີຄວາມກົດດັນດ້ານການປ້ອງກັນການລະບາດຂອງພະຍາດ. ຂໍຖາມສອງຝ່າຍໄດ້ອອກມາດຕະການຫຍັງແດ່ເພື່ອຕອບໂຕ້?
ຕອບ: ພັກ ແລະ ລັດຖະ ບານລາວໃຫ້ຄວາມສຳຄັນສູງຕໍ່ການປ້ອງກັນການແຜ່ລະ ບາດຂອງພະຍາດດັ່ງກ່າວ, ໄດ້ແຕ່ງຕັ້ງໜ່ວຍງານສະເພາະກິດລະດັບຊາດ ຊຶ່ງມີທ່ານ ສົມດີ ດວງດີ ຮອງນາຍົກລັດຖະມົນຕີ ເປັນຫົວ-ໜ້າ  ແລະ  ທ່ານ  ບຸນກອງ ສີຫາວົງ ລັດຖະມົນຕີກະ ຊວງສາທາລະນະສຸກ ເປັນຮອງ ແລະ ອອກມາດຕະການຕ່າງໆເພື່ອຄວບຄຸມການລະບາດຂອງພະຍາດ ເຊັ່ນ ຕິດຕາມກວດກາອຸນຫະພູມຮ່າງກາຍໃນບໍລິເວນດ່ານສາກົນ ແລະ ສະຖານທີ່ຄົນເຕົ້າ-ໂຮມກັນຫຼາຍ. ນອກນີ້ແລ້ວ ຝ່າຍລາວຍັງຍົກລະດັບການໂຄສະນາເຜີຍແຜ່ຄວາມຮູ້ກ່ຽວກັບການປ້ອງກັນການລະ ບາດຜ່ານສື່ຕ່າງໆ. ພວກເຮົາຕີລາຄາຢ່າງສູງຕໍ່ວຽກງານດັ່ງ ກ່າວຂອງຝ່າຍລາວ. ຝ່າຍຈີນຄືກັນກັບພັກແລະລັດຖະບານລາວ ໃຫ້ຄວາມສຳຄັນສູງຕໍ່ວຽກງານປ້ອງກັນການລະບາດຂອງພະຍາດໃນລາວ ແລະເອົາໃຈໃສ່ຕໍ່ສຸຂະພາບແລະຄວາມປອດໄພຂອງປະຊາຊົນສອງປະເທດ. ດ້ວຍຈິດໃຈທີ່ມີຄວາມຮັບຜິດຊອບສູງແລະທໍາຄວາມພະຍາຍາມຫຼາຍທີ່ສຸດ ເພື່ອປ້ອງກັນການແຜ່ລະບາດຂອງພະຍາດ, ອົງການກວດຄົນເຂົ້າເມືອງຈີນໄດ້ນໍາສະ-ເໜີປະ ຊາຊົນແຜ່ນດິນໃຫຍ່ຈີນເລື່ອນເວລາເດີນທາງຖ້າບໍ່ມີຄວາມຕ້ອງການພິເສດ, 19 ແຂວງ ຂອງຈີນເຊັ່ນ: ປັກກິ່ງ ແລະ ຊຽງໄຮ່ ໄດ້ໂຈະການຂົນສົ່ງຜູ້ໂດຍ ສານລະຫວ່າງແຂວງ   ແລະແຂວງຫູເປີຍ ໄດ້ໂຈະຊົ່ວຄາວການເຮັດເອກະສານເຂົ້າອອກເມືອງ ແລະ ໄດ້ປິດເສັ້ນທາງການຄ້າຂາອອກຂອງນະຄອນອູຫັ້ນ. ນອກເໜືອຈາກມາດຕະ ການຂ້າງເທິງທີ່ປະຕິບັດຢູ່ໃນປະເທດຈີນແລ້ວ, ສະຖານທູດຈີນຍັງເຮັດວຽກກ່ຽວຂ້ອງເຊັ່ນ: ການອອກແຈ້ງເຕືອນ, ການບັນທຶກຂໍ້ມູນ ແລະ ອື່ນໆ, ເຕືອນພົນລະເມືອງຈີນທີ່ວາງແຜນມາລາວໃນໄລຍະນີ້ເລື່ອນເວລາຖ້າບໍ່ມີຄວາມຕ້ອງການພິເສດ, ແລະຄົນຈີນທີ່ກໍາລັງຢູ່ແຂວງຫູເປີຍຕ້ອງໄດ້ເລື່ອນເວລາ-ມາລາວ, ຍັງສະເໜີໃຫ້ປະຊາຊົນຈີນທີ່ມາຈາກ ຫຼື ຜ່ານແຂວງແລະ ເມືອງທີ່ຖືກກະທົບໜັກນັ້ນຕ້ອງສັງເກດການຢູ່ເຮືອນເອງເປັນເວລາສອງອາທິດ. ດ້ວຍຄວາມພະຍາຍາມຮ່ວມກັນຂອງທັງສອງຝ່າຍ, ຈົນເຖິງປັດຈຸບັນບໍ່ມີກໍລະນີ-ຕິດເຊື້ອໃນລາວ. 
6. ຄຳຖາມຈາກນັກຂ່າວ CRI ປະຈຳລາວ: ສະຖານທູດໄດ້ມີມາດຕະການແນວໃດ ເພື່ອໃຫ້ການຊີ້ນຳ ແລະ ຊ່ວຍເຫຼືອຄົນຈີນຢູ່ ສປປ ລາວ?
ຕອບ: ພວກເຮົາຖືການປ້ອງກັນ ແລະ ຄວບຄຸມແມ່ນຄວາມຮັບຜິດຊອບ. ພວກເຮົາຈະໃຊ້ສຸດຄວາມສາມາດດ້ວຍຄວາມຮັບຜິດຊອບສູງພະຍາ ຍາມທໍາງານປົກປ້ອງທາງກົງ ສຸນ, ສະຖານທູດໄດ້ອອກແຈ້ງການເຕືອນສາມຄັ້ງໃຫ້ໂຄ ສະນາເຜີຍແຜ່ຄວາມຮູ້ກ່ຽວກັບການປ້ອງກັນການລະບາດໃຫ້ພົນລະເມືອງຈີນ ແລະ ຊາວຈີນຕ່າງດ້າວໃນລາວ ແລະ ຊີ້ບອກໃຫ້ຮູ້ກັນຢ່າງກວ້າງຂວາງກ່ຽວກັບການຈັດຕັ້ງປະຕິບັດຕາມແຜນວຽກປ້ອງກັນການລະບາດຂອງລັດຖະບານລາວ, ບໍ່ເຊື່ອ ແລະ ບໍ່ເຜີຍແຜ່ຂໍ້ມູນທີ່ບໍ່ໄດ້ຖືກຢືນຢັນ. ບັນທຶກຂໍ້ມູນຢ່າງເຂັ້ມງວດຂອງປະຊາຊົນຈີນໃນລາວທີ່ອາດມີຄວາມສ່ຽງ ແລະ ຕິດຕາມສະພາບຢ່າງໃກ້ຊິດ. ສ້າງຄວາມເຂັ້ມແຂງໃນປະຈໍາການ ເພື່ອຕອບໂທລະສັບທີ່ໂທຈາກປະຊາຊົນຈີນໃນລາວ. ສໍາລັບບຸກຄົນທີ່ອາດຈະຕິດ ພະຍາດ ໄດ້ປະສານກັບໂຮງ ໝໍລາວຢ່າງທັນ-ທີ ແລະ ຊ່ວຍຫຼຸດຜ່ອນຄວາມກົດດັນທາງອາ ລົມຂອງຜູ້ກ່ຽວ. ນອກຈາກນັ້ນ, ສະຖານທູດກໍອໍານວຍຄວາມສະດວກທີ່ຈຳເປັນໃຫ້ສັງຄົມບໍ ລິຈາກ, ປະສານຢ່າງຈິງຈັງກັບບໍລີສັດການບິນ ເພື່ອຂົນສົ່ງໂດຍບໍ່ເສຍຄ່າ. ບົນພື້ນຖານດັ່ງກ່າວ, ເພື່ອປ້ອງກັນບັນຫາຕ່າງໆຢ່າງເຕັມທີ່ກ່ອນທີ່ຈະເກີດຂຶ້ນ, ພວກເຮົາຍັງຊຸກຍູ້ຝ່າຍລາວ ພິຈາ ລະນາເຖິງຄວາມເປັນຈິງດ້ານການຂົນສົ່ງທີ່ບໍ່ສະດວກໃນລາວ ໃນຂະບວນການສົ່ງເສີມປະຕິປັດບັນດາມາດຕະການທີ່ໄດ້ກຳນົດໄວ້, ແຕ່ງຕັ້ງໂຮງໝໍສະເພາະໃນຕ່າງແຂວງນອກ ຈາກນະຄອນຫຼວງວຽງຈັນ ເຊັ່ນນະຄອນຫຼວງພະບາງ ທີ່ເປັນເມືອງທ່ອງທ່ຽວ. ພ້ອມດຽວກັນນີ້, ໃນກໍລະນີຖ້າມີຄົນຈີນຕ້ອງການສັງເກດການໂດດ ດ່ຽວ ຝ່າຍລາວຄວນຈະອໍານວຍຄວາມສະດວກໃນຊີວິດປະຈໍາວັນ ແລະ ດ້ານອື່ນໆ. ປັດຈຸບັນ ນີ້ ສະພາບການລະບາດຍັງປ່ຽນ ແປງຢູ່ ຝ່າຍຈີນຍິນດີຮ່ວມມືກັບຝ່າຍລາວຕະຫຼອດເວລາ ເພື່ອຊ່ວຍເຫຼືອ ແລະ ອໍານວຍຄວາມສະດວກໃຫ້ປະຊາຊົນຈີນໃນລາວ.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110