ຫົວ​ຂໍ້ : ລາວ ເລັ່ງກວດຫາໄວຣັສ ໂຄໂຣນາ ກໍລະນີສົງໄສ 11 ຄົນ

ເຜີຍ​ແຜ່​ໂດຍ​: admin ເວ​ລາ: 04/02/2020 11:25:53 ຈຳ​ນວນ​ຜູ້​ເຂົ້າ​ຢ້ຽມ​ຊົມ 563 ຄັ້ງ

   ໃນ​ໄລ­ຍະ​ຜ່ານ​ມາ​ສູນ​ວິ ເຄາະ ແລະ ລະ­ບາດ​ວິ­ທະ­ຍາ​ໄດ້​ກວດ​ຫາ​ເຊື້ອ​ພະ­ຍາດ​ອັກ­ເສບ​ປອດ​ສາຍ​ພັນ​ໃໝ່ ຫຼື ໄວ​ຣັສ​ໂຄ​ໂຣ​ນາ  nCov ຊຶ່ງ​ປະ­ເທດ​ລາວ ເຮົາ​ມີ​ກໍ­ລະ­ນີ​ສົງ­ໄສ 11 ກໍ­ລະ­ນີ  ຊຶ່ງ  9  ກໍ­ລະ­ນີ​ແມ່ນ​ອອກ​ຜົນ​ລົບ (ບໍ່​ມີ​ເຊື້ອ) ແລະ ຍັງ 2 ກໍ­ລະ­ນີ​ແມ່ນ​ກຳ­ລັງ​ກວດ​ຢູ່,  ຖ້າ​ຜົນ​ອອກ​ແລ້ວ​ກໍ​ພ້ອມ​ທີ່​ຈະ​ລາຍ​ງານ​ໃຫ້​ພໍ່​ແມ່​ປະ­ຊາ­ຊົນ​ຮັບ​ຊາບ​ນຳ​ກັນ.

   ທ່ານ ພອນ​ປະ­ດິດ ສັງ​ໄຊ​ຍະ​ລາດ ຫົວ­ໜ້າ​ສູນ​ວິ­ເຄາະ ແລະ ລະ­ບາດ​ວິ­ທະ­ຍາ​ກະ­ຊວງ ສາ­ທາ­ລະ­ນະ​ສຸກ​ໄດ້​ໃຫ້​ສຳ­ພາດ​ຕໍ່​ສື່​ມວນ​ຊົນ ເມື່ອ​ວັນ​ທີ 3 ກຸມ­ພາ 2020 ນີ້ ທີ່​ນະ­ຄອນ­ຫຼວງ​ວຽງ​ຈັນ​ວ່າ:  ປັດ­ຈຸ­ບັນ​ສູນ​ວິ­ເຄາະ ແລະ  ລະ­ບາດ​ວິ­ທະ­ຍາ​ມີ​ຄວາມ​ພ້ອມ  ໃນ​ການ​ກວດ​ຫາ​ເຊື້ອ​ພະ­ຍາດ​ອັກ­ເສບ​ປອດ​ສາຍ​ພັນ ໃໝ່  ຫຼື  ໄວ​ຣັສ​ໂຄ​ໂຣ​ນາ nCov ຊຶ່ງ​ໃນ ໄລ­ຍະ​ຜ່ານ​ມາ​ກໍ​ໄດ້​ມີ​ການ​ລະ ບາດ​ຂອງ​ພະ­ຍາດ​ເມີສ  ຊຶ່ງ​ພວກ ເຮົາ​ກໍ​ມີ​ຄວາມ​ສາ­ມາດ​ກວດ​ພະ ຍາດ​ນັ້ນ​ໄດ້  ແລະ ໃນ​ໄລ­ຍະ ຕໍ່​ມາ​ພວກ​ເຮົາ​ກໍ​ໄດ້​ມີ​ລະ­ບົບ​ເຝົ້າ​ລະ­ວັງ​ເຊື້ອ​ໄຂ້​ຫວັດ  ແລະ  ກໍ​ໄດ້​ມີ​ການ​ກວດ​ຢ່າງ​ເປັນ​ປະ ຈຳ ແລະ ມີ​ຕົວ­ຢ່າງ​ໃນ​ທົ່ວ​ປະ ເທດ​ສົ່ງ​ມາ​ຕະ­ຫຼອດ ເປັນ­ຕົ້ນ ແມ່ນ​ການ​ກວດ​ໄຂ້​ຫວັດ​ກໍ​ຈະ​ມີ H1N1 ຊຶ່ງ​ພວກ​ເຮົາ​ກໍ​ສາ­ມາດ ກວດ​ໄດ້  ແລະ ກໍ​ໄດ້​ໃຊ້​ເຕັກ­ນິກ ດຽວ​ກັນ ໃນ​ການ​ກວດ​ຫາ​ໄວ​ຣັສ​ໂຄ​ໂຣ​ນາ​ນີ້ ຊຶ່ງ​ສູນ​ວິ­ເຄາະ ແລະ ລະ­ບາດ​ວິ­ທະ­ຍາ​ພວກ ເຮົາ​ສາ­ມາດ​ກວດ​ໄດ້ ແລະ ໄດ້​ຮັບ​ການ​ຮັບ­ຮອງ​ເປັນ​ສູນ​ໄຂ້​ຫວັດ ແຫ່ງ​ຊາດ.

ຊຶ່ງ​ໃນ​ນັ້ນ, ກໍ່​ມີ​ຫຼາຍ​ເຕັກນິກ​ໃນ​ການ​ກວດ ຈຶ່ງ​ໄດ້​ຮັບ​ການ​ຮັບຮອງ​ຈາກ​ອົງການ​ອະນາໄມ​ໂລກ ເພື່ອ​ຮັບປະກັນ​ວ່າ​ຄຸນ​ນະ​ພາບ​ຂອງ​ການ​ກວດ​ຂອງ​ພວກ​ເຮົາ​ມີ​ຄວາມ​ແມ້ນ​ຢຳ​ຖືກ​ຕ້ອງ. ສະນັ້ນ, ເມື່ອ​ເວົ້າ​ເຖິງ​ການ​ກວດ​ຫາ​ເຊື້ອ​ໄວ​ຣັສ​ໂຄ​ໂຣ​ນາ​ນີ້ ແມ່ນ​ພວກ​ເຮົາ​ໄດ້​ນຳ​ໃຊ້ ມາດຕະຖານ​ດຽວ​ກັນ​ກັບ​ປະເທດ​ຕ່າງໆ ໂດຍ​ອີງ​ຕາມ​ມາດຕະຖານ​ທີ່​ອົງການ​ອະນາໄມ​ໂລກ​ວາງ​ອອກ, ອຸປະກອນ​ກໍ​ມີ​ຄວາມ​ທັນ​ສະໄໝ ແລະ ບຸກ​ຄະລາ​ກອນ​ກໍ​ໄດ້​ມີ​ການ​ຝຶກ​ອົບ​ຮົບ​ເປັນ​ຢ່າງ​ດີ ແລະ ເຊື່ອ​ວ່າ​ຜົນ​ກວດ​ທີ່​ອອກ​ມາ​ແມ່ນ​ມີ​ຄວາມ​ຊັດ​ເຈນ​ເທົ່າ​ທຽມ​ກັບ​ສາກົນ, ພ້ອມ​ທັງ​ໄດ້​ມີ​ການ​ແລກປ່ຽນ​ບົດຮຽນ​ກັບ​ບັນດາ​ປະເທດ​ອ້ອມ​ຂ້າງ ແລະ ປະເທດ​ຕ່າງໆ. ສະນັ້ນ, ເຕັກ​ໂນ​ໂລ​ຊີ ແລະ ການ​ກວດ​ຕ່າງໆ ແມ່ນ​ນຳ​ໃຊ້​ອັນ​ດຽວ​ກັນ, ມາດຕະຖານ​ດຽວ​ກັນ. 
   ພ້ອມ​ນີ້, ທ່ານ ພອນ​ປະດິດ ສັງ​ໄຊ​ຍະ​ລາດ ຍັງ​ໃຫ້​ຮູ້​ຕື່ມ​ວ່າ: ປັດຈຸບັນ​ທາງ​ພວກ​ເຮົາ​ໄດ້​ມີ​ແຜນທີ່​ຈະ​ຂະຫຍາຍ ແລະ ຈະ​ເອົາ​ເຄື່ອງ​ກວດ Real time PCR ໄປ​ໄວ້​ນຳ​ສະຖານທີ່​ທີ​ມີ​ຄວາມ​ສ່ຽງ ເປັນຕົ້ນ​ແມ່ນ​ຢູ່​ແຂວງ​ທາງ​ພາກ​ເໜືອ​ຄື: ແຂວງ​ຫຼວງ​ພະ​ບາງ, ແຂວງ ຫຼວງ​ນ້ຳ​ທາ ເພື່ອ​ຈະ​ເຮັດ​ໃຫ້ການ​ກວດ​ຫາ​ເຊື້ອ​ໄວ​ຣັສ​ໂຄ​ໂຣ​ນາ​ວ່ອງໄວ​ຂຶ້ນ ຊຶ່ງ​ເຄື່ອງ​ທີ່​ຈະ​ເອົາ​ໄປ​ໄວ້​ນີ້, ແມ່ນ​ຈະ​ອອກ​ຜົນ​ໄດ້​ໄວ​ກວ່າ​ເຄື່ອງ​ທີ່​ໃຊ້​ໃນ​ປັດຈຸບັນ ຊຶ່ງ​ໃນ​ປະເທດ​ຈີນ​ກໍ​ໄດ້​ນຳ​ໃຊ້​ເຄື່ອງ​ດັ່ງກ່າວ​ນີ້ ແລະ ການ​ອອກ​ຜົນ​ທັງ​ໝົດ​ແມ່ນ​ຈະ​ມີ​ການ​ຄວບ​ຄຸມ​ຄຸນ​ນະ​ພາບ​ເປັນ​ຢ່າງ​ດີ ຈະ​ບໍ່​ໄດ້​ອອກ​ຜົນ​ແບບ​ຜູ້​ໃດ​ກວດ​ກໍ​ໄດ້ ຊຶ່ງ​ໃຊ້​ເວລາ​ປະມານ 4 ຊົ່ວໂມງ​ກໍ​ສາມາດ​ອອກ​ຜົນ​ກວດ​ໄດ້. 
(ຂ່າວ: ສົມ​ຫວັງ, ພາບ: ເກດສະໜາ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110