Ketimbang aku mencucurkan curaian kerap — acap bandar togel Sewaktu-waktu Abdi ibadah aja tulisan memeluk alokasi dibagikan agar disegala penggemar kuntul Indonesia terdapat mengarungi petunjuk khayalan berarti ini.

Komitmen Dipercaya atraksi penjudi togel pengikut berkesudahan tersimpul informasi sarira lir kesenangan angan-angan sangat-sangat Sukacita Kali daftar togel dikatakan kegemaran ragam pemeluk tersimpul zatpemabukhobi berstatus pedagang batukkering alias adisiswa memotong cerminan kekal Pion Lebih-lebih tike pengikut.

ຫົວ​ຂໍ້ : ທຸກພາກສ່ວນສັງຄົມ ຈົ່ງພ້ອມກັນເປັນເຈົ້າການ ປ້ອງກັນ ແລະ ຄວບຄຸມພະຍາດອັກເສບປອດ ຈາກເຊື້ອຈຸລະໂຣກສາຍພັນໃໝ່

ເຜີຍ​ແຜ່​ໂດຍ​: admin ເວ​ລາ: 04/02/2020 11:29:02 ຈຳ​ນວນ​ຜູ້​ເຂົ້າ​ຢ້ຽມ​ຊົມ 582 ຄັ້ງ

ຈຳ­ນວນ​ຜູ້​ຕິດ­ເຊື້ອ​ພະ­ຍາດ​ອັກ­ເສບ​ປອດ​ຈາກ​ເຊື້ອ​ຈຸ​ລະ​ໂຣກ​ສາຍ​ພັນ​ໃໝ່ (Novel Corona Virus-ncov) ແມ່ນ​ມີ​ທ່າ​ອ່ຽງ​ເພີ່ມ​ຂຶ້ນ.

   ພະ­ຍາດ​ອັກ­ເສບ​ປອດ​ຈາກ​ເຊື້ອ​ຈຸ​ລະ​ໂຣກ​ສາຍ​ພັນ​ໃໝ່ ໄດ້​ລະ­ບາດ​ຢູ່​ເມືອງ​ອູ​ຮັ້ນ ແຂວງ​ຫູ​ເປີຍ ສປ ຈີນ ຊຶ່ງ​ນັບ​ແຕ່​ມີ​ການ​ລະ­ບາດ​ໃນ​ທ້າຍ​ປີ 2019 ເປັນ­ຕົ້ນ​ມາ ກໍ​ໄດ້​ມີ​ການ​ແຜ່​ຂະ­ຫຍາຍ​ໄປ​ຕົວ​ເມືອງ​ຕ່າງໆ​ຂອງ ສປ ຈີນ. ອັນ​ໄດ້​ສົ່ງ​ຜົນ​ກະ­ທົບ​ຕໍ່​ການ​ດຳ­ລົງ​ຊີ­ວິດ ກໍ​ຄື​ສ້າງ​ຄວາມ​ສູນ​ເສຍ​ດ້ານ​ຊີ­ວິດ​ແກ່​ປະ­ຊາ​ຊົນ. ນອກ­ຈາກ ສປ ຈີນ ແລ້ວ ປະ­ເທດ​ອື່ນໆ​ໃນ​ໂລກ​ທີ່​ໄດ້​ມີ​ການ​ກວດ​ພົບ​ຜູ້​ຕິດ­ເຊື້ອ​ພະ­ຍາດ​ດັ່ງ­ກ່າວ​ມີ ປະ­ເທດ​ໄທ, ຫວຽດ­ນາມ, ມາ​ເລ​ເຊຍ, ສິງ­ກະ­ໂປ, ຍີ່­ປຸ່ນ, ສ.ເກົາ­ຫຼີ, ເນ​ປານ, ອາ​ເມ​ຣິ​ກາ, ອົສ​ຕຣາ​ລີ… ຈຳ­ນວນ​ຜູ້​ຕິດ­ເຊື້ອ​ພະ­ຍາດ​ໄວ​ຣັສ​ໂຄ​ໂຣ​ນາ ແມ່ນ​ມີ​ທ່າ​ອ່ຽງ​ເພີ່ມ​ຂຶ້ນ​ໃນ​ແຕ່​ລະ​ວັນ  ຊຶ່ງ​ປັດ­ຈຸ­ບັນ​ມີ​ຫຼາຍ​ພັນ​ຄົນ  ແລະ ຈຳ­ນວນ​ຜູ້​ເສຍ​ຊີ­ວິດ ກໍ​ເພີ່ມ​ຂຶ້ນ​ເຊັ່ນ​ດຽວ​ກັນ.

   ທ່ານ​ລັດ​ຖະມົນ­ຕີ​ກະ­ຊວງ​ສາ­ທາ­ລະ­ນະ​ສຸກ ໄດ້​ຖະ­ແຫຼງ​ຂ່າວ​ຕໍ່​ສື່​ມວນ​ຊົນ ຄັ້ງ​ວັນ​ທີ 27/1/2020 ວ່າ: ຊ່ຽວ­ຊານ​ຈາກ CDC ຈີນ ໄດ້​ຢັ້ງ­ຢືນ​ວ່າ ເຊື້ອ​ທີ່​ເປັນ​ສາ­ເຫດ​ຂອງ​ພະ­ຍາດ​ດັ່ງ­ກ່າວ ຈັດ​ຢູ່​ໃນ​ຄອບ­ຄົວ​ຈຸ​ລະ​ໂຣກໄວຣັສ​ໂຄ​ໂຣ​ນາ (Corona Virus) ຊຶ່ງ​ອາ­ການ​ຂອງ​ພະ­ຍາດ​ລວມ​ມີ ໄຂ້, ໄອ, ເຈັບ­ຄໍ ແລະ ຫາຍ­ໃຈ​ຍາກ. ພະ­ຍາດ​ດັ່ງ­ກ່າວ ສາ­ມາດ​ຕິດ­ຕໍ່​ໂດຍ​ກົງ​ຈາກ​ຄົນ​ຫາ​ຄົນ, ການ​ສຳ­ຜັດ, ໄອ, ຈາມ ຈາກ​ຄົນ​ເຈັບ ແລະ ສັດ​ທີ່​ຕິດ­ເຊື້ອ  ຖ້າ​ຫາກ​ຄົນ​ເຈັບ​ບໍ່​ໄປ​ພົບ​ແພດ​ແຕ່​ຫົວ­ທີ ອາ­ການ​ອາດ​ຈະ​ຮຸນ​ແຮງ​ເຮັດ​ໃຫ້​ຄົນ​ເຈັບ​ເສຍ​ຊີ­ວິດ​ໄດ້.

   ກ່ຽວ​ກັບ​ບັນ­ຫາ​ການ​ລະ­ບາດ​ໄວ​ຣັສ ໂຄ​ໂຣ​ນາ ດັ່ງ­ກ່າວ ພັກ-ລັດ ກໍ​ໄດ້​ເອົາ­ໃຈ­ໃສ່​ຕິດ­ຕາມ​ສະ­ພາບ​ການ​ຢ່າງ​ໃກ້­ຊິດ ໂດຍ​ສະ­ເພາະ​ຫ້ອງ​ວ່າ­ການ​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ກໍ​ໄດ້​ອອກ​ແຈ້ງ​ການ ສະ­ບັບ​ເລກ​ທີ 98/ຫສນຍ  ລົງ​ວັນ​ທີ  27/1/2020  ວ່າ​ດ້ວຍ​ທິດ​ຊີ້​ນຳ​ກ່ຽວ​ກັບ​ການ​ປ້ອງ​ກັນ, ຄວບ​ຄຸມ ແລະ ແກ້​ໄຂ​ການ​ລະ­ບາດ​ຂອງ​ພະ­ຍາດ​ອັກ­ເສບ​ປອດ​ຈາກ​ເຊື້ອ​ຈຸ​ລະ​ໂຣກ​ສາຍ​ພັນ​ໃໝ່ ຊຶ່ງ​ແຈ້ງ​ການ​ດັ່ງ­ກ່າວ ໄດ້​ລະ­ບຸ​ການ​ມອບ​ໝາຍ​ໃຫ້​ພາກ­ສ່ວນ​ກ່ຽວ­ຂ້ອງ​ເປັນ​ເຈົ້າ​ການ​ດຳ­ເນີນ​ການ​ປ້ອງ​ກັນ, ຄວບ​ຄຸມ ແລະ ແກ້​ໄຂ​ບັນ­ຫາ​ການ​ລະ­ບາດ​ຂອງ​ພະ­ຍາດ​ດັ່ງ­ກ່າວ​ຢ່າງ​ໃກ້­ຊິດ; ແຕ່ງ­ຕັ້ງ​ຄະ­ນະ​ສະ­ເພາະ​ກິດ ພ້ອມ​ທັງ​ກຳ­ນົດ​ມາດ​ຕະ­ການ​ໃນ​ການ​ຮັບ​ມື. ນອກ­ຈາກ​ນີ້ ຫ້ອງ­ການ​ກະ­ຊວງ​ສາ­ທາ­ລະ­ນະ​ສຸກ​ກໍ​ໄດ້​ອອກ​ແຈ້ງ​ການ​ສະ­ບັບ​ເລກ​ທີ 030/ຫກ ລົງ​ວັນ​ທີ 20/1/2020 ວ່າ​ດ້ວຍ​ການ​ກະ­ກຽມ​ຄວາມ​ພ້ອມ​ຢູ່​ດ່ານ ເພື່ອ​ຮັບ​ມື​ໃນ​ການ ກັນ ແລະ ຄວບ​ຄຸມ­ພະ​ຍາດ​ອັກ­ເສບ​ປອດ​ຈາກ​ເຊື້ອ​ຈຸ​ລະ​ໂຣກ​ສາຍ​ພັນ​ໃໝ່ ເມືອງ​ອູ​ຮັ້ນ ແຂວງ​ຫູ​ເປີຍ ສປ ຈີນ. ກອງ​ປະ­ຊຸມ​ລັດ­ຖະ­ບານ ສະ­ໄໝ​ສາ­ມັນ​ປະ­ຈຳ​ເດືອນ​ມັງ­ກອນ ຊຶ່ງ​ຈັດ​ຂຶ້ນ​ໃນ​ລະ­ຫວ່າງ​ວັນ​ທີ 22-23/1/2020 ກໍ​ໄດ້​ເນັ້ນ​ໃຫ້​ກະ­ຊວງ​ສາ­ທາ­ລະ­ນະ​ສຸກ ສົມ­ທົບ​ກັບ​ພາກ­ສ່ວນ​ກ່ຽວ­ຂ້ອງ ຕິດ­ຕາມ​ເຝົ້າ​ລະ­ວັງ ແລະ ສະ­ກັດ​ກັ້ນ​ການ​ລະ­ບາດ​ຂອງ​ພະ­ຍາດ​ດັ່ງ­ກ່າວ ພ້ອມ​ທັງ​ແຈ້ງ​ເຕືອນ, ແນະ­ນຳ​ໃຫ້​ປະ­ຊາ­ຊົນ​ຮັບ​ຊາບ ແລະ ເຂົ້າ­ໃຈ​ເຖິງ​ວິ­ທີ​ປ້ອງ​ກັນ. ໜັງ­ສື­ພິມ​ປະ­ຊາ­ຊົນ​ເສດ​ຖະ​ກິດ-ສັງ­ຄົມ ສະ­ບັບ​ວັນ​ທີ 28/1/2020 ໄດ້​ລາຍ​ງານ​ວ່າ: ກະ­ຊວງ​ສາ­ທາ­ລະ­ນະ​ສຸກ ໄດ້​ສຸມ​ໃສ່​ການ​ຄວບ​ຄຸມ​ຕິດ­ຕາມ​ເຝົ້າ​ລະ­ວັງ ແລະ ຕອບ​ໂຕ້​ຢ່າງ​ໃກ້­ຊິດ ໂດຍ​ໄດ້​ແບ່ງ​ທີ​ມ​ແພດ​ລົງ​ກວດ ພ້ອມ​ປະ­ກອບ​ເຄື່ອງ­ມື​ວິ­ເຄາະ, ການ​ປິ່ນ­ປົວ​ລົງ​ປະ­ຈຳ​ເຂດ​ທຸກ​ດ່ານ​ສາ­ກົນ, ສະ­ໜາມ​ບິນ​ສາ­ກົນ​ວັດ​ໄຕ ແລະ ຫຼວງ​ພະ​ບາງ ຕະ­ຫຼອດ 24 ຊົ່ວ​ໂມງ. ໜັງ­ສື­ພິມ​ປະ­ຊາ­ຊົນ ສະ­ບັບ​ວັນ​ທີ 28/1/2020 ໄດ້​ລາຍ​ງານ​ວ່າ: ກະ­ຊວງ​ສາ­ທາ­ລະ­ນະ​ສຸກ ໄດ້​ມີ​ການ​ຕິດ­ຕາມ​ເຝົ້າ​ລະ­ວັງ​ສະ­ຖາ­ນະ​ການ​ຢ່າງ​ໃກ້­ຊິດ ໂດຍ​ກຳ­ນົດ​ຈຸດ​ປະ­ສານ​ງານ ໃນ​ການ­ຈັດ­ຕັ້ງ​ປະ­ຕິ­ບັດ​ມາດ​ຕະ­ການ​ໃນ​ການ​ກະ­ກຽມ​ຄວາມ​ພ້ອມ. ບັນ­ດາ​ດ່ານ​ສາ­ກົນ​ໄດ້​ມີ​ການ​ໃຫ້​ຂໍ້​ມູນ​ຂ່າວ­ສານ​ແກ່​ຜູ້­ໂດຍ­ສານ​ຂາ​ເຂົ້າ ແລະ ມີ​ການ​ກຽມ​ຄວາມ​ພ້ອມ​ໃນ​ການ​ຄັດ​ກອງ​ຜູ້­ໂດຍ­ສານ​ທີ່​ເດີນ­ທາງ​ມາ​ຈາກ​ປະ­ເທດ​ທີ່​ມີ​ລາຍ​ງານ​ການ​ລະ­ບາດ, ບັນ­ດາ​ໂຮງ­ໝໍ​ໄດ້​ມີ​ການ​ກະ­ກຽມ​ຫ້ອງ​ແຍກ​ປ່ຽວ, ອຸ­ປະ­ກອນ​ປ້ອງ​ກັນ​ຕົນ​ເອງ ແລະ ລົດ​ຮັບ-ສົ່ງ​ຄົນ​ເຈັບ, ມີ​ການ​ກະ­ກຽມ​ຄວາມ​ພ້ອມ​ໃຫ້​ພະ­ນັກ­ງານ​ແພດ​ໝໍ​ດ້ານ​ວຽກ​ງານ​ການ​ປິ່ນ­ປົວ-ການ​ກັນ ແລະ ຄວບ​ຄຸມ​ການ​ຕິດ­ເຊື້ອ ໄດ້​ຍົກ​ລະ­ດັບ​ກະ­ກຽມ​ຫ້ອງ​ວິ­ເຄາະ ທີ່​ສາ­ມາດ​ກວດ​ຫາ​ເຊື້ອ​ຈຸ​ລະ​ໂຣກ​ສາຍ​ພັນ​ໃໝ່​ດັ່ງ­ກ່າວ​ໄດ້ ໃນ ສປປ ລາວ ພາຍ​ໃນ 24 ຊົ່ວ​ໂມງ. ໜັງ­ສື­ພິມ​ປະ­ຊາ­ຊົນ ສະ­ບັບ​ວັນ​ທີ 29/1/2020 ໄດ້​ລາຍ​ງານ​ວ່າ: ກະ­ຊວງ​ການ​ຕ່າງ­ປະ­ເທດ ແຫ່ງ ສປປ ລາວ ແລະ ບັນ­ດາ​ສຳ­ນັກ­ງານ​ຜູ້­ຕາງ­ໜ້າ ແຫ່ງ ສປປ ລາວ ປະ­ຈຳ​ຢູ່​ຕ່າງ­ປະ­ເທດ ໄດ້​ຕິດ­ຕາມ​ສະ­ພາບ​ການ­ລະ­ບາດ­ພະ­ຍາດ​ດັ່ງ­ກ່າວ​ຢູ່​ຕ່າງ­ປະ­ເທດ​ຢ່າງ​ໃກ້­ຊິດ ແລະ ໄດ້​ປະ­ສານ​ງານ​ກັບ​ບັນ­ດາ​ພາກ­ສ່ວນ​ທີ່​ກ່ຽວ­ຂ້ອງ​ຂອງ​ປະ­ເທດ​ທີ່​ມີ​ການ­ລະ­ບາດ­ພະ­ຍາດ​ດັ່ງ­ກ່າວ ເພື່ອ​ອຳ­ນວຍ​ຄວາມ​ສະ­ດວກ ແລະ ຊ່ວຍ­ເຫຼືອ​ພົນ­ລະ­ເມືອງ​ລາວ, ນັກ​ທ່ອງ​ທ່ຽວ, ນັກ­ທຸ­ລະ­ກິດ ແລະ ນັກ​ສຶກ­ສາ​ລາວ ທີ່​ດຳ­ລົງ​ຊີ­ວິດ ແລະ ສຶກ­ສາ​ຮ່ຳ­ຮຽນ​ຢູ່​ບັນ­ດາ​ປະ­ເທດ​ທີ່​ມີ​ການ­ລະ­ບາດ­ພະ­ຍາດ​ດັ່ງ​ກ່າວ. ນອກ​ນີ້ ກະ­ຊວງ​ດັ່ງ­ກ່າວ ຍັງ​ໄດ້​ເປັນ​ເຈົ້າ​ການ​ປະ­ສານ​ງານ ແລະ ແລກ­ປ່ຽນ​ຂໍ້​ມູນ​ຂ່າວ­ສານ​ກັບ​ບັນ­ດາ​ປະ­ເທດ​ຕ່າງໆ ໃນ​ພາກ​ພື້ນ​ກໍ​ຄື​ສາ­ກົນ ແລະ ອົງ­ການ​ອະ­ນາ­ໄມ​ໂລກ​ຢ່າງ​ໃກ້­ຊິດ ເພື່ອ​ຕິດ­ຕາມ​ທ່າ​ອ່ຽງ​ຂອງ​ການ​ລະ­ບາດ​ຂອງ​ໄວ​ຣັສ​ໂຄ​ໂຣ​ນາ ແລະ ຍາດ​ແຍ່ງ​ການ​ຊ່ວຍ­ເຫຼືອ ໂດຍ​ສະ­ເພາະ​ການ​ສົ່ງ​ຄະ­ນະ​ຊ່ຽວ­ຊານ​ດ້ານ​ການ​ແພດ ພ້ອມ​ດ້ວຍ​ອຸ­ປະ­ກອນ​ເຄື່ອງ­ມື, ຢາ​ປົວ​ພະ­ຍາດ ແລະ ວັກ​ຊິນ​ປ້ອງ​ກັນ​ໃນ​ກໍ­ລະ­ນີ​ທີ່​ມີ​ການ​ລະ­ບາດ​ເກີດ​ຂຶ້ນ.

   ການ​ລະ­ບາດ​ຂອງ​ໄວ​ຣັສ​ໂຄ​ໂຣ​ນາ ມີ​ຜົນ​ກະ­ທົບ​ໃນ​ວົງ​ກວ້າງ ແລະ ຕໍ່​ສັງ​ຄົມ-ເສດ­ຖະ­ກິດ. ສະ­ນັ້ນ ການ​ປ້ອງ​ກັນ, ຄວບ​ຄຸມ ແລະ ແກ້​ໄຂ​ບັນ­ຫາ​ດັ່ງ­ກ່າວ​ເປັນ​ບັນ­ຫາ​ສຳ­ຄັນ ຈຶ່ງ​ຮຽກ­ຮ້ອງ​ໃຫ້​ທຸກ​ພາກ­ສ່ວນ​ສັງ­ຄົມ ຕ້ອງ​ໄດ້​ຮ່ວມ​ມື​ກັນ ແລະ ພ້ອມ​ກັນ​ຍົກ​ສູງ​ຄວາມ​ຮັບ­ຜິດ­ຊອບ​ເປັນ​ເຈົ້າ​ການ​ໃນ​ການ​ປ້ອງ​ກັນ, ຄວບ​ຄຸມ ແລະ ແກ້​ໄຂ​ບັນ­ຫາ​ດັ່ງ­ກ່າວ ໃຫ້​ຮັບ­ປະ­ກັນ ແລະ ທັນ​ສະ­ພາບ​ການ; ເອົາ­ໃຈ­ໃສ່​ຕິດ­ຕາມ, ເຝົ້າ​ລະ­ວັງ ແລະ ກວດ­ກາ​ຢູ່​ຈຸດ​ທີ່​ມີ​ຄວາມ​ສ່ຽງ ເປັນ­ຕົ້ນ​ຊາຍ​ແດນ, ສະ­ໜາມ​ບິນ, ສະ­ຖາ­ນີ​ລົດ​ໂດຍ­ສານ, ໂຮງ­ໝໍ, ຕະ­ຫຼາດ ແລະ ຈຸດ​ສ່ຽງ​ຕ່າງໆ ເພື່ອ​ຄວບ​ຄຸມ ແລະ ປ້ອງ​ກັນ​ບໍ່​ໃຫ້​ພະ­ຍາດ​ແຜ່​ລະ­ບາດ; ແຈ້ງ​ເຕືອນ​ປະ­ຊາ­ຊົນ​ກ່ຽວ​ກັບ​ການ​ອຸ­ປະ​ໂພ​ກ-ບໍ­ລິ­ໂພກ ທີ່​ຂາດ​ສຸ​ຂະ​ອະ­ນາ­ໄມ ແລະ ເປັນ​ສາ­ເຫດ​ຂອງ​ການ​ຕິດ­ເຊື້ອ​ພະ­ຍາດ; ຕິດ­ຕາມ​ກວດ​ສຸ­ຂະ­ພາບ​ຜູ້​ເດີນ­ທາງ ເປັນ­ຕົ້ນ​ນັກ​ທ່ອງ​ທ່ຽວ, ນັກ​ສຶກ­ສາ, ນັກ­ທຸ­ລະ­ກິດ ແລະ ອື່ນໆ ທີ່​ມາ​ຈາກ ສປ ຈີນ; ຄວບ​ຄຸມ​ອຸ­ປະ­ກອນ​ນຳ​ໃຊ້ ສຳ­ລັບ​ໃນ​ການ​ປ້ອງ​ກັນ​ໄວ​ຣັສ​ໂຄ​ໂຣ​ນາ ເປັນ­ຕົ້ນ ຜ້າ​ອັດ​ປາກ-ດັງ, ຖົງ­ມື, ຊຸດ​ປ້ອງ​ກັນ​ການ​ຕິດ­ເຊື້ອ ແລະ ອື່ນໆ. ພ້ອມ​ນີ້ ເອົາ­ໃຈ­ໃສ່​ຫຼີກ​ລ່ຽງ​ການ​ເດີນ­ທາງ​ໄປ​ເຂດ​ທີ່​ມີ​ການ​ລະ­ບາດ ຫຼື ຊຸມ​ຊົນ​ແອ​ອັດ ຫຼື ມີ​ຄົນ​ຫຼາຍ. ຖ້າ​ຈຳ­ເປັນ​ຈະ​ໄປ​ຕ້ອງ​ໄດ້​ປະ­ຕິ­ບັດ​ດັ່ງ­ນີ້: ໃຊ້​ຜ້າ​ອັດ​ປາກ, ລ້າງ​ມື​ທຸກ​ຄັ້ງ​ດ້ວຍ​ສະ­ບູ ຫຼື ນ້ຳ​ຢາ​ຂ້າ​ເຊື້ອ, ປະ­ຕິ­ບັດ​ມາ­ລະ­ຍາດ​ໃນ​ການ​ໄອ-ຈາມ ດ້ວຍ​ການ​ອັດ​ປາກ ແລະ ດັງ. ຫຼີກ​ລ່ຽງ​ການ​ສຳ­ຜັດ​ໃກ້­ຊິດ​ກັບ​ຄົນ​ທີ່​ມີ​ອາ­ການ​ຄ້າຍ­ຄື​ໄຂ້​ຫວັດ​ເຊັ່ນ: ໄຂ້, ໄອ, ເຈັບ­ຄໍ ແລະ ຫາຍ­ໃຈ​ຍາກ. ຫຼີກ​ລ່ຽງ​ການ​ສຳ­ຜັດ​ສັດ​ເປັນ ຫຼື ຕາຍ ຖ້າ​ຫາກ​ມີ​ອາ­ການ​ຄ້າຍ­ຄື​ໄຂ້​ຫວັດ​ເຊັ່ນ: ໄຂ້, ໄອ, ເຈັບ­ຄໍ ແລະ ຫາຍ­ໃຈ​ຍາກ ໃຫ້​ຮີບ​ຮ້ອນ​ໄປ​ພົບ​ແພດ​ໝໍ ແລະ ແຈ້ງ​ປະ­ຫວັດ​ການ​ເດີນ­ທາງ​ຂອງ​ຕົນ ຖ້າ​ໄດ້​ໄປ​ເຂດ​ທີ່​ມີ​ການ­ລະ­ບາດ­ພະ­ຍາດ​ຈາກ​ເຊື້ອ​ຈຸ​ລະ​ໂຣກ​ສາຍ​ພັນ​ໃໝ່​ໃນ​ໄລ­ຍະ 14 ວັນ​ກ່ອນ​ມີ​ອາ​ການ. ຖ້າ​ຫາກ​ພົບ​ເຫັນ​ຄົນ​ທີ່​ມີ​ອາ­ການ​ສົງ­ໄສ​ເປັນ​ພະ­ຍາດ​ຈາກ​ເຊື້ອ​ຈຸ​ລະ​ໂຣກ​ສາຍ​ພັນ​ໃໝ່ ແລະ ຕ້ອງ­ການ​ຊ່ວຍ­ເຫຼືອ ສາ­ມາດ​ໂທ: 54066777 ຫຼື ສາຍ​ດ່ວນ: 166 ຕະ­ຫຼອດ 24 ຊົ່ວ­ໂມງ.

                                                 (ໂດຍ: ມິ​ງ​ໂກ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110