ຫົວ​ຂໍ້ : ທ່ານ ສີຈິ້ນຜິງ ອະນຸມັດໃຫ້ກອງທັບເລືອກໜ່ວຍປິ່ນປົວ ປະຈຳໂຮງໝໍໂຫເຊີນຊານ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 05/02/2020 09:49:00 ຈຳ​ນວນ​ຜູ້​ເຂົ້າ​ຢ້ຽມ​ຊົມ 273 ຄັ້ງ

  ຂ່າວສານ​ຊີ​ອາ​ໄອ​ລາຍ​ງານ​ວ່າ: ວັນ​ທີ 2 ກຸມພາຜ່ານ ​ມາ, ໄດ້​ຈັດ​ພິທີ​ມອບ​ຮັບ​ໂຮງໝໍ​ ໂຫ​ເຊີນ​ຊານ​ອູ​ຮັ້ນ ໂດຍ​ທ່ານ ໂຈ່​ວ​ ຊຽນ​ວ້າງ ເຈົ້າ​ຄອງ​ນະ ຄອນ​ອູ​ຮັ້ນ ແລະ ທ່ານ ປາຍຈົ່ງ ​ປິ່ນ ຮອງ​ຜູ້​ບັນຊາ​ການ​ຂອງກອງ ​ທະຫານ​ພະລາ​ທິ​ການ​ໄດ້​ເຊັນ ແລະ ແລກປ່ຽນ​ສານ, ເປັນຂີດ ​ໝາຍ​ສະແດງ​ໃຫ້​ເຫັນ​ວ່າ: ໂຮງ ໝໍ​ໂຫ​ເຊີນ​ຊານ ໄດ້​ມອບໃຫ້​ໜ່ວຍ​ປິ່ນປົວ​ພະຍາດ​ກອງທັບ​ປະຊາຊົນ​ຢ່າງ​ເປັນ​ທາງ​ການ.
  ຂ່າ​ວ​ລະບຸ​ວ່າ: ໂດຍ​ໄດ້​ຮັບ​ການ​ອະນຸມັດ​ຈາກ​ທ່ານ ສີ​ຈິ້ນ​ຜິງ ປະທານ​ຄະນະ​ກຳມະ ການ ​ການ​ທະຫານ​ສູນ​ກາງ, ກອງທັບ​ປົດ​ປ່ອຍປະ​ຊາ​ຊົນ​ຈີນ, ໄດ້​ເລືອກ​ພະນັກງານ​ແພດ​ໝໍ​ຈຳນວນ 1.400 ຄົນ ໄປ​ປະຕິບັດ​ໜ້າທີ່​ປິ່ນປົວ​ພະຍາດ​ອັກເສບ​ປອດ​ຈາກ​ເຊື້ອ​ຈຸ​ລະ ໂຣກ​ສາຍ​ພັນ​ໃໝ່ ປະ​ຈໍາ​ຢູ່​ໂຮງ ໝໍ​ໂຫ​ເຊີນ​ຊານ ນັບ​ແຕ່​ວັນ​ທີ 3 ກຸມພາ​ນີ້ ເປັນຕົ້ນ​ໄປ. ໂຮງໝໍ​ດັ່ງກ່າວ, ໄດ້​ຈັດ​ຕຽງ​ຄົນ​ເຈັບ​ໃຫ້​ມີ 1.000 ຕຽງ, ຕົ້ນ​ຕໍຈະ​ຮັບ ​ປິ່ນປົວ​ຄົນ​ເຈັບ​ທີ່​ໄດ້​ຢືນຢັນ​ຕິດ ເຊື້ອ​ພະ​ຍາດ.
  ໜ່ວຍ​ປິ່ນປົວ​ພະຍາດ​ທີ່​ຮັບ​ເລືອກ​ໄປ​ປະຕິບັດ​ໜ້າທີ່​ໃນ​ຄັ້ງ​ນີ້ ແມ່ນ​ມາ​ຈາກ​ພາກສ່ວນ​ປິ່ນປົວ​ພະຍາດ​ທີ່​ຕ່າງ​ກັນ​ຈາກ​ທົ່ວ​ກອງ​ທັບ. ນອກ​ນັ້ນ, ໜ່ວຍ​ວິຊາ​ການ​ທີ່​ປະກອບ​ດ້ວຍ​ນັກ ວິຊາການ 15 ຄົນ, ຈາກ​ສູນ​ປ້ອງ ​ກັນ ແລະ ຄວບ​ຄຸມພະ​ຍາດ ​ຂອງ​ກອງທັບ​ປົດ​ປ່ອຍ, ສະ​ຖາ​ບັນ​ຄົ້ນຄວ້າ​ແພດສາດ​ຂອງ​ສະພາ​ບັນດິດ​ວິທະຍາສາດການທະ ຫານ​ໄດ້​ເຂົ້າ​ປະຈຳ​ໂຮງໝໍ​ດັ່ງ ກ່າວ ເພື່ອ​ຊີ້​ນຳ​ວຽກ​ງານ​ປ້ອງ​ກັນ ແລະ ຄວບ​ຄຸມພະ​ຍາດ​ຂອງ​ໂຮງໝໍ​ດັ່ງ​ກ່າວ.
  ຕາມ​ຂ່າວໃຫ້​ຮູ້​ວ່າ: ພະນັກ ງານ​ແພດ​ໝໍ​ດັ່ງກ່າວ, ມີ​ຈຳນວນ​ບໍ່​ໜ້ອຍ​ເຄີຍ​ເຂົ້າ​ຮ່ວມ​ໜ້າທີ່​ຕ້ານ​ພະຍາດ SARS ທີ່​ໂຮງໝໍ​ສ້ຽວ​ຖາງ​ຊານ  ຂອງ​ປັກ​ກິ່ງ ແລະ ເຄີຍ​ໄປ​ປະຕິບັດ​ໜ້າທີ່​ໃນ​ປະ ເທດ​ເຊ​ລາ​ລີ​ອອນ ແລະ ລີ​ເບ​ເລຍ ເພື່ອ​ຕ້ານ​ພະຍາດ​ອີ​ໂບ​ຣາ, ມີ​ບົດຮຽນ​ໃນ​ການ​ປິ່ນປົວ​ພະຍາດ​ຕິດແປດ​ຢ່າງ​ອຸດົມ​ສົມ​ບູນ. ວັນ​ທີ 2 ກຸມພາ​ຜ່ານ​ມາ, ຍັງ​ໄດ້​ຈັດ​ພິທີ​ມອບ​-​ຮັບ ໂຮງໝໍ​ໂຫ​ເຊີນ​ຊານ ທີ່​ສ້າງ​ສຳເລັດ​ໃຫ້​ເປີດ​ບໍລິການ​ຢ່າງ​ເປັນ​ທາງ​ການ.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110