ຫົວ​ຂໍ້ : ທ່ານ ສະເຫຼີມໄຊ ກົມມະສິດ ຕ້ອນຮັບ ທູດຕວັກກີ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 06/02/2020 09:34:43 ຈຳ​ນວນ​ຜູ້​ເຂົ້າ​ຢ້ຽມ​ຊົມ 548 ຄັ້ງ

  ທ່ານ ສະເຫຼີມ​ໄຊ ກົມ​ມະ​ສິດ ລັດຖະມົນຕີ​ກະຊວງ​ການ​ຕ່າງປະເທດ ໄດ້​ໃຫ້​ກຽດ​ຕ້ອນຮັບ​ການ​ເຂົ້າ​ຢ້ຽມ​ອຳລາ ຂອງ ທ່ານ ອາ​ເມັດ ໄອເດມ ອາ​ຄາຍ (Ahmet Idem Akay) ເອກ​ອັກ​ຄະ​ລັດ​ຖະ​ທູດ​ວິສາມັນ​ ຜູ້​ມີ​ອຳນາດ​ເຕັມ ແຫ່ງ ສາທາ ລະນະ​ລັດ ຕວັກ​ກີ ປະຈຳ  ສປປ ລາວ ໃນ​ວັນ​ທີ 5 ກຸມພາ​ນີ້  ທີ່ ກະຊວງ​ການ​ຕ່າງປະເທດ ໃນ​ໂອກາດ​ທີ່​ສຳເລັດ​ການ​ປະຕິບັດ​ໜ້າທີ່​ການ​ທູດ ຢູ່ ສປປ ລາວ.
  ໃນ​ໂອກາດ​ດັ່ງກ່າວ, ທ່ານ​ລັດຖະມົນຕີ ໄດ້​ສະແດງ​ຄວາມ​ຍິນດີ​ຕ້ອນຮັບ, ຊົມເຊີຍ ແລະ ຕີລາ ຄາ​ສູງ ຕໍ່​ການ​ພົວພັນ​ຮ່ວມ ມື ລະຫວ່າງ ລາວ​-​ຕວັກ​ກີ ໃນ​ໄລຍະ​ທີ່​ຜ່ານ​ມາ ເຖິງປັດຈຸ​ບັນ. ພ້ອມ​ທັງ​ສະແດງ​ຄວາມ​ ຂອບໃຈ​ຢ່າງ​ຈິງ​ໃຈ​ຕໍ່​ການ​ເອົາ ໃຈໃສ່​ປະກອບສ່ວນ​ຢ່າງ​ຫ້າວ ຫັນ​ຂອງ​ທ່ານ​ທູດ​ໃນ​ການ​ເພີ່ມ​ທະວີ​ສາຍ​ພົວພັນ​ມິດຕະພາບ ແລະ ການ​ຮ່ວມ​ມື ລະຫວ່າງ ລາວ​-​ຕວັກ​ກີ ແໜ້ນ​ແຟ້ນ ແລະ ແຕກ​ດອກ​ອອກ​ຜົນ​ຍິ່ງ​ຂຶ້ນ, ຕະຫຼອດ​ໄລຍະ​ເວລາ 2 ປີ ທີ່​ທ່ານທູດ ປະຕິບັດ​ວຽກ​ງານ​ການ​ທູດ​ຢູ່ ສປປ ລາວ ໄດ້​ປະກອບສ່ວນ​ຊຸກຍູ້​ໃຫ້​ມີ​ການ​ຢ້ຽມຢາມ ສປປ ລາວ ແລະ ເປີດ​ສະຖານທູດ​ຕວັກ​ກີ ປະຈຳ ລາວ ຢ່າງ​ເປັນ​ທາງ​ການ ຂອງ​ທ່ານລັດຖະມົນຕີ​ກະຊວງ​ການ​ຕ່າງປະເທດ​ຕວັກ​ກີ ໃນ​ທ້າຍ​ປີ 2018, ມອບ​ລົດ​ຕູ້ 1 ຄັນ ໃຫ້​ສະພາ​ແຫ່ງ​ຊາດ, ມອບ​ເງິນ​ຊ່ວຍເຫຼືອ ບັນເທົາ​ທຸກ​ຈາກ​ໄພພິບັດ​ນ້ຳ​ຖ້ວມ​ຢູ່ ລາວ ໂດຍ​ຜ່ານ​ອົງການ UNDP ຈຳນວນ 25.000 ໂດ​ລາ​, ໃຫ້​ທຶນ​ຝຶກ​ອົບ ຮົມນັກ​ການ​ທູດ​ໜຸ່ມ​ນ້ອຍຈຳ ນວນ 1 ທຶນຕໍ່ປີ ແລະ ອື່ນໆ. 
  ທ່ານ ສະເຫຼີມ​ໄຊ ກົມ​ມະ​ສິດ ຍັງ​ໄດ້​ອວຍພອນ​ທ່ານ ອາ​ເມັດ ໄອ​ເດມ ອາ​ຄາຍ​ ມີ​ພະ​ລາ​ນາ​ໄມ​ສົມບູນ, ມີ​ຄວາມ​ຜາ​ສຸກ, ປະສົບ​ຜົນສຳເລັດ​ໃນ​ການ​ໄປ​ປະຕິບັດ​ໜ້າທີ່​ໃໝ່ ແລະ ເດີນທາງ​ກັບ​ຄືນ​ປະເທດ​ດ້ວຍ​ຄວາມ​ສະຫວັດດີ​ພາບ.
  ໃນ​ໂອກາດ​ດຽວກັນນີ້ ທ່ານ ອາ​ເມັດ ໄອ​ເດມ ອາ​ຄາຍ ກໍໄດ້​ສະແດງ​ຄວາມ​ຂອບໃຈ​ຕໍ່ ທ່ານ​ລັດຖະມົນຕີ ທີ່​ໄດ້​ສະຫຼະ​ເວລາ​ໃຫ້ການ​ຕ້ອນຮັບ​ຢ່າງ​ອົບ​ອຸ່ນ, ພ້ອມ​ທັງ​ໄດ້​ສະແດງ​ຄວາມ​ຂອບໃຈ​ຢ່າງ​ສູງ ຕໍ່​ລັດຖະບານ ສປປ ລາວ ທີ່​ໄດ້​ໃຫ້ການ​ຮ່ວມ​ມື, ສະໜັບສະໜູນ​ຊ່ວຍເຫຼືອ ແລະ ອຳນວຍ​ຄວາມ​ສະດວກ​ຕະຫຼອດ​ໄລຍະ​ເວລາ​ທີ່​ຕົນ​ປະຕິບັດ​ໜ້າທີ່​ການ​ທູດ​ຢູ່ ສປປ ລາວ ຈົນ​ປະສົບ​ຜົນສຳເລັດ​ເປັນ​ຢ່າງ​ດີ ແລະ ຈະ​ສືບຕໍ່​ປະກອບສ່ວນ​ຊ່ວຍ​ຊຸກຍູ້​ສາຍ​ພົວພັນ ແລະ ການ​ຮ່ວມ​ມື ຕວັກ​ກີ​-​ລາວ ໃຫ້​ຂະຫຍາຍຕົວ​ຍິ່ງໆ​ຂຶ້ນໃນ​ຕໍ່​ໜ້າ. 
(ຂ່າວ: ກະຊວງ​ການ​ຕ່າງ ປະເທດ)
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110