ຫົວ​ຂໍ້ : ເພີ່ມທະວີການຮ່ວມມື ຣັດເຊຍ-ອາຊຽນ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 06/02/2020 09:45:22 ຈຳ​ນວນ​ຜູ້​ເຂົ້າ​ຢ້ຽມ​ຊົມ 227 ຄັ້ງ

  ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ໃນ​ຂອບ​ເຂດ​ການ​ຢ້ຽມຢາມ​ສະຫະພັນ​ຣັດ​ເຊຍ ໃນ​ລະຫວ່າງ ວັນ​ທີ 3 ກຸມພາ​ຜ່ານ​ມາ, ທ່ານ ລິ​ມ​ຈອກ​ໂຮຍ ເລຂາທິການ​ໃຫຍ່​ອາ​ຊຽນ ໄດ້​ມີ​ການ​ເຈລະຈາ​ກັບ​ທ່ານ ເຊີ​ເກ ລາບ​ຣົບ ລັດຖະມົນຕີ​ກະຊວງ​ການ​ຕ່າງປະເທດ ຣັດ​ເຊຍ. 
  ໃນ​ເວລາ​ພົບ​ປະ, ສອງ​ຝ່າຍ​ໄດ້​ປຶກສາ​ຫາລື​ກ່ຽວ​ກັບ​ຄວາມຫວັງ​ພັດທະນາ​ການ​ຮ່ວມ​ມື​ຍຸດທະສາດ​ລະຫວ່າງ ຣັດ​ເຊຍ - ອາ​ຊຽນ, ພິຈາລະນາ​ບັນດາ​ບັນຫາ​ການ​ຮ່ວມ​ມື​ຢູ່​ບັນດາ​ເວທີ​ປາ​ໄສ​ສາກົນ ແລະ ພາກ​ພື້ນ, ເປີດ​ກວ້າງ​ການ​ຮ່ວມ​ມື​ໃນ​ບັນດາ​ຂົງເຂດ, ເສດຖະກິດ - ການ​ຄ້າ ແລະ ມະນຸດ​ສະ​ທໍາ, ກໍ່​ຄື​ບັນດາ​ບາດກ້າວ​ລວມ​ໃນ​ສະພາບ​ການ​ສ້າງ​ຕັ້ງ​ຄູ່​ຮ່ວມ​ມື ລະຫວ່າງ ອາຊີ - ເອີ​ຣົບ​ໃຫຍ່​ຂຶ້ນ. ທ່ານ ເຊີ​ເກ ລາບ​ຣົບ ໄດ້​ເນັ້ນ​ໜັກ​ເຖິງ​ການ​ພົວພັນ​ກັບ​ອາ​ຊຽນ ແມ່ນ​ບຸລິມະສິດ​ສຳຄັນ​ໃນ​ນະໂຍບາຍ​ທາງ​ການ​ທູດ​ຂອງ ຣັດ​ເຊຍ. ພ້ອມ​ກັນ​ນັ້ນ, ຣັດ​ເຊຍ ຖື​ອາ​ຊຽນ ແມ່ນ​ຄູ່​ຮ່ວມ​ມື​ທີ່​ໜ້າ​ໄວ້​ເນື້ອ​ເຊື່ອ​ໃຈ, ມີ​ເຈດ​ຈຳນົງ​ທິດ​ທາງ​ດຽວ​ກັນ​ໃນ​ການ​ສ້າງ​ໂຄງ​ປະກອບ​ເປີດ, ສົມ​ດຸນ​ກ່ຽວ​ກັບ​ຄວາມ​ໝັ້ນຄົງ, ສະເໝີພາບ ແລະ ບໍ່​ສາມາດ​ແຕກ​ແຍກ​ອອກ​ຈາກ​ພາກ​ພື້ນ​ອາຊີ - ປາ​ຊີ​ຟິກ.
ຂ່າວ​ລະບຸ​ວ່າ: ສອງ​ຝ່າຍ​ໄດ້​ເຫັນ​ດີ​ເປັນ​ເອກະ​ພາບ​ຜັນ​ຂະຫຍາຍ​ແຜນການ​ກະທຳ​ທີ່​ກ່າວ​ເຖິງ​ບົດ​ບັນທຶກ​ຊ່ວຍ​ຈຳ​ກ່ຽວ​ກັບ​ການ​ຮ່ວມ​ມື​ດ້ານ​ເສດຖະກິດ ຊຶ່ງ​ອາ​ຊຽນ ແລະ ຄະນະ​ກຳມະການ​ສະຫະພັນ​ເສດຖະກິດ ອາຊີ - ເອີ​ຣົບ (EAEU) ຊຶ່ງ​ໄດ້​ຮັບ​ການ​ລົງ​ນາມ​ໃນ​ປີ 2018. ນອກຈາກ​ນັ້ນ, ສອງ​ຝ່າຍ​ກໍ່​ໄດ້​ປຶກສາ​ຫາລື​ບາງ​ບັນຫາ​ທີ່​ຕ່າງ​ຝ່າຍ​ຕ່າງ​ມີ​ຄວາມ​ສົນໃຈ, ເຮັດ​ແນວໃດ​ເພື່ອ​ຍົກ​ສູງ​ບົດບາດ​ຂອງ​ໄວ​ໜຸ່ມ​ໃນ​ການ​ຊຸກຍູ້​ການ​ພົວພັນ ລະຫວ່າງ ສອງ​ພາກ​ພື້ນ​ໃຫ້​ຫຼາຍ​ກ່​ວາ​ເກົ່າ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110