ຫົວ​ຂໍ້ : ອົສຕຣາລີ ເພີ່ມທະວີວຽກງານດັບເພີງຕ້ານໄຟໄໝ້ປ່າ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 06/02/2020 09:46:39 ຈຳ​ນວນ​ຜູ້​ເຂົ້າ​ຢ້ຽມ​ຊົມ 376 ຄັ້ງ

  ວິທະຍຸ​ກະຈາຍສຽງຫວຽດ ນາມ​ລາຍ​ງານ​ວ່າ: ເພື່ອ​ຍາດ​ແຍ່ງ​ຈຸດ​ເວລາ​ທີ່​ໄຟ​ໄໝ້​ປ່າ​ອ່ອນ​ລົງ ຢູ່​ບັນດາ​ເຂດ​ຊານ ເມືອງ​ຂອງ ນະຄອນຫຼວງ​ແຄນ​ເບີ​ຣາ ປະເທດ ອົສ​ຕຣາ​ລີ ຫວ່າງແລ້ວນີ້, ໜ່ວຍ​ດັບ​ເພີງ​ປະເທດ​ນີ້ ໄດ້​ຜັນ​ຂະຫຍາຍ​ບັນດາ​ມາດ​ຕະການ​ສະກັດ​ກັ້ນ​ໄຟ​ໄໝ້​ແຜ່​ລາມ ແລະ ປົກ​ປ້ອງ​ປະຊາຊົນ ໃນ​ເຂດ​ຖືກ​ຜົນ​ກະ​ທົບ. 
  ຂ່າວ​ລະບຸ​ວ່າ: ໜ່ວຍ​ດັບ​ເພີງ​ຕ້ອງ​ເຮັດ​ວຽກ​ທັງ​ເວັນ​ທັງ​ຄືນ ເພື່ອ​ແນໃສ່​ຈຳກັດ​ເຫດ​ໄຟ​ໄໝ້ ແລະ ປັດຈຸບັນ ບັນດາ​ເຫດ​ໄຟ​ໄໝ້​ປ່າ​ບໍ່​ໄດ້​ຈັດ​ຢູ່​ໃນ​ລະດັບ​ສຸກ​ເສີນ​ອີກ​ຕໍ່​ໄປ ເນື່ອງ​ຈາກ​ອຸນຫະພູມ​ເລີ່ມ​ຫຼຸດ​ລົງ ແລະ ຄາດ​ວ່າ​ຈະ​ມີ​ຝົນ​ຕົກ. ເມື່ອ​ທ້າຍ​ເດືອນ​ມັງກອນ​ຜ່ານ​ມາ, ຢູ່​ນະຄອນຫຼວງ ແຄນ​ເບີ​ຣາ ໄດ້​ປະກາດ​ສະພາວະ​ສຸກ​ເສີນ​ເປັນ​ຄັ້ງ​ທຳອິດ ພາຍ​ໃນ​ຮອບ​ເວລາ​ເກືອບ 20 ປີ, ຍ້ອນ​ສະພາບ​ອາກາດ​ຮ້ອນ​ເອົ້າ ແລະ ຄາດ​ວ່າ: ຈະ​ມີ​ຄວາມ​ສ່ຽງ​ຕໍ່​ໄຟ​ໄໝ້​ປ່າ ຢູ່​ເຂດ​ຊານເມືອງ​ທາງ​ທິດໃຕ້​ຂອງ​ນະຄອນຫຼວງ​ແຄນ​ເບີ​ຣາ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110