Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ລັດຖະບານ ສືບຕໍ່ມາດຕະການປ້ອງກັນການແຜ່ລະບາດໂຄວິດ-19 ຫຼາຍຂໍ້ຫ້າມ

ເຜີຍ​ແຜ່​ໂດຍ​: ທ່ານ ທອງດຳ ມິໂຍລາ ເວ​ລາ: 16/09/2021 10:10:47 ຈຳ​ນວນ​​ຢ້ຽມ​ຊົມ 548 ຄັ້ງ

 

    ທ່ານນາງ ທິບພະກອນ ຈັນທະວົງສາ ຮອງລັດຖະມົນຕ ຮອງຫົວໜ້າຫ້ອງວ່າການສໍານັກງານນາຍົກລັດຖະມົນຕີ ຮອງ  ​ຫົວໜ້າຄະນະສະເພາະກິດ  ຜູ້ປະ ຈຳການ ຫົວໜ້າກອງເລຂາກ່ຽວກັບການສືບຕໍ່ປະຕິບັດມາດຕະການປ້ອງກັນຄວບຄຸມ ແລະ ສະກັດກັ້ນການລະບາດຂອງພະຍາດ COVID-19 ໄດ້ຖະແຫຼງຂ່າວໃນວັນທີ 15 ກັນຍາ 2021 ທີ່ກະຊວງສາທາລະນະສຸກນີ້ວ່າ: ໃນໄລຍະວັນທີ 16-30 ກັນຍາ 2021.

ອີງຕາມການປະເມີນສະ ພາບການລະບາດ ແລະ ການ ຈັດຕັ້ງປະຕິບັດມາດຕະການ ຕ່າງໆ ໃນຄຳສັ່ງຂອງນາຍົກລັດ ຖະມົນຕີ ສະບັບເລກທີ 15/ນຍ, ລົງວັນທີ 21 ເມສາ 2021, ແຈ້ງການ ສະບັບເລກທີ 1094/ຫສນຍ, ລົງວັນທີ 31 ສິງຫາ 2021 ແລ ມາດຕະການຕ່າງໆທີ່ຄະນະສະ ເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ຂັ້ນສູນກາງ ໄດ້ວາງອອກ ເຫັນວ່າ  ມາຮອດວັນທີ 15 ກັນຍາ 2021 ສະພາບການລະບາດພະຍາດ  COVID-19  ຢູ່ ສປປ ລາວ  ແມ່ນມີທ່າອ່ຽງເພີ່ມຂຶ້ນ ແລະ ຈະກ້າວ ສູ່ລະດັບ 2. ພ້ອມດຽວກັນນັ້ນຢູ່ບາງແຂວງຈະກ້າວສູ່ລະດັບ 3 ເຊັ່ນ: ແຂວງຈຳປາສັກ, ຄຳມ່ວນ, ສະຫວັນນະເຂດ ແລະ ນະຄອນຫຼວງວຽງຈັນ ຊຶ່ງທ້ອງຖິ່ນເຫຼົ່ານີ້  ເຖິງແມ່ນວ່າ ການຕິດເຊື້ອທີ່ມາຈາກຕ່າງປະເທດໄດ້ຫຼຸດລົງກໍຕາມ, ແຕ່ການລະບາດໃນຊຸມຊົນ ແມ່ນຍັງແຜ່ລາມເປັນວົງກວ້າງ. ສາເຫດຕົ້ນຕໍຂອງການຕິດເຊື້ອໃນຊຸມຊົນແມ່ນການເດີນທາງໄປມາລະ ຫວ່າງທ້ອງຖິ່ນຕໍ່ທ້ອງຖິ່ນ ໂດຍສະເພາະໃນທ້ອງຖິ່ນທີ່ມີ ການລະບາດໃນຊຸມຊົນ ແລະ ການດຳເນີນກິດຈະກຳຕ່າງໆໃນສັງຄົມຢູ່ຫຼາຍບ່ອນຂອງການ ຈັດຕັ້ງ ແລະ ບຸກຄົນຈຳນວນໜຶ່ງ ບໍ່ທັນປະຕິບັດມາດຕະການຕ້ານ ແລະ ສະກັດກັ້ນພະຍາດ COVID-19 ໄດ້ຢ່າງຖືກຕ້ອງ ແລະ ເຂັ້ມງວດ. ສະນັ້ນລັດຖະ ບານ ຈຶ່ງໄດ້ອອກແຈ້ງການເລກທີ 1177/ຫສນຍ ທີ່ໄດ້ກຳນົດ ບັນດາມາດຕະການ ສໍາລັບໄລ ຍະ 15 ວັນຕໍ່ໜ້າ ໂດຍເລີ່ມແຕ່ເວລາ 00:00 ໂມງ ຂອງວັນທີ 16  ກັນຍາ ຫາ ເວລາ 24:00 ໂມງຂອງວັນທີ 30 ກັນຍາ 2021 ດັ່ງນີ້:

ມາດຕະການຕ້ອງເພີ່ມທະວີການຈັດຕັ້ງປະຕິບັດ:

1. ສຸມໃສ່ການສັກວັກຊິນໃຫ້ເປົ້າໝາຍຕ່າງໆຕາມແຜນການ ແລະ ຄາດໝາຍທີ່ໄດ້ວາງໄວ້; ຮີບຮ້ອນສືບຕໍ່ຊອກຫາຜູ້ຕິດ ເຊື້ອມາປິ່ນປົວ ແລະ ນຳເອົາຜູ້ສຳຜັດໃກ້ຊິດ ມາກວດຫາເຊື້ອ ແລະ ຈຳກັດບໍລິເວນໃຫ້ຖືກຕ້ອງ ຕາມຫຼັກວິຊາການກ່ຽວຂ້ອງ.

2. ສືບຕໍ່ປິດດ່ານສາກົນ, ດ່ານທ້ອງຖິ່ນ ແລະ ດ່ານປະເພນີ ທາງບົກ ແລະ ທາງນໍ້າ ສໍາລັບບຸກຄົນທົ່ວໄປ, ຍົກເວັ້ນຜູ້ທີ່ໄດ້ຮັບອະນຸຍາດຈາກຄະນະສະ ເພາະກິດຂັ້ນສູນກາງ. ສ່ວນລົດຂົນສົ່ງສິນຄ້າ ໃຫ້ປະຕິບັດຕາມມາດຕະການໃນຂໍ້ 2.9 ຂອງແຈ້ງການສະບັບເລກທີ 1094/ຫສນຍ, ລົງວັນທີ 31 ສິງຫາ 2021.

3. ສືບຕໍ່ໂຈະການອອກວີຊາທ່ອງທ່ຽວ ແລະ ການມາຢ້ຽມ ຢາມຕ່າງໆຢູ່ ສປປ ລາວ ໃຫ້ແກ່ຄົນຕ່າງປະເທດ. ສໍາລັບນັກການ ທູດ, ພະນັກງານ, ​ອົງການຈັດຕັ້ງສາກົນ, ຊ່ຽວຊານ, ນັກລົງທຶນທີ່ມີຄວາມຈຳເປັນ ເພື່ອເຂົ້າມາ ປະຕິບັດວຽກງານຢູ່ສະຖານ ທູດ, ບັນດາກິດຈະການ ແລະ ໂຄງການຕ່າງໆທີ່ເປັນບຸລິມະ ສິດແມ່ນຕ້ອງໄດ້ຮັບອະນຸຍາດຈາກຄະນະສະເພາະກິດ ແລະ ປະຕິບັດຕາມມາດຕະການປ້ອງກັນການຕິດເຊື້ອ ແລະ ແຜ່ເຊື້ອຢ່າງເຂັ້ມງວດສ່ວນການຈຳກັດບໍລິເວນແມ່ນອະນຸຍາດໃຫ້ຂັ້ນເອກອັກຄະລັດຖະທູດ ແລະ ຫົວ ໜ້າອົງການຈັດຕັ້ງສາກົນນຳໃຊ້ທີ່ພັກຂອງຕົນເອງໄດ້, ສ່ວນຂັ້ນຖັດລົງມາແມ່ນຕ້ອງໄດ້ຈຳກັດບໍ ລິເວນຢູ່ໂຮງແຮມທີ່ຄະນະສະ ເພາະກິດກຳນົດໄວ້ເທົ່ານັ້ນ.

4. ສືບຕໍ່ປິດກິດຈະການຮ້ານບັນເທີງ, ໂຮງສາຍຮູບເງົາ, ຮ້ານສະປາ, ຮ້ານຄາຣາໂອເກະ, ຮ້ານກິນດື່ມ, ຮ້ານອິນເຕີເນັດຄາເຟ, ຮ້ານສະນຸກເກີ, ກາຊີໂນ ແລະ ຮ້ານເກທຸກປະເພດທົ່ວປະເທດ.

5. ຫ້າມເປີດຮ້ານນວດ, ຮ້ານເສີມຄວາມງາມ, ຕະຫຼາດກາງຄືນ, ສວນອາຫານ ແລະ ສະຖານທີ່ທ່ອງທ່ຽວຢູ່ເຂດທີ່ມີການລະບາດໃນຊຸມຊົນ.

6. ຫ້າມບຸກຄົນເດີນທາງເຂົ້າ​-​ອອກເຂດທີ່ມີການຕິດເຊື້ອ (ເຂດແດງ) ຕາມການກໍານົດຂອງຄະນະສະເພາະກິດຍົກເວັ້ນຜູ້ທີ່ໄດ້ຮັບອະນຸຍາດຈາກຄະນະສະເພາະກິດ ແລະ ການຂົນສົ່ງສິນຄ້າ.

7. ປິດສູນກິລາໃນຮົ່ມ  ແລະ ກາງແຈ້ງທຸກປະເພດ  ລວມທັງ ຫ້າມຈັດການແຂ່ງຂັນກິລາທຸກປະເພດ ແລະ ຫ້າມອອກກຳລັງກາຍຕາມສວນສາທາລະນະຕ່າງໆຢູ່ເຂດທີ່ມີການລະບາດໃນຊຸມຊົນ (ເຂດແດງ).

8. ຫ້າມຈັດປະຊຸມ, ໂຮມຊຸມ ນຸມ ຫຼື ຈັດກິດຈະກຳຕ່າງໆທີ່ມີຜູ້ເຂົ້າຮ່ວມຫຼາຍກວ່າ 20 ຄົນ ເປັນຕົ້ນກິດຈະກຳທາງສາສະ ໜາ, ງານບຸນປະເພນີ, ງານດອງ; ກໍລະນີຈໍາເປັນຕ້ອງຈັດກອງປະ ຊຸມ ແລະ ງານລ້ຽງທາງການແມ່ນ ໃຫ້ຂໍອະນຸຍາດຈາກຄະນະສະ ເພາະກິດຂັ້ນສູນກາງ ຫຼື ຂັ້ນແຂວງ. ສໍາລັບການຄົບງັນງານສົບ, ງານສົ່ງສະການ ແລະ ເຮັດ ບຸນແຈກທານແມ່ນໃຫ້ປະຕິບັດຕາມຄຳແນະນຳຂອງຄະນະສະ ເພາະກິດ ເລກທີ 4291/ສພກ, ລົງວັນທີ 15 ກັນຍາ 2021.

9. ຫ້າມຈັດງານສັງສັນ ຫຼື ຊຸມແຊວທຸກຮູບແບບຢູ່ທຸກສະຖານທີ່.

10. ຫ້າມສວຍໂອກາດກັກຕຸນ ແລະ ຂຶ້ນລາຄາສິນຄ້າອຸປະ ໂພກ-ບໍລິໂພກ, ອຸປະກອນການແພດ ແລະ ສິນຄ້າອື່ນໆທີ່ຈໍາເປັນ ຕໍ່ການດໍາລົງຊີວິດປະຈໍາວັນ

11. ປິດການສັນຈອນຂອງພາ ຫະນະຢູ່ນະຄອນຫຼວງວຽງຈັນ ແລະ ບັນດາແຂວງທີ່ມີການລະ ບາດໃນຊຸມຊົນຕັ້ງແຕ່ເວລາ 22:00 ໂມງ-05:00 ໂມງເຊົ້າ, ຍົກເວັ້ນລົດຂົນສົ່ງສິນຄ້າ, ສະ ບຽງອາຫານ, ອຸປະກອນການແພດ, ລົດຂົນສົ່ງຄົນເຈັບ, ລົດດັບເພີງ, ລົດກູ້ໄພ, ລົດຄະນະສະເພາະກິດ ແລະ ລົດຂອງ  ​ເຈົ້າໜ້າທີ່ປະຕິບັດງານ.

12. ປິດການຮຽນ​-ການສອນ ສຳລັບການສຶກສາທຸກຊັ້ນທຸກສາຍ ແລະ ສືບຕໍ່ເລື່ອນການສອບເສັງຄັດເລືອກເຂົ້າຮຽນສາຍອາຊີວະສຶກສາ, ສ້າງຄູ, ການສຶກ ສາຊັ້ນສູງ ແລະ ມະຫາວິທະ ຍາ ໄລ ຢູ່ນະຄອນຫຼວງວຽງຈັນ ແລະ ບັນດາແຂວງທີ່ມີການລະບາດໃນຊຸມຊົນ, ແຕ່ອະນຸຍາດໃຫ້ໂຮງຮຽນກິນນອນທີ່ບໍ່ມີການເຄື່ອນຍ້າຍນັກຮຽນ​-​ນັກສຶກສາ ແລະ ພະນັກງານຄູ​-​ອາຈານດໍາເນີນການຮຽນ​-​ການສອນໄດ້ ໂດຍໂຮງຮຽນຕ້ອງປະຕິບັດມາດຕະການປ້ອງກັນ ແລະ ຄວບຄຸມການລະບາດຂອງພະຍາດ COVID-19  ຢ່າງເຂັ້ມງວດ ແລະ ໄດ້ຮັບການອະນຸຍາດຈາກຄະນະສະເພາະກິດຂັ້ນແຂວງ, ນະຄອນຫຼວງວຽງຈັນ.

13. ໃຫ້ບັນດາກະຊວງ, ອົງ ການທຽບເທົ່າ, ວິສາຫະກິດຢູ່ນະຄອນຫຼວງວຽງຈັນ ແລະ ບັນ ດາແຂວງ ພິຈາລະນາໃຫ້ພະນັກ ງານ, ລັດຖະກອນ, ກຳມະກອນຂອງຕົນ ມາປະຈຳການປົກກະຕິ ຖ້າເຫັນວ່າ ຫ້ອງເຮັດວຽກຂອງແຕ່ລະການຈັດຕັ້ງສາມາດຮັບ ປະກັນການຮັກສາໄລຍະຫ່າງໄດ້ ຫຼື ຜູ້ທີ່ໄດ້ສັກວັກຊິນຄົບໂດສ, ແຕ່ຖ້າຢູ່ສຳນັກງານ, ​ອົງການໃດບໍ່ສາມາດຮັກສາໄລຍະຫ່າງໄດ້ໃຫ້ຜັດປ່ຽນກັນມາປະຈຳ ການ ຫຼື ເຮັດວຽກຢູ່ເຮືອນຜ່ານລະບົບເອເລັກໂຕນິກສຳລັບຜູ້ຍິງຖືພາທີ່ບໍ່ສາມາດສັກວັກຊິໄດ້ແມ່ນໃຫ້ເຮັດວຽກຢູ່ເຮືອນ

ມາດຕະການຜ່ອນຜັນ:

1. ສືບຕໍ່ອະນຸຍາດໃຫ້ເປີດ ຮ້ານຂາຍຍົກ​-​ຂາຍຍ່ອຍ, ຮ້ານຊຸບເປີມາເກັດ, ຮ້ານມິນິມາກ, ຕະຫຼາດສົດ, ຕະຫຼາດຂາຍອາ ຫານ ໂດຍໃຫ້ປະຕິບັດມາດຕະ ການປ້ອງກັນການຕິດເຊື້ອ ແລະ ແຜ່ເຊື້ອດ້ວຍການວັດແທກອຸນ ຫະພູມ, ຮັກສາໄລຍະຫ່າງ ຢ່າງໜ້ອຍ 1 ແມັດ, ໃສ່ຜ້າອັດປາກ​-​ດັງ, ລ້າງມືດ້ວຍນໍ້າສະອາດໃສ່ສະບູ ຫຼື ເຈລ້າງມື, ມີການຈັດສັນທາງເຂົ້າ​-​ອອກໃຫ້ເປັນລະ ບຽບ ແລະ ໃຫ້ເປີດບໍລິການບໍ່ເກີນເວລາ 20:00 ໂມງຢ່າງເດັດຂາດ.

2. ສືບຕໍ່ອະນຸຍາດໃຫ້ເປີດຮ້ານຕັດຜົມ ແລະ ຮ້ານເສີມສວຍ ຢູ່ນອກເຂດແດງ ໂດຍໃຫ້ບໍລິ ການສະເພາະຕັດແຕ່ງຜົມເທົ່ານັ້ນ, ສ່ວນການບໍລິການອື່ນໆ ແມ່ນຫ້າມເດັດຂາດ ແລະ ບໍ່ໃຫ້ລູກຄ້າແອອັດຢູ່ໃນຮ້ານ. ສຳລັບເຈົ້າຂອງຮ້ານ, ພະນັກງານບໍລິ ການ ແລະ ຜູ້ມາໃຊ້ບໍລິການຕ້ອງໄດ້ຮັບວັກຊິນຄົບໂດສກ່ອນ ແລະ ໃຫ້ປະຕິບັດມາດຕະການປ້ອງກັນການຕິດເຊື້ອ  ແລະ ແຜ່ເຊື້ອຢ່າງເຂັ້ມງວດ. ໃຫ້ເປີດບໍລິ ການບໍ່ເກີນ 19:00 ໂມງຢ່າງເດັດຂາດ.

3. ສືບຕໍ່ອະນຸຍາດໃຫ້ເປີດຮ້ານອາຫານ ແລະ ຮ້ານກາເຟ ຢູ່ເຂດທີ່ບໍ່ມີການລະບາດໃນຊຸມຊົນ ໂດຍອະນຸຍາດໃຫ້ນັ່ງກິນ-​ ດື່ມ ໃນສະຖານທີ່ບໍລິການດັ່ງ ກ່າວໄດ້, ແຕ່ໃຫ້ຈັດບ່ອນນັ່ງໃຫ້ມີໄລຍະຫ່າງ 1 ແມັດ ຂຶ້ນໄປທັງບໍ່ໃຫ້ບໍລິການເຄື່ອງດື່ມທີ່ມີທາດ

ເຫຼົ້າທຸກປະເພດຢ່າງເດັດຂາດ ແລະ ຕ້ອງປະຕິບັດມາດຕະການປ້ອງກັນການຕິດເຊື້ອ ແລະ ແຜເຊື້ອຢ່າງເຂັ້ມງວດ.

4. ສືບຕໍ່ອະນຸຍາດໃຫ້ເປີດໂຮງຈັກໂຮງງານ ເພື່ອດຳເນີນກິດຈະການໄດ້ ໂດຍພະນັກ ງານ, ກໍາມະກອນຕ້ອງໄດ້ຮັບວັກຊິນຄົບໂດກ່ອນ ແລະ ບໍ່ໄດພັກພາອາໄສຢູ່ພື້ນທີ່ທີ່ມີການຕິດເຊື້ອ (ເຂດແດງ). ສຳລັບໂຮງງານໃດທີ່ມີເງື່ອນໄຂກໍໃຫ້ຈັດທີ່ພັກອາໄສກັບທີ່ໃຫ້ແຮງງານຂອງຕົນ  ເພື່ອຫຼຸດຜ່ອນຄວາມສ່ຽງໃນການຕິດເຊື້ອ.

5. ສືບຕໍ່ອະນຸຍາດໃຫ້ຈັດກອປະຊຸມຢູ່ສະຖານທີ່ນອກເຂດແດງ  ແຕ່ຕ້ອງປະຕິບັດຕາມມາດຕະການຂອງຄະນະສະ ເພາະກິດວາງອອກຢ່າງເຂັ້ມງວດ ເປັນຕົ້ນແທກອຸນຫະພູມ, ການຮັກສາໄລຍະຫ່າງຢ່າງໜ້ອຍ 1 ແມັດ, ໃສ່ຜ້າອັດປາກ​-​ດັງ, ລ້າງມືດ້ວຍນໍ້າສະອາດ, ໃສ່ສະ ບູ ຫຼື ເຈລ້າງມື, ໄດ້ຮັບວັກຊິນຄົບໂດສ  ໂດຍບໍ່ກວດຫາເຊື້ອພະ ຍາດ COVID-19. ກໍລະນີການຈັດປະຊຸມຢູ່ຕ່າງແຂວງແມ່ນຕ້ອງ ຂໍອະນຸຍາດຄະນະສະເພາະກິດແຂວງດັ່ງກ່າວລ່ວງໜ້າ.

6. ສືບຕໍ່ອະນຸຍາດໃຫ້ນຳໃຊ້ເຮືອຫາປາ ເພື່ອຫາປາຕາມລຳນໍ້າເຂດຊາຍແດນລະຫວ່າງປະເທດ ໃນໄລຍະເວລາແຕ່ 06:00 ໂມງ ຫາ 18:00 ໂມງ ໂດຍໃຫ້ອົງການປົກຄອງທ້ອງ ຖິ່ນສົມທົບກັບກໍາລັງ ປກຊ-ປກສ ຢູ່ແຕ່ລະພື້ນທີ່ອອກລະ ບຽບການຄຸ້ມຄອງ, ກຳນົດຈຳ ນວນເຮືອຫາປາກ່ອນອອກເຄື່ອນໄຫວ ແຕ່ລະມື້ໂດຍໃຫ້ມີການບັນທຶກການປ່ອຍອອກ ແລະ ບັນທຶກການເຂົ້າມາຈອດ, ພ້ອມນັ້ນ ກໍໃຫ້ຕິດຕາມກວດກາ ການຈັດຕັ້ງປະຕິບັດຢ່າງໃກ້ຊິດ ແລະ ເຂັ້ມງວດ.

7. ສືບຕໍ່ອະນຸຍາດໃຫ້ເດີນ ທາງເຂົ້າ​-​ອອກຢູ່ພາຍໃນທ້ອງ ຖິ່ນທີ່ບໍ່ມີການລະບາດໃນຊຸມຊົນໄດ້ປົກກະຕິ.

8. ສືບຕໍ່ອະນຸຍາດໃຫ້ດຳ ເນີນການຂົນສົ່ງໂດຍສານທາງ ບົກ, ທາງນໍ້າ ແລະ ທາງອາກາດ ລະຫວ່າງ ແຂວງຕໍ່ແຂວງທີ່ບໍ່ມີການລະບາດໃນຊຸມຊົນ ໂດຍບໍ່ໃຫ້ມີການຈຳກັດບໍລິເວນ; ສຳລັບຄົນຕ່າງປະເທດທີ່ເດີນ ທາງເຂົ້າ ສປປ ລາວ ມີຈຸດປະ ສົງເດີນທາງໄປແຂວງອື່ນຕ້ອງແຈ້ງໜັງສືເດີນທາງ, ໃບຢັ້ງຢືນການຈຳກັດບໍລິເວນຄົບ 14 ວັນ ແລະ ໜັງສືອະນຸຍາດຈາກຄະ ນະສະເພາະກິດຂັ້ນສູນກາງໃຫ້ເຈົ້າໜ້າທີ່ກ່ຽວຂ້ອງ ໂດຍບໍ່ໃຫ້ມີການຈຳກັດບໍລິເວນຢູ່ແຂວງປາຍທາງ. ຍົກເວັ້ນຄົນຕ່າງປະ ເທດທີ່ເຮັດວຽກ ຫຼື ໄດ້ດຳລົງຊີວິດຢູ່ ສປປ ລາວ ມາໄລຍະໜຶ່ງແລ້ວແມ່ນໃຫ້ປະຕິບັດຄືກັນກັບພົນລະເມືອງລາວ.

ສຳລັບຜູ້ໂດຍສານ ແລະ ຜູ້ຂັບຂີ່ລົດ ເຂົ້າ​-​ອອກ ແຂວງທີ່ມີການລະບາດໃນຊຸມຊົນ ຕ້ອງແມ່ນຜູ້ທີ່ໄດ້ຮັບວັກຊິນຄົບໂດສ ຍົກເວັ້ນ ເດັກອາຍຸຕໍ່າກວ່າ 18 ປີ ໂດຍບໍ່ຕ້ອງຂໍອະນຸຍາດແຂວງຕົ້ນທາງ ແລະ ປາຍທາງ, ບໍ່ໃຫ້ມີການຈຳກັດບໍລິເວນ, ບໍ່ກວດຫາເຊື້ອພະຍາດ COVID-19 ແລະ ຕ້ອງປະຕິບັດຕາມມາດຕະການທີ່ຄະນະສະເພາະກິດ ວາງອອກຢ່າງເຂັ້ມງວດ ເປັນ ຕົ້ນວັດແທກອຸນຫະພູມການຮັກສາໄລຍະຫ່າງ, ໃສ່ຜ້າອັດປາກ​-​ດັງ, ລ້າງມືດ້ວຍນໍ້າສະ ອາດ, ໃສ່ສະບູ ຫຼື ເຈລ້າງມື. ສະເພາະບາງແຂວງທີ່ພວມມີການລະບາດໃນຊຸມຊົນທັງມີ ແຮງງານລາວກັບຄືນປະເທດ ໃຫ້ອົງການປົກຄອງແຂວງ ອອກມາດຕະການເຂັ້ມງວດຕໍ່ການເດີນທາງໄປ​-​ມາ ພາຍໃນແຂວງ ແລະ ການເຂົ້າ​-​ອອກ ລະຫວ່າງພາຍໃນແຂວງຕົນ ກັບ ແຂວງອື່ນ ໂດຍສອດຄ່ອງກັບມາດຕະການ ທີ່ລັດຖະບານ ວາງອອກ.

9. ສືບຕໍ່ອະນຸຍາດໃຫ້ຜູ້ຂັບລົດ ແລະ ພະນັກງານຂົນສົ່ງສິນ ຄ້າສາມາດສົ່ງສິນຄ້າເຂົ້າ​-​ອອກ ລະຫວ່າງ ແຂວງ ຫາ ແຂວງ ແລະ ນະຄອນຫຼວງວຽງຈັນ ຫາ ແຂວງປາຍທາງໄດ້ ໂດຍບໍ່ຈຳ ເປັນຕ້ອງຄ່ຽນຖ່າຍສິນຄ້າ ໃນ ໄລຍະເດີນທາງຢູ່, ບໍ່ຕ້ອງກວດຫາເຊື້ອພະຍາດ COVID-19 ແລະ ບໍ່ຈຳກັດບໍລິເວນ ຢູ່ແຂວງປາຍທາງ, ແຕ່ຕ້ອງປະຕິບັດມາດຕະການປ້ອງກັນການຕິດ ເຊື້ອ ແລະ ແຜ່ເຊື້ອທີ່ຄະນະສະ ເພາະກິດວາງອອກຢ່າງເຂັ້ມງວດ. ໃຫ້ສືບຕໍ່ດຳເນີນການຂົນ ສົ່ງສິນຄ້າລະຫວ່າງປະເທດ ໂດຍປະຕິບັດຕາມມາດຕະການ ທີ່ລະບຸໄວ້ໃນແຈ້ງການຂອງກະ ຊວງໂຍທາທິການ ແລະ ຂົນສົ່ງ ສະບັບເລກທີ 242/ຍທຂ ລົງວັນທີ 23 ເມສາ 2021 ຢ່າງເຂັ້ມງວດ ແລະ ເປັນເອກະພາບ ພ້ອມດຽວກັນນັ້ນສຳລັບຄົນຂັບລົດສິນຄ້າລະຫວ່າງປະເທດທີ່ຈໍາເປັນຕ້ອງຂັບລົດເຂົ້າມາດິນ ແດນ ສປປ ລາວ ຕ້ອງໄດ້ຮັບວັກຊິນຄົບໂດ.

ສືບຕໍ່ອະນຸຍາດໃຫ້ເປີດການຮຽນ​-​ການສອນ ສຳລັບການສຶກສາກ່ອນໄວຮຽນ, ສາ ມັນສຶກສາ, ອາຊີວະສຶກສາ, ວິ ທະຍາໄລ ແລະ ການສຶກສາ ຊັ້ນສູງຢູ່ສະຖານການສຶກສາທີ່ໄດ້ຮັບອະນຸຍາດຈາກຄະນະສະເພາະກິດຂັ້ນແຂວງ, ນະ ຄອນຫຼວງ ແຕ່ຕ້ອງຈັດຫ້ອງຮຽນແບບຮັກສາໄລຍະຫ່າງ ແລະ ປະຕິບັດບັນດາມາດຕະ ການປ້ອງກັນ ແລະ ຄວບຄຸມ ການແຜ່ລະບາດຂອງພະຍາດ COVID-19 ຢ່າງເຂັ້ມງວດ.

11. ສືບຕໍ່ອະນຸຍາດໃຫ້ເປີດບໍລິການສູນກິລາໃນຮົ່ມ ແລະ ກາງແຈ້ງ ຢູ່ແຂວງທີ່ບໍ່ມີການລະບາດໃນຊຸມຊົນ ຍົກເວັ້ນປະ ເພດກິລາ ທີ່ມີຮ່າງກາຍສຳພັດ. ແຕ່ຕ້ອງແມ່ນສູນກິລາທີ່ໄດ້ຮັບອະນຸຍາດຖືກຕ້ອງຕາມກົດ ໝາຍ ແລະ ລະບຽບການ ກ່ຽວ ຂ້ອງ  ທັງບໍ່ໃຫ້ບໍລິການເຄື່ອງດື່ມທີ່ມີທາດເຫຼົ້າ ແລະ ໃຫ້ປະຕິບັດຕາມມາດຕະການປ້ອງກັນ ແລະ ຄວບຄຸມການແຜ່ເຊື້ອທີ່ຄະນະສະເພາະກິດວາງອອກຢ່າງເຂັ້ມງວດ.

12. ສືບຕໍ່ອະນຸຍາດໃຫ້ເປີດຮ້ານນວດຢູ່ແຂວງ, ນະຄອນ ຫຼວງວຽງຈັນ ທີ່ບໍ່ມີການລະບາດໃນຊຸມຊົນ ໂດຍຜູ້ໃຫ້ບໍລິການ ແລະ ຜູ້ຮັບບໍລິການຕ້ອງໄດ້ຮັບວັກຊິນຢ່າງຄົບຖ້ວນ ທັງໃຫ້ປະ ຕິບັດມາດຕະການປ້ອງກັນການຕິດເຊື້ອ ແລະ ແຜ່ເຊື້ອຢ່າງເຂັ້ມງວດ ແລະ ໃຫ້ເປີດບໍລິການບໍ່ເກີນເວລາ 20:00 ໂມງຢ່າງເດັດຂາດ.

ມາດຕະການຕໍ່ຜູ້ລະເມີດ:

ບຸກຄົນ, ນິຕິບຸກຄົນ ແລະ ການຈັດຕັ້ງທີ່ລະເມີດມາດຕະ ການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການແຜ່ລະ ບາດຂອງພະຍາດ COVID-19 ທີ່ລັດຖະບານ, ຄະນະສະເພາະກິດ, ກະຊວງ​-​ອົງການ ຂັ້ນສູນກາງ, ນະຄອນຫຼວງວຽງຈັນ ແລະ ບັນດາແຂວງ ວາງອອກ ແມ່ນດຳເນີນຕາມກົດໝາຍ ແລະ ລະບຽບການກ່ຽວຂ້ອງ ຕາມແຕ່ກໍລະນີໜັກ ຫຼື ເບົາ.

(ຂ່າວ-ພາບ: ບຸນອູ້ມ)

 


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com