ຫົວ​ຂໍ້ : ເຈົ້າແຂວງບໍລິຄຳໄຊ ເຂົ້າຮ່ວມສະເຫຼີມສະຫຼອງ 2 ວັນປະຫວັດສາດຢູ່ຫວຽດນາມ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 07/02/2020 09:07:28 ຈຳ​ນວນ​ຜູ້​ເຂົ້າ​ຢ້ຽມ​ຊົມ 740 ຄັ້ງ

  ໃນ​ວັນ​ທີ 1 ກຸມພາຜ່ານ​ ມາ ທ່ານ ກອງ​ແກ້ວ ໄຊ​ສົງຄາມ ກໍາ​ມະ​ການ​ສູນ​ກາງ​ພັກ ເລຂາ​ພັກ​ແຂວງ ເຈົ້າແຂວງ​ບໍລິ​ຄໍາ​ໄຊ ພ້ອມ​ຄະນະໄດ້ເດີນທາງ​ໄປ​ຮ່ວມ​ງານ​ສະເຫຼີມສະຫຼອງ​ວັນ​ສ້າງຕັ້ງ​ພັກກອມ​ມູ​ນິດຫວຽດ ນາມ ຄົບຮອບ 90 ປີ (3/2/ 1930 -3/2/2020 ) ແລະ ວັນ​ ສ້າງຕັ້ງ​ຄະນະ​ພັກ​ແຂວງ​ຮ່າ​ຕິ່ງ ຄົບຮອບ 90 ປີ ຢູ່​ແຂວງ​ຮ່າ​ຕິ່ງ ສສ ຫວຽດນາມ ໂດຍ​ໃຫ້​ກຽດ​ເຂົ້າ​ຮ່ວມ ແລະ ປາຖະກະຖາ ຂອງ​ທ່ານ ເລ​ດິ່ງ​ເຊີນ ກໍາ​ມະ​ການສູນ​ກາງ​ພັກ​ກອມມູນິດ​ຫວຽດນາມ ເລຂາ​ພັກ​ແຂວງ  ປະ ທານ​ສະພາ​ປະຊາຊົນ​ແຂວງ​ຮ່າ​ຕິ່ງ, ມີ​ບັນດາ​ການ​ນໍາຂັ້ນ​ສູງ​ຂອງ​ແຂວງ, ພະນັກງານ​ອາ​ວຸ​ໂສ​ບໍາ​ນານ ຕະຫຼອດ​ຮອດ​ພະ ນັກ​ງານ​-​ລັດຖະກອນ ຈາກ​ພະ ແນກການ​ອ້ອມ​ຂ້າງ​ແຂວງ​ເຂົ້າ​ຮ່ວມ.
  ໂອກາດ​ນີ້ ທ່ານ​ໄດ້​ຍົກ​ໃຫ້​ເຫັນ​ເຖິງ​ປະຫວັດ ແລະ ມູນເຊື້ອ​ຄວາມ​ເປັນ​ມາ​ຂອງສອງວັນ​ດັ່ງກ່າວ ຊຶ່ງ​ເປັນ​ການ​ລວມ​ຕົວ​ຂອງ​ສາມ​ການຈັດຕັ້ງ​ກອມ​ມູ​ນິດ​ຄື: ພັກ​ກອມ​ມູ​ນິດ​ອິນດູຈີນ, ພັກ​ກອມ​ມູ​ນິດ​ອານ​ນາມ ແລະ ສະ​ມາ​ພັນ​ກອມ​ມູ​ນິດ​ອິນດູຈີນ ມາ​ໃສ່​ຊື່​ເປັນ​ພັກ​ກອມ​ມູ​ນິດ​ຫວຽດນາມ ໃນ​ວັນ​ທີ 3 ກຸມພາ 1930 ຊຶ່ງ​ໄດ້​ຍ້ອງຍໍ​ສັນລະເສີນ ປະທານ ໂຮ​່​ຈິມິນ ຜູ້​ນໍາ​ທີ່​ຍິ່ງ​ໃຫຍ່ ທີ່​ເປັນ​ຜູ້​ລິ​ເລີ່ມ​ໄປ​ຊອກ​ຫາ​ເສັ້ນທາງ​ປົດ​ປ່ອຍ​ຊາດ ໂດຍ​ໄດ້​ພົບ ແລະ ນໍາ​ໃຊ້​ລັດທິ​ມາກ​ເລ​ນິນ ເປັນ​ທິດ​ເຍືອງ​ທາງ ແລະ ຍ້ອງຍໍ​ສັນລະເສີນບັນດາ​ພະນັກງານ​ປະຕິວັດແຕ່​ລະ​ຮຸ່ນ ທີ່​ໄດ້​ສືບ​ທອດ​ມູນເຊື້ອ​ອັນ​ດີງາມ​ນັ້ນ ຊຶ່ງ​ໄດ້​ນໍາ​ພາ​ການ​ຕໍ່ສູ້​ຈົນ​ໄດ້​ຮັບ​ການ​ປົດ​ປ່ອຍ​ຊາດ ໂຮມ​ຫວຽດນາມ​ເໜືອ ແລະ ຫວຽດນາມ​ໃຕ້​ເຂົ້າ​ເປັນ ສສ ຫວຽດນາມ ທີ່​ມີ​ເອກະລາດ​ໃນ​ປີ 1945 (ວັນຊາດ​ຫວຽດນາມ 2 ກັນຍາ 1945) ການ​ນໍາ​ແຕ່​ຮຸ່ນ​ກ່ອນ​ຈົນ​ເຖິງ​ປັດຈຸບັນ, ພ້ອມ ​ນີ້​ໃນ​ພິທີຍັງ​ໄດ້​ຍົກ​ໃຫ້​ເຫັນມູນ ເຊື້ອ, ການ​ສ້າງຕັ້ງ​ຄະນະພັກ​ຮ່າ​ຕິ່ງ ຊຶ່ງ​ໄດ້​ຮັບ​ການ​ສ້າງຕັ້ງ​ຂຶ້ນ​ພາຍຫຼັງ​ໜຶ່ງ​ເດືອນທີ່​ໄດ້ສ້າງ ຕັ້ງ​ພັກ​ກອມ​ມູ​ນິດ​ຫວຽດນາມ, ພ້ອມ​ທັງ​ຍ້ອງຍໍ​ສັນລະເສີນ ແຂວງຮ່າ​ຕິ່ງ​ທີ່​ເປັນ​ບ້ານ​ເກີດ​ເມືອງ​ນອນ​ຂອງ​ການ​ນໍາ​ຮຸ່ນ​ທໍາ​ອິດ ຂອງ​ສູນ​ກາງ​ພັກ ບໍ່​ວ່າ​ຈະ​ເປັນ ທ່ານ ເຈີ​ນ​ຝູ ອະດີດ​ເລຂາທິການ​ໃຫຍ່​ສູນ​ກາງ​ພັກ​ຜູ້​ທໍາ​ອິດ, ທ່ານ ຮ່າ​ຮຸບ​ເຕີມ ອະດີດ​ເລຂາທິການ​ໃຫຍ່​ສູນ​ກາງ​ພັກ ປີ 1936-1938 ແລະ ຜູ້​ອື່ນໆ. ຈາກ​ນັ້ນ ໃນ​ວັນດຽວ​ກັນ​ນີ້ ທ່ານ ກອງ​ແກ້ວ ໄຊສົງ ຄາມ ພ້ອມ​ຄະນະກໍ​ໄດ້ມອບ ​ໃບ​ກຽດ​ຕິ​ຄຸນ​ຂອງ​ແຂວງ ແລະ  ປະດັບ​ຫຼຽນ​ກາ​ພັດທະນາຂອງ​ ນາຍົກລັດຖະມົນ​ຕີແຫ່ງ​ ສາທາ ລະນະ​ລັດ ປະຊາທິປະໄຕ ປະ ຊາຊົນ​ລາວໃຫ້​ແກ່ 1 ກົມ​ກອງ ແລະ 1 ທ່ານ ຄື: ຄະນະ​ພັກ​-​ຄະນະ​ປົກຄອງ​ແຂວງ​ຮ່າ​ຕິ່ງ ສສ ຫວຽດນາມ ທີ່​ໄດ້​ຊ່ວຍເຫຼືອ​ປຸກ​ສ້າງ​ຫໍສະໝຸດ ຢູ່​ໂຮງຮຽນ ມສ ສີ​ທ່າ​ນາ​ໄຊ ມູນ​ຄ່າ 3 ຕື້ດົງ (ສະ​ກຸນ​ເງິນ​ຫວຽດ​ນາມ) ແລະ ທ່ານ ພັນ​ເອກ ຫວໍ ຈ້ອງ​ ຫາຍ ຄະນະ​ປະ​ຈໍາ​ພັກແຂວງ ຫົວ​ໜ້າ​ຕໍາ​ຫຼວດ​ແຂວງ​ຮ່າ​ຕິ່ງ ທີ່​ໃຫ້ການ​ຊວ່ຍ​ເຫຼືອ​ກໍ່ສ້າງທາງ​ເບ​ຕົງ ເຂົ້າ​ໂຮງຮຽນ ມສ ສີ​ທ່າ​ນາ​ໄຊ ມູນ​ຄ່າ 2 ຕື້​ດົງ (ສະ​ກຸນ​ເງິນ​ຫວຽດ​ນາມ) ແລະ ມອບ​ເງິນ​ຊ່ວຍ ເຫຼືອ​ກໍ່ສ້າງ​ເຮືອນ​ມິດຕະພາບ ໃຫ້​ຄອບຄົວ​ທະຫານ​ອາສາສະ ໝັກ ແລະ ຊ່ຽວ​ຊານ​ຫວຽດນາມ ທີ່​ເສຍສະຫຼະ​ຊີວິດໃນປາງສົງ ຄາມ​ຢູ່​ລາວ ຈໍາ​ນວນ 2 ຄອບ ຄົວ, ຄອບຄົວ​ລະ 5.000 ໂດລາ,  ພ້ອມ​ທັງ​ຮັບ​ເງິນ ​ຊ່ວຍເຫຼືອຈາກ​ ແຂວງ​ຮ່າ​ຕິ່ງ ໃນ​ການ​ກໍ່ສ້າງ ເຮືອນ​ມິດຕະພາບ ໃຫ້​ແກ່​ຄອບ ຄົວ​ທຸກ​ຍາກ​ຢູ່​ແຂວງ​ບໍ​ລິ​ຄໍາ​ໄຊ ຈໍາ​ນວນ​ສາມ​ບໍລິສັດ​ຄື: ຮັບ​ຈາກ​ບໍລິສັດ​ກຸ່ມ​ຮຸ້ນ​ສ່ວນ ບໍລິ ສັດແຮ​ວງ​ເຊິນ 30.000 ໂດ​ລາ, ບໍລິສັດ​ຢາງພາລາ​ຮ່າ​ຕິ່ງ​ຈໍາ​ກັດ​ຜູ້​ດຽວ 250 ລ້ານ​ດົງ, ບໍລິສັດ​ຮຸ້ນ​ສ່ວນ​ກຸ່ມ​ບໍລິສັດ​ຮ່າ​ໝີ​ຮິງ 140 ລ້ານ​ດົງ, ຜົນງານ​ດັ່ງກ່າວ​ເປັນ​ການ​ປະກອບສ່ວນ​ອັນ​ສໍາ​ຄັນເຂົ້າ​ໃນ​ ການ​ເສີມ​ຂະຫຍາຍ​ສາຍພົວພັນ, ຄວາມ​ສາມັກຄີ​ພິເສດ ແລະ ການ​ຮ່ວມ​ມື​ຮອບ ດ້ານ ລະຫວ່າງ​ສອງ​ພັກ-ສອງ​ລັດ ແລະ ປະຊາຊົນ​ສອງ​ຊາດ​ລາວ - ຫວຽດນາມ ໃຫ້​ມີ​ຄວາມ​ໝັ້ນຄົງ​ຖະ ​ນົງ​ແກ່ນ​ຕະຫຼອດ​ໄປ.
(ຂ່າວ: ພູ​ວົງ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110