ຫົວ​ຂໍ້ : ຣັດເຊຍ-ຊາອຸດິດ ອາຣາບີ ສືບຕໍ່ຮ່ວມມືໃນຂອບເຂດ OPEC+

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 07/02/2020 09:13:56 ຈຳ​ນວນ​ຜູ້​ເຂົ້າ​ຢ້ຽມ​ຊົມ 446 ຄັ້ງ

  ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ:, ວັງ​ແກ​ຣມ​ແລງ ໄດ້​ປະກາດ ໃນ​ວັນ​ທີ 3 ກຸມພາ​ຜ່ານ​ມາ​ວ່າ: ທ່ານ ວະ​ລາ​ດີ​ເມຍ ປູ​ຕິນ ປະທານາທິບໍດີ ຣັດ​ເຊຍ ແລະ ກະສັດ ຊາ​ມານ ລາຊະ​ອານາຈັກ ຊາ​ອຸ​ດິດ ອາ​ຣາ​ບີ ໄດ້​ຢັ້ງຢືນ​ວ່າ: ສອງ​ຝ່າຍ​ພ້ອມ​ແລ້ວ​ທີ່​ຈະ​ສືບຕໍ່​ຮ່ວມ​ມື​ໃນ​ຂອບ​ເຂດ​ອົງການ​ບັນດາ​ປະເທດ​ສົ່ງ​ອອກ​ນ້ຳມັນ​ເປີດ​ກວ້າງ (OPEC+) ເພື່ອ​ຮັບປະກັນ​ຄວາມ​ສະຖຽນ​ລະ​ພາບ​ຕະຫຼາດ​ນ້ຳມັນ​ໃນ​ທົ່ວ​ໂລກ. ການ​ນຳ​ສອງ​ທ່ານ ກໍໄດ້​ປຶກສາ​ຫາລື​ກ່ຽວ​ກັບ​ສະພາບ​ການ​ຕະຫຼາດ​ນ້ຳມັນ​ໃນ​ທົ່ວ​ໂລກ.
  ຂ່າວ​ລະບຸ​ວ່າ: ການ​ກະທຳ​ດັ່ງກ່າວ, ໄດ້​ດຳເນີນ​ໃນ​ສະພາບ​ການ​ທີ່​ວ່າ: OPEC ແລະ ບັນດາ​ພັນທະ​ມິດ ພວມ​ຊັ່ງຊາ​ຫຼຸດຜ່ອນ​ປະລິມານ​ນ້ຳມັນ​ຕື່ມ​ອີກ ປະມານ 500.000 ບາ​ເຣນ/ວັນ ຍ້ອນ​ສະພາບ​ການລະບາດພະຍາດ​ອັກເສບ​ປອດ​ຈາກ​ເຊື້ອ​ໄວ​ຣັດ​ໂຄ​ໂຣ​ນາ​ສາຍ​ພັນ​ໃໝ່ ຕໍ່​ກັບ​ຄວາມ​ຕ້ອງການ​ນ້ຳ​ມັນ. ໃນ​ຂະນະ​ດຽວ​ກັນ,  ສຳນັກ​ຂ່າວສານ​ຣອຍ​ເຕີ ໄດ້​ສະເໜີ​ບັນດາ​ແຫຼ່ງ​ຂ່າວ​ວ່າ: OPEC+ ພວມ​ພິຈາລະນາ​ຈັດ​ຕັ້ງ​ກອງ​ປະຊຸມ​ຂັ້ນ​ລັດຖະມົນຕີ​ໃນ​ວັນ​ທີ 14 - 15 ກຸມພາ​ນີ້, ເພື່ອ​ປຶກສາ​ຫາລື​ບັນ​ຫາ​ນໍ້າ​ມັນ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110