ຫົວ​ຂໍ້ : ປູກຜັກປອດສານພິດ ຂາຍເປັນສິນຄ້າ ພາຄອບຄົວພົ້ນທຸກ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 07/02/2020 09:36:19 ຈຳ​ນວນ​ຜູ້​ເຂົ້າ​ຢ້ຽມ​ຊົມ 552 ຄັ້ງ

  ສຳລັບ ຢູ່ ປະເທດ ເຮົາ ການ ປູກ ຝັງ - ລ້ຽງສັດ ຂາຍເປັນ ສິນຄ້າ ແມ່ນ ທາງ ເລືອກ ໜຶ່ງ ທີ່ ມີ ຄວາມ ເໝາະ ສົມ ກັບ ເງື່ອນໄຂ ແລະ ສິ່ງແວດລ້ອມ ຢູ່ ປະເທດ ລາວ ໂດຍ ສະເພາະ ແມ່ນ ປະຊາຊົນ ທີ່ ອາໄສ ຢູ່ ເຂດ ຊານເມືອງ ແລະ ຊົນນະບົດ ສາມາດ ເລືອກ ເອົາ ການ ປູກ ເຂົ້າ ແລະ ປູກ ພືດ ຜັກ ປອດ ສານພິດ ຕ່າງໆ ເປັນ ສິນຄ້າ ເພາະ ຕະຫຼາດ ມີ ຄວາມ ຕ້ອງການ ສູງ ແລະ ໄດ້ຜົນ ກຳໄລ ດີ ສົມຄວນ ສາມາດ ສ້າງ ລາຍ ໄດ້ ເພີ່ມ ແລະ ຖືກຕ້ອງ ສອດຄ່ອງ ຕາມ ແນວທາງ ສົ່ງເສີມ ການ ປູກ ຝັງ - ລ້ຽງສັດ ຂາຍ ເປັນ ສິນຄ້າ ເພື່ອ ແກ້ ໄຂ ຄວາມທຸກ ຍາກ ທີ່ ພັກ - ລັດຖະບານ ວາງ ອອກ.

  ດັ່ງ ຄອບຄົວ ຂອງ ທ່ານ ຊ້ອຍ ຈອມ ເຫຼັກ ອາຍຸ 45 ປີ ປັດຈຸບັນ ຢູ່ ບ້ານ ວຽງ ສາ ເມືອງ ໄຊ ແຂວງ ອຸດົມ ໄຊ, ມີ ສະມາຊິກ ທັງ ໝົດ 5 ຄົນ, ມີແຮງ ງານ ຕົ້ນຕໍ 2 ຄົນ ຊຶ່ງ ແມ່ນ ໜຶ່ງ ໃນ ຄອບຄົວ ທີ່ ມີ ຄວາມ ຕື່ນ ຕົວ ໃນ ການ ທຳ ມາ ຫາ ກິນ ເພື່ອ ແກ້ ໄຂ ຄວາມທຸກ ຍາກ ດ້ວຍ ການ ປູກ ພືດ ຜັກ ປອດ ສານພິດ ຂາຍ ເປັນ ສິນ ຄ້າ. ທ່ານ ໄດ້ ເລົ່າ ໃຫ້ ຟັງ ວ່າ: ເມື່ອ ກ່ອນ ຂ້າພະເຈົ້າ ມີ ອາຊີບ ເຮັດ ໄຮ່ ເຮັດ ນາ ລ້ຽງ ຄອບ ຄົວ ເທົ່າ ນັ້ນ, ສ່ວນ ລາຍ ຮັບ ແມ່ນ ບໍ່ ມີ ຈຶ່ງ ເຮັດ ໃຫ້ ສະພາບ ຄອບຄົວ ທຸກ ຍາກ ຂາດ ເຂີນ, ມາ ຮອດ ປີ 2010 ຕົນ ກໍ ເລີ່ມ ມີ ແນວ ຄິດ ຢາກ ຫັນ ທິດ ມາ ເຮັດ ສວນ ປູກ ພືດ ແບບ ປະສົມ ປະສານ ເລີຍ ໄດ້ ຢືມ ເງິນ ຈາກ ທະນາຄານ ນະໂຍບາຍ ຈຳນວນ 15 ລ້ານ ກີບ ເພື່ອ ມາ ລົງທຶນ ເຮັດ ສວນ ເຮືອນ ຮົ່ມ ໃນ ເນື້ອທີ່ 1.000 ຕາ ແມັດ ໂດຍ ໃຊ້ ເປັນ ເນື້ອທີ່ ໝູນວຽນ ແລະ ຕົນ ກໍ່ ປຸກ ເປັນ ເຮືອນ ຮົ່ມ ຈຳນວນ 5 ຫຼັງ ແລະ ຊື້ ແນວ ພັນ ຜັກ ມາ ປູກ ມີ ຜັກຫອມ ປ້ອມ, ຜັກ ກາດ, ຜັກບົ້ງ, ຜັກບົ່ວ, ໝາກ ເລັ່ນ ແລະ ຜັກ ອື່ນໆ ອີກ. ສຳລັບ ການ ປູກ ຜັກ ປອດ ສານພິດ ນີ້ ແມ່ນ ບໍ່ ມີ ຄວາມ ຫຍຸ້ງຍາກ ເພາະ ມີ ພະນັກງານ ກະສິກຳ ແຂວງ ສົມທົບ ກັບ ເມືອງ ແລະ ວິຊາ ການ ໄດ້ ລົງ ມາ ສອນ ເຕັກນິກ ວິທີ ປູກ, ວິທີ ເຮັດ ຝຸ່ນ ບົ່ມ, ປຸງ ແຕ່ງ ຢາ ຂັບ ໄລ່ ສັດຕູ ພືດ ແລະ ວິທີ ບົວລະບັດ ຮັກສາ ພືດ ຜັກ ຕ່າງໆ. ໃນ ການ ຂາຍ ແມ່ນ ໄດ້ ນຳໄປ ຂາຍ ຢູ່ ຕະຫຼາດ ແລະ ແມ່ ຄ້າ ມາ ຮັບ ຊື້ ຢູ່ ສວນ ໂດຍ ຂາຍ ໃນ ລາຄາ ຜັກ ກາດ ກິໂລ ລະ 7.000 ກີບ, ຜັກຫອມ ປ້ອມ ກິໂລ ລະ 28.000 ກີບ, ຜັກບົ່ວ ກິໂລ ລະ 15.000 ກີບ ແລະ ໝາກ ເລັ່ນ ກິໂລ ລະ 5.000 ກີບ ເມື່ອ ຫັກ ຄ່າ ສິ້ນ ເປືອງ ອອກ ຈະ ເປັນ ເງິນ ກຳໄລ ໄດ້ 30 ລ້ານ ກີບ ຕໍ່ ປີ. ນອກຈາກ ປູກ ຜັກ ແລ້ວ ຍັງ ລ້ຽງ ໝູ, ລ້ຽງ ແບ້, ລ້ຽງ ເປັດ, ລ້ຽງ ໄກ່

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110