Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ກອງປະຊຸມໃຫຍ່ຜູ້ແທນຊາວໜຸ່ມ ກະຊວງ ຖວທ ຄັ້ງທີ VIII

ເຜີຍ​ແຜ່​ໂດຍ​: admin ເວ​ລາ: 07/02/2020 10:08:25 ຈຳ​ນວນ​​ຢ້ຽມ​ຊົມ 1469 ຄັ້ງ

   ກອງ​ປະຊຸມ​ໃຫຍ່​ຜູ້​ແທນ​ຊາວ​ໜຸ່ມ​ກະຊວງ​ຖະແຫຼງ​ຂ່າວ, ວັດທະນະທຳ ແລະ ທ່ອງ​ທ່ຽວ (ຖວທ) ຄັ້ງ​ທີ VIII ໄດ້​ຈັດ​ຂຶ້ນໃນ​ ວັນ​ທີ  6  ກຸມພາ​ນີ້  ທີ່​ຫໍ​ວັດທະ​ນະ​ທຳ​ແຫ່ງ​ຊາດ​ ໂດຍ​ການ​ເຂົ້າ​ຮ່ວມ​ຂອງສະຫາຍ  ບົວ​ເງິນ      ຊາ​ພູ​ວົງ ຮອງ​ລັດຖະມົນຕີ​ກະ  ຊວງ​  ຖວທ,  ສະຫາຍ​  ນາງ ວິລະວອນ  ພັນທະ​ວົງ  ຮອງ ​ເລຂາ​ຄະນະ​ບໍລິຫານ​ງານ​ສູນ ​ກາງ​ຊາວ​ໜຸ່ມ​ ປະຊາຊົນ​ ປະຕິ ວັດ​ລາວ  ພ້ອມ​ດ້ວຍ​ແຂກ​ຖືກ​ເຊີນ  ແລະ  ສະມາຊິກຊາວ​ໜຸ່ມ​​ຈາກ​ກະຊວງ ຖວທ ເຂົ້າ​ຮ່ວມ ເກືອບ 200 ຄົນ.
   ສະຫາຍ  ບົວ​ໄລ  ພານຸວົງ ເລຂາ​ຊາວ​ໜຸ່ມ​ກະຊວງ ຖວທ ໄດ້​ ຂຶ້ນ​ຜ່ານ​ບົດ​ລາຍ​ງານການຈັດ ຕັ້ງ​ປະຕິບັດ​ການເຄື່ອນໄຫວ​ວຽກ​ງານ​ຮອບດ້ານ ໂດຍຍົກ​ໃຫ້​ ເຫັນ​ວ່າ: ພາຍ​ໃຕ້​ການນຳ​ພາ​ ໂດຍ​ກົງ​ຂອງ​ອົງ​ຄະ​ນະພັກ​ກະ​ຊວງ ຖວ​ທ ແລ​ະ ສູນ​ກາງ​ຊາວ​ໜຸ່ມ ປ​ປ ລາວ, ຊາວ​ໜຸ່ມ​ກະ​ຊວງ ຖວທ ສ້າງ​ໄດ້​ຜົນ​ງານ​ເດັ່ນ​ຢ່າງ​ຮອບ ດ້ານ ໃນ​ທຸກ​ຂົງ​ເຂດ​ວຽກ​ງານ​ທີ່ ຕົນ​ຮັບ​ຜິດ​ຊອບ. ປັດ​ຈຸ​ບັນທົ່ວ ກະ​ຊວງ​ມີ 44 ໜ່ວຍ​ຊາວໜຸ່ມ, ມີ​ສະ​ມາ​ຊິກ​ຊາວ​ໜຸ່ມ 1.349 ສະ​ຫາຍ, ຍິງ 622 ສະຫາຍ ທຽບ​ໃສ່​ປີ 2015 ເພ​ີ່ມຂຶ້ນ 121 ສະ​ຫາຍ, ເຍົາ​ວະ​ຊົນ​ມີ 178 ຄົນ, ສະ​ມາ​ຊີກ​ຊາວໜຸ່ມທີ່ເປັນ​ລັດ​ຖະ​ກອນ​ມີ 1.109 ສະຫາຍ.
ສຳລັບ​ຄາດໝາຍ​ສູ້​ຊົນໃນ​ໄລຍະ 5 ປີ​ຕໍ່ໜ້າ​ຄື 2020-2025 ແມ່ນ​ໄລຍະ ​ເພື່ອ​ສືບຕໍ່​ຈັດ​ຕັ້ງ​ຜັນ​ຂະຫຍາຍ​ມະຕິ​ກອງ​ປະຊຸມ​ໃຫຍ່​ ຄັ້ງ​ທີ XI ຂອງ​ສູນ​ກາງ​ພັກ, ມະຕິ​ກອງ​ປະຊຸມ​ໃຫຍ່ ​ຄັ້ງ​ທີ V ຂອງ​ອົງຄະ​ນະ​ພັກ​ກະຊວງ ຖວທ,  ມະຕິ​ຂອງ​ກອງ​ປະຊຸມ​ໃຫຍ່​ຊາວ​ໜຸ່ມ​ທົ່ວ​ປະເທດ ​ຄັ້ງ​ທີ VII, ສະນັ້ນ, ທິດ​ທາງ​ລວມ​ມະຕິ​ຂອງ​ຊາວ​ໜຸ່ມ​​ກະຊວງ ຖວທ ຈະ​ຕ້ອງ​ໄປ​ຕາມ​ການ​ກໍາ​ ນົດ​ທິດ​ທາງ​ລວມ​ຂອງ​ມະຕິ​ກອງ​ປະຊຸມ​ໃຫຍ່ ​ຄັ້ງ​ທີ V ຂອງ​ອົງຄະ​ນະ​ພັກ​ກະຊວງ ຖວທ, ມະຕິຂອງ​ກອງ​ປະຊຸມ​ໃຫຍ່ຊາວໜຸ່ມ​ທົ່ວ​ປະເທດ​ ຄັ້ງ​ທີ VII ເພື່ອ​ໃຫ້​ສອດຄ່ອງ​ກົມກຽວ ແລະ ລົງ​ເລິກ​ທິດ​ທາງ​ລວມ​ແມ່ນ​ແນໃສ່ “ ຍົກ​ລະດັບ​ຄວາມ​ທັນ​ສະໄໝ, ສີວິໄລ ແລະ ຍືນ​ຍົງ ແລະ ເຕົ້າໂຮມຄວາມສາມັກ ຄີຂອງກໍາ​ລັງ​ຊາວ​ໜຸ່ມ​ໃຫ້​ມີ​ຄວາມ​ເຂັ້ມແຂງ,  ໜັກແໜ້ນ​ທາງ​ດ້ານ​ການເມືອງ​ແນວ​ຄິດ​ເປັນ​ກໍາ​ລັງ​ແຮງ​ສໍາ​ຄັນ, ຕົ້ນຕໍ​ໃນ​ການ​ປະຕິບັດ​ໜ້າທີ່​ວຽກ​ງານ; ສູ້​ຊົນ​ປັບປຸງ​ບູລະນະ​ການຈັດຕັ້ງ​ຊາວ​ໜຸ່ມ​ໃຫ້​ມີ​ຄວາມ​ເຂັ້ມແຂງ, ເປັນ​ລະບົບ ແລະ ທັງ​ປັບປຸງ​ແບບແຜນ​ວິທີ​ເຮັດ​ວຽກ​ໃຫ້​ລວມ​ສູນ​ປະຊາທິປະໄຕ​ເປັນ​ໝູ່​ຄະນະ, ກະທັດ​ຮັດ, ວ່ອງ​ໄວ​ທັນ​ສະໄໝ ແລະ ມີ​ຄຸນ​ນະ​ພາບ​ເຂົ້າ​ໃນ​ການ​ບໍລິຫານ​ວຽກ​ງານ​ຊາວ​ໜຸ່ມ​ໃຫ້​ດີ​ຂຶ້ນ, ສູ້​ຊົນ​ຍົກ​ລະດັບ​ຄວາມ​ຮູ້​ຄວາມ​ສາມາດ​ດ້ານ​ວິຊາ​ສະເພາະ ແລະ ດ້ານ​ຕ່າງໆ ເພື່ອ​ຮັບປະກັນ​ໃຫ້​ເປັນ​ພະນັກງານສືບ​ທອດປ່ຽນແທນ ​ທີ່​ໄດ້​ມາດການ​ເງື່ອນໄຂ​ຕາມ​ທັດສະນະ​ຂອງ​ພັກ, ສູ້​ຊົນຈັດ ຕັ້​ງນໍາ​ພາ ແລະ ເຂົ້າ​ຮ່ວມ​ຂະ ບວນ​ການ​ຕ່າງໆ​ຂອງ​ຊາວ​ໜຸ່ມ, ອົງການ​ຈັດ​ຕັ້ງ​ພັກ​-​ລັດ ແລະ ອົງການ​ຈັດ​ຕັ້ງ​ສັງຄົມ​ຕ່າງໆ​ຈັດ​ຕັ້ງ​ຂຶ້ນ​ໃຫ້​ເປັນ​ຂະບວນ​ການ​ຟົດ​ຟື້ນ.
ໃນໂອກາດ​ນີ້​  ສະຫາຍ ບົວ​ເງິນ  ຊາ​ພູ​ວົງ  ໄດ້​ໂອ້​ລົມ​ຕໍ່​ກອງ​ປະຊຸມ  ຊຶ່ງ​ມີ​ເນື້ອ​ໃນ​ບາງ​ຕ້ອນ​ວ່າ: ໃຫ້​ສືບ​ຕໍ່​ເອົາໃຈໃສ່​ດ້ານ​ການເມືອງ​ແນວ​ຄິດ​ເປັນ​ບັນ​ຫາ​ສໍາ​ຄັນ  ໂດຍ​ສະເພາະ​ແມ່ນ​ໃນ​ສະພາບ​ການ​ທີ່​ມີ​ຂໍ້​ຂັດ​ແຍ່ງ​ທາງ​ດ້ານ​ການເມືອງ- ເສດຖະກິດຂອງ​ພາກ​ພື້ນ ແລະ ສາກົນ, ລວມ​ທັງ​ສະພາບການ​ ທີ່​ມີ​ການ​ແກ້ງ​ແຍ່ງ​ແຂ່ງ​ຂັນໃນ​ ສັງຄົມ​ນັບ​ມື້​ນັບ​ສູງ​ຂຶ້ນ​ນັ້ນ, ຊາວ​ໜຸ່ມ​ຍິ່ງ​ຕ້ອງ​ໄດ້​ເພີ່ມ​ທະວີ​ຄວາມ​ເອົາໃຈ​ໃສ່ທາງ​ດ້ານ ການ​ເມືອງ​-​ແນວ​ຄິດໃຫ້​ເປັນ​ເອກະ​ພາບ​ຕໍ່​ກັບ​ແນວທາງ​ນະໂຍບາຍ​ຂອງ​ພັກ​-​ລັດ, ມີ​ຄວາມ​ເຊື່ອ​ໝັ້ນ​ຕໍ່​ການ​ນໍາ​ພາ​ຂອງ​ພັກ​-​ລັດ, ຕ້ອງ​ມີ​ຄວາມ​ສາມັກຄີ​ເປັນ​ເອກະ​ພາບ​ຢ່າງ​ແໜ້ນ​ແຟ້ນ,  ເປັນ​ກ້ອນ​ກໍາ​ລັງ​ອັນ​ແຂງ​ແກ່ນ,  ຕ້ອງ​ຮູ້​ຈໍາ​ແນ​ກ​ມິດ ແລະ ສັດຕູທີ່​ພວກ​ອິດ​ທິ​ກໍາ​ລັງ​ປໍ​ລະ​ປັກ​ສວຍ​ໃຊ້​ບຸກໂຈມຕີ​ດ້ານ​ແນວ​ຄິດ​ຂອງ​ຊາວ​ໜຸ່ມ​ພວກ​ເຮົາ​ດ້ວຍ​ຫຼາຍ​ຊ່ອງ​ທາງ ໂດຍ​ສະເພາະ ໃນ​ປັດຈຸບັນ​ແມ່ນ​ຜ່ານ​ທາງ​ສື່​ແບບ​ໃໝ່​ທາງ​ເຟ​ສ​ບຸກ, ຢູ​ທູບຕ່າງໆ, ໂດຍ​ພວກ​ເຂົາ​ໄດ້​ໂຄສະນາ​ບິດ​ເບືອນ​ແນວທາງ​ນະໂຍບາຍ​ຂອງ​ພັກ-​ລັດ, ໃສ່​ຮ້າຍ​ປ້າຍ​ສີ​ຕ່າງໆ​ນາໆ. ນອກ​ນັ້ນ, ເບື່ອ​ເມົາ​ການ​ຫຼິ້ນ​ກິນ​ຟຸມເຟືອຍ, ບັນຫາ​ສິດທິ​ມະນຸດ, ສາສະໜາ ແລະ ອື່ນໆ.    ເອົາໃຈໃສ່​ຍົກ​ສູງ​ຄວາມ​ຮູ້​ຄວາມ​ສາມາດ, ເອົາໃຈໃສ່ຄົ້ນ ຄວ້າ​ສຶກສາ​ຮໍ່າ​ຮຽນ​ຍົກ​ສູງລະ ດັບ​ຄວາມ​ຮູ້​ຄວາມ​ສາມາດ​ຮອບດ້ານ, ເປັນຕົ້ນ​ແມ່ນດ້ານ​ວິຊາ​ສະເພາະ,  ດ້ານ​ພາສາ ແລະ ເຕັກ​ໂນ​ໂລຊີ​ທີ່​ທັນ​ສະ​ໄໝ.  ຍົກ​ສູງ​ຄວາມ​ຮັບຜິດຊອບ​ຕໍ່​ການຈັດຕັ້ງໄປ​ລາມາ​ຄອບ​ປະຕິບັດ​ລະບຽບ​ລັດຖະກອນ​ໃຫ້​ດີ ແລະ ມີ​ຄວາມ​ຮັບຜິດຊອບ​ຕໍ່ໜ້າ​ທີ່​ວຽກ​ງານ​ທີ່​ການຈັດຕັ້ງ​ຂັ້ນ​ເທິງ​ມອບ​ໝາຍ​ໃຫ້​ຢ່າງ​ມີ​ຫົວຄິດ​ປະດິດ​ສ້າງ, ມີ​ຄວາມ​ຫ້າວຫັນ​ບຸກ​ບືນ​ເຮັດ​ໃຫ້​ສຳເລັດ​ໜ້າທີ່​ຢ່າງ​ມີ​ປະສິດທິພາບ, ໃຫ້​ກາຍເປັນ​ຜູ້​ທີ່​ໄດ້​ຮັບ​ຄວາມ​ໄວ້​ເນື້ອ​ເຊື່ອ​ໃຈ​ຂອງ​ພັກ​-​ລັດ ດັ່ງ​ຄຳ​ຂວັນ​ທີ່​ໄດ້​ກ່າວ​ໄວ້​ວ່າ: ບ່ອນ​ໃດ​ຍາກ​ຊາວ​ໜຸ່ມ​ບຸກ,  ບ່ອນ​ໃດ​ທຸກຊາວ​ໜຸ່ມ​ຜ່ານ​ຜ່າ, ຊາດ​ຕ້ອງການ​ຊາວ​ໜຸ່ມ​ຂານອາສາ, ຢ່າ​ເປັນ​ຊາວ​ໜຸ່ມ​ທີ່​ຂີ້ຄ້ານ,  ຂີ້​ຢ້ານ ແລະ ມັກງ່າຍ​ປະຕິບັດຕາມ ​ປະທານ ​ໄກສອນ​ ພົມວິຫານ​ ໄດ້​ຂະໜານ​ນາມ​ໃຫ້​ແກ່​ຊາວ ໜຸ່ມ​ໄວ້​ວ່າ: ຊາວໜຸ່ມ ​ຈົ່ງເປັນ ​ນົກ​ອິນ​ຊີ​ທີ່​ບໍ່​ຫວັ່ນ​ກົວຕໍ່ພາຍຸ​ລົມແດງ,  ຈົ່ງ​ເປັນ​ສິນ​ໄຊ​ຂອງ​ຍຸກ​ສະໄໝ   ເພື່ອ​ເປັນ​ຜູ້​ສືບ​ທອດ​ພາລະກິດ​ ໃນ​ການ​ປົກ​ປັກ​ຮັກສາ ແລະ ສ້າງສາ​ພັດທະນາ​ປະເທດ​ຊາດ​ໃຫ້​ມີ​ຄວາມ​ຈະ ເລີນ​ກ້າວໜ້າ ​ໃນ​ອະ​ນາ​ຄົດ.
ໃນ​ກອງ​ປະ​ຊຸມ​ຄັ້ງ​ນີ້​ຍັງ​ໄດ້ມີ​ການ​ປ່ອນ​ບັດ​ຄັດ​ເລືອກ​ເອົາຄະ​ນະ​ເລ​ຂາ​ຊາວ​ໜຸ່ມ​ຊຸດ​ໃໝ່  ຊຶ່ງ​ມີ​ຜູ້​ເຂົ້າ​ສະ​ໝັກ​ທັງ​ໝົດ 23 ສະ​ຫາຍ ແລະ ເລືອກ​ເອົາ 17 ສະ​ຫາຍ, ຜົນ​ການ​ຄັດ​ເລືອກ​ຄັ້ງ ນີ້​ໄດ້​ສະ​ຫາຍ  ບົວໄລ  ພານຸວົງ  ເປັນ​ເລ​ຂາ​ຊາວ​ໜຸ່ມກະ​ຊວງ  ຖວ​ທ,  ສະ​ຫາຍ   ວຽງພອນ   ສຸຂະ​ວົງ  ເປັນ​ຮອງ​ເລ​ຂາ   ແລະ  ສະ​ຫາຍ  ລິດທິສັກ  ວໍ​ລະ​ລາດ  ເປັນປະ​ທານກວດກາ.
(ຂ່າວ-ພາບ: ບຸນ​ອູ້ມ)
 


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com