Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ນາຍົກລັດຖະມົນຕີ ແຫ່ງ ສປປ ລາວ ກ່າວປາໄສໃນພາກອະພິປາຍທົ່ວໄປ ຂອງກອງປະຊຸມສະມັດຊາໃຫຍ່ ສປຊ ສະໄໝທີ 76

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 26/09/2021 10:14:39 ຈຳ​ນວນ​​ຢ້ຽມ​ຊົມ 2981 ຄັ້ງ

ໃນຕອນເຊົ້າຂອງວັນທີ 25 ກັນຍາ 2021 ທີ່ສຳນັກງານໃຫຍ່ອົງການ ສປຊ ນະຄອນນິວຢອກ ຊຶ່ງເປັນມື້ທີ 5 ຂອງການດຳເນີນພາກອະພິປາຍທົ່ວໄປຂອງກອງປະຊຸມສະມັດຊາໃຫຍ່ ສປຊ ສະໄໝທີ 76, ທ່ານ ພັນຄຳ ວິພາວັນ ນາຍົກລັດຖະມົນຕີ ແຫ່ງ ສປປ ລາວ ໄດ້ກ່າວບົດປາໄສໂດຍຜ່ານການບັນທຶກວິດີໂອ ໂດຍສະແດງຄວາມຊົມເຊີຍຕໍ່ ທ່ານ ອັບດູລາ ຊາຮິດ (Abdulla Shahid) ທີ່ໄດ້ຮັບເລືອກຕັ້ງເປັນປະທານກອງປະຊຸມສະມັດຊາໃຫຍ່ ສປຊ ສະໄໝທີ 76 ແລະ ທ່ານ ໂວລກັນ ໂບສເກຍ (Volkan Bozkir) ທີ່ໄດ້ປະຕິບັດໜ້າທີ່ເປັນປະທານກອງປະຊຸມສະມັດຊາໃຫຍ່ ສປຊ ສະ     ໄໝທີ 75 ດ້ວຍຜົນສໍາເລັດອັນຈົບງາມ. ທ່ານນາຍົກລັດຖະມົນຕີໄດ້ຍົກໃຫ້ເຫັນເຖິງຜົນກະທົບຈາກການແຜ່ລະບາດຂອງພະຍາດໂຄວິດ-19 ຕະຫຼອດໄລຍະ 2 ປີທີ່ຜ່ານມາ ພ້ອມທັງຖືໂອກາດນີ້, ຕາງໜ້າໃຫ້ລັດຖະບານ ແລະ ປະຊາຊົນລາວ ສະແດງຄວາມຮູ້ບຸນຄຸນ ແລະ ຂອບໃຈຢ່າງຈິງໃຈມາຍັງວົງຄະນະຍາດສາກົນ, ບັນດາປະເທດເພື່ອນມິດ ລວມທັງອົງການຈັດຕັ້ງສາກົນທີ່ໄດ້ໃຫ້ການຊ່ວຍເຫຼືອ ສປປ ລາວ ໃນແຕ່ລະດ້ານເພື່ອການສະກັດກັ້ນ ແລະ ຄວບຄຸມການລະບາດພະຍາດໂຄວິດ-19 ຢູ່ ສປປ ລາວ ແລະ ໄດ້ຮຽກຮ້ອງໃຫ້ວົງຄະນາຍາດສາກົນ, ລວມທັງບັນດາປະເທດທີ່ມີຄວາມກ້າວໜ້າທາງດ້ານວິທະຍາສາດການແພດ, ນັກຄົ້ນຄວ້ານັກວິທະຍາສາດໃນທົ່ວໂລກເພີ່ມທະວີການສຶກສາຄົ້ນຄວ້າເພື່ອວາງມາດຕະການຕອບໂຕ້ຮ່ວມກັນ ເປັນຕົ້ນແມ່ນການຄົ້ນຄວ້າພັດທະນາ ແລະ ຜະລິດຢາວັກຊິນ, ຢາປິ່ນປົວ, ສືບຕໍ່ເພີ່ມທະວີການຮ່ວມມື ແລະ ຊ່ວຍເຫຼືອຊຶ່ງກັນ ແລະ ກັນ ເພື່ອເອົາຊະນະກັບວິກິດການດ້ານສຸຂະພາບດັ່ງກ່າວ. ພະຍາດໂຄວິດ-19 ໄດ້ທໍາລາຍລະບົບຕ່ອງໂສ້ເສດຖະກິດໂລກ, ເຮັດໃຫ້ທຸກປະເທດໃນໂລກປະເຊີນກັບເສດຖະກິດທີ່ຖົດຖອຍ ແລະ ຢຸດສະງັກ ຊຶ່ງໄດ້ສ້າງຜົນກະທົບໂດຍກົງຕໍ່ການພັດທະນາເສດຖະກິດ-ສັງຄົມຂອງທຸກປະເທດ, ໂດຍສະເພາະແມ່ນປະເທດກຳລັງພັດທະນາ ແລະ ດ້ອຍພັດທະນາ ລວມທັງ ສປປ ລາວ ແມ່ນໄດ້ຮັບຜົນກະທົບຫຼາຍກວ່າໝູ່ ໃນການບັນລຸເປົ້າ​ໝາຍການພັດທະນາແບບຍືນຍົງ ພ້ອມທັງຮຽກຮ້ອງໃຫ້ວົງຄະນະຍາດສາກົນ ໂດຍສະເພາະປະເທດພັດທະນາແລ້ວ ຈົ່ງໄດ້ໃຫ້ຄວາມສຳຄັນ ແລະ ຄວາມເອົາໃຈໃສ່ໃນການເພີ່ມທະວີການຊ່ວຍເຫຼືອໃຫ້ແກ່ປະເທດກຳລັງພັດທະນາ ແລະ ປະເທດດ້ອຍພັດທະນາໃຫ້ສາມາດແກ້ໄຂຜົນກະທົບຈາກການແຜ່ລະບາດຈາກພະຍາດໂຄວິດ-19 ນີ້.

ໃນຊຸມປີຜ່ານມາ ລັດຖະບານລາວ ຈະໄດ້ເອົາໃຈໃສ່ ແລະ ວາງມາດຕະການທັງໄລຍະສັ້ນ ແລະ ໄລຍະຍາວ, ເປັນຕົ້ນແມ່ນການເຊື່ອມສານເປົ້າໝາຍການພັດທະນາແບບຍືນຍົງເຂົ້າໃນແຜນພັດທະນາເສດຖະກິດ-ສັງຄົມ 5 ປີ ກໍຄືຍຸດທະສາດການພັດທະນາ 2025 ແລະ ວິໄສທັດ 2030, ຕັ້ງໜ້າປະຕິບັດໃຫ້ໄດ້ແຜນພັດທະນາເສດຖະກິດ-ສັງຄົມ 5 ປີຄັ້ງທີ 9 (2021-2025) ທີ່ ສະພາແຫ່ງຊາດລາວ ໄດ້ຮັບຮອງໃນຕົ້ນປີນີ້, ການຈັດຕັ້ງປະຕິບັດແຜນດໍາເນີນງານອິສຕັນບູນ ວ່າດ້ວຍປະເທດດ້ອຍພັດທະນາ ໂດຍມີເປົ້າໝາຍສູ້ຊົນໃຫ້ ສປປ ລາວ ສາມາດຫຼຸດພົ້ນອອກຈາກສະຖານະພາບດ້ອຍພັດທະນາຢ່າງມີຄວາມຍືນຍົງ. ຈາກການປະເມີນຂອງອົງການ ສປຊ, ເຖິງແມ່ນວ່າ ສປປ ລາວ ສາມາດປະຕິບັດໄດ້ 3 ເງື່ອນໄຂໃນການສາມາດຫຼຸດພົ້ນອອກຈາກສະຖານະພາບດ້ອຍພັດທະນາໄດ້ພາຍຫຼັງການທົບທວນຄັ້ງທີ2 ໃນເດືອນກຸມພາ 2021ທີ່ຜ່ານມານີ້ແລ້ວກໍ່ຕາມ, ແຕ່ເຫັນວ່າ ສປປ ລາວ ອາດຈະບໍ່ສາມາດຮັກສາໄວ້ລະດັບມາດຖານຂອງທັງ 3 ເງື່ອນໄຂທີ່ກໍານົດໄວ້ນັ້ນໄດ້ ເນື່ອງຈາກຍັງສືບຕໍ່ໄດ້ຮັບຜົນກະທົບຮອບດ້ານຈາກການແຜ່ລະບາດຂອງພະຍາດໂຄວິດ-19.

ສປປ ລາວ ໄດ້​ເຂົ້າ​ຮ່ວມ ແລະ ປະກອບສ່ວນຢ່າງຕັ້ງຫນ້າ ແລະ ມີຄວາມຮັບຜິດຊອບສູງໃນຂອບການຮ່ວມມືພາກພື້ນ, ໂດຍສະເພາະໃນ​ອາຊຽນ ຊຶ່ງຖືເອົາການປົກປັກຮັກສາ ແລະ ສົ່ງເສີມສັນຕິພາບ ແລະ ສະຖຽນລະພາບຂອງພາກພື້ນ ແລະ ການສ້າງສະພາບແວດລ້ອມທີ່ເອື້ອອໍານວຍໃຫ້ແກ່ການຮ່ວມມືເພື່ອການພັດທະນາຂອງບັນດາປະເທດສະມາຊິກເປັນບຸລິມະສິດ. ນອກນີ້, ສປປ ລາວ ໄດ້ສືບຕໍ່ສ້າງພື້ນຖານໂຄງລ່າງທາງດ້ານເສດຖະກິດ ເພື່ອຮອງຮັບການເຊື່ອມໂຍງເສດຖະກິດ​ເຂົ້າ​ກັບພາກພື້ນ ​ແລະ ອະນຸ​ພາກ​ພື້ນ ໃຫ້ມີປະສິດທິຜົນຂຶ້ນກວ່າເກົ່າໂດຍຜ່ານຂອບການຮ່ວມມືຕ່າງໆ, ອັນສໍາຄັນອັນໜຶ່ງ ແມ່ນການກະກຽມເປີດການນໍາໃຊ້ເສັ້ນທາງລົດໄຟຄວາມໄວສູງ ເຊື່ອມຕໍ່ ລະຫວ່າງ ສປປ ລາວ ແລະ ສປ ຈີນ ໃນທ້າຍປີ 2021 ນີ້ ຊຶ່ງຈະເປັນເສັ້ນທາງລົດໄຟສາຍທຳອິດຂອງ ສປປ ລາວ ແລະ ຈະເປັນການເປີດສັງກາດໃໝ່ພາຍໃຕ້ວິໄສທັດການສ້າງປະເທດຈາກບໍ່ມີຊາຍແດນຕິດທະເລ ໃຫ້ກາຍເປັນປະເທດເຊື່ອມຈອດ ເພື່ອການສົ່ງເສີມການພົວພັນດ້ານການຄ້າ, ການລົງທຶນ, ການທ່ອງທ່ຽວ ແລະ ໄປມາ ຫາສູ່ ລະຫວ່າງປະຊາຊົນ ຢູ່ໃນພາກພື້ນໃຫ້ມີຄວາມສະດວກວ່ອງໄວຂຶ້ນກວ່າເກົ່າ.

ສປປ ລາວ ໄດ້ສືບຕໍ່ຢຶດໝັ້ນໃນແນວທາງການຕ່າງປະເທດ ສັນຕິພາບ ເອກະລາດ ມິດຕະພາບ ແລະ ການຮ່ວມມື ກໍຄືຫຼັກການແກ້ໄຂບັນຫາດ້ວຍສັນຕິວິທີ ແລະ ບໍ່ແຊກແຊງກິດຈະການພາຍໃນຊຶ່ງກັນ ແລະ ກັນ ພ້ອມທັງເຫັນວ່າການໂດດດ່ຽວ, ການປະເຊີນໜ້າ ແລະ ນໍາໃຊ້ມາດຕະການຂວໍ້າບາດຝ່າຍດຽວຕໍ່ປະເທດໃດໜຶ່ງ ຍິ່ງຈະບໍ່ນໍາຜົນປະໂຫຍດໃດໆ ມາສູ່ປະເທດທີ່ກ່ຽວຂ້ອງ ກໍຄືວົງຄະນະຍາດສາກົນໂດຍລວມ. ນອກນີ້, ຍັງໄດ້ຍົກໃຫ້ເຫັນບັນຫາຂໍ້ຂັດແຍ່ງຢູ່ພາກພື້ນຕາເວັນອອກກາງທີ່ແກ່ຍາວມາຫຼາຍທົດສະວັດ ແລະ ໄດ້ຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງ ພະຍາຍາມຫັນໜ້າເຂົ້າຫາກັນ ເພື່ອປຶກສາຫາລື ແລະ ສ້າງຄວາມໄວ້ເນື້ອເຊື່ອໃຈກັນ ໃນການແກ້ໄຂບັນຫາດັ່ງກ່າວ ໂດຍສັນຕິວິທີ. ເພື່ອຮ່ວມກັນແກ້ໄຂວິກິດການດ້ານດິນຟ້າອາກາດ, ສປປ ລາວ ຮຽກຮ້ອງມາຍັງທຸກປະເທດໃນໂລກຈົ່ງເພີ່ມທະວີການຈັດຕັ້ງປະຕິບັດ ບັນດາພັນທະ ແລະ ເປົ້າໝາຍຂອງສັນຍາປາຣີ ໃຫ້ປະກົດຜົນເປັນຈິງ ແນໃສ່ສະກັດກັ້ນ ແລະ ຫຼຸດຜ່ອນການເກີດໄພພິບັດທໍາມະຊາດທີ່ຮ້າຍແຮງ ແລະ ສ້າງຜົນກະທົບທີ່ໜັກໜ່ວງຕໍ່ໂລກຂອງພວກເຮົາໃນປັດຈຸບັນ. ສປປ ລາວ ໄດ້ໃຫ້ຄວາມສໍາຄັນຕໍ່ບັນຫາດັ່ງກ່າວ ໂດຍໄດ້ຜັນຂະຫຍາຍເອົາບັນດາເປົ້າໝາຍຂອງ ສັນຍາປາຣີ ເຂົ້າໃນແຜນພັດທະນາເສດຖະກິດ-ສັງຄົມ ແຫ່ງຊາດ ແລະ ຍຸດທະສາດແຫ່ງຊາດວ່າດ້ວຍການເຕີບໂຕສີຂຽວ. ພ້ອມດຽວກັນນັ້ນ, ລັດຖະບານລາວ ຍັງໄດ້ສະເໜີແຜນງານແຫ່ງຊາດກ່ຽວກັບການປະກອບສ່ວນແກ້ໄຂບັນຫາການປ່ຽນແປງດິນຟ້າອາກາດ (NDC) ໃຫ້ອົງການສະຫະປະຊາຊາດ ຊຶ່ງໄດ້ວາງຄາດໝາຍຫຼຸດຜ່ອນປະລິມານການປ່ອຍທາດອາດພິດເຮືອນແກ້ວໃຫ້ໄດ້ເຖິງ 60 % ພາຍໃນ ປີ 2030.

ໃນຕອນທ້າຍ, ທ່ານນາຍົກລັດຖະມົນຕີໄດ້ແຈ້ງຕໍ່ທີ່ປະຊຸມວ່າ ສປປ ລາວ ພວມສະໝັກເປັນສະມາຊິກຂອງສະພາເສດຖະກິດ-ສັງຄົມ ສປຊ ສຳລັບສົກປີ 2023-2025 ຊຶ່ງສະແດງໃຫ້ເຫັນເຖິງຄວາມຕັດສິນໃຈສູງ ແລະ ຄວາມພ້ອມ ຂອງ ສປປ ລາວ ໃນການປະກອບສ່ວນຢ່າງຕັ້ງໜ້າ ແລະ ຫ້າວຫັນ ເຂົ້າໃນພາລະກິດອັນມີກຽດຂອງອົງການ ສປຊ ແລະ ຫວັງຢ່າງຍິ່ງວ່າ ຈະໄດ້ຮັບການສະໜັບສະໜູນຈາກບັນດາປະເທດສະມາຊິກ ສປຊ. ໃນມື້ທີ 5 ຂອງກອງປະຊຸມໄດ້ມີບັນດາຜູ້ນໍາຂັ້ນຫົວໜ້າລັດຖະບານ ແລະ ລັດຖະມົນຕີຂອງ 26 ປະເທດ ຜັດປ່ຽນກັນຂຶ້ນກ່າວບົດປາໄສ ໃນຮູບແບບມາຮ່ວມດ້ວຍຕົນເອງ ແລະ ຜ່ານການບັນທຶກວິດີໂອ. ພາກອະພິປາຍທົ່ວໄປຂອງກອງປະຊຸມສະມັດຊາໃຫຍ່ ສປຊ ນີ້ຍັງຈະດຳເນີນໄປເຖິງ ວັນທີ 27 ກັນຍາ 2021.

ຂ່າ​ວ-ພາບ: ກະ​ຊວງ​ການ​ຕ່າງ​ປະ​ເທດ


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com