ຫົວ​ຂໍ້ : JDB ສະຫຼອງວັນສ້າງຕັ້ງ ຄົບຮອບ 30 ປີ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 11/02/2020 09:02:09 ຈຳ​ນວນ​ຜູ້​ເຂົ້າ​ຢ້ຽມ​ຊົມ 272 ຄັ້ງ

   ທະນາຄານ​ຮ່ວມ​ພັດທະ ນາ(JDB) ໄດ້​ຈັດ​ງານ​ລ້ຽງ​ສະ ເຫຼີມສະຫຼອງວັນ​ສ້າງຕັ້ງ​ຄົບ ຮອບ 30 ປີ (1989-2019), ຂຶ້ນ​ໃນ​​ວັນ​ທີ 7 ກຸມພາຜ່ານ​ມາ ທີ່​ໂຮງແຮມແລນ​ມາກ ແມ່​ຂອງ ໂດຍ​ເປັນ​ກຽດເຂົ້າ​ຮ່ວມ​ຂອງ​ທ່ານ ສົມ​ດີ ດວງ​ດີ ຮອງ​ນາຍົກລັດຖະມົນຕີ ລັດ ຖະມົນຕີ​ກະຊວງ​ການ​ເງິນ, ແຂກ​ຖືກ​ເຊີນ, ນັກທຸລະກິດ ແລະ ລູກ​ຄ້າ​ເຂົ້າຮ່ວມ.
ຈຸດປະສົງ​ເພື່ອ​ເປັນ​ການ​ສະເຫຼີມສະຫຼອງ ວັນ​ສ້າງຕັ້ງ​ທະນາຄານ​ຮ່ວມ​ພັດທະນາ​ຄົບຮອບ 30 ປີ (1989-2019) ສະຫຼຸບ​ຜົນ​ປະກອບ​ການດໍາ​ເນີນ​ດໍາ​​ທຸລະ​ກິດ​ປະ​ຈໍາ​ປີ 2019 ແລະ ທິດ​ທາງ​ແຜນການ ປະ​ຈໍາ​ສົກ​ປີ 2020, ຍ້ອງຍໍ​ຊົມ  ເຊີຍ​ພະນັກງານ​ຜູ້​ທີ່​ມີ​ຜົນງານ​ດີເດັ່ນໃນ​ການ​ປະກອບສ່ວນ​ເຂົ້າ​ວຽກ​ງານ ແລະ ປັບປຸງ​ການຈັດຕັ້ງຂອງ​ທະນາຄານ​ຮ່ວມ​ພັດທະນາໃຫ້​ມີ​ກຳລັງ​ໃຈ ແລະ ຕັ້ງໜ້າ​ປະຕິບັດ​ວຽກ​ງານ​ໃຫ້​ດີກ​ວ່າ​ເກົ່າ.
ໃນ​​ວັນ​ດຽວ​ກັນ​ນີ້, ກໍ່​ໄດ້​ຈັດ​ພິທີ​ສະຫຼຸບ​ຜົນງານ, ຍ້ອງຍໍ​ຜູ້​ທີ່​ມີ​ຜົນງານ​ດີເດັ່ນປີ 2019 ແລະ ວາງ​ແຜນການ ປີ 2020 ທີ່ໂຮງແຮມແລນ​ມາກ ແມ່​ຂອງ ໂດຍ​ການ​ເປັນ​ປະທານ​ຂອງ​ທ່ານ ເອກະ​ພັນ ພະ​ພິທັກ ປະທານ​ສະພາ​ຜູ້​ບໍລິຫານ ທະນາຄານ​ຮ່ວມ​ພັດທະນາ, ເປັນ​ກຽດ​ເຂົ້າ​ຮ່ວມ​ມີ​ທ່ານ ສອນ​ໄຊ ສິດ​ພະ​ໄຊ ຜູ້​ວ່າການ​ທະນາຄານ​ແຫ່ງ ສປປ​ ລາວ. 
ໃນ​ປີ 2019 ຖື​ວ່າ​ເປັນ​ປີທີ່​ມີ​ຜົນງານ​ພົ້ນ​ເດັ່ນ​ຫຼາຍ​ດ້ານ ແລະ ກໍເປັນ​ປີ ທີ່​ມີ​ຄວາມ​ໝາຍ​ສໍາ​ຄັນ ທະນາຄານ​ຮ່ວມ​ພັດທະນາ  ຄົບຮອບ 30 ປີ  ໃນ​ປີ 2019 ແມ່ນ​ມີ​ຜົນ​ກໍາ​ໄລ ຢ່າງ​ໜ້າ​ເພິ່ງ​ພໍໃຈ ປັດຈຸ​ບັນ​ທະນາຄານ​ຮ່ວມ​ພັດທະນາມີ​ໜ່ວຍ​ບໍລິການ ທີ່​ເປີດ​ບໍລິການ​ທັງ​ໝົດ 60 ໜ່ວຍ​ບໍລິການ. ໃນ​ຂອບ​ເຂດ​ທົ່ວ​ປະເທດ, ອອກ​ຜະລິດ​ຕະ​ພັນ​ໃໝ່ ເພື່ອ​ສະໜອງ​ລູກ​ຄ້າໃຫ້​ໄດ້​ຊົມໃຊ້​ຜະລິດ​ຕະ​ພັນ​ຂອງ​ຕົນຢ່າງ​ຫຼວງຫຼາຍ ແລະ ໄດ້​ຮັບ​ຄວາມ​ປະທັບ​ໃຈ ເຊັ່ນ: ສິນ​ເຊື່ອ​ເພື່ອ​ພະນັກງານ-​ລັດຖະກອນ,  ສິນ​ເຊື່ອ​ເພື່ອ​ການ​ສຶກສາ, ສິນ​ເຊື່ອ​ຫັນ​ຊັບ​ເປັນ​ທຶນ, ສິນ​ເຊື່ອ​ຊຸກຍູ້​ສົ່ງເສີມ SME ແລະ ທຸລະ​ກິດ​ລາຍ​ໃຫຍ່.
ສໍາ​ເລັດ​ອອກ​ຜະລິດຕະ​ພັນ ເຮັດ​ທຸ​ລະ​ກໍາ​ທາງ​ການ​ເງິນ​ຜ່ານ​ມື​ຖື (Mobile Banking ) ຫຼື ເວົ້າ​ຫຍໍ້​ວ່າ: JDB Yes ແລະ Yes pay (QR Code) ອອກ​ຜະລິດ​ຕະ​ພັນ​ໃໝ່​ເຊັ່ນ: ອອກ​ບັດ ATM UnionPay ບັດ VISA Debit , ບັດ Credit  ແລະ ອື່ນໆ, ເພື່ອ​ພັດທະນາ​ໃຫ້​ເປັນ Digital Banking ເທື່ອ​ລະ​ກ້າວ. ໄດ້​ເຂົ້າ​ຮ່ວມ​ຫຼາຍ​ໂຄງການ​ກັບ​ທະນາຄານ​ອື່ນ​ເຊັ່ນ: ການ​ຊໍາ​ລະ​ພາສີ​ທີ່​ດິນ, ເສຍ​ຄ່າ​ທາງ​ລົດ​ປະ​ຈໍາ​ປີ ແລະ ອື່ນໆ, ພ້ອມ​ກັນ​ນັ້ນ​ກໍເປັນ​ການ​ປະກອບສ່ວນ ແກ້​ໄຂ​ຊີວິດ​ການ​ເປັນ​ຢູ່ ຂອງ​ພະນັກ​ງານ​-​ລັດຖະກອນ ໃຫ້​ດີ​ຂຶ້ນ ໂດຍ​ການ​ຕອບ​ສະໜອງ​ສິນ​ເຊື່ອ​ພະນັກງານ​ໂດຍ​ບໍ່​ມີ​ຫຼັກ​ຊັບ​ຄໍ້າ​ປະກັນ​ໃຫ້​ແກ່​ພະນັກ​ງານ​-​ລັດຖະກອນ ທີ່​ເບີກ​ຈ່າຍ ​ຈ່າຍ​ເງິນເດືອນ​ຜ່ານທະນາຄານ JDB  ແລະ ການ​ຄ້າ​ຕ່າງປະເທດ​ລາວ ມະ ຫາ​ຊົນ. ນອກຈາກ​ນັ້ນ​ຍັງ​ໄດ້ ປ່ອຍ​ສິນ​ເຊື່ອເຂົ້າ​ໃນ​ການ​ສ້າງ ສາ​ເສດ​ຖະ​ກິດ​-​ສັງຄົມ ​ກໍຄື​ການກໍ່ສ້າງໂຄງ​ລ່າງ​ພື້ນຖານ ເຊັ່ນ: ໂຄງການ​ທາງ​ດ່ວນ ບຶງ​ທາດຫຼວງ ຫາ ດົງ​ໝາກຄາຍ ແລະ ໂຄງການ​ຕາມ​ເສັ້ນທາງ​ລົດໄຟ​ລາວ​-​ຈີນ ໂຄງການ​ອື່ນໆ ຂອງ​ລັດຖະບານ​ລາວ.
ໃນ​ໄລຍະ​ຜ່ານ​ມາ, JDB ໄດ້​ສ້າງ​ຂະບວນ​ການ ບໍລິຈາກ​ເລືອດ ເພື່ອ​ກອບ​ກູ້​ຊີວິດ ຜູ້​ທີ່​ຂາດ​ເລືອດ​ໃນ​ໂຮງໝໍ​ຕ່າງໆ ໃນ​ລາວ ຊຶ່ງ​ມີ​ຜູ້​ສະໝັກ​ໃຈ ບໍລິຈາກ​ເລືອດ 50 ກວ່າ​ຄົນ ເພື່ອ​ປະ ກອບສ່ວນ​ຊ່ວຍເຫຼືອ​ສັງຄົມ​ໂດຍ​ບໍ່​ຫວັງ​ຜົນ​ຕອບ​ແທນໃນ ​ໂອກາດ​ສະເຫຼີມສະຫຼອງຄົບ ຮອບ 30 ປີ ຂອງ​ທະນາຄານ​ຮ່ວມ​ພັດທະນາ ແລະ ແຜນການ​ປີ 2020 JDB ຈະ​ຕ້ອງ​ໄດ້ສູ້ຊົນ ອອກແຮງສ້າງ​ຜົນ​ກໍາ​ໄລ ໃຫ້​ບັນລຸ​ເປົ້າໝາຍ​ທີ່​ວາງ​ໄວ້ ເພື່ອ​ ປະກອບສ່ວນໃນ​ການ​ສ້າງສາ​ພັດທະນາ​ປະເທດຊາດ​ໃຫ້​ມີ​ຄວາມ​ຈະເລີນ​ຮຸ່ງເຮືອງໄປ​ຕາມ​ຄໍາ​ຂວັນ​ຂອງທະນາຄານ​ຮ່ວມ​ພັດທະນາ​ທີ່ວ່າ  “ເຕີບ​ໃຫຍ່​ໄປ​ພ້ອມ​ກັນ”.    
(ຂ່າວ​-​ພາບ: ສື່ສານ​ມວນ​ຊົນ JDB)                                                                        

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110