Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ສປປ ລາວ ເຂົ້າຮ່ວມກອງປະຊຸມລັດຖະມົນຕີສະພາປະຊາຄົມວັດທະນະທໍາ-ສັງຄົມອາຊຽນ ຄັ້ງທີ 26 ແລະ ກອງປະຊຸມປິ່ນອ້ອມ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 29/09/2021 13:46:56 ຈຳ​ນວນ​​ຢ້ຽມ​ຊົມ 4735 ຄັ້ງ

ຂປລ. ໃນວັນທີ 29 ກັນຍາ 2021 ທີ່ນະຄອນຫລວງວຽງຈັນ ທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ໄດ້ນຳພາຄະນະຜູ້ແທນລາວ ພ້ອມດ້ວຍເຈົ້າໜ້າທີ່ອາວຸໂສປະຊາຄົມວັດທະນະທໍາ-ສັງຄົມອາຊຽນ ສປປ ລາວ ເຂົ້າຮ່ວມກອງປະຊຸມທາງໄກລັດຖະມົນຕີສະພາປະຊາຄົມວັດທະນະທໍາ-ສັງຄົມອາຊຽນ 26 ແລະ ກອງປະຊຸມປິ່ນອ້ອມ ພາຍໃຕ້ຄໍາຂວັນລວມໃນການເປັນປະທານອາຊຽນຂອງ ປະເທດບຣູໄນ ດາລູຊາລາມ ປີ 2021: ພວກເຮົາຫ່ວງ​ໃຍ, ພວກເຮົາກຽມພ້ອມ, ພວກເຮົາພ້ອມກັນຈະເລີນຮຸ່ງເຮືອງ (We Care, We Prepare, We Prosper) ໂດຍມີບັນດາທ່ານລັດຖະມົນຕີ, ຮອງລັດຖະມົນຕີ, ເຈົ້າຫນ້າທີ່ອາວຸໂສ ແລະ ບັນດາຜູ້ແທນຈາກກະຊວງຮັບຜິດຊອບປະຊາຄົມວັດທະນະທໍາ-ສັງຄົມອາຊຽນຂອງບັນດາປະເທດສະມາຊິກອາຊຽນ ລວມທັງທ່ານເລຂາທິການໃຫຍ່ອາຊຽນ ແລະ ຮອງເລຂາທິການໃຫຍ່ອາຊຽນ ພ້ອມດ້ວຍຄະນະ ກໍ່ໄດ້ເຂົ້າຮ່ວມ.

ກອງປະຊຸມດັ່ງກ່າວ, ພາຍໃຕ້ການເປັນປະທານຂອງ ທ່ານ ດາໂຕະ ເສຣິ ພາດູກາ ຮາຈິ ອາບິດິນ ລັດຖະມົນຕີ ກະຊວງວັດທະນະທໍາ, ຊາວຫນຸ່ມ ແລະ ກິລາ ແຫ່ງ ບຣູໄນ ດາຣູຊາລາມ ປະທານກອງປະຊຸມລັດຖະມົນຕີສະພາປະຊາຄົມວັດທະນະທໍາ-ສັງຄົມອາຊຽນ ຄັ້ງທີ 26; ກອງປະຊຸມຄັ້ງນີ້ ໄດ້ປຶກສາຫາລືບັນຫາຕ່າງໆຢ່າງກວ້າງຂວາງ ແລະ ສ້າງສັນ ໃນນັ້ນໄດ້ພິຈາລະນາຮັບຮອງບັນດາເອກະສານສໍາຄັນຂອງອາຊຽນ ທີ່ຂະ        ແໜງການກ່ຽວຂ້ອງພາຍໃຕ້ເສົາຄ້ໍາວັດທະນະທໍາສັງຄົມອາຊຽນ ໄດ້ຄົ້ນຄວ້າພິຈາລະນາລະອຽດ ເພື່ອສະເໜີໃຫ້ຜູ້ນໍາອາຊຽນຮັບຮອງ ແລະ ຮັບຊາບ ທີ່ ກອງປະຊຸມສຸດຍອດຜູ້ນໍາອາຊຽນ ຄັ້ງທີ 38 ແລະ ກອງປະຊຸມສຸດຍອດທີ່ກ່ຽວຂ້ອງ ຊຶ່ງບັນດາລັດຖະມົນຕີວັດທະນະທຳອາຊຽນ ຈະໄດ້ຮັບຮອງເອົາແຜນງານຮອບດ້ານ ວ່າດ້ວຍຄວາມຫວ່ງ​ໃຍດ້ານເສດຖະກິດ; ແຜນງານນະໂຍບາຍຍຸດທະສາດອາຊຽນ ວ່າດ້ວຍ ການສົ່ງເສີມຄວາມເຂົ້າໃຈໃຫ້ຫຼາຍຂຶ້ນ, ຄວາມອົດທົນ ແລະ ຄວາມຮູ້ສຶກຂອງວາລະພາກພື້ນຂອງປະຊາຊົນອາຊຽນ; ຖະແ​ຫຼງການຮ່ວມອາຊຽນ ວ່າດ້ວຍ ການປ່ຽນແປງດິນຟ້າອາກາດ ທີ່ຈະສະເໜີຕໍ່ກອງປະຊຸມລັດພາຄີ ຕໍ່ແຜນງານສົນທິສັນຍາສະຫະປະຊາຊາດ ດ້ານການປ່ຽນແປງດິນຟ້າອາກາດ ຄັ້ງທີ 26; ຖະແຫຼງການບານດາ ເສຣິ ເບກາວານ ວ່າດ້ວຍ ຄວາມສໍາຄັນຂອງສະຖາບັນຄອບຄົວ ເພື່ອການພັດທະນາປະຊາຄົມ ແລະ ສ້າງສາປະເທດຊາດ; ຖະແຫຼງການອາຊຽນ ວ່າດ້ວຍ ການສົ່ງເສີມແຮງງານ ເພື່ອການແຂ່ງຂັນ, ເຂັ້ມແຂງດ້ວຍຕົນເອງ ແລະ ຄ່ອງແຄ້ວ ຕໍ່ກັບວຽກງານໃນອະນາຄົດ; ຖະແຫຼງການຂອງຜູ້ນໍາອາຊຽນ ວ່າດ້ວຍ ການປະຕິຮູບ ແລະ ທາງເລືອກໃນການຜະລິດອາຫານ ແລະ ເຄື່ອງດື່ມເພື່ອສຸຂະພາບ ແລະ ຖະແຫຼງການວ່າດ້ວຍ ການລຶບລ້າງການຂົ່ມເຫັງເດັກນ້ອຍໃນອາຊຽນ.

ໃນກອງປະຊຸມ, ທ່ານ ນາງ ສວນສະຫວັນ ວິຍະເກດ  ໄດ້ກ່າວວ່າ: ມັນເປັນເລື່ອງທີ່ເຈັບປວດທີ່ຈະຍອມຮັບວ່າ ການລະບາດຂອງພະຍາດໂຄວິດ-19 ຈະບໍ່ສາມາດສິ້ນສຸດລົງໄດ້ງ່າຍ. ສະນັ້ນ, ອາຊຽນຕ້ອງເພີ່ມຄວາມພະຍາຍາມຂອງຕົນຂຶ້ນເປັນສອງເທົ່າ ເພື່ອຕອບໂຕ້ກັບສິ່ງທ້າທາຍທີ່ບໍ່ເຄີຍມີມາກ່ອນນີ້ ໂດຍຜ່ານການເຝົ້າລະວັງຢ່າງເຂັ້ມງວດ, ການກວດພົບເບື້ອງຕົ້ນ ແລະ ການສັກຢາປ້ອງກັນພະຍາດດັ່ງກ່າວແມ່ນປະເດັນທີ່ສໍາຄັນທີ່ສຸດ, ຕໍ່ບັນຫາທີ່ກ່າວມານີ້,  ສປປ ລາວ ໄດ້ປະຕິບັດຜັນຂະຫຍາຍໂຄງການສັກຢາກັນພະຍາດໃຫ້ແກ່ປະຊາຊົນຂອງຕົນ. ຮອດປັດຈຸບັນນີ້, ສປປ ລາວ ໄດ້ຮັບວັກຊິນປ້ອງກັນໂຄວິດ-19 ໄດ້ຈໍານວນ 4.419.060 ໂດສ ແລະ ໃນນັ້ນປະຊາຊົນລາວຫຼາຍ ກວ່າ 2,8 ລ້ານຄົນ ທີ່ມີອາຍຸລະຫວ່າງ 18 ຫາ 60 ປີໄດ້ສັກຢາເຂັມທີ 1 ແລະ ປະຊາຊົນຫຼາຍກວ່າ 1,9 ລ້ານຄົນ ໄດ້ຮັບວັກຊິນເຂັ້ມທີ 2 ແລະ ລັດຖະບານ ແຫ່ງ ສປປ ລາວ ຍັງໄດ້ວາງເປົ້າໝາຍການສັກຢາກັນພະຍາດດັ່ງກ່າວພາຍໃນປີ 2021 ນີ້ ຈະໃຫ້ໄດ້ 50% ຂອງປະຊາກອນລາວທັງໝົດ. ຕໍ່ບັນຫາດັ່ງກ່າວ, ສປປ ລາວ ສະແດງຄວາມຂອບໃຈຢ່າງຈິງ ໃຈ ມາຍັງບັນດາປະເທດສະມາຊິກອາຊຽນ, ຄູ່ເຈລະຈາອາຊຽນ ແລະ ອົງການຈັດຕັ້ງສາກົນ ທີ່ໄດ້ໃຫ້ການສະໜັບສະໜູນ ແລະ ການຊ່ວຍເຫຼືອອັນລ້ໍາຄ່າແກ່ ສປປ ລາວ ໃນເວລາທີ່ພົບພໍ້ຄວາມຫຍຸ້ງຍາກ ແລະ ພວມປະເຊີນຢູ່ໃນປັດຈຸບັນ ພວກເຮົາຈະສືບຕໍ່ ຕໍ່ສູ້ກັບພະຍາດໂຄວິດ-19 ແລະ ຜ່ານຜ່າມັນໄປນໍາກັນ, ສປປ ລາວ ໄດ້ຮັບວັກຊິນ, ຊຸດກວດພະຍາດ, ຜ້າປິດ ປາກ-ດັງ, ອຸປະກອນການແພດ ແລະ ຜູ້ຊ່ຽວຊານດ້ານການແພດ ຊຶ່ງມີຄວາມສໍາຄັນຫຼາຍໃນການປະກອບສ່ວນເຂົ້າໃນ ການຊ່ວຍເຫຼືອອໍານາດການປົກຄອງ ແລະ ຄະນະສະເພາະກິດແຫ່ງຊາດ ໃນການຕ້ານກັບການແຜ່ລະບາດຂອງພະຍາດໂຄວິດ -19. ພວກເຮົາຫວັງວ່າຈະໄດ້ຮັບການຊ່ວຍເຫຼືອຕື່ມອີກຈາກປະເທດສະມາຊິກອາຊຽນ, ຄູ່ເຈລະຈາອາຊຽນ ແລະ ອົງການຈັດຕັ້ງສາກົນ ໃນການຕໍ່ສູ້ກັບພະຍາດໂຄວິດ -19 ແລະ ເຮັດໃຫ້ພະຍາດໂຄວິດ -19 ສູນຫາຍອອກຈາກປະເທດ, ພາກພື້ນອາຊຽນ ກໍຄືໃນໂລກຂອງພວກເຮົາ.

ພ້ອມນີ້, ທ່ານລັດຖະມົນຕີ ຍັງໄດ້ຕີລາຄາສູງຕໍ່ບົດລາຍງານຜົນຂອງກອງປະຊຸມເຈົ້າໜ້າທີ່ອາວຸໂສວັດທະນະທໍາ-ສັງຄົມ ອາຊຽນ ຄັ້ງທີ 31 ໂດຍການສຸມໃສ່ສະຕິປັນຍາ ແລະ ເຫື່ອແຮງຂອງບັນດາເຈົ້າຫນ້າທີ່ອາວຸໂສປະຊາຄົມວັດທະນະທໍາສັງຄົມອາຊຽນ ແລະ ການສະໜັບສະໜູນຈາກກອງເລຂາອາຊຽນ ອັນໄດ້ເຮັດໃຫ້ກອງປະຊຸມລັດຖະມົນຕີສະພາປະຊາຄົມ ວັດທະນະທໍາ-ສັງຄົມອາຊຽນ ເປັນເວທີປຶກສາຫາລືທີ່ຈະເຕັມໄປດ້ວຍໝາກຜົນ ແລະ ທິດຊີ້ນໍາຍຸດທະສາດທີ່ມີຄວາມໝາຍສໍາຄັນເພື່ອນໍາໄປປະຕິບັດ ແລະ ຈັດຕັ້ງໃຫ້ປະກົດຜົນເປັນຈິງ. ໃນດ້ານຫຼັກການແລ້ວ, ສປປ ລາວ ເຫັນດີສະໜັບສະໜູນ ບັນດາເອກະສານອາຊຽນ ໂດຍສະເພາະເອກະສານທີ່ນອນຢູ່ໃນຂົງເຂດວຽກງານປະຊາຄົມວັດທະນະທໍາ-ສັງຄົມ ອາຊຽນ ປີ 2021 ນີ້, ສປປ ລາວ ຍິນດີຮັບຮອງເອົາບັນດາເອກະສານອາຊຽນທີ່ໄດ້ຮັບຮອງ ຈາກຂະແໜງການທີ່ກ່ຽວຂ້ອງໄປແລ້ວນັ້ນ ຊຶ່ງຈະໄດ້ນໍາສະເໜີໃຫ້ບັນດາທ່ານຜູ້ນໍາອາຊຽນພິຈາລະນາຮັບຮອງ ແລະ ຮັບຊາບທີ່ກອງປະຊຸມສຸດຍອດອາຊຽນຄັ້ງທີ 38 ແລະ ກອງປະຊຸມສຸດຍອດທີ່ກ່ຽວຂ້ອງທີ່ຈະມາເຖິງນີ້.

ຂ່າວ-ພາບ: ສົມຫວັງ


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com