ຫົວ​ຂໍ້ : ທ່ານ ທອງລຸນ ສີສຸລິດ ຕ້ອນຮັບ ຄະນະຜູ້ແທນ ສສ ຫວຽດນາມ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 11/02/2020 09:02:50 ຈຳ​ນວນ​ຜູ້​ເຂົ້າ​ຢ້ຽມ​ຊົມ 743 ຄັ້ງ

  ທ່ານ ທອງ​ລຸນ ສີ​ສຸ​ລິດ ນາຍົກລັດຖະມົນຕີ ໄດ້​ຕ້ອນ ຮັບ​ທ່ານ ສ​ຈ. ປອ ໂຕ​ເລິມ ກຳມະການ​ກົມ​ການເມືອງ​ສູນ​ກາງ​ພັກ ລັດຖະມົນຕີ​ກະຊວງ​ຕຳຫຼວດ ສສ ຫວຽດນາມ​ ເຂົ້າ​ຢ້ຽມ​ຂ່ຳ ນັບ​ໃນ​ວັນ​​ທີ 10 ກຸມພາ​ນີ້ ທີ່​ສຳນັກງານ​ນາຍົກ​ລັດ​ຖະ​ມົນ​ຕີ. ໃນ​ໂອກາດ​ທີ່​ທ່ານ​ພ້ອມ​ຄະນະ​ໄດ້​ເດີີນ​ທາງ​ມາ​ຢ້ຽມ​ຢາມ​ເຮັດ​ວຽກ​ຢູ່ ສປປ ລາວ​ແຕ່​ວັນ​ທີ 10-12 ກຸມ​ພາ.
  ທ່ານ​ນາຍົກລັດຖະມົນຕີ​ ໄດ້​ຊົມເຊີຍ ແລະ ຕີ​ລາຄາ​ສູງ​ຕໍ່​ທ່ານ​ລັດຖະມົນຕີ​ ພ້ອມ​ຄະນະ​ທີ່​ໄດ້​ເດີນທາງ​ມາ​ຢ້ຽມຢາມ ແລະ ເຮັດ​ວຽກ​ຢູ່ ສປປ ລາວ​ໃນ​ຄັ້ງ​ນີ້​ ຊຶ່ງ​ເປັນ​ການສະແດງ​ເຖິງ​ການ​ເສີມ​ສ້າງ​ສາຍ​ພົວພັນ​ມິດຕະພາບ​ອັນ​ເປັນ​ມູນເຊື້ອ, ຄວາມ​ສາມັກຄີ​ພິເສດ ແລະ ການ​ຮ່ວມ​ມື​ຮອບດ້ານ​ອັນ​ເປັນ​ມູນເຊື້ອ ​ລະຫວ່າງ ​ສອງ​ພັກ​ສອງ​ລັດ ແລະ ປະຊາຊົນ​ສອງ​ຊາດ​ລາວ​-​ຫວຽດນາມ ໂດຍ​ສະເພາະ​ການ​ພົວພັນ​ແລກປ່ຽນ​ຮ່ວມ​ມື​ລະຫວ່າງ​ສອງ​ກະຊວງ​ປ້ອງ​ກັນ​ຄວາມ​ສະຫງົບ ແລະ ກະຊວງ​ຕຳຫຼວດ ສສ ຫວຽດນາມ ໃຫ້​ໄດ້​ແຕກ​ດອກ​ອອກ​ຜົນ​ຍິ່ງໆ​ຂຶ້ນ.
  ທ່ານ​ລັດຖະມົນຕີ​ໄດ້​ສະ ແດງ​ຄວາມ​ຂອບໃຈ​ຕໍ່​ທ່ານ ​ນາຍົກລັດຖະມົນຕີ​ທີ່​ໄດ້​ໃຫ້ ການ​​ຕ້ອນຮັບ​ອັນ​ອົບ​ອຸ່ນ ແລະ ໄດ້​ແຈ້ງ​ຈຸດປະສົງ​ໃນ​ການ​ເດີນ ທາງ​ມາ​ຢ້ຽມຢາມ ແລະ ເຮັດ​ວຽກ​ຢູ່ ສປປ ລາວ​ ໃນ​ຄັ້ງ​ນີ້​ໃຫ້​ທ່ານ​ນາຍົກ​ຊາບ.
(ຂ່າວ+ພາບ: ທອງ​ດຳ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110