ຫົວ​ຂໍ້ : ທົບທວນຄືນຫຼັກສູດການສ້າງຄູ ຄັ້ງທີ 2

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 11/02/2020 09:33:55 ຈຳ​ນວນ​ຜູ້​ເຂົ້າ​ຢ້ຽມ​ຊົມ 457 ຄັ້ງ

ກອງ​ປະຊຸມ​ທົບ​ທວນຄືນ​ການຈັດຕັ້ງປະຕິບັດຫຼັກສູດສື່​ການ​ຮຽນ​ການ​ສອນ ​ຄັ້ງ​ທີ 2 ສຳ ລັບ​ພາກຮຽນ​ທີ 1 ປີ​ທີ 1 ໄລຍະທີ່​ ຜ່ານ​ມາ ຂຶ້ນ​ເມື່ອວັນ​ທີ 10 ກຸມ ພາຜ່ານ​ມາທີ່ນະຄອນຫຼວງວຽງ​ ຈັນ, ພາຍ​ໃຕ້​ການ​ເປັນປະ ທານ ຮ່ວມ​ຂອງ​ທ່ານ ນາງ  ຈັນທະໜອມ ທຳ​ມະ​ຈັກ ວ່າການຜູ້ອຳນວຍ ການສູນພັດທະນາ​ຄູ, ທ່ານ ນາງ ພອນ​ທິດາ ວົງໄຊ ຜູ້​ຮັບຜິດຊອບ​ແຜນ​ງານ (ຝ່າຍ​ການ​ສຶກສາ), ສະຖານທູດ​ອົສ​ຕຣາ​ລີ   ຊຶ່ງມີຄະ ນະ​ຮັບຜິດຊອບ​ພັດທະນາ​ຫຼັກ ສູດວິທະຍາໄລ​ຄູ, ກົມ​ສ້າງ​ຄູ, ສູນ​ພັດທະນາ​ຄູ, ຄະນະ​ສຶກສາ​ ສາດ ແລະ ສະ​ຖາ​ບັນ​ຄົ້ນ​ຄວ້າ​ ວິທະຍາສາດ​ການ​ສຶກສາເຂົ້າ​ຮ່ວມ.
ຈຸດປະສົງ​ຂອງ​ກອງປະຊຸມ​ ເພື່ອ​ທົບ​ທວນ, ກວດແກ້ ແລະ ສຳເລັດສື່ການຮຽນ​ການ​ສອນ​ສຳລັບ​ປີ​ທີ 1 ພາກຮຽນ​ທີ I ໂດຍ​ອີງໃສ່​ຄຳ​ຄິດ​ຄຳ​ເຫັນ​ຈາກ​ການ​ທົດ​ລອງ​ນຳ​ໃຊ້  ພາຍຫຼັງ​ການ​ຈັດການ​ຮຽນ-​ການ​ສອນ​ສຳເລັດ​ພາກຮຽນ I.  ຂະບວນ​ການ​ພັດທະນາ​ຫຼັກສູດ​ການ​ສ້າງ​ຄູ​ນີ້​ໄດ້​ທົບ​ທວນຄືນ​ ເພື່ອ​ການ​ຮຽນ​ຮູ້ ແລະ ປັບປຸງ​ຢ່າງ​ຕໍ່​ເນື່ອງ. ວິທະຍາໄລ​ຄູ​ທັງ 8 ແຫ່ງ ທີ່​ນຳ​ໃຊ້​ຫຼັກສູດການສ້າງຄູ​ສະ ບັບ​ປັບປຸງ​ໃໝ່ ແລະ ການຈັດ ຕັ້ງປະຕິບັດ​ນຳໃຊ້ສື່​ການຮຽນ​-ການ​ສອນ​ຫຼັກສູດໃໝ່ໄດ້ມີ​ ການ​ຕິດຕາມ​ຢ່າງ​ໃກ້ຊິດຢູ່​ວິທະ ຍາໄລ​ສອງ​ແຫ່ງ​ຄື: ວິທະຍາໄລ​ຄູ​ປາກ​ເຊ ແລະ ວິທະຍາໄລຄູ​ ດົງ​ຄຳ​ຊ້າງ. ກອງ​ປະຊຸມພັດທະ ນາ ແລະ ກວດແກ້​ຄືນ​ຫຼັກສູດ​ການ​ສ້າງ​ຄູໄດ້​ມີ​ການ​ກຳນົດ​ໄວ້​ຕະຫຼອດ​ສົກຮຽນ ເພື່ອ​ປັບປຸງ​ສື່​ການ​ຮຽນ​-ການ​ສອນ ໂດຍ​ອີງໃສ່​ປະສົບ​ການ ແລະ ການ​ຮຽນ​ຮູ້​ຈາກ​ທົດ​ລອງ​ນຳ​ໃຊ້​ສື່​ການ​ຮຽນ-ການ​ສອນ ແລະ ຄະ ນະທີ​ມ​ພັດທະນາ​ຫຼັກສູດ​ຈະ​ທົບ​ທວນຄືນ​ສື່​ການ​ຮຽນ​ການ​ສອນ​ ສຳລັບ 11 ລາຍ​ວິຊາທີ່​ສອນ​ໃນ​ປີ​ທີ 1 ພາກຮຽນ​ທີ I ຄື: ວິຊາ​ພາສາ​ລາວ, ວິຊາຄະນິດ ສາດ, ວິຊາ​ວິທະຍາສາດ ແລະ ສິ່ງແວດລ້ອມ, ພັດທະນາ​ການ​ເດັກ, ໄອ​ຊີ​ທີ, ສັງຄົມ​ສຶກສາ, ສິລະ​ປະ ແລະ ຫັດຖະກຳ, ຫຼັກ ສູດ​ຊັ້ນ​ປະຖົມ, ຄຸນສົມບັດ, ພະ ລະ​ສຶກສາ ແລະ ການ​ບໍລິຫານ​ໂຮງຮຽນ ແລະ ການ​ພັດທະນາ​ຊຸມ​ຊົນ.  ການ​ກວດແກ້​ຄືນ​ນັ້ນ​ຈະ​ອີງໃສ່​ຄຳ​ຄິດ​ຄຳ​ເຫັນ​ທົ່ວ​ໄປ ແລະ ຄຳ​ເຫັນ​ສະເພາະຂອງ​ ແຕ່​ລະວິຊາ​ຈາກ​ຄູ-ອາຈານສອນ ໂດຍ​ສະເພາະ​ແມ່ນ​ເນັ້ນ​ໃສ່​ຄຳ​ເຫັນ​ການ​ຖອດ​ຖອນ​ບົດຮຽນ​ຈາກ​ວິທະຍາໄລ​ຄູ​ສອງ​ແຫ່ງ. ຄຳ​ຄິດ​ຄຳ​ເຫັນ​ຂອງ​ເຂົາເຈົ້າ​ຈະ​ໄດ້​ຮັບ​ການ​ວິເຄາະ ແລະ ຮວບຮວມ​ເຂົ້າ​ໃນ​ສື່​ໃນ​ພາກ ຮຽນ  I. ເນື່ອງ​ຈາກ​ທີ​ມ​ພັດທະນາ​ຫຼັກສູດ​ກໍຍັງ​ແມ່ນ​ຄູ​-ອາຈານ​ສອນ, ພວກ​ເຂົາ​ກໍຈະ​ນຳ​ໃຊ້ປະ ສົບ​ການ​, ການ​ສອນ​ຂອງຕົນໃນ ​ພາກຮຽນ I ເພື່ອ​ແນະນຳ​ການ ​ປັບປຸງ​ກວດແກ້​ຄືນ​ຕໍ່​ໄປ ພ້ອມ​ນັ້ນ​ທີ​ມ​ງານ​ດັ່ງກ່າວ​ຍັງ​ຈະ​ໄດ້​ ອອກ​ແບບ​ວາງ​ແຜນ​ ເພື່ອ​ຮັບ ປະກັນ​ໃຫ້​ແກ່​ສື່​ການ​ຝຶກ​ອົບຮົມ​ຈະ​ສຳເລັດ​ເດືອນ​ມີ​ນາ. 
ພາຍຫຼັງ​ສົ່ງ​ຮ່າງ​ສະບັບ​ສຸດ​ທ້າຍ, ສື່​ຝຶກ​ອົບຮົມ​ຈະ​ຖືກ​ນຳ​ສະເໜີ​ໃຫ້​ທີ​ມ​ງານ​ກວດແກ້  ຊຶ່ງ​ມີກົມ​ສ້າງ​ຄູ ແລະ ພະນັກງານ​ຈາກ​ສູນ​ພັດທະນາ​ຄູ, ອາຈານ​ຈາກ​ວິທະຍາໄລ​ຄູ ແລະ ການ​ຄັດ​ເລືອກ​ທີ​ມ​ພັດທະນາ​ຫຼັກສູດ ເພື່ອ​ຮັບປະກັນ​ຄຸນນະພາບ ແລະ ການ​ດັດ​ແກ້. ສຸດ​ທ້າຍ, ຫຼັກສູດ​ດັ່ງກ່າວ​ຈະ​ຖືກ​ນຳ​ສະເໜີ​ໃຫ້​ຄະ ນະ​ສະພາ​ທີ່​ປຶກສາ​ດ້ານ​ວຽກ​ງານ​ສ້າງ​ຄູ​ແຫ່ງ​ຊາດ  ແລະ  ກົມ​ສ້າງ​ຄູ​ເພື່ອ​ຮັບ​ຮອງ ເມື່ອ​ສື່​ຖືກ​ຮັບຮອງ​ແລ້ວ, ສື່​ຈະ​ຖືກ​ສົ່ງ​ໄປ​ຂັ້ນ​ຕອນ​ສຸດ​ທ້າຍ​ຄື: ການ​ຈັດ​ໜ້າ​ເຈ້ຍ, ຈັດ​ພິມ ແລະ ແຈກຢາຍ​ ໃຫ້​ວິທະຍາໄລ​ຄູ 8 ແຫ່ງ ສຳລັບ​ ນັກ​ສຶກສາ​ປີ​ທີ 1 ຮຸ່ນ​ຕໍ່​ໄປຜູ້ທີ່​ ຈະ​ເລີ່ມ​ການ​ຝຶກ​ອົບຮົມ​ ໃນ​ເດືອນ​ກັນຍາ 2020. 
ການ​ຈັດ​ຕັັ້ງ​ປະຕິບັດ​ຫຼັກ ສູດ​ດັ່ງກ່າວ​ໂດຍ​ແມ່ນກະຊວງ ສຶກສາ​ທິ​ການ ແລະ ກິລາ ແລະ ໄດ້​ຮັບ​ການ​ສະໜັບສະໜູນຈາກ ລັດຖະບານ​ອົສ​ຕຣາ​ລີ  ແລະ ສະຫະພາບ​ເອີ​ຣົບ.
 (ຂ່າວ-ພາບ: ຕຸ​ໄລ​ເພັດ)
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110